|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 35 : PALI ROMAN Sutta Pitaka Vol 27 : Abhi. Vibhaṅgo
Bojjhangavibhango [542] Satta bojjhanga satisambojjhango dhammavicayasambojjhango viriyasambojjhango pitisambojjhango passaddhisambojjhango samadhisambojjhango upekkhasambojjhango. [543] Tattha katamo satisambojjhango idha bhikkhu satima hoti paramena satinepakkena samannagato cirakatampi cirabhasitampi sarita anussarita ayam vuccati satisambojjhango . so tathasato viharanto tam dhammam pannaya vicinati pavicinati parivimamsam apajjati ayam vuccati dhammavicayasambojjhango . tassa tam dhammam pannaya vicinato pavicinato parivimamsam apajjato araddham hoti viriyam asallinam ayam vuccati viriyasambojjhango . araddhaviriyassa uppajjati piti niramisa ayam vuccati pitisambojjhango . pitimanassa kayopi passambhati cittampi passambhati ayam vuccati passaddhisambojjhango . Passaddhakayassa sukhino cittam samadhiyati ayam vuccati samadhisambojjhango.--------------------------------------------------------------------------------------------- page307.
So tathasamahitam cittam sadhukam ajjhupekkhita hoti ayam vuccati upekkhasambojjhango. [544] Satta bojjhanga satisambojjhango dhammavicayasambojjhango viriyasambojjhango pitisambojjhango passaddhisambojjhango samadhisambojjhango upekkhasambojjhango. [545] Tattha katamo satisambojjhango atthi ajjhattam dhammesu sati atthi bahiddha dhammesu sati . yadapi ajjhattam dhammesu sati tadapi satisambojjhango abhinnaya sambodhaya nibbanaya samvattati . yadapi bahiddha dhammesu sati tadapi satisambojjhango abhinnaya sambodhaya nibbanaya samvattati. [546] Tattha katamo dhammavicayasambojjhango atthi ajjhattam dhammesu pavicayo atthi bahiddha dhammesu pavicayo . yadapi ajjhattam dhammesu pavicayo tadapi dhammavicayasambojjhango abhinnaya sambodhaya nibbanaya samvattati . yadapi bahiddha dhammesu pavicayo tadapi dhammavicayasambojjhango abhinnaya sambodhaya nibbanaya samvattati. [547] Tattha katamo viriyasambojjhango atthi kayikam viriyam atthi cetasikam viriyam . yadapi kayikam viriyam tadapi viriyasambojjhango abhinnaya sambodhaya nibbanaya samvattati . yadapi cetasikam viriyam tadapi viriyasambojjhango abhinnaya sambodhaya nibbanaya--------------------------------------------------------------------------------------------- page308.
Samvattati. [548] Tattha katamo pitisambojjhango atthi savitakkasavicara piti atthi avitakkaavicara piti yadapi savitakkasavicara piti tadapi pitisambojjhango abhinnaya sambodhaya nibbanaya samvattati . Yadapi avitakkaavicara piti tadapi pitisambojjhango abhinnaya sambodhaya nibbanaya samvattati. [549] Tattha katamo passaddhisambojjhango atthi kayappassaddhi atthi cittappassaddhi . yadapi kayappassaddhi tadapi passaddhisambojjhango abhinnaya sambodhaya nibbanaya samvattati . yadapi cittappassaddhi tadapi passaddhisambojjhango abhinnaya sambodhaya nibbanaya samvattati. [550] Tattha katamo samadhisambojjhango atthi savitakko savicaro samadhi atthi avitakko avicaro samadhi . yadapi savitakko savicaro samadhi tadapi samadhisambojjhango abhinnaya sambodhaya nibbanaya samvattati . yadapi avitakko avicaro samadhi tadapi samadhisambojjhango abhinnaya sambodhaya nibbanaya samvattati. [551] Tattha katamo upekkhasambojjhango atthi ajjhattam dhammesu upekkha atthi bahiddha dhammesu upekkha . yadapi ajjhattam dhammesu upekkha tadapi upekkhasambojjhango abhinnaya sambodhaya nibbanaya samvattati . yadapi bahiddha dhammesu upekkha--------------------------------------------------------------------------------------------- page309.
Tadapi upekkhasambojjhango abhinnaya sambodhaya nibbanaya samvattati. [552] Satta bojjhanga satisambojjhango .pe. Upekkhasambojjhango . tattha katamo satisambojjhango idha bhikkhu satisambojjhangam bhaveti vivekanissitam viraganissitam nirodhanissitam vossaggaparinamim dhammavicayasambojjhangam bhaveti viriyasambojjhangam bhaveti pitisambojjhangam bhaveti passaddhisambojjhangam bhaveti samadhisambojjhangam bhaveti upekkhasambojjhangam bhaveti vivekanissitam viraganissitam nirodhanissitam vossaggaparinamim. Suttantabhajaniyam.The Pali Tipitaka in Roman Character Volume 35 page 306-309. https://84000.org/tipitaka/read/roman_read.php?B=35&A=6185&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=35&A=6185&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=35&item=542&items=11 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=35&siri=37 Study Atthakatha :- https://84000.org/tipitaka/attha/attha.php?b=35&i=542 The Pali Atthakatha in Thai :- https://84000.org/tipitaka/atthapali/read_th.php?B=54&A=7871 The Pali Atthakatha in Roman :- https://84000.org/tipitaka/atthapali/read_rm.php?B=54&A=7871 Contents of The Tipitaka Volume 35 https://84000.org/tipitaka/read/?index_35 https://84000.org/tipitaka/english/?index_35
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]