PaliRoman Vol.37

Kammupacayakatha [1634] Annam kammam anno kammupacayoti . amanta . Anno phasso anno phassupacayo anna vedana anno vedanupacayo anna sanna anno sannupacayo anna cetana anno cetanupacayo annam cittam anno cittupacayo anna saddha anno saddhupacayo annam viriyam anno viriyupacayo anna sati anno satupacayo anno samadhi anno samadhupacayo anna panna anno pannupacayo anno rago anno ragupacayo .pe. annam anottappam anno anottappupacayoti. Na hevam vattabbe .pe. [1635] Annam kammam anno kammupacayoti . amanta . Kammupacayo kammena saha jatoti . na hevam vattabbe .pe. Kammupacayo kammena saha jatoti . amanta . kusalena kammena saha jato kammupacayo kusaloti . na hevam vattabbe .pe. kusalena kammena saha jato kammupacayo kusaloti . amanta . sukhaya vedanaya sampayuttena kammena saha jato kammupacayo sukhaya vedanaya sampayuttoti . na hevam vattabbe .pe. dukkhaya vedanaya .pe. Adukkhamasukhaya vedanaya sampayuttena kammena saha jato kammupacayo adukkhamasukhaya vedanaya sampayuttoti . na hevam vattabbe .pe. Kammupacayo kammena saha jatoti . amanta . akusalena kammena saha jato kammupacayo akusaloti . na hevam vattabbe .pe. Akusalena kammena saha jato kammupacayo akusaloti . amanta . Sukhaya vedanaya sampayuttena kammena saha jato kammupacayo sukhaya vedanaya sampayuttoti . na hevam vattabbe .pe. dukkhaya vedanaya .pe. adukkhamasukhaya vedanaya sampayuttena kammena saha jato kammupacayo adukkhamasukhaya vedanaya sampayuttoti . Na hevam vattabbe .pe. [1636] Kammam cittena saha jatam kammam sarammananti . Amanta . kammupacayo cittena saha jato kammupacayo sarammanoti. Na hevam vattabbe .pe. kammupacayo cittena saha jato kammupacayo Anarammanoti . amanta . kammam cittena saha jatam kammam anarammananti. Na hevam vattabbe .pe. [1637] Kammam cittena saha jatam cittam bhijjamanam kammam bhijjatiti . amanta . kammupacayo cittena saha jato cittam bhijjamanam kammupacayo bhijjatiti. Na hevam vattabbe .pe. [1638] Kammupacayo cittena saha jato cittam bhijjamanam kammupacayo na bhijjatiti . amanta . kammam cittena saha jatam cittam bhijjamanam kammam na bhijjatiti . na hevam vattabbe .pe. Kammamhi kammupacayoti . amanta . tanneva kammam so kammupacayoti . na hevam vattabbe .pe. kammamhi kammupacayo kammupacayato vipako nibbattatiti . amanta . tanneva kammam so kammupacayo so kammavipakoti . na hevam vattabbe .pe. Kammamhi kammupacayo kammupacayato vipako nibbattati vipako sarammanoti . amanta . kammupacayo sarammanoti . na hevam vattabbe .pe. kammupacayo anarammanoti . amanta . vipako anarammanoti . na hevam vattabbe .pe. annam kammam anno kammupacayoti . amanta . nanu vuttam bhagavata idha punna ekacco sabyapajjhampi abyapajjhampi kayasankharam abhisankharoti sabyapajjhampi abyapajjhampi vacisankharam .pe. manosankharam abhisankharoti so sabyapajjhampi abyapajjhampi kayasankharam abhisankharitva Sabyapajjhampi abyapajjhampi vacisankharam .pe. manosankharam abhisankharitva sabyapajjhampi abyapajjhampi lokam upapajjati tamenam sabyapajjhampi abyapajjhampi lokam upapannam samanam sabyapajjhapi abyapajjhapi phassa phusanti so sabyapajjhehipi abyapajjhehipi phassehi phuttho samano sabyapajjhampi abyapajjhampi vedanam vedeti vokinnasukhadukkham seyyathapi manussa ekacce ca deva ekacce ca vinipatika iti kho punna bhutabhutassa upapatti hoti yam karoti tena upapajjati upapannametam phassa phusanti evampaham punna kammadayada sattati vadamiti ^1- attheva suttantoti . Amanta. Tena hi na vattabbam annam kammam anno kammupacayoti. Kammupacayakatha. Pannarasamo vaggo. Tassa uddanam paccayata vavatthita paticcasamuppado addha khano layo muhuttam cattaro asava anasava lokuttaranam dhammanam jaramaranam lokuttaram ^2- sannavedayitanirodhasamapatti lokuttara sannavedayitanirodhasamapatti lokiya sannavedayitanirodhasamapanno kalam kareyya sveva maggo asannasattupika ^1- @Footnote: ¹ Ma. Ma. 87 . 2. Ma. lokuttaRa. Annam kammam anno kammupacayoti. Tatiyo pannasako. Anusaya samvaro kappo mulanca vavatthitati. -----------

The Pali Tipitaka in Roman Character Volume 37 page 552-556. https://84000.org/tipitaka/read/roman_read.php?B=37&A=10955&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=37&A=10955&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=37&item=1634&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=37&siri=173 Study Atthakatha :- https://84000.org/tipitaka/attha/attha.php?b=37&i=1634 The Pali Atthakatha in Thai :- https://84000.org/tipitaka/atthapali/read_th.php?B=55&A=6378 The Pali Atthakatha in Roman :- https://84000.org/tipitaka/atthapali/read_rm.php?B=55&A=6378 Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37