|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
| ThaiVersion McuVersion PaliThai PaliRoman |
TIPITAKA Volume 31 : PALI ROMAN Sutta Pitaka Vol 23 : Sutta. Khu. Paṭisambhidāmaggo
Pannavagge satipatthanakatha savatthiparipunnanidanam [726] [2]- Cattarome bhikkhave satipatthana katame cattaro idha bhikkhave bhikkhu kaye kayanupassi viharati atapi sampajano satima vineyya loke abhijjhadomanassam vedanasu .pe. citte dhammesu dhammanupassi viharati atapi sampajano satima vineyya loke abhijjhadomanassam ime kho bhikkhave cattaro satipatthanati. [727] Katham kaye kayanupassi viharati . idhekacco pathavikayam aniccato anupassati no niccato dukkhato anupassati no sukhato anattato anupassati no attato nibbindati no nandati virajjati no rajjati nirodheti no samudeti patinissajjati no @Footnote: 1 Ma. sankilesasisanca. 2 Ma. savatthinidanam. Adiyati aniccato anupassanto niccasannam pajahati dukkhato anupassanto sukhasannam pajahati anattato anupassanto attasannam pajahati nibbindanto nandim pajahati virajjanto ragam pajahati nirodhento samudayam pajahati patinissajjanto adanam pajahati imehi sattahakarehi kayam anupassati kayo upatthanam no sati sati upatthanam ceva sati ca taya satiya tena nanena tam kayam anupassatiti tena vuccati kaye kayanupassana satipatthanabhavana 1-. {727.1} Bhavanati catasso bhavana tattha jatanam dhammanam anativattanatthena bhavana indriyanam ekarasatthena bhavana tadupagaviriyavahanatthena bhavana asevanatthena bhavana idhekacco apokayam tejokayam vayokayam kesakayam lomakayam chavikayam cammakayam mamsakayam [2]- naharukayam atthikayam atthiminjakayam aniccato anupassati no niccato dukkhato anupassati no sukhato anattato anupassati no attato nibbindati no nandati virajjati no rajjati nirodheti no samudeti patinissajjati no adiyati aniccato anupassanto niccasannam pajahati dukkhato anupassanto sukhasannam pajahati anattato anupassanto attasannam pajahati nibbindanto nandim pajahati virajjanto ragam pajahati nirodhento samudayam pajahati patinissajjanto adanam @Footnote: 1 Ma. kayanupassanasatipatthana. evamidisesu thanesu. 2 Ma. Yu. rudhirakayam. Pajahati imehi sattahi akarehi kayam anupassati kayo upatthanam no sati sati upatthanam ceva sati ca taya satiya tena nanena tam kayam anupassatiti 1- tena vuccati kaye kayanupassana satipatthanabhavana. {727.2} Bhavanati catasso bhavana .pe. Asevanatthena bhavana .pe. Evam kaye kayanupassi viharati. [728] Katham vedanasu vedananupassi viharati . idhekacco sukham vedanam aniccato anupassati no niccato .pe. patinissajjati no adiyati aniccato anupassanto niccasannam pajahati .pe. Patinissajjanto adanam pajahati imehi sattahakarehi vedanam anupassati vedana upatthanam no sati sati upatthanam ceva sati ca taya satiya tena nanena tam vedanam anupassatiti tena vuccati vedanasu vedananupassana satipatthanabhavana. {728.1} Bhavanati catasso bhavana .pe. Asevanatthena bhavana .pe. idhekacco dukkham vedanam .pe. adukkhamasukham vedanam cakkhusamphassajam vedanam sotasamphassajam vedanam ghanasamphassajam vedanam .pe. patinissajjanto adanam pajahati imehi sattahakarehi vedanam anupassati vedana upatthanam no sati sati upatthanam ceva sati ca taya satiya tena nanena tam vedanam anupassatiti tena vuccati vedanasu vedananupassana satipatthanabhavana. @Footnote: 1 Ma. itisaddo na dissati. evamidisesu padesu. {728.2} Bhavanati catasso bhavana .pe. asevanatthena bhavana .pe. Evam vedanasu vedananupassi viharati. [729] Katham citte cittanupassi viharati . idhekacco saragam cittam aniccato anupassati no niccato .pe. patinissajjati no adiyati aniccato anupassanto niccasannam pajahati .pe. Patinissajjanto adanam pajahati imehi sattahakarehi cittam anupassati cittam upatthanam no sati sati upatthanam ceva sati ca taya satiya tena nanena tam cittam anupassatiti tena vuccati citte cittanupassana satipatthanabhavana. {729.1} Bhavanati catasso bhavana .pe. asevanatthena bhavana .pe. idhekacco vitaragam cittam sadosam cittam vitadosam cittam samoham cittam vitamoham cittam sankhittam cittam vikkhittam cittam mahaggatam cittam amahaggatam cittam sauttaram cittam anuttaram cittam samahitam cittam asamahitam cittam vimuttam cittam avimuttam cittam cakkhuvinnanam sotavinnanam ghanavinnanam jivhavinnanam kayavinnanam manovinnanam aniccato anupassati no niccato .pe. patinissajjati no adiyati aniccato anupassanto niccasannam pajahati .pe. patinissajjanto adanam pajahati imehi sattahakarehi cittam anupassati cittam upatthanam no sati sati upatthanam ceva sati ca taya satiya Tena nanena tam cittam anupassatiti tena vuccati citte cittanupassana satipatthanabhavana. {729.2} Bhavanati catasso bhavana .pe. asevanatthena bhavana .pe. Evam citte cittanupassi viharati. [730] Katham dhammesu dhammanupassi viharati . Idhekacco thapetva kayam thapetva vedanam thapetva cittam tadavasese dhamme aniccato anupassati no niccato dukkhato anupassati no sukhato anattato anupassati no attato nibbindati no nandati virajjati no rajjati nirodheti no samudeti patinissajjati no adiyati aniccato anupassanto niccasannam pajahati dukkhato anupassanto sukhasannam pajahati anattato anupassanto attasannam pajahati nibbindanto nandim pajahati virajjanto ragam pajahati nirodhento samudayam pajahati patinissajjanto adanam pajahati imehi sattahakarehi dhamme anupassati dhamma upatthanam no sati sati upatthanam ceva sati ca taya satiya tena nanena te dhamme anupassatiti tena vuccati dhammesu dhammanupassana satipatthanabhavana. {730.1} Bhavanati catasso bhavana tattha jatanam dhammanam anativattanatthena bhavana indriyanam ekarasatthena bhavana tadupagaviriyavahanatthena bhavana asevanatthena bhavana .pe. Evam dhammesu dhammanupassi viharatiti. Satipatthanakatha nitthita. ---------------The Pali Tipitaka in Roman Character Volume 31 page 622-627. https://84000.org/tipitaka/read/roman_read.php?B=31&A=12511&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=31&A=12511&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=31&item=726&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=31&siri=87 Study Atthakatha :- https://84000.org/tipitaka/attha/attha.php?b=31&i=726 The Pali Atthakatha in Thai :- https://84000.org/tipitaka/atthapali/read_th.php?B=48&A=8222 The Pali Atthakatha in Roman :- https://84000.org/tipitaka/atthapali/read_rm.php?B=48&A=8222 Contents of The Tipitaka Volume 31 https://84000.org/tipitaka/read/?index_31 https://84000.org/tipitaka/english/?index_31
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]