|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 33 : PALI ROMAN Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ
Pancamam nandakattherapadanam (545) [135] |135.143| Padumuttaro nama jino sabbadhammesu cakkhuma ito satasahassamhi kappe uppajji nayako. |135.144| Hitaya sabbasattanam sukhaya vadatam varo atthaya purisajanno patipanno sadevake. |135.145| Yasaggapatto sirima kittivannabhato jino pujito sabbalokassa disa sabba suvissuto. |135.146| Uttinnavicikiccho so vitivattakathamkatho paripunnamanasankappo patto sambodhimuttamam. |135.147| Anuppannassa maggassa uppadeta naruttamo anakkhatanca akkhasi asanjatanca sanjani. |135.148| Maggannu maggavidu ca maggakkhayi narasabho maggassa kusalo sattha sarathinam naruttamo. |135.149| Tada mahakaruniko dhammam desesi nayako nimugge mohapankamhi 1- samuddharati panino. |135.150| Bhikkhuninam ovadane savakam jetthasammatam 2- vannayam etadaggamhi pannapesi mahamuni. |135.151| Tam sutvaham pamudito nimantetva tathagatam bhojayitva sasanghantam patthayim thanamuttamam. |135.152| Tada pamudito natho mam avoca mahaisi sukhi bhavassu dighayu 3- lacchasetam manoratham. |135.153| Satasahasse ito kappe okkakakulasambhavo gotamo nama namena sattha loke bhavissati. |135.154| Tassa dhammesu dayado oraso dhammanimmito nandako nama namena hessati satthusavako. |135.155| Tena kammena sukatena cetanapanidhihi ca jahitva manusam deham tavatimsam 4- aganchaham. |135.156| Pacchime ca bhave dani jato setthikule aham savatthiyam puravare iddhe phite mahaddhane. |135.157| Purappavese sugatam disva vimhitamanaso jetaramapatiggahe pabbajim anagariyam. @Footnote: 1 Ma. kamapankamhi. 2 Ma. Yu. setthasammatam. 3 Ma. dighavu. 4 Ma. Yu. @tavatimsupago aham. |135.158| Na cireneva kalena arahattam apapunim tatoham tinnasamsaro sasito sabbadassina. |135.159| Bhikkhuninam dhammakatham paripuccha karim aham sasita ta maya sabba abhavimsu anasava. |135.160| Satani pancanunani tada tuttho mahahito bhikkhuninam ovadatam aggatthane thapesi mam. |135.161| Satasahasse katam kammam phalam dassesi me idha sumutto saravegova kilesa jhapita mama. |135.162| Kilesa jhapita mayham bhava sabbe samuhata nagova bandhanam chetva viharami anasavo. |135.163| Svagatam vata me asi mama buddhassa santike tisso vijja anuppatta katam buddhassa sasanam. |135.164| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma nandako thero ima gathayo abhasitthati. Nandakattherassa apadanam samattam.The Pali Tipitaka in Roman Character Volume 33 page 234-236. https://84000.org/tipitaka/read/roman_read.php?B=33&A=4694&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=4694&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=135&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=135 Study Atthakatha :- https://84000.org/tipitaka/attha/attha.php?b=33&i=135 The Pali Atthakatha in Thai :- https://84000.org/tipitaka/atthapali/read_th.php?B=50&A=6786 The Pali Atthakatha in Roman :- https://84000.org/tipitaka/atthapali/read_rm.php?B=50&A=6786 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]