PaliRoman Vol.37

Asataragakatha [1531] Atthi asataragoti . amanta . dukkhabhinandino satta atthi keci dukkham patthenti pihenti esanti gavesanti pariyesanti dukkham ajjhosaya titthantiti . na hevam vattabbe .pe. nanu sukhabhinandino satta atthi keci sukham patthenti pihenti esanti gavesanti pariyesanti sukham ajjhosaya titthantiti . Amanta . hanci sukhabhinandino satta atthi keci sukham patthenti pihenti esanti gavesanti pariyesanti sukham ajjhosaya titthanti no vata re vattabbe atthi asataragoti. [1532] Atthi asataragoti . amanta . dukkhaya vedanaya raganusayo anuseti sukhaya vedanaya patighanusayo anusetiti . Na hevam vattabbe .pe. nanu sukhaya vedanaya raganusayo anuseti dukkhaya vedanaya patighanusayo anusetiti . amanta . Hanci sukhaya vedanaya raganusayo anuseti dukkhaya vedanaya patighanusayo anuseti no vata re vattabbe atthi asataragoti. [1533] Na vattabbam atthi asataragoti . amanta . nanu vuttam bhagavata so evam anurodhavirodham samapanno yam kinci vedanam vedayati sukham va dukkham va adukkhamasukham va so tam vedanam abhinandati abhivadati ajjhosaya titthatiti ^1- attheva suttantoti . Amanta. Tena hi atthi asataragoti. Asataragakatha. ------------

The Pali Tipitaka in Roman Character Volume 37 page 515-516. https://84000.org/tipitaka/read/roman_read.php?B=37&A=10236&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=37&A=10236&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=37&item=1531&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=37&siri=151 Study Atthakatha :- https://84000.org/tipitaka/attha/attha.php?b=37&i=1531 The Pali Atthakatha in Thai :- https://84000.org/tipitaka/atthapali/read_th.php?B=55&A=6108 The Pali Atthakatha in Roman :- https://84000.org/tipitaka/atthapali/read_rm.php?B=55&A=6108 Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37