|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 35 : PALI ROMAN Sutta Pitaka Vol 27 : Abhi. Vibhaṅgo
[600] Idhati imissa ditthiya imissa khantiya imissa ruciya imasmim adaye imasmim dhamme imasmim vinaye imasmim dhammavinaye imasmim pavacane imasmim brahmacariye imasmim satthusasane tena vuccati idhati. [601] Bhikkhuti samannaya bhikkhu patinnaya bhikkhu bhikkhatiti bhikkhu bhikkhakoti bhikkhu bhikkhacariyam ajjhupagatoti bhikkhu bhinnapatadharoti bhikkhu bhindati papake akusale dhammeti bhikkhu bhinnatta papakanam akusalanam dhammanam bhikkhu odhiso kilesanam pahana bhikkhu anodhiso kilesanam pahana bhikkhu sekkho bhikkhu asekkho bhikkhu Nevasekkhonasekkho bhikkhu aggo bhikkhu bhadro bhikkhu mando bhikkhu saro bhikkhu samaggena sanghena natticatutthena kammena akuppena thanarahena upasampannoti bhikkhu. [602] Patimokkhanti silam patittha adi caranam sannamo samvaro mukham pamukham kusalanam dhammanam samapattiya . samvaroti kayiko avitikkamo vacasiko avitikkamo kayikavacasiko avitikkamo . samvutoti imina patimokkhasamvarena upeto hoti samupeto upagato samupagato upapanno samupapanno samannagato tena vuccati patimokkhasamvarasamvutoti. [603] Viharatiti iriyati vattati paleti yapeti yapeti carati viharati tena vuccati viharatiti. [604] Acaragocarasampannoti atthi acaro atthi anacaro. Tattha katamo anacaro kayiko vitikkamo vacasiko vitikkamo kayikavacasiko vitikkamo ayam vuccati anacaro sabbampi dussilyam anacaro idhekacco veludanena va pattadanena va pupphadanena va phaladanena va sinanadanena va dantakatthadanena va patukamyataya va muggasupataya va paribhatyataya va janghapesanikena va annatarannatarena buddhapatikutthena micchaajivena jivitam kappeti ayam vuccati anacaro . tattha katamo acaro kayiko avitikkamo vacasiko avitikkamo kayikavacasiko avitikkamo ayam vuccati Acaro sabbopi silasamvaro acaro idhekacco na veludanena na pattadanena na pupphadanena na phaladanena na sinanadanena na dantakatthadanena na patukamyataya na muggasupataya na paribhatyataya na janghapesanikena na annatarannatarena buddhapatikutthena micchaajivena jivitam kappeti ayam vuccati acaro. {604.1} Gocaroti atthi gocaro atthi agocaro. Tattha katamo agocaro idhekacco vesiyagocaro va hoti vidhavagocaro va thullakumarigocaro va pandakagocaro va bhikkhunigocaro va panagaragocaro va samsattho viharati rajuhi rajamahamattehi titthiyehi titthiyasavakehi ananulomikena gihisamsaggena yani va pana tani kulani assaddhani appasannani anopanabhutani akkosakaparibhasakani anatthakamani ahitakamani aphasukamani ayogakkhemakamani bhikkhunam bhikkhuninam upasakanam upasikanam tatharupani kulani sevati bhajati payirupasati ayam vuccati agocaro. {604.2} Tattha katamo gocaro idhekacco na vesiyagocaro hoti na vidhavagocaro na thullakumarigocaro na pandakagocaro na bhikkhunigocaro na panagaragocaro na samsattho viharati rajuhi rajamahamattehi titthiyehi titthiyasavakehi ananulomikena gihisamsaggena yani va pana tani kulani saddhani pasannani opanabhutani kasavappajjotani isivatapativatani atthakamani hitakamani phasukamani yogakkhemakamani bhikkhunam bhikkhuninam upasakanam upasikanam tatharupani kulani sevati bhajati payirupasati ayam Vuccati gocaro . iti imina ca acarena imina ca gocarena upeto hoti .pe. Samannagato tena vuccati acaragocarasampannoti. [605] Anumattesu vajjesu bhayadassaviti tattha katame anumatta vajja yani tani vajjani appamattakani oramattakani lahusani lahusammatani sannamakaraniyani samvarakaraniyani cittuppadakaraniyani manasikarapatibaddhani ime vuccanti anumatta vajja imesu anumattesu vajjesu vajjadassavi ca hoti bhayadassavi ca adinavadassavi ca nissaranadassavi ca tena vuccati anumattesu vajjesu bhayadassaviti. [606] Samadaya sikkhati sikkhapadesuti tattha katama sikkha catasso sikkha bhikkhunam bhikkhusikkha bhikkhuninam bhikkhunisikkha upasakanam upasakasikkha upasikanam upasikasikkha ima vuccanti sikkhayo imasu sikkhasu sabbena sabbam sabbatha sabbam asesam nissesam samadaya vattati tena vuccati samadaya sikkhati sikkhapadesuti. [607] Indriyesu guttadvaroti atthi indriyesu guttadvarata atthi indriyesu aguttadvarata . tattha katama indriyesu aguttadvarata idhekacco cakkhuna rupam disva nimittaggahi hoti anubyanjanaggahi yatvadhikaranamenam cakkhundriyam asamvutam viharantam abhijjhadomanassa papaka akusala dhamma anvassaveyyum tassa samvaraya na patipajjati na rakkhati cakkhundriyam cakkhundriye na samvaram apajjati sotena saddam sutva .pe. ghanena gandham ghayitva .pe. Jivhaya rasam sayitva .pe. kayena photthabbam phusitva .pe. manasa dhammam vinnaya nimittaggahi hoti anubyanjanaggahi yatvadhikaranamenam manindriyam asamvutam viharantam abhijjhadomanassa papaka akusala dhamma anvassaveyyum tassa samvaraya na patipajjati na rakkhati manindriyam manindriye na samvaram apajjati ya imesam channam indriyanam agutti agopana anarakkho asamvaro ayam vuccati indriyesu aguttadvarata. {607.1} Tattha katama indriyesu guttadvarata idhekacco cakkhuna rupam disva na nimittaggahi hoti nanubyanjanaggahi yatvadhikaranamenam cakkhundriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjati rakkhati cakkhundriyam cakkhundriye samvaram apajjati sotena saddam sutva .pe. ghanena gandham ghayitva .pe. jivhaya rasam sayitva .pe. kayena photthabbam phusitva .pe. manasa dhammam vinnaya na nimittaggahi hoti nanubyanjanaggahi yatvadhikaranamenam manindriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjati rakkhati manindriyam manindriye samvaram apajjati ya imesam channam indriyanam gutti gopana arakkho samvaro ayam vuccati indriyesu guttadvarata . imaya indriyesu guttadvarataya upeto hoti .pe. samannagato tena vuccati indriyesu guttadvaroti. [608] Bhojane mattannuti atthi bhojane mattannuta atthi bhojane amattannuta . tattha katama bhojane amattannuta idhekacco appatisankha ayoniso aharam ahareti davaya madaya mandanaya vibhusanaya ya tattha asantutthita amattannuta appatisankha bhojane ayam vuccati bhojane amattannuta . tattha katama bhojane mattannuta idhekacco patisamkha yoniso aharam ahareti neva davaya na madaya na mandanaya na vibhusanaya yavadeva imassa kayassa thitiya yapanaya vihimsuparatiya brahmacariyanuggahaya iti purananca vedanam patihankhami navanca vedanam na uppadessami yatra ca me bhavissati anavajjata ca phasu viharo cati ya tattha santutthita mattannuta patisankha bhojane ayam vuccati bhojane mattannuta . Imaya bhojane mattannutaya upeto hoti .pe. samannagato tena vuccati bhojane mattannuti. [609] Kathanca bhikkhu pubbarattapararattam jagariyanuyogamanuyutto hoti idha bhikkhu divasam cankamena nisajjaya avaraniyehi dhammehi cittam parisodheti rattiya pathamam yamam cankamena nisajjaya avaraniyehi dhammehi cittam parisodheti rattiya majjhimam yamam dakkhinena passena sihaseyyam kappeti padena padam accadhaya sato sampajano utthanasannam manasikaritva rattiya pacchimam yamam paccutthaya cankamena nisajjaya avaraniyehi dhammehi cittam parisodheti evam Bhikkhu pubbarattapararattam jagariyanuyogamanuyutto hoti. [610] Sataccanti yo cetasiko viriyarambho .pe. Sammavayamo. Nepakkanti ya panna pajanana .pe. amoho dhammavicayo sammaditthi. [611] Bodhipakkhikanam dhammanam bhavananuyogamanuyuttoti tattha katame bodhipakkhika dhamma satta bojjhanga satisambojjhango dhammavicayasambojjhango viriyasambojjhango pitisambojjhango passaddhisambojjhango samadhisambojjhango upekkhasambojjhango ime vuccanti bodhipakkhika dhamma ime bodhipakkhike dhamme asevati bhaveti bahulikaroti tena vuccati bodhipakkhikanam dhammanam bhavananuyogamanuyuttoti. [612] Kathanca bhikkhu abhikkante patikkante sampajanakari hoti alokite vilokite sampajanakari hoti samminjite pasarite sampajanakari hoti sanghatipattacivaradharane sampajanakari hoti asite pite khayite sayite sampajanakari hoti uccarapassavakamme sampajanakari hoti gate thite nisinne sutte jagarite bhasite tunhibhave sampajanakari hoti . idha bhikkhu sato sampajano abhikkamati sato sampajano patikkamati sato sampajano aloketi sato sampajano viloketi sato sampajano samminjeti sato sampajano pasareti sato sampajanakari hoti sanghatipattacivaradharane Sato sampajanakari hoti asite pite khayite sayite sato sampajanakari hoti uccarapassavakamme sato sampajanakari hoti gate thite nisinne sutte jagarite bhasite tunhibhave. {612.1} Satoti tattha katama sati ya sati anussati patissati sati saranata dharanata apilapanata asammusanata sati satindriyam satibalam sammasati ayam vuccati sati . sampajanoti tattha katamam sampajannam ya panna pajanana vicayo pavicayo dhammavicayo sallakkhana upalakkhana paccupalakkhana pandiccam kosallam nepunnam vebhabya cinta upaparikkha bhuri medha parinayika vipassana sampajannam patodo panna pannindriyam pannabalam pannasattham pannapasado pannaaloko pannaobhaso pannapajjoto pannaratanam amoho dhammavicayo sammaditthi idam vuccati sampajannam . iti imaya ca satiya imina ca sampajannena upeto hoti .pe. Samannagato. {612.2} Evam bhikkhu sato sampajano abhikkamati sato sampajano patikkamati sato sampajano aloketi sato sampajano viloketi sato sampajano samminjeti sato sampajano pasareti sato sampajanakari hoti sanghatipattacivaradharane sato sampajanakari hoti asite pite khayite sayite sato sampajanakari hoti uccara- passavakamme sato sampajanakari hoti gate thite nisinne sutte jagarite bhasite tunhibhave. [613] Vivittanti santike cepi senasanam hoti tanca anakinnam gahatthehi pabbajitehi tena tam vivittam . Dure cepi senasanam hoti tanca anakinnam gahatthehi pabbajitehi tena tam vivittam. [614] Senasananti mancopi senasanam pithampi senasanam bhisipi senasanam bimbohanampi senasanam viharopi senasanam addhayogopi senasanam pasadopi senasanam attopi senasanam malopi senasanam lenampi senasanam guhapi senasanam rukkhamulampi senasanam velugumbopi senasanam yattha va pana bhikkhu patikkamanti sabbametam senasanam. [615] Bhajatiti imam vivittam senasanam bhajati sambhajati sevati nisevati samsevati tena vuccati bhajatiti. [616] Arannanti nikkhamitva bahiindakhila sabbametam arannam. [617] Rukkhamulanti rukkhamulamyeva rukkhamulam. Pabbatoyeva pabbato. Kandarayeva kandara . giriguhayeva giriguha . susanamyeva susanam. Abbhokasoyeva abbhokaso. Palalapunjoyeva palalapunjo. [618] Vanapatthanti duranametam senasananam adhivacanam. Vanapatthanti vanasandanametam senasananam adhivacanam . vanapatthanti bhimsanakanametam senasananam adhivacanam . vanapatthanti salomahamsanametam senasananam adhivacanam . vanapatthanti pariyantanametam senasananam adhivacanam . Vanapatthanti na manussupacaranametam senasananam adhivacanam . vanapatthanti Durabhisambhavanametam senasananam adhivacanam. [619] Appasaddanti santike cepi senasanam hoti tanca anakinnam gahatthehi pabbajitehi tena tam appasaddam . dure cepi senasanam hoti tanca anakinnam gahatthehi pabbajitehi tena tam appasaddam. [620] Appanigghosanti yadeva tam appasaddam tadeva tam appanigghosam yadeva tam appanigghosam tadeva tam vijanavatam yadeva tam vijanavatam tadeva tam manussarahaseyyakam yadeva tam manussarahaseyyakam tadeva tam patisallanasarupam. [621] Arannagato va rukkhamulagato va sunnagaragato vati arannagato va hoti rukkhamulagato va sunnagaragato va. [622] Nisidati pallankam abhujitvati nisinno hoti pallankam abhujitva. [623] Ujum kayam panidhayati ujuko hoti kayo thito panihito. [624] Parimukham satim upatthapetvati tattha katama sati ya sati anussati .pe. sammasati ayam vuccati sati ayam sati upatthita hoti supatthita nasikagge va mukhanimitte va tena vuccati parimukham satim upatthapetvati. [625] Abhijjham loke pahayati tattha katama abhijjha yo Rago sarago .pe. cittassa sarago ayam vuccati abhijjha . Tattha katamo loko pancupadanakkhandha loko ayam vuccati loko . Ayam abhijjha imamhi loke santa hoti samita vupasanta atthangata abbhatthangata appita byappita sosita visosita byantikata tena vuccati abhijjham loke pahayati. [626] Vigatabhijjhena cetasati tattha katamam cittam yam cittam mano manasam .pe. tajja manovinnanadhatu idam vuccati cittam idam cittam vigatabhijjham hoti tena vuccati vigatabhijjhena cetasati. [627] Viharatiti iriyati vattati paleti yapeti yapeti carati viharati tena vuccati viharatiti. [628] Abhijjhaya cittam parisodhetiti tattha katama abhijjha yo rago sarago .pe. cittassa sarago ayam vuccati abhijjha. Tattha katamam cittam yam cittam mano manasam .pe. Tajja manovinnanadhatu idam vuccati cittam . idam cittam imaya abhijjhaya sodheti visodheti parisodheti moceti vimoceti parimoceti tena vuccati abhijjhaya cittam parisodhetiti. [629] Byapadapadosam pahayati atthi byapado atthi padoso . tattha katamo byapado yo cittassa aghato patighato patigham pativirodho kopo pakopo sampakopo doso padoso sampadoso cittassa byapatti manopadoso kodho kujjhana kujjhitattam Doso dusana dusitattam byapatti byapajjana byapajjitattam virodho pativirodho candikkam assuropo anattamanata cittassa ayam vuccati byapado . tattha katamo padoso yo byapado so padoso yo padoso so byapado . iti ayanca byapado ayanca padoso santa honti samita vupasanta atthangata abbhatthangata appita byappita sosita visosita byantikata tena vuccati byapadapadosam pahayati. [630] Abyapannacittoti tattha katamam cittam yam cittam mano manasam .pe. tajja manovinnanadhatu idam vuccati cittam idam cittam abyapannam hoti tena vuccati abyapannacittoti. [631] Viharatiti iriyati .pe. Viharati tena vuccati viharatiti. [632] Byapadapadosa cittam parisodhetiti atthi byapado atthi padoso . tattha katamo byapado yo cittassa aghato patighato patigham pativirodho kopo pakopo sampakopo doso padoso sampadoso cittassa byapatti manopadoso kodho kujjhana kujjhitattam doso dusana dusitattam byapatti byapajjana byapajjitattam virodho pativirodho candikkam assuropo anattamanata cittassa ayam vuccati byapado . tattha katamo padoso yo byapado so padoso yo padoso so byapado . tattha katamam cittam yam cittam mano manasam .pe. tajja manovinnanadhatu Idam vuccati cittam . idam cittam imamha byapadapadosa sodheti visodheti parisodheti moceti vimoceti parimoceti tena vuccati byapadapadosa cittam parisodhetiti. [633] Thinamiddham pahayati atthi thinam atthi middham . tattha katamam thinam ya cittassa akalyata akammannata oliyana salliyana linam liyana liyitattam thinam thiyana thiyitattam cittassa idam vuccati thinam . tattha katamam middham ya kayassa akalyata akammannata onaho pariyonaho antosamorodho middham soppam pacalayika soppam supana supitattam idam vuccati middham . iti idanca thinam idanca middham santa honti samita vupasanta atthangata abbhatthangata appita byappita sosita visosita byantikata tena vuccati thinamiddham pahayati. [634] Vigatathinamiddhoti tassa thinamiddhassa cattatta vantatta muttatta pahinatta patinissatthatta pahinapatinissatthatta tena vuccati vigatathinamiddhoti. Viharatiti .pe. Tena vuccati viharatiti. [635] Alokasanniti tattha katama sanna ya sanna sanjanana sanjanitattam ayam vuccati sanna ayam sanna aloka hoti vivata parisuddha pariyodata tena vuccati alokasanniti. [636] Sato sampajanoti tattha katama sati ya sati Anussati .pe. sammasati ayam vuccati sati . tattha katamam sampajannam ya panna pajanana .pe. amoho dhammavicayo sammaditthi idam vuccati sampajannam . iti imaya ca satiya imina ca sampajannena upeto hoti .pe. samannagato tena vuccati sato sampajanoti. [637] Thinamiddha cittam parisodhetiti atthi thinam atthi middham . Tattha katamam thinam ya cittassa akalyata .pe. thiyitattam cittassa idam vuccati thinam . tattha katamam middham ya kayassa akalyata .pe. supitattam idam vuccati middham . tattha katamam cittam yam cittam mano manasam .pe. tajja manovinnanadhatu idam vuccati cittam . idam cittam imamha thinamiddha sodheti visodheti parisodheti moceti vimoceti parimoceti tena vuccati thinamiddha cittam parisodhetiti. [638] Uddhaccakukkuccam pahayati atthi uddhaccam atthi kukkuccam . tattha katamam uddhaccam yam cittassa uddhaccam avupasamo cetaso vikkhepo bhantattam cittassa idam vuccati uddhaccam . tattha katamam kukkuccam akappiye kappiyasannita kappiye akappiyasannita avajje vajjasannita vajje avajjasannita yam evarupam kukkuccam kukkuccayana kukkuccayitattam cetaso vippatisaro manovilekho idam vuccati kukkuccam . iti idanca uddhaccam idanca Kukkuccam santa honti samita vupasanta atthangata abbhatthangata appita byappita sosita visosita byantikata tena vuccati uddhaccakukkuccam pahayati. [639] Anuddhatoti tassa uddhaccakukkuccassa cattatta vantatta muttatta pahinatta patinissatthatta pahinapatinissatthatta tena vuccati anuddhatoti. [640] Viharatiti iriyati .pe. Viharati tena vuccati viharatiti. [641] Ajjhattanti yam ajjhattam paccattam . vupasantacittoti tattha katamam cittam yam cittam mano manasam .pe. Tajja manovinnanadhatu idam vuccati cittam . idam cittam ajjhattam santam hoti samitam vupasantam tena vuccati ajjhattam vupasantacittoti. [642] Uddhaccakukkucca cittam parisodhetiti atthi uddhaccam atthi kukkuccam . tattha katamam uddhaccam yam cittassa uddhaccam avupasamo cetaso vikkhepo bhantattam cittassa idam vuccati uddhaccam . Tattha katamam kukkuccam akappiye kappiyasannita .pe. manovilekho idam vuccati kukkuccam . tattha katamam cittam yam cittam mano manasam .pe. tajja manovinnanadhatu idam vuccati cittam . idam cittam imamha uddhaccakukkucca sodheti visodheti parisodheti moceti vimoceti parimoceti tena vuccati uddhaccakukkucca cittam parisodhetiti. [643] Vicikiccham pahayati tattha katama vicikiccha ya kankha Kankhayana kankhayitattam vimati vicikiccha dvelhakam dvedhapatho samsayo anekamsagaho asappana parisappana apariyogahana thambhitattam cittassa manovilekho ayam vuccati vicikiccha ayam vicikiccha santa hoti samita vupasanta atthangata abbhatthangata appita byappita sosita visosita byantikata tena vuccati vicikiccham pahayati. [644] Tinnavicikicchoti imam vicikiccham tinno hoti uttinno nittinno paragato paramanuppatto tena vuccati tinnavicikicchoti. [645] Viharatiti iriyati .pe. Viharati tena vuccati viharatiti. [646] Akathankathi kusalesu dhammesuti imaya vicikicchaya kusalesu dhammesu na kankhati na vicikicchati akathankathi hoti nikkathankatho vigatakathankatho tena vuccati akathankathi kusalesu dhammesuti. [647] Vicikicchaya cittam parisodhetiti tattha katama vicikiccha ya kankha kankhayana kankhayitattam .pe. thambhitattam cittassa manovilekho ayam vuccati vicikiccha . tattha katamam cittam yam cittam mano manasam .pe. tajja manovinnanadhatu idam vuccati cittam . idam cittam imaya vicikicchaya sodheti visodheti parisodheti moceti vimoceti parimoceti tena vuccati vicikicchaya cittam parisodhetiti. [648] Ime panca nivarane pahayati ime panca nivarana santa honti samita vupasanta atthangata abbhatthangata appita byappita sosita visosita byantikata tena vuccati ime panca nivarane pahayati. [649] Cetaso upakkileseti ime panca nivarana cittassa upakkilesa. [650] Pannaya dubbalikaraneti imehi pancahi nivaranehi anuppanna ceva panna na uppajjati uppanna ca panna nirujjhati tena vuccati pannaya dubbalikaraneti. [651] Vivicceva kamehi vivicca akusalehi dhammehiti tattha katame kama chando kamo rago kamo chandarago kamo sankappo kamo rago kamo sankapparago kamo ime vuccanti kama . tattha katame akusala dhamma kamacchando byapado thinamiddham uddhaccakukkuccam vicikiccha ime vuccanti akusala dhamma . Iti imehi ca kamehi imehi ca akusalehi dhammehi vivitto hoti tena vuccati vivicceva kamehi vivicca akusalehi dhammehiti. [652] Savitakkam savicaranti atthi vitakko atthi vicaro . Tattha katamo vitakko yo takko vitakko sankappo appana byappana cetaso abhiniropana sammasankappo ayam vuccati vitakko . Tattha katamo vicaro yo caro vicaro anuvicaro upavicaro Cittassa anusandhanata anupekkhanata ayam vuccati vicaro . iti imina ca vitakkena imina ca vicarena upeto hoti .pe. Samannagato tena vuccati savitakkam savicaranti. [653] Vivekajanti vitakko vicaro piti sukham cittassa ekaggata te imamhi viveke jata honti sanjata nibbatta abhinibbatta patubhuta tena vuccati vivekajanti. [654] Pitisukhanti atthi piti atthi sukham . tattha katama piti ya piti pamojjam amodana pamodana haso pahaso vitti odagyam attamanata cittassa ayam vuccati piti . tattha katamam sukham yam cetasikam satam cetasikam sukham cetosamphassajam satam sukham vedayitam cetosamphassaja sata sukha vedana idam vuccati sukham . idam sukham imaya pitiya sahagatam hoti sahajatam samsattham sampayuttam tena vuccati pitisukhanti. [655] Pathamanti ganananupubbato pathamam idam pathamam samapajjatiti pathamam. [656] Jhananti vitakko vicaro piti sukham cittassa ekaggata. [657] Upasampajjati yo pathamassa jhanassa labho patilabho patti sampatti phusana sacchikiriya upasampada. [658] Viharatiti iriyati .pe. Viharati tena vuccati viharatiti. [659] Vitakkavicaranam vupasamati atthi vitakko atthi vicaro. Tattha katamo vitakko yo takko vitakko .pe. sammasankappo ayam vuccati vitakko . tattha katamo vicaro yo caro vicaro anuvicaro upavicaro cittassa anusandhanata anupekkhanata ayam vuccati vicaro . iti ayanca vitakko ayanca vicaro santa honti samita vupasanta atthangata abbhatthangata appita byappita sosita visosita byantikata tena vuccati vitakkavicaranam vupasamati. [660] Ajjhattanti yam ajjhattam paccattam . sampasadananti ya saddha saddahana okappana abhippasado. [661] Cetaso ekodibhavanti ya cittassa thiti .pe. Sammasamadhi. [662] Avitakkam avicaranti atthi vitakko atthi vicaro . Tattha katamo vitakko yo takko vitakko .pe. sammasankappo ayam vuccati vitakko . tattha katamo vicaro yo caro vicaro anuvicaro upavicaro cittassa anusandhanata anupekkhanata ayam vuccati vicaro . iti ayanca vitakko ayanca vicaro santa honti samita vupasanta atthangata abbhatthangata appita byappita sosita visosita byantikata tena vuccati avitakkam avicaranti. [663] Samadhijanti sampasado piti sukham cittassa ekaggata te imamhi samadhimhi jata honti sanjata nibbatta abhinibbatta patubhuta tena vuccati samadhijanti. [664] Pitisukhanti atthi piti atthi sukham . tattha katama piti ya piti pamojjam .pe. attamanata cittassa ayam vuccati piti . tattha katamam sukham yam cetasikam satam .pe. sukha vedana idam vuccati sukham . idam sukham imaya pitiya sahagatam hoti sahajatam samsattham sampayuttam tena vuccati pitisukhanti. [665] Dutiyanti ganananupubbato dutiyam idam dutiyam samapajjatiti dutiyam. [666] Jhananti sampasado piti sukham cittassa ekaggata. [667] Upasampajjati yo dutiyassa jhanassa labho patilabho patti sampatti phusana sacchikiriya upasampada. [668] Viharatiti iriyati .pe. Viharati tena vuccati viharatiti. [669] Pitiya ca viragati tattha katama piti ya piti pamojjam amodana pamodana haso pahaso vitti odagyam attamanata cittassa ayam vuccati piti ayam piti santa hoti samita vupasanta atthangata abbhatthangata appita byappita sosita visosita byantikata tena vuccati pitiya ca viragati. [670] Upekkhakoti tattha katama upekkha ya upekkha upekkhana ajjhupekkhana majjhattata cittassa ayam vuccati upekkha imaya upekkhaya upeto hoti .pe. samannagato tena vuccati upekkhakoti. [671] Viharatiti iriyati .pe. Viharati tena vuccati viharatiti. [672] Sato ca sampajanoti tattha katama sati ya sati anussati .pe. sammasati ayam vuccati sati . tattha katamam sampajannam ya panna pajanana .pe. amoho dhammavicayo sammaditthi idam vuccati sampajannam . iti imaya ca satiya imina ca sampajannena upeto hoti .pe. samannagato tena vuccati sato ca sampajanoti. [673] Sukhanca kayena patisamvedetiti tattha katamam sukham yam cetasikam satam cetasikam sukham cetosamphassajam satam sukham vedayitam cetosamphassaja sata sukha vedana idam vuccati sukham . tattha katamo kayo sannakkhandho sankharakkhandho vinnanakkhandho ayam vuccati kayo . idam sukham imina kayena patisamvedeti tena vuccati sukhanca kayena patisamvedetiti. [674] Yantam ariya acikkhantiti tattha katame ariya ariya vuccanti buddha ca buddhasavaka ca te imam acikkhanti desenti pannapenti patthapenti vivaranti vibhajanti uttanikaronti pakasenti tena vuccati yantam ariya acikkhantiti. [675] Upekkhako satima sukhavihariti tattha katama upekkha ya upekkha upekkhana ajjhupekkhana majjhattata cittassa ayam vuccati upekkha . tattha katama sati ya sati anussati .pe. Sammasati ayam vuccati sati . tattha katamam sukham yam cetasikam satam cetasikam sukham cetosamphassajam satam sukham vedayitam cetosamphassaja sata sukha vedana idam vuccati sukham . iti imaya ca upekkhaya imaya ca satiya imina ca sukhena samannagato iriyati vattati paleti yapeti yapeti carati viharati tena vuccati upekkhako satima sukhavihariti. [676] Tatiyanti ganananupubbato tatiyam idam tatiyam samapajjatiti tatiyam. [677] Jhananti upekkha sati sampajannam sukham cittassa ekaggata. [678] Upasampajjati yo tatiyassa jhanassa labho patilabho patti sampatti phusana sacchikiriya upasampada. [679] Viharatiti iriyati .pe. Viharati tena vuccati viharatiti. [680] Sukhassa ca pahana dukkhassa ca pahanati atthi sukham atthi dukkham . tattha katamam sukham yam kayikam satam kayikam sukham kayasamphassajam satam sukham vedayitam kayasamphassaja sata sukha vedana idam vuccati sukham . tattha katamam dukkham yam kayikam asatam kayikam dukkham kayasamphassajam asatam dukkham vedayitam kayasamphassaja asata dukkha vedana idam vuccati dukkham . iti idanca sukham idanca dukkham santa honti samita vupasanta atthangata Abbhatthangata appita byappita sosita visosita byantikata tena vuccati sukhassa ca pahana dukkhassa ca pahanati. [681] Pubbeva somanassadomanassanam atthangamati atthi somanassam atthi domanassam . tattha katamam somanassam yam cetasikam satam cetasikam sukham cetosamphassajam satam sukham vedayitam cetosamphassaja sata sukha vedana idam vuccati somanassam . tattha katamam domanassam yam cetasikam asatam cetasikam dukkham cetosamphassajam asatam dukkham vedayitam cetosamphassaja asata dukkha vedana idam vuccati domanassam . iti idanca somanassam idanca domanassam pubbeva santa honti samita vupasanta atthangata abbhatthangata appita byappita sosita visosita byantikata tena vuccati pubbeva somanassadomanassanam atthangamati. [682] Adukkhamasukhanti yam cetasikam neva satam nasatam cetosamphassajam adukkhamasukham vedayitam cetosamphassaja adukkhamasukha vedana tena vuccati adukkhamasukhanti. [683] Upekkhasatiparisuddhinti tattha katama upekkha ya upekkha upekkhana ajjhupekkhana majjhattata cittassa ayam vuccati upekkha . tattha katama sati ya sati anussati .pe. Sammasati ayam vuccati sati . ayam sati imaya upekkhaya vivata hoti parisuddha pariyodata tena vuccati upekkhasatiparisuddhinti. [684] Catutthanti ganananupubbato catuttham idam catuttham samapajjatiti catuttham. [685] Jhananti upekkha sati cittassa ekaggata. [686] Upasampajjati yo catutthassa jhanassa labho patilabho patti sampatti phusana sacchikiriya upasampada. [687] Viharatiti iriyati .pe. Viharati tena vuccati viharatiti. [688] Sabbaso rupasannanam samatikkamati tattha katama rupasannayo ya rupavacarasamapattim samapannassa va upapannassa va ditthadhammasukhaviharissa va sanna sanjanana sanjanitattam ima vuccanti rupasannayo ima rupasannayo atikkanto hoti vitikkanto samatikkanto tena vuccati sabbaso rupasannanam samatikkamati. [689] Patighasannanam atthangamati tattha katama patighasannayo rupasanna saddasanna gandhasanna rasasanna photthabbasanna ima vuccanti patighasannayo ima patighasannayo santa honti samita vupasanta atthangata abbhatthangata appita byappita sosita visosita byantikata tena vuccati patighasannanam atthangamati. [690] Nanattasannanam amanasikarati tattha katama nanattasannayo ya asamapannassa manodhatusamangissa va manovinnanadhatusamangissa Va sanna sanjanana sanjanitattam ima vuccanti nanattasannayo ima nanattasannayo na manasikaroti tena vuccati nanattasannanam amanasikarati. [691] Ananto akasoti tattha katamo akaso yo akaso akasagatam agham aghagatam vivaro vivaragatam asamphuttham catuhi mahabhutehi ayam vuccati akaso tasmim akase cittam thapeti santhapeti anantam pharati tena vuccati ananto akasoti. [692] Akasanancayatananti akasanancayatanam samapannassa va upapannassa va ditthadhammasukhaviharissa va cittacetasika dhamma. [693] Upasampajjati yo akasanancayatanassa labho patilabho patti sampatti phusana sacchikiriya upasampada. [694] Viharatiti iriyati .pe. Viharati tena vuccati viharatiti. [695] Sabbaso akasanancayatanam samatikkammati imam akasanancayatanam atikkanto hoti vitikkanto samatikkanto tena vuccati sabbaso akasanancayatanam samatikkammati. [696] Anantam vinnananti tamyeva akasam vinnanena phuttham manasikaroti anantam pharati tena vuccati anantam vinnananti. [697] Vinnanancayatananti vinnanancayatanam samapannassa va upapannassa va ditthadhammasukhaviharissa va cittacetasika dhamma. [698] Upasampajjati yo vinnanancayatanassa labho patilabho patti sampatti phusana sacchikiriya upasampada. [699] Viharatiti iriyati .pe. Viharati tena vuccati viharatiti. [700] Sabbaso vinnanancayatanam samatikkammati imam vinnanancayatanam atikkanto hoti vitikkanto samatikkanto tena vuccati sabbaso vinnanancayatanam samatikkammati. [701] Natthi kinciti tamyeva vinnanam abhaveti vibhaveti antaradhapeti natthi kinciti passati tena vuccati natthi kinciti. [702] Akincannayatananti akincannayatanam samapannassa va upapannassa va ditthadhammasukhaviharissa va cittacetasika dhamma. [703] Upasampajjati yo akincannayatanassa labho patilabho patti sampatti phusana sacchikiriya upasampada. [704] Viharatiti iriyati .pe. Viharati tena vuccati viharatiti. [705] Sabbaso akincannayatanam samatikkammati imam akincannayatanam atikkanto hoti vitikkanto samatikkanto tena vuccati sabbaso akincannayatanam samatikkammati. [706] Nevasanninasanniti tamyeva akincannayatanam santato manasikaroti sankharavasesasamapattim bhaveti tena vuccati nevasanninasanniti 1-. @Footnote: 1 imassa niddesassa uddeso matikayam na dissati tasma ayam va niddeso @atireko siya so va uddeso uno. [707] Nevasannanasannayatananti nevasannanasannayatanam samapannassa va upapannassa va ditthadhammasukhaviharissa va cittacetasika dhamma. [708] Upasampajjati yo nevasannanasannayatanassa labho patilabho patti sampatti phusana sacchikiriya upasampada. [709] Viharatiti iriyati vattati paleti yapeti yapeti carati viharati tena vuccati viharatiti. Suttantabhajaniyam.The Pali Tipitaka in Roman Character Volume 35 page 330-356. https://84000.org/tipitaka/read/roman_read.php?B=35&A=6666&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=35&A=6666&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=35&item=600&items=110 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=35&siri=48 Study Atthakatha :- https://84000.org/tipitaka/attha/attha.php?b=35&i=600 The Pali Atthakatha in Thai :- https://84000.org/tipitaka/atthapali/read_th.php?B=54&A=8253 The Pali Atthakatha in Roman :- https://84000.org/tipitaka/atthapali/read_rm.php?B=54&A=8253 Contents of The Tipitaka Volume 35 https://84000.org/tipitaka/read/?index_35 https://84000.org/tipitaka/english/?index_35
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]