ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1)

                              Chattham bakkulattherapadanam (396)
     [398] |398.390| Himavantassavidure     sobhito nama pabbato
                           assamo sukato mayham      sakasissehi mapito.
      |398.391| Mandapa ca bahu tattha      pupphita sinduvarita 2-
                           kapittha 3- ca bahu tattha campaka 4- nagaketaka.
      |398.392| Nigundiyo bahu tattha       badaramalakapi 5- ca
                           pharusaka alabu ca        pundarika ca pupphita.
@Footnote: 1 Po. sacchikata. 2 Ma. Yu. sinduvaraka. 3 Yu. kapittham ca bahum tattha.
@4 Ma. Yu. pupphita jivajivaka. 5 Ma. Yu. badaramalakani ca.
      |398.393| Alakka beluva tattha     kadali matulungaka
                           mahanama bahu tattha    ajjuna ca piyanguka.
      |398.394| Kosumbha 1- salala nipa nigrodha ca kapitthana
                           ediso assamo mayham    sasissoham tahim 2- vasim.
      |398.395| Anomadassi bhagava          sayambhu lokanayako
                           gavesam patisallanam         mamassamam upagami.
      |398.396| Upetanca 3- mahaviram      anomadassim mahayasam
                           khanena lokanathassa       vatabadho samutthahi.
      |398.397| Vicaranto arannamhi       addasam lokanayakam
                           upagantvana sambuddham   cakkhumantam mahayasam.
      |398.398| Iriyapathanca 4- disvana upalakkhesaham tada
                           nissamsayam 5- hi buddhassa byadhino upapajjatha.
      |398.399| Khippam assamamaganchim      mama sissana santike
                           bhesajjam kattukamoham     sissam 6- amantayim tada.
      |398.400| Patisunitvana me vakyam   sissa sabbe sagarava
                           ekajjham sannipatimsu       satthu garavata mama.
      |398.401| Khippam pabbatamaruyha      sabbosathamakasaham 7-
                           paniyayogam katvana       buddhasetthassadasaham.
      |398.402| Paribhutte 8- mahavire      sabbannulokanayake
                           khippam vato vupasami        sugatassa mahesino.
@Footnote: 1 Ma. kosamba salala nimba. 2 tada. 3 Ma. upetamhi mahavire anomadassimahayase.
@4 Ma. Yu. iriyancapi disvana. 5 Ma. Yu. asamsayam. 6 Ma. Yu. sisse.
@7 Ma. sabbosadhamahasaham. 8 Yu. paribhutto mahaviro sabbannulokanayako.
      |398.403| Passaddham daratham disva       anomadassi mahayaso
                           sakasane nisiditva       ima gatha abhasatha.
      |398.404| Yo me adasi 1- bhesajjam byadhinca samayi 2- mama
                           tamaham kittayissami       sunatha mama bhasato.
      |398.405| Kappasatasahassani          devaloke ramissati
                           vadite turiye tattha        modissati sada ayam.
      |398.406| Manussalokamagantva     sukkamulena codito
                           sahassakkhattum rajapi     cakkavatti bhavissati.
      |398.407| Pancapannasakappamhi  anomi 3- nama khattiyo
                           caturanto vijitavi         jambudipassa 4- issaro.
      |398.408| Sattaratanasampanno         cakkavatti mahabbalo
                           tavatimsehi 5- khobhetva issaram karayissati.
      |398.409| Devabhuto manusso va       appabadho bhavissati
                           paridaham 6- vivajjetva  byadhim loke tarissati.
      |398.410| Aparimeyye ito kappe    okkakakulasambhavo
                           gotamo nama namena 7-  sattha loke bhavissati.
      |398.411| Tassa dhammesu dayado    oraso dhammanimmito
                           sabbasave parinnaya   nibbayissatinasavo.
      |398.412| Kilese jhapayitvana       tanhasotam tarissati
                           bakkulo 8- nama namena hessati satthusavako.
@Footnote: 1 Ma. Yu. padasi. 2 Yu. samayi mayi. 3 Ma. anomo .... Yu. anoma ....
@4 Ma. jambumandassa. Yu. jambusandassa. 5 Ma. tavatimsepi. Yu. tavatimseto.
@6 Ma. Yu. pariggaham. 7 Ma. gottena. 8 Ma. baluko. sabbattha idisameva.
      |398.413| Idam sabbam abhinnaya     gotamo sakyapungavo
                           bhikkhusanghe nisiditva     etadagge thapessati.
      |398.414| Anomadassi bhagava          sayambhu lokanayako
                           vivekamanulokento        mamassamam upagami.
      |398.415| Upagatam mahaviram             sabbannum lokanayakam
                           sabbosathena tappesim     pasanno sehi panibhi.
      |398.416| Tassa me sukatam kammam        sukhette bijasampada
                           khepetum neva sakkomi       tada hi sukatam mama.
      |398.417| Labha mama suladdham me      yoham addakkhi nayakam
                           tena kammavasesena       pattomhi acalam padam.
      |398.418| Sabbametam abhinnaya     gotamo sakyapungavo
                           bhikkhusanghe nisiditva     etadagge thapesi mam.
      |398.419| Aparimeyye ito kappe    yam kammamakarim tada
                           duggatim nabhijanami      bhesajjassa idam phalam.
      |398.420| Kilesa jhapita mayham     bhava sabbe samuhata
                           sabbasavaparikkhino 1-  natthidani punabbhavo.
      |398.421| Svagatam vata me asi        mama buddhassa santike
                           tisso vijja anuppatta     katam buddhassa sasanam.
      |398.422| Patisambhida catasso       vimokkhapica atthime
                           chalabhinna sacchikata    katam buddhassa sasananti.
@Footnote: 1 Ma. ... parikkhina.
        Ittham sudam ayasma bakkulo thero ima gathayo
abhasitthati.
                              Bakkulattherassa apadanam samattam.



             The Pali Tipitaka in Roman Character Volume 32 page 516-520. https://84000.org/tipitaka/read/roman_read.php?B=32&A=10184&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=32&A=10184&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=32&item=398&items=1              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=32&siri=398              Study Atthakatha :- https://84000.org/tipitaka/attha/attha.php?b=32&i=398              The Pali Atthakatha in Thai :- https://84000.org/tipitaka/atthapali/read_th.php?B=50&A=5331              The Pali Atthakatha in Roman :- https://84000.org/tipitaka/atthapali/read_rm.php?B=50&A=5331              Contents of The Tipitaka Volume 32 https://84000.org/tipitaka/read/?index_32 https://84000.org/tipitaka/english/?index_32

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]