PaliRoman Vol.3

[498] Tena samayena buddho bhagava savatthiyam viharati jetavane anathapindikassa arame . tena kho pana samayena chabbaggiya bhikkhuniyo udake uccarampi passavampi khelampi karonti . manussa ujjhayanti khiyanti vipacenti katham hi nama bhikkhuniyo udake uccarampi passavampi khelampi karissanti seyyathapi gihiniyo kamabhoginiyoti . assosum kho bhikkhuniyo tesam manussanam ujjhayantanam khiyantanam vipacentanam . ya ta bhikkhuniyo appiccha .pe. ta ujjhayanti khiyanti vipacenti katham hi nama chabbaggiya bhikkhuniyo udake uccarampi passavampi khelampi karissantiti. {498.1} Athakho ta bhikkhuniyo bhikkhunam etamattham arocesum. Bhikkhu bhagavato etamattham arocesum . athakho bhagava .pe. Bhikkhu patipucchi saccam kira bhikkhave chabbaggiya bhikkhuniyo udake uccarampi passavampi khelampi karontiti. Saccam bhagavati. {498.2} Vigarahi buddho bhagava katham hi nama bhikkhave chabbaggiya bhikkhuniyo udake uccarampi passavampi khelampi karissanti netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {498.3} na udake uccaram va passavam va khelam va karissamiti sikkha Karaniyati. {498.4} Evancidam bhagavata bhikkhuninam sikkhapadam pannattam hoti. [499] Tena kho pana samayena gilana bhikkhuniyo udake uccarampi passavampi khelampi katum kukkuccayanti . bhagavato etamattham arocesum . anujanami bhikkhave gilanaya bhikkhuniya udake uccarampi passavampi khelampi katum . evanca pana bhikkhave bhikkhuniyo imam sikkhapadam uddisantu na udake agilana uccaram va passavam va khelam va karissamiti sikkha karaniyati. [500] Na udake agilanaya uccaro va passavo va khelo va katabbo ya anadariyam paticca udake agilana uccaram va passavam va khelam va karoti apatti dukkatassa. [501] Anapatti asancicca asatiya ajanantiya gilanaya thale kato udakam ottharati apadasu ummattikaya khittacittaya vedanattaya adikammikayati.

The Pali Tipitaka in Roman Character Volume 3 page 265-266. https://84000.org/tipitaka/read/roman_read.php?B=3&A=5366&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=5366&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=498&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=128 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3