ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 36 : PALI ROMAN Sutta Pitaka Vol 28 : Abhi. Dhātukathā-Puggalapaññatti

                       Tikaniddeso
     [84]   Katamo  ca  puggalo  niraso  idhekacco  puggalo  dussilo
hoti   papadhammo   asucisankassarasamacaro   paticchannakammanto  assamano
samanapatinno    abrahmacari    brahmacaripatinno    antoputi   avassuto
kasambukajato   so   sunati   itthannamo   kira  bhikkhu  asavanam  khaya
anasavam   cetovimuttim   pannavimuttim   dittheva   dhamme   sayam   abhinna
sacchikatva   upasampajja   viharatiti   tassa   na   evam   hoti   kudassu
namahampi   asavanam  khaya  anasavam  cetovimuttim  pannavimuttim  dittheva
dhamme    sayam    abhinna   sacchikatva   upasampajja   viharissamiti   ayam
vuccati puggalo niraso.
     {84.1}  Katamo  ca puggalo asamso idhekacco puggalo silava hoti
kalyanadhammo   so   sunati   itthannamo   kira  bhikkhu  asavanam  khaya
anasavam   cetovimuttim   pannavimuttim   dittheva   dhamme   sayam   abhinna
sacchikatva   upasampajja  viharatiti  tassa  evam  hoti  kudassu  namahampi
asavanam   khaya   anasavam   cetovimuttim   pannavimuttim  dittheva  dhamme
sayam    abhinna    sacchikatva   upasampajja   viharissamiti   ayam   vuccati
puggalo asamso.
     {84.2}   Katamo   ca   puggalo   vigataso  idhekacco  puggalo
asavanam    khaya    anasavam    cetovimuttim    pannavimuttim    dittheva
dhamme   sayam   abhinna   sacchikatva   upasampajja   viharati   so  sunati
itthannamo      kira      bhikkhu      asavanam     khaya     anasavam
Cetovimuttim   pannavimuttim   dittheva   dhamme   sayam  abhinna  sacchikatva
upasampajja   viharatiti   tassa   na   evam   hoti   kudassu   namahampi
asavanam   khaya   anasavam   cetovimuttim   pannavimuttim  dittheva  dhamme
sayam  abhinna  sacchikatva  upasampajja  viharissamiti  .  tam  kissa  hetu.
Yahissa    pubbe    avimuttassa   vimuttasa   sa   patipassaddha   ayam
vuccati puggalo vigataso.
             Tattha katame tayo gilanupama puggala.
     [85]  Tayo  gilana  idhekacco  gilano  labhanto  va sappayani
bhojanani  alabhanto  va  sappayani  bhojanani  labhanto  va  sappayani
bhesajjani   alabhanto  va  sappayani  bhesajjani  labhanto  va  patirupam
upatthakam   alabhanto   va   patirupam   upatthakam   neva  vutthati  tamha
abadha.
     {85.1}  Idha  panekacco  gilano labhanto va sappayani bhojanani
alabhanto  va  sappayani  bhojanani  labhanto  va  sappayani bhesajjani
alabhanto   va   sappayani  bhesajjani  labhanto  va  patirupam  upatthakam
alabhanto va patirupam upatthakam vutthati tamha abadha.
     {85.2}  Idha  panekacco  gilano  labhanto  sappayani  bhojanani
no   alabhanto  labhanto  sappayani  bhesajjani  no  alabhanto  labhanto
patirupam   upatthakam   no  alabhanto  vutthati  tamha  abadha  .  tatra
yvayam    gilano    labhanto   sappayani   bhojanani   no   alabhanto
labhanto    sappayani   bhesajjani   no   alabhanto   labhanto   patirupam
Upatthakam   no   alabhanto   vutthati   tamha   abadha   imam  gilanam
paticca    bhagavata    gilanabhattam    anunnatam   gilanabhesajjam   anunnatam
gilanupatthako    anunnato   imanca   pana   gilanam   paticca   annepi
gilana upatthatabba.
     [86]   Evameva   tayo  gilanupama  puggala  santo  samvijjamana
lokasmim   .   katame   tayo   .   idhekacco   puggalo  labhanto  va
tathagatam   dassanaya   alabhanto   va   tathagatam  dassanaya  labhanto  va
tathagatappaveditam   dhammavinayam   savanaya   alabhanto   va  tathagatappaveditam
dhammavinayam savanaya neva okkamati niyamam kusalesu dhammesu sammattam
     {86.1}  idha  panekacco  puggalo  labhanto  va tathagatam dassanaya
alabhanto   va   tathagatam   dassanaya   labhanto   va   tathagatappaveditam
dhammavinayam    savanaya    alabhanto    va    tathagatappaveditam   dhammavinayam
savanaya okkamati niyamam kusalesu dhammesu sammattam.
     {86.2}  Idha  panekacco  puggalo  labhanto  tathagatam dassanaya no
alabhanto   labhanto   tathagatappaveditam  dhammavinayam  savanaya  no  alabhanto
okkamati niyamam kusalesu dhammesu sammattam.
     {86.3}  Tatra  yvayam  puggalo  labhanto  tathagatam  dassanaya  no
alabhanto   labhanto   tathagatappaveditam  dhammavinayam  savanaya  no  alabhanto
okkamati  niyamam  kusalesu  dhammesu  sammattam  imam  puggalam  paticca bhagavata
dhammadesana    anunnata   imanca   pana   puggalam   paticca   annesampi
dhammo   desetabbo   .   ime   tayo   gilanupama   puggala  santo
samvijjamana lokasmim.
     [87]   Katamo   ca  puggalo  kayasakkhi  idhekacco  puggalo  attha
vimokkhe   kayena   phusitva   viharati  pannaya  cassa  disva  ekacce
asava parikkhina honti ayam vuccati puggalo kayasakkhi.
     {87.1}  Katamo  ca  puggalo  ditthippatto  idhekacco puggalo idam
dukkhanti   yathabhutam   pajanati   ayam   dukkhasamudayoti   yathabhutam  pajanati
ayam   dukkhanirodhoti   yathabhutam  pajanati  ayam  dukkhanirodhagamini  patipadati
yathabhutam   pajanati   tathagatappavedita  cassa  dhamma  pannaya  vodittha
honti   vocarita   pannaya  cassa  disva  ekacce  asava  parikkhina
honti ayam vuccati puggalo ditthippatto.
     {87.2}  Katamo  ca  puggalo  saddhavimutto idhekacco puggalo idam
dukkhanti   yathabhutam   pajanati   .pe.   tathagatappavedita  cassa  dhamma
pannaya   vodittha   honti  vocarita  pannaya  cassa  disva  ekacce
asava  parikkhina  honti  no  ca  kho  yatha  ditthippattassa  ayam vuccati
puggalo saddhavimutto.
     [88]    Katamo    ca   puggalo   guthabhani   idhekacco   puggalo
musavadi   hoti   sabhaggato   va   parisaggato  va  natimajjhagato  va
pugamajjhagato   va   rajakulamajjhagato   va   abhinito   sakkhiputtho  ehi
bho  purisa  yam  janasi  tam  vadehiti  so  ajanam  va aha 1- janamiti
janam  va  aha  na  janamiti  apassam  va  aha  passamiti  passam  va
aha  na  passamiti  iti  attahetu  va  parahetu  va  amisakincikkhahetu
@Footnote: 1 Yu. aham.
Va sampajanamusa bhasita hoti ayam vuccati puggalo guthabhani.
     {88.1}  Katamo  ca  puggalo pupphabhani idhekacco puggalo musavadam
pahaya   musavada   pativirato   hoti   sabhaggato  va  parisaggato  va
natimajjhagato   va   pugamajjhagato   va   rajakulamajjhagato  va  abhinito
sakkhiputtho  ehi  bho  purisa  yam  janasi  tam vadehiti so ajanam va aha
na  janamiti  janam  va  aha janamiti apassam va aha na passamiti passam
va  aha  passamiti  iti  attahetu  va  parahetu  va amisakincikkhahetu
va na sampajanamusa bhasita hoti ayam vuccati puggalo pupphabhani.
     {88.2}  Katamo  ca  puggalo  madhubhani  idhekacco puggalo ya sa
vaca   nela   kannasukha   pemaniya   hadayangama   pori  bahujanakanta
bahujanamanapa   tatharupim   vacam   bhasita   hoti   ayam  vuccati  puggalo
madhubhani.
     [89]   Katamo   ca   puggalo   arukupamacitto  idhekacco  puggalo
kodhano  hoti  upayasabahulo  appampi  vutto  samano  abhisajjati kuppati
byapajjati    patitthiyati    kopanca   dosanca   appaccayanca   patukaroti
seyyathapi  nama  duttharuko  katthena  va  kathalaya va ghattito bhiyyoso
mattaya   asavam   deti   evameva  idhekacco  puggalo  kodhano  hoti
upayasabahulo   appampi   vutto  samano  abhisajjati  kuppati  byapajjati
patitthiyati   kopanca   dosanca   appaccayanca   patukaroti   ayam   vuccati
puggalo arukupamacitto.
     {89.1}    Katamo    ca    puggalo   vijjupamacitto   idhekacco
puggalo    idam    dukkhanti    yathabhutam   pajanati   ayam   dukkhasamudayoti
Yathabhutam    pajanati    ayam   dukkhanirodhoti   yathabhutam   pajanati   ayam
dukkhanirodhagamini    patipadati    yathabhutam   pajanati   seyyathapi   nama
cakkhuma   puriso   rattandhakaratimisaya   vijjantarikaya   rupani  passeyya
evameva   idhekacco   puggalo   idam  dukkhanti  yathabhutam  pajanati  ayam
dukkhasamudayoti   yathabhutam  pajanati  ayam  dukkhanirodhoti  yathabhutam  pajanati
ayam    dukkhanirodhagamini   patipadati   yathabhutam   pajanati   ayam   vuccati
puggalo vijjupamacitto.
     {89.2}    Katamo    ca    puggalo   vajirupamacitto   idhekacco
puggalo   asavanam   khaya   anasavam  cetovimuttim  pannavimuttim  dittheva
dhamme    sayam   abhinna   sacchikatva   upasampajja   viharati   seyyathapi
nama   vajirassa   natthi   kinci  abhejjam  nama  mani  va  pasano  va
evameva   idhekacco   puggalo   asavanam  khaya  anasavam  cetovimuttim
pannavimuttim   dittheva   dhamme   sayam   abhinna   sacchikatva  upasampajja
viharati ayam vuccati puggalo vajirupamacitto.
     [90]    Katamo   ca   puggalo   andho   idhekaccassa   puggalassa
tatharupam   cakkhu   na   hoti   yatharupena   cakkhuna  anadhigatam  va  bhogam
adhigaccheyya   adhigatam   va   bhogam   phatim  kareyya  tatharupampissa  cakkhu
na    hoti    yatharupena    cakkhuna   kusalakusale   dhamme   janeyya
savajjanavajje    dhamme    janeyya   hinappanite   dhamme   janeyya
kanhasukkasappatibhage dhamme janeyya ayam vuccati puggalo andho.
     {90.1} Katamo ca puggalo ekacakkhu idhekaccassa puggalassa tatharupam cakkhu
Hoti  yatharupena  cakkhuna  anadhigatam  va  bhogam  adhigaccheyya  adhigatam  va
bhogam  phatim  kareyya  tatharupampissa  cakkhu  na  hoti  yatharupena  cakkhuna
kusalakusale    dhamme   jajeyya   savajjanavajje   dhamme   janeyya
hinappanite   dhamme   janeyya   kanhasukkasappatibhage   dhamme  janeyya
ayam vuccati puggalo ekacakkhu.
     {90.2}   Katamo   ca   puggalo  dvicakkhu  idhekaccassa  puggalassa
tatharupam  cakkhu  hoti  yatharupena  cakkhuna  anadhigatam  va bhogam adhigaccheyya
adhigatam  va  bhogam  phatim  kareyya  tatharupampissa  cakkhu  hoti  yatharupena
cakkhuna  kusalakusale  dhamme  janeyya  savajjanavajje  dhamme janeyya
hinappanite   dhamme   janeyya   kanhasukkasappatibhage   dhamme  janeyya
ayam vuccati puggalo dvicakkhu.
     [91]   Katamo   ca   puggalo   avakujjapanno  idhekacco  puggalo
aramam    gantva   hoti   abhikkhanam   bhikkhunam   santike   dhammassavanaya
tassa  bhikkhu  dhammam  desenti  adikalyanam  majjhekalyanam pariyosanakalyanam
sattham      sabyanjanam      kevalaparipunnam      parisuddham      brahmacariyam
pakasenti   so   tasmim   asane  nisinno  tassa  kathaya  neva  adim
manasikaroti   na   majjham  manasikaroti  na  pariyosanam  manasikaroti  vutthitopi
tamha   asana   tassa   kathaya   neva   adim  manasikaroti  na  majjham
manasikaroti    na   pariyosanam   manasikaroti   seyyathapi   nama   kumbho
nikujjo   tattha   udakam   asittam   vivattati   no   santhati   evameva
idhekacco   puggalo   aramam  gantva  hoti  abhikkhanam  bhikkhunam  santike
Dhammassavanaya   tassa   bhikkhu  dhammam  desenti  adikalyanam  majjhekalyanam
pariyosanakalyanam     sattham     sabyanjanam     kevalaparipunnam    parisuddham
brahmacariyam   pakasenti   so   tasmim   asane  nisinno  tassa  kathaya
neva  adim  manasikaroti  na  majjham  manasikaroti  na  pariyosanam  manasikaroti
vutthitopi   tamha   asana   tassa   kathaya   neva  adim  manasikaroti
na   majjham   manasikaroti  na  pariyosanam  manasikaroti  ayam  vuccati  puggalo
avakujjapanno.
     {91.1}   Katamo  ca  puggalo  uccangapanno  idhekacco  puggalo
aramam    gantva   hoti   abhikkhanam   bhikkhunam   santike   dhammassavanaya
tassa     bhikkhu     dhammam     desenti    adikalyanam    majjhekalyanam
pariyosanakalyanam     sattham     sabyanjanam     kevalaparipunnam    parisuddham
brahmacariyam  pakasenti  so  tasmim  asane  nisinno tassa kathaya adimpi
manasikaroti   majjhampi   manasikaroti   pariyosanampi   manasikaroti   vutthito
ca  kho  tamha  asana  tassa  kathaya  neva  adim  manasikaroti na majjham
manasikaroti   na   pariyosanam   manasikaroti   seyyathapi   nama   purisassa
uccangepi    nanakhajjakani    akinnani    tila   tandula   modaka
badara  so  tamha  asana  vutthahanto  satisammosa  pakireyya evameva
idhekacco   puggalo   aramam  gantva  hoti  abhikkhanam  bhikkhunam  santike
dhammassavanaya   tassa   bhikkhu  dhammam  desenti  adikalyanam  majjhekalyanam
pariyosanakalyanam     sattham     sabyanjanam     kevalaparipunnam    parisuddham
brahmacariyam   pakasenti   so   tasmim   asane  nisinno  tassa  kathaya
Adimpi   manasikaroti   majjhampi   manasikaroti   pariyosanampi   manasikaroti
vutthito  ca  kho  tamha  asana  tassa  kathaya  neva  adim manasikaroti
na   majjham   manasikaroti  na  pariyosanam  manasikaroti  ayam  vuccati  puggalo
uccangapanno.
     {91.2}   Katamo   ca   puggalo   puthupanno  idhekacco  puggalo
aramam   gantva   hoti  abhikkhanam  bhikkhunam  santike  dhammassavanaya  tassa
bhikkhu   dhammam   desenti   adikalyanam   majjhekalyanam  pariyosanakalyanam
sattham    sabyanjanam    kevalaparipunnam   parisuddham   brahmacariyam   pakasenti
so   tasmim   asane   nisinno   tassa   kathaya   adimpi  manasikaroti
majjhampi    manasikaroti    pariyosanampi   manasikaroti   vutthitopi   tamha
asana   tassa    kathaya   adimpi   manasikaroti   majjhampi  manasikaroti
pariyosanampi   manasikaroti   seyyathapi   nama   kumbho  ukkujjo  tattha
udakam   asittam   santhati   no  vivattati  evameva  idhekacco  puggalo
aramam   gantva   hoti  abhikkhanam  bhikkhunam  santike  dhammassavanaya  tassa
bhikkhu   dhammam   desenti   adikalyanam   majjhekalyanam  pariyosanakalyanam
sattham    sabyanjanam    kevalaparipunnam   parisuddham   brahmacariyam   pakasenti
so   tasmim   asane   nisinno   tassa   kathaya   adimpi  manasikaroti
majjhampi    manasikaroti    pariyosanampi   manasikaroti   vutthitopi   tamha
asana   tassa   kathaya   adimpi   manasikaroti   majjhampi   manasikaroti
pariyosanampi manasikaroti ayam vuccati puggalo puthupanno.
     [92]   Katamo   ca   puggalo  kamesu  ca  bhavesu  ca  avitarago
Sotapannasakadagamino   ime   vuccanti   puggala   kamesu  ca  bhavesu
ca   avitaraga   .   katamo   ca   puggalo  kamesu  vitarago  bhavesu
avitarago    anagami    ayam   vuccati   puggalo   kamesu   vitarago
bhavesu avitarago.
     {92.1}  Katamo  ca  puggalo  kamesu ca bhavesu ca vitarago araha
ayam vuccati puggalo kamesu ca bhavesu ca vitarago.
     [93]   Katamo   ca  puggalo  pasanalekhupamo  idhekacco  puggalo
abhinham   kujjhati   so   ca   khvassa   kodho   ciram   digharattam   anuseti
seyyathapi   nama   pasane   lekha   na  khippam  lujjati  vatena  va
udakena   va   ciratthitika  hoti  evameva  idhekacco  puggalo  abhinham
kujjhati   so   ca   khvassa   kodho  ciram  digharattam  anuseti  ayam  vuccati
puggalo pasanalekhupamo.
     {93.1}   Katamo  ca  puggalo  pathavilekhupamo  idhekacco  puggalo
abhinham   kujjhati   so   ca   khvassa   kodho  na  ciram  digharattam  anuseti
seyyathapi   nama  pathaviya  lekha  khippam  lujjati  vatena  va  udakena
va   na   ciratthitika   hoti   evameva   idhekacco   puggalo  abhinham
kujjhati   so  ca  khvassa  kodho  na  ciram  digharattam  anuseti  ayam  vuccati
puggalo pathavilekhupamo.
     {93.2}    Katamo    ca    puggalo   udakalekhupamo   idhekacco
puggalo      agalhenapi      vuccamano     pharusenapi     vuccamano
amanapenapi     vuccamano     samsandati     ceva     sandhiyati    ceva
sammodati   ceva   seyyathapi   nama   udake   lekha   khippam   lujjati
na   ciratthitika   hoti   evameva   idhekacco   puggalo   agalhenapi
Vuccamano  pharusenapi  vuccamano  amanapenapi  vuccamano  samsandati  ceva
sandhiyati ceva sammodati ceva ayam vuccati puggalo udakalekhupamo.
             Tattha katame tayo potthakupama puggala.
     [94]    Tayo   potthaka   navopi   potthako   dubbanno   ceva
hoti   dukkhasamphasso   ca   appaggho  ca  majjhimopi  potthako  dubbanno
ceva   hoti   dukkhasamphasso   ca   appaggho   ca   jinnopi   potthako
dubbanno   ceva   hoti   dukkhasamphasso   ca  appaggho  ca  .  jinnampi
potthakam ukkhaliparimajjanam va karonti sankarakute va nam chaddenti.
     [95]  Evameva  tayome  potthakupama  puggala  santo samvijjamana
bhikkhusu . Katame tayo .  navo cepi bhikkhu hoti dussilo papadhammo idamassa
dubbannataya    seyyathapi   so   potthako   dubbanno   tathupamo   ayam
puggalo   ye   kho   panassa   sevanti  bhajanti  payirupasanti  ditthanugatim
apajjanti    tesantam    hoti   digharattam   ahitaya   dukkhaya   idamassa
dukkhasamphassataya   seyyathapi   so   potthako   dukkhasamphasso   tathupamo
ayam   puggalo   yesam   kho   pana   patigganhati  civarapindapatasenasana-
gilanapaccayabhesajjaparikkharam      tesantam     na     mahapphalam     hoti
na    mahanisamsam    idamassa   appagghataya   seyyathapi   so   potthako
appaggho   tathupamo   ayam   puggalo  majjhimo  cepi  bhikkhu  hoti  .pe.
Thero   cepi   bhikkhu   hoti  dussilo  papadhammo  idamassa  dubbannataya
seyyathapi    so    potthako    dubbanno    tathupamo   ayam   puggalo
Ye   kho   panassa  sevanti  bhajanti  payirupasanti  ditthanugatim  apajjanti
tesantam   hoti   digharattam   ahitaya   dukkhaya  idamassa  dukkhasamphassataya
seyyathapi   so   potthako  dukkhasamphasso  tathupamo  ayam  puggalo  yesam
kho   pana   patigganhati   civarapindapatasenasanagilanapaccayabhesajjaparikkharam
tesantam   na    mahapphalam   hoti   na   mahanisamsam   idamassa  appagghataya
seyyathapi    so    potthako    appaggho    tathupamo   ayam   puggalo
evarupo    ce    thero   bhikkhu   sanghamajjhe   bhanati   tamenam   bhikkhu
evamahamsu   kimnu   kho   tuyham   balassa   abyattassa   bhanitena  tvampi
nama   bhanitabbam   mannasiti   so   kuppito   anattamano   tatharupim  vacam
nicchareti  yatharupaya  vacaya sangho ukkhipati sankarakuteva nam potthakam .
Ime tayo potthakupama puggala santo samvijjamana bhikkhusu.
            Tattha katame tayo kasikavatthupama puggala.
     [96]    Tini    kasikavatthani    navampi    kasikavattham   vannavantam
ceva     hoti    sukhasamphassanca    mahagghanca    majjhimampi    kasikavattham
vannavantam     ceva     hoti     sukhasamphassanca    mahagghanca    jinnampi
kasikavattham    vannavantam    ceva   hoti   sukhasamphassanca   mahagghanca  .
Jinnampi    kasikavattham    ratanapalivethanam    va   karonti   gandhakarandake
va nam nikkhipanti.
     [97]    Evameva    tayome   kasikavatthupama   puggala   santo
samvijjamana bhikkhusu. Katame tayo.
     {97.1}      Navo      cepi      bhikkhu     hoti     silava
Kalyanadhammo    idamassa    suvannataya    seyyathapi    tam   kasikavattham
vannavantam   tathupamo   ayam   puggalo   ye  kho  panassa  sevanti  bhajanti
payirupasanti   ditthanugatim   apajjanti   tesantam   hoti  digharattam  hitaya
sukhaya     idamassa    sukhasamphassataya    seyyathapi    tam    kasikavattham
sukhasamphassam   tathupamo   ayam   puggalo   yesam   kho   pana   patigganhati
civarapindapatasenasanagilanapaccayabhesajjaparikkharam      tesantam     mahapphalam
hoti    mahanisamsam   idamassa   mahagghataya   seyyathapi   tam   kasikavattham
mahaggham tathupamo ayam puggalo
     {97.2}  majjhimo  cepi  bhikkhu .pe. Thero cepi bhikkhu hoti silava
kalyanadhammo    idamassa    suvannataya    seyyathapi    tam   kasikavattham
vannavantam   tathupamo   ayam   puggalo   ye  kho  panassa  sevanti  bhajanti
payirupasanti   ditthanugatim   apajjanti   tesantam   hoti  digharattam  hitaya
sukhaya   idamassa   sukhasamphassataya  seyyathapi  tam  kasikavattham  sukhasamphassam
tathupamo  ayam  puggalo  yesam  kho  pana patigganhati civarapindapatasenasana-
gilanapaccayabhesajjaparikkharam   tesantam  mahapphalam  hoti  mahanisamsam  idamassa
mahagghataya seyyathapi tam kasikavattham mahaggham tathupamo ayam puggalo
     {97.3}  evarupo  ce  thero  bhikkhu sanghamajjhe bhanati tamenam bhikkhu
evamahamsu  appasadda  ayasmanto  hotha  thero  bhikkhu  dhammanca vinayanca
bhanatiti  tassa  tam  vacanam  adheyyam  gacchati gandhakarandakeva nam  kasikavattham.
Ime tayo kasikavatthupama puggala santo samvijjamana bhikkhusu.
     [98]   Katamo   ca   puggalo   suppameyyo   idhekacco  puggalo
uddhato    hoti    unnalo   capalo   mukharo   vikinnavaco   mutthassati
asampajano    asamahito   vibbhantacitto   pakatindriyo   ayam   vuccati
puggalo   suppameyyo   .  katamo  ca  puggalo  duppameyyo  idhekacco
puggalo   anuddhato   hoti   anunnalo   acapalo  amukharo  avikinnavaco
upatthitassati   sampajano   samahito   ekaggacitto   samvutindriyo   ayam
vuccati puggalo duppameyyo.
     {98.1}   Katamo   ca  puggalo  appameyyo  idhekacco  puggalo
asavanam   khaya   anasavam   cetovimuttim   pannavimuttim  dittheva  dhamme
sayam   abhinna   sacchikatva   upasampajja   viharati   ayam  vuccati  puggalo
appameyyo.
     [99]   Katamo   ca   puggalo   na   sevitabbo  na  bhajitabbo  na
payirupasitabbo   idhekacco   puggalo   hino   hoti   silena  samadhina
pannaya    evarupo    puggalo   na   sevitabbo   na   bhajitabbo   na
payirupasitabbo annatra anuddaya annatra anukampa.
     {99.1}  Katamo  ca  puggalo  sevitabbo  bhajitabbo payirupasitabbo
idhekacco   puggalo  sadiso  hoti  silena  samadhina  pannaya  evarupo
puggalo   sevitabbo   bhajitabbo  payirupasitabbo  .  tam  kissa  hetu .
Silasamannagatanam  satam  silakatha  ca  no  bhavissati  sa ca no phasu bhavissati
sa   ca   no   pavattini  bhavissati  samadhisamannagatanam  satam   samadhikatha
ca  no  bhavissati  sa  ca  no  phasu  bhavissati sa ca no pavattini bhavissati
Pannasamannagatanam    satam   pannakatha   ca   no   bhavissati   sa   ca
no   phasu  bhavissati  sa  ca  no  pavattini  bhavissatiti  tasma  evarupo
puggalo sevitabbo bhajitabbo payirupasitabbo.
     {99.2}   Katamo   ca   puggalo  sakkatva  garukatva  sevitabbo
bhajitabbo   payirupasitabbo   idhekacco   puggalo   adhiko  hoti  silena
samadhina     pannaya    evarupo    puggalo    sakkatva    garukatva
sevitabbo   bhajitabbo   payirupasitabbo  .  tam  kissa  hetu  .  aparipuram
va   silakkhandham   paripuressami   paripuram   va   silakkhandham   tattha  tattha
pannaya    anuggahissami    aparipuram   va   samadhikkhandham   paripuressami
paripuram    va    samadhikkhandham    tattha   tattha   pannaya   anuggahissami
aparipuram   va   pannakkhandham   paripuressami   paripuram   va  pannakkhandham
tattha    tattha   pannaya   anuggahissamiti   tasma   evarupo   puggalo
sakkatva garukatva sevitabbo bhajitabbo payirupasitabbo.
     [100]   Katamo   ca   puggalo   jigucchitabbo   na  sevitabbo  na
bhajitabbo   na   payirupasitabbo   idhekacco   puggalo   dussilo   hoti
papadhammo     asucisankassarasamacaro     paticchannakammanto    assamano
samanapatinno    abrahmacari    brahmacaripatinno    antoputi   avassuto
kasambukajato  evarupo  puggalo  jigucchitabbo  na  sevitabbo na bhajitabbo
na  payirupasitabbo  .  tam  kissa  hetu  .  kincapi  evarupassa puggalassa
na    ditthanugatim    apajjati    atha   kho   nam   papako   kittisaddo
Abbhuggacchati    papamitto   purisapuggalo   papasahayo   papasampavankoti
seyyathapi   nama   ahi   guthagato   kincapi   na   damsati  atha  kho  nam
makkheti   evameva   kincapi   evarupassa   puggalassa   na   ditthanugatim
apajjati   atha   kho   nam  papako  kittisaddo  abbhuggacchati  papamitto
purisapuggalo   papasahayo   papasampavankoti   tasma  evarupo  puggalo
jigucchitabbo na sevitabbo na bhajitabbo na payirupasitabbo.
     {100.1}  Katamo  ca  puggalo  ajjhupekkhitabbo  na  sevitabbo na
bhajitabbo   na   payirupasitabbo   idhekacco   puggalo   kodhano   hoti
upayasabahulo   appampi   vutto  samano  abhisajjati  kuppati  byapajjati
patitthiyati    kopanca    dosanca   appaccayanca   patukaroti   seyyathapi
nama  duttharuko  katthena  va  kathalaya  va  ghattito  bhiyyoso mattaya
asavam  deti  evameva  idhekacco  puggalo  kodhano hoti upayasabahulo
appampi   vutto   samano   abhisajjati   kuppati   byapajjati   patitthiyati
kopanca    dosanca    appaccayanca    patukaroti    seyyathapi    nama
tindukalatam   katthena   va   kathalaya   va  ghattitam  bhiyyoso  mattaya
ciccitayati   citicitayati   evameva   idhekacco  puggalo  kodhano  hoti
upayasabahulo   appampi   vutto  samano  abhisajjati  kuppati  byapajjati
patitthiyati   kopanca   dosanca  appaccayanca  patukaroti  seyyathapi  nama
guthakupo  katthena  va  kathalaya  va  ghattito  bhiyyoso mattaya duggandho
hoti   evameva   idhekacco   puggalo   kodhano  hoti  upayasabahulo
Appampi   vutto   samano   abhisajjati   kuppati   byapajjati   patitthiyati
kopanca    dosanca    appaccayanca    patukaroti    evarupo   puggalo
ajjhupekkhitabbo   na   sevitabbo   na  bhajitabbo  na  payirupasitabbo .
Tam   kissa  hetu  .  akkoseyyapi  mam  paribhaseyyapi  mam  anatthampi  me
kareyyati   tasma   evarupo  puggalo  ajjhupekkhitabbo  na  sevitabbo
na bhajitabbo na payirupasitabbo.
     {100.2}  Katamo  ca  puggalo  sevitabbo bhajitabbo payirupasitabbo
idhekacco   puggalo   silava   hoti   kalyanadhammo  evarupo  puggalo
sevitabbo   bhajitabbo   payirupasitabbo  .  tam  kissa  hetu  .  kincapi
evarupassa   puggalassa  na  ditthanugatim  apajjati  atha  kho  nam  kalyano
kittisaddo    abbhuggacchati   kalyanamitto   purisapuggalo   kalyanasahayo
kalyanasampavankoti   tasma   evarupo   puggalo   sevitabbo  bhajitabbo
payirupasitabbo.
     [101]    Katamo   ca   puggalo   silesu   paripurikari   samadhismim
mattasokari    pannaya    mattasokari    sotapannasakadagamino   ime
vuccanti    puggala   silesu   paripurikarino   samadhismim   mattasokarino
pannaya   mattasokarino  .  katamo  ca  puggalo  silesu  ca  paripurikari
samadhisminca      paripurikari     pannaya     mattasokari     anagami
ayam   vuccati   puggalo   silesu  ca  paripurikari  samadhisminca  paripurikari
pannaya   mattasokari   .   katamo  ca  puggalo  silesu  ca  paripurikari
samadhisminca    paripurikari    pannaya    ca   paripurikari   araha   ayam
Vuccati    puggalo   silesu   ca   paripurikari   samadhisminca   paripurikari
pannaya ca paripurikari.
     [102]  Tattha  katame  tayo  sattharo  idhekacco  sattha  kamanam
parinnam   pannapeti   na   rupanam   parinnam   pannapeti   na   vedananam
parinnam    pannapeti    idha   panekacco   sattha   kamananca   parinnam
pannapeti    rupananca    parinnam   pannapeti   na   vedananam   parinnam
pannapeti   idha   panekacco   sattha   kamananca   parinnam  pannapeti
rupananca parinnam pannapeti vedanananca parinnam pannapeti.
     {102.1}   Tattha  yvayam  sattha  kamanam  parinnam  pannapeti  na
rupanam    parinnam    pannapeti    na    vedananam   parinnam   pannapeti
rupavacarasamapattiya  labhi  sattha  tena  datthabbo . Tattha yvayam sattha
kamananca    parinnam    pannapeti    rupananca    parinnam    pannapeti
na    vedananam    parinnam    pannapeti    arupavacarasamapattiya   labhi
sattha   tena   datthabbo   .  tattha  yvayam  sattha  kamananca  parinnam
pannapeti    rupananca    parinnam    pannapeti    vedanananca   parinnam
pannapeti    sammasambuddho    sattha    tena   datthabbo   .   ime
tayo sattharo.
     [103]   Tattha   katame   aparepi   tayo   sattharo   idhekacco
sattha   ditthe   ceva   dhamme   attanam  saccato  thetato  pannapeti
abhisamparayanca     attanam    saccato    thetato    pannapeti    idha
Panekacco   sattha   ditthe   ceva   dhamme  attanam  saccato  thetato
pannapeti   no   ca   kho   abhisamparayam   attanam   saccato  thetato
pannapeti   idha   panekacco   sattha   ditthe   ceva  dhamme  attanam
saccato   thetato   na   pannapeti   abhisamparayanca   attanam  saccato
thetato na pannapeti.
     {103.1}  Tattha  yvayam  sattha ditthe ceva dhamme attanam saccato
thetato    pannapeti    abhisamparayanca    attanam   saccato   thetato
pannapeti   sassatavado   sattha   tena   datthabbo   .  tattha  yvayam
sattha  ditthe  ceva  dhamme  attanam  saccato  thetato pannapeti no ca
kho   abhisamparayam   attanam  saccato  thetato  pannapeti  ucchedavado
sattha   tena  datthabbo  .  tattha  yvayam  sattha  ditthe  ceva  dhamme
attanam   saccato   thetato   na   pannapeti   abhisamparayanca  attanam
saccato  thetato  na  pannapeti  sammasambuddho  sattha tena datthabbo.
Ime aparepi tayo sattharo.
                      Tikaniddeso.
                         ----------



             The Pali Tipitaka in Roman Character Volume 36 page 162-180. https://84000.org/tipitaka/read/roman_read.php?B=36&A=3206&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=36&A=3206&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=36.2&item=84&items=20              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=36&siri=29              Study Atthakatha :- https://84000.org/tipitaka/attha/attha.php?b=36&i=599              The Pali Atthakatha in Thai :- https://84000.org/tipitaka/atthapali/read_th.php?B=55&A=1461              The Pali Atthakatha in Roman :- https://84000.org/tipitaka/atthapali/read_rm.php?B=55&A=1461              Contents of The Tipitaka Volume 36 https://84000.org/tipitaka/read/?index_36 https://84000.org/tipitaka/english/?index_36

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]