PaliRoman Vol.33

page64.

Navamam vediyakarakattherapadanam ^1- (449) [39] |39.60| Padumuttarassa buddhassa bodhiya padaputtame vediyam sukatam katva sakam cittam pasadayim. |39.61| Aggolarani ^2- bhandani katani akatani ca antalikkha pavassanti vedikaya idam phalam. |39.62| Ubhato byulhasangame pakkhandanto bhayanake bhayabheravam na passami vedikaya idam phalam. |39.63| Mama sankappamannaya byamham nibbattate subham sayanani mahagghani vedikaya idam phalam. |39.64| Satasahasse ito kappe yam vedikamakarayim duggatim nabhijanami vedikaya idam phalam. |39.65| Kilesa jhapita mayham bhava sabbe samuhata nagova bandhanam chetva viharami anasavo. |39.66| Svagatam vata me asi mama buddhassa santike tisso vijja anuppatta katam buddhassa sasanam. |39.67| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma vediyakarako thero ima gathayo abhasitthati. Vediyakarakattherassa apadanam samattam. @Footnote: ¹ Ma. Yu. vedikaratthera .... ² Ma. atolarani. Yu. atholarani.

The Pali Tipitaka in Roman Character Volume 33 page 64. https://84000.org/tipitaka/read/roman_read.php?B=33&A=1258&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=1258&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=39&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=39 Study Atthakatha :- https://84000.org/tipitaka/attha/attha.php?b=33&i=39 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33