บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Sattamam girimanandattherapadanam (397) [399] |399.423| Bhariya me kalam kata putto sivathikam gato mata 1- pita ca bhata ca ekacitamhi 2- dayhare. |399.424| Tena sokena santatto kiso pandu ahosaham cittukkhepanca 3- me asi tena sokena addito. |399.425| Sokasallaparetopi 4- vanantam upasankamim pavattaphalam bhunjitva rukkhamule vasamaham. |399.426| Sumedho nama sambuddho dukkhassantam karo jino mamuddharitukamo so aganchi mama santike 5-. |399.427| Padasaddam sunitvana sumedhassa mahesino paggahetvanaham sisam olokesim mahamunim. |399.428| Upaganchi 6- mahaviro piti me upapajjatha tadasi mekaggamano disva tam lokanayakam. |399.429| Satim patilabhitvana pannamutthim adasaham nisidi bhagava tattha anukampaya cakkhuma. @Footnote: 1 Ma. mata pita mata bhata. 2 Yu. ekacitakamhi .... 3 Ma. cittakkhepo ca .... @4 Ma. Yu. sokasallaparetoham. 5 Ma. santikam. 6 Ma. upagate mahavire.--------------------------------------------------------------------------------------------- page521.
|399.430| Nisajja tattha bhagava sumedho lokanayako dhammam me kathayi buddho sokasallavinodanam. |399.431| Anavhata 1- tato aga 2- nanunnata ito gata yatha gata tatha gata tattha ka paridevana. |399.432| Yathapi pattika 3- satta vassamanaya vutthiya sabhatte 4- upagacchanti vassaya 5- patanaya te. |399.433| Vasseva 6- te oramite sampayanti yadicchakam evam mata pita tuyham tattha ka paridevana. |399.434| Agantuka pahunaka caliteditakampika 7- evam mata pita tuyham tattha ka paridevana. |399.435| Yathapi urago jinnam hitva gacchati santanum 8- evam mata pita tuyham santanum idha hiyyare. |399.436| Buddhassa giramannaya sokasallam vivajjayim pamujjam janayitvana buddhasettham avandaham. |399.437| Vanditvana mahanagam girimanjari 9- pujayi dibbagandhena sampannam sumedham lokanayakam. |399.438| Pujayitvana sambuddham sire katvana anjalim anussaram gunaggani santhavim lokanayakam. |399.439| Vitinnosi 10- mahavira sabbannu lokanayako sabbe satte uddharesi nanena tvam mahamune. @Footnote: 1 Ma. anavhita. 2 Ma. Yu. agum. 3 Ma. Yu. pathika. 4 Ma. Yu. sabhanda. @5 Ma. Yu. vassassapatanaya .... 6 Yu. vasse ete. 7 Ma. Yu. caliteritakampita. @8 Ma. sam tacam .... 9 Yu. girapanjalim. 10 Ma. Yu. nittinnosi.--------------------------------------------------------------------------------------------- page522.
|399.440| Vimatim dvelhakam vapi sanchindasi mahamune patipadesi me maggam tava nanena cakkhuma. |399.441| Araha siddhipatta 1- ca chalabhinna mahiddhika antalikkhacara dhira parivarenti tavade. |399.442| Patipanna ca sekha ca phalattha santi savaka. Surodayeva paduma pupphanti tava savaka. |399.443| Mahasamuddo vakkhobbho atulopi duruttaro evam nanena sampanno appameyyosi cakkhuma. |399.444| Vanditvaham lokajinam cakkhumantam mahayasam catuddisa 2- namassanto patikutiko aganchaham. |399.445| Devaloka cavitvana sampajano patissato okkamim matuya kucchim sandhavanto bhavabhave. |399.446| Agara abhinikkhamma pabbajim anagariyam atapi nipako capi patisallanagocaro. |399.447| Padhanam padahitvana tosayitva mahamunim candovabbhaghana mutto vicarami aham sada 3-. |399.448| Vivekamanuyuttomhi upasanto nirupadhi sabbasave parinnaya viharami anasavo. |399.449| Timsakappasahassamhi yam buddhamabhipujayim duggatim nabhijanami buddhapujayidam phalam. @Footnote: 1 Ma. ... vasipatta ca. 2 Ma. Yu. puthudisa. 3 Yu. tada.--------------------------------------------------------------------------------------------- page523.
|399.450| Kilesa jhapita mayham bhava sabbe samuhata sabbasava parikkhina natthidani punabbhavo. |399.451| Svagatam vata me asi mama buddhassa santike tisso vijja anuppatta katam buddhassa sasanam. |399.452| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma girimanando thero ima gathayo abhasitthati. Girimanandattherassa apadanam samattam.The Pali Tipitaka in Roman Character Volume 32 page 520-523. https://84000.org/tipitaka/read/roman_read.php?B=32&A=10263&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=32&A=10263&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=32&item=399&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=32&siri=399 Study Atthakatha :- https://84000.org/tipitaka/attha/attha.php?b=32&i=399 The Pali Atthakatha in Thai :- https://84000.org/tipitaka/atthapali/read_th.php?B=50&A=5375 The Pali Atthakatha in Roman :- https://84000.org/tipitaka/atthapali/read_rm.php?B=50&A=5375 Contents of The Tipitaka Volume 32 https://84000.org/tipitaka/read/?index_32 https://84000.org/tipitaka/english/?index_32
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]