|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 37 : PALI ROMAN Sutta Pitaka Vol 29 : Abhi. Kathāvatthu
Rūpaṃkusalākusalantikathā [1668] Rūpaṃ kusalanti . āmantā . sārammaṇaṃ atthi tassa āvajjanā .pe. paṇidhīti . na hevaṃ vattabbe .pe. Nanu anārammaṇaṃ natthi tassa āvajjanā .pe. paṇidhīti . āmantā . hañci anārammaṇaṃ natthi tassa āvajjanā .pe. paṇidhi no vata re vattabbe rūpaṃ kusalanti. [1669] Alobho kusalo sārammaṇo atthi tassa āvajjanā .pe. paṇidhīti . āmantā . rūpaṃ kusalaṃ sārammaṇaṃ atthi tassa āvajjanā .pe. paṇidhīti . na hevaṃ vattabbe .pe. Adoso kusalo .pe. amoho kusalo .pe. saddhā viriyaṃ sati samādhi .pe. paññā kusalā sārammaṇā atthi tāya āvajjanā .pe. paṇidhīti . āmantā . rūpaṃ kusalaṃ sārammaṇaṃ atthi tassa āvajjanā .pe. Paṇidhīti. Na hevaṃ vattabbe .pe. [1670] Rūpaṃ kusalaṃ anārammaṇaṃ natthi tassa āvajjanā .pe. Paṇidhīti . āmantā . alobho kusalo anārammaṇo natthi tassa--------------------------------------------------------------------------------------------- page568.
Āvajjanā .pe. paṇidhīti . na hevaṃ vattabbe .pe. rūpaṃ kusalaṃ anārammaṇaṃ natthi tassa āvajjanā .pe. paṇidhīti . āmantā . Adoso kusalo .pe. paññā kusalā anārammaṇā natthi tāya āvajjanā .pe. Paṇidhīti. Na hevaṃ vattabbe .pe. [1671] Rūpaṃ akusalanti . āmantā . sārammaṇaṃ atthi tassa āvajjanā .pe. paṇidhīti . na hevaṃ vattabbe .pe. nanu anārammaṇaṃ natthi tassa āvajjanā .pe. paṇidhīti . āmantā . Hañci anārammaṇaṃ natthi tassa āvajjanā .pe. paṇidhi no vata re vattabbe rūpaṃ akusalanti .pe. [1672] Lobho akusalo sārammaṇo atthi tassa āvajjanā .pe. paṇidhīti . āmantā . rūpaṃ akusalaṃ sārammaṇaṃ atthi tassa āvajjanā .pe. paṇidhīti . na hevaṃ vattabbe .pe. doso moho māno .pe. anottappaṃ akusalaṃ sārammaṇaṃ atthi tassa āvajjanā .pe. paṇidhīti . āmantā . rūpaṃ akusalaṃ sārammaṇaṃ atthi tassa āvajjanā .pe. Paṇidhīti. Na hevaṃ vattabbe .pe. [1673] Rūpaṃ akusalaṃ anārammaṇaṃ natthi tassa āvajjanā .pe. paṇidhīti āmantā . lobho akusalo anārammaṇo natthi tassa āvajjanā .pe. paṇidhīti . na hevaṃ vattabbe .pe. rūpaṃ akusalaṃ anārammaṇaṃ natthi tassa āvajjanā .pe. paṇidhīti . āmantā . Doso moho māno .pe. anottappaṃ akusalaṃ anārammaṇaṃ--------------------------------------------------------------------------------------------- page569.
Natthi tassa āvajjanā .pe. paṇidhīti . na hevaṃ vattabbe .pe. [1674] Na vattabbaṃ rūpaṃ kusalampi akusalampīti . āmantā . Nanu kāyakammaṃ vacīkammaṃ kusalampi akusalampīti . āmantā . hañci kāyakammaṃ vacīkammaṃ kusalampi akusalampi tena vata re vattabbe rūpaṃ kusalampi akusalampīti. Rūpaṃkusalākusalantikathā. ----------------The Pali Tipitaka in Roman Character Volume 37 page 567-569. https://84000.org/tipitaka/read/roman_read.php?B=37&A=11244&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=37&A=11244&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=37&item=1668&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=37&siri=180 Study Atthakatha :- https://84000.org/tipitaka/attha/attha.php?b=37&i=1668 The Pali Atthakatha in Thai :- https://84000.org/tipitaka/atthapali/read_th.php?B=55&A=6471 The Pali Atthakatha in Roman :- https://84000.org/tipitaka/atthapali/read_rm.php?B=55&A=6471 Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]