|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
| ThaiVersion McuVersion PaliThai PaliRoman |
TIPITAKA Volume 31 : PALI ROMAN Sutta Pitaka Vol 23 : Sutta. Khu. Paṭisambhidāmaggo
[77] Katham ime dhamma sacchikatabbati sotavadhanam tampajanana panna sutamaye nanam eko dhammo sacchikatabbo akuppa cetovimutti dve dhamma sacchikatabba vijja ca vimutti ca tayo dhamma sacchikatabba tisso vijja cattaro dhamma sacchikatabba cattari samannaphalani panca dhamma sacchikatabba panca dhammakkhandha cha dhamma sacchikatabba cha abhinna satta dhamma sacchikatabba satta khinasavabalani attha dhamma sacchikatabba attha vimokkha nava dhamma sacchikatabba nava anupubbanirodha dasa dhamma sacchikatabba dasa asekkha dhamma. [78] Sabbam bhikkhave sacchikatabbam kinca bhikkhave sabbam sacchikatabbam cakkhum bhikkhave sacchikatabbam rupa sacchikatabba cakkhuvinnanam sacchikatabbam cakkhusamphasso sacchikatabbo yampidam cakkhusamphassapaccaya uppajjati vedayitam sukham va dukkham va adukkhamasukham va tampi sacchikatabbam sotam sacchikatabbam sadda sacchikatabba .pe. ghanam sacchikatabbam gandha sacchikatabba jivha sacchikatabba rasa sacchikatabba kayo sacchikatabbo photthabba sacchikatabba mano sacchikatabbo dhamma sacchikatabba manovinnanam sacchikatabbam manosamphasso--------------------------------------------------------------------------------------------- page51.
Sacchikatabbo yampidam manosamphassapaccaya uppajjati vedayitam sukham va dukkham va adukkhamasukham va tampi sacchikatabbam. {78.1} Rupam passanto sacchikaroti vedanam passanto sacchikaroti sannam passanto sacchikaroti sankhare passanto sacchikaroti vinnanam passanto sacchikaroti cakkhum .pe. jaramaranam amatogadham nibbanam pariyosanatthena passanto sacchikaroti ye ye dhamma sacchikata honti te te dhamma phusita 1- honti tam natatthena nanam pajananatthena panna tena vuccati ime dhamma sacchikatabbati sotavadhanam tampajanana panna sutamaye nanam. {78.2} Katham ime dhamma hanabhagiya ime dhamma thitibhagiya ime dhamma visesabhagiya ime dhamma nibbedhabhagiyati sotavadhanam tampajanana panna sutamaye nanam pathamajjhanassa labhim kamasahagata sannamanasikara samudacaranti hanabhagiyo dhammo tadanudhammata sati santitthati thitibhagiyo dhammo avitakkasahagata sannamanasikara samudacaranti visesabhagiyo dhammo nibbidasahagata sannamanasikara samudacaranti viragupasanhita nibbedhabhagiyo dhammo dutiyajjhanassa labhim vitakkasahagata sannamanasikara samudacaranti hanabhagiyo dhammo tadanudhammata sati santitthati thitibhagiyo dhammo upekkhasukhasahagata sannamanasikara samudacaranti @Footnote: 1 Ma. Yu. phassita.--------------------------------------------------------------------------------------------- page52.
Visesabhagiyo dhammo nibbidasahagata sannamanasikara samudacaranti viragupasanhita nibbedhabhagiyo dhammo tatiyajjhanassa labhim pitisukhasahagata sannamanasikara samudacaranti hanabhagiyo dhammo tadanudhammata sati santitthati thitibhagiyo dhammo adukkhamasukhasahagata sannamanasikara samudacaranti visesabhagiyo dhammo nibbidasahagata sannamanasikara samudacaranti viragupasanhita nibbedhabhagiyo dhammo catutthajjhanassa labhim upekkhasukhasahagata 1- sannamanasikara samudacaranti hanabhagiyo dhammo {78.3} tadanudhammata sati santitthati thitibhagiyo dhammo akasanancayatanasahagata sannamanasikara samudacaranti visesabhagiyo dhammo nibbidasahagata sannamanasikara samudacaranti viragupasanhita nibbedhabhagiyo dhammo akasanancayatanassa labhim rupasahagata sannamanasikara samudacaranti hanabhagiyo dhammo tadanudhammata sati santitthati thitibhagiyo dhammo vinnanancayatana- sahagata sannamanasikara samudacaranti visesabhagiyo dhammo nibbidasahagata sannamanasikara samudacaranti viragupasanhita nibbedhabhagiyo dhammo vinnanancayatanassa labhim akasanancayatana- sahagata sannamanasikara samudacaranti hanabhagiyo dhammo tadanudhammata sati santitthati thitibhagiyo dhammo akincannayatanasahagata sannamanasikara samudacaranti visesabhagiyo dhammo nibbidasahagata @Footnote: 1 Ma. upekkhasahagata.--------------------------------------------------------------------------------------------- page53.
Sannamanasikara samudacaranti viragupasanhita nibbedhabhagiyo dhammo akincannayatanassa labhim vinnanancayatanasahagata sannamanasikara samudacaranti hanabhagiyo dhammo tadanudhammata sati santitthati thitibhagiyo dhammo nevasannanasannayatanasahagata sannamanasikara samudacaranti visesabhagiyo dhammo nibbidasahagata sannamanasikara samudacaranti viragupasanhita nibbedhabhagiyo dhammo tam natatthena nanam pajananatthena panna tena vuccati ime dhamma hanabhagiya ime dhamma thitibhagiya ime dhamma visesabhagiya ime dhamma nibbedhabhagiyati sotavadhanam tampajanana panna sutamaye nanam.The Pali Tipitaka in Roman Character Volume 31 page 50-53. https://84000.org/tipitaka/read/roman_read.php?B=31&A=973&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=31&A=973&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=31&item=77&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=31&siri=9 Study Atthakatha :- https://84000.org/tipitaka/attha/attha.php?b=31&i=77 The Pali Atthakatha in Thai :- https://84000.org/tipitaka/atthapali/read_th.php?B=47&A=3281 The Pali Atthakatha in Roman :- https://84000.org/tipitaka/atthapali/read_rm.php?B=47&A=3281 Contents of The Tipitaka Volume 31 https://84000.org/tipitaka/read/?index_31 https://84000.org/tipitaka/english/?index_31
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]