PaliRoman Vol.37

Dakkhinavisuddhikatha [1729] Dayakatova danam visujjhati no patiggahakatoti . Amanta . nanu atthi keci patiggahaka ahuneyya pahuneyya dakkhineyya anjalikaraniya anuttaram punnakkhettam lokassati . Amanta . hanci atthi keci patiggahaka ahuneyya pahuneyya dakkhineyya anjalikaraniya anuttaram punnakkhettam lokassa no vata re vattabbe dayakatova danam visujjhati no patiggahakatoti. [1730] Dayakatova danam visujjhati no patiggahakatoti . Amanta . nanu cattaro purisayuga attha purisapuggala dakkhineyya vutta bhagavatati . amanta . hanci cattaro purisayuga attha purisapuggala dakkhineyya vutta bhagavata no vata re vattabbe dayakatova danam visujjhati no patiggahakatoti. [1731] Dayakatova danam visujjhati no patiggahakatoti . Amanta . nanu atthi keci sotapanne danam datva dakkhinam aradhentiti . amanta . hanci atthi keci sotapanne danam datva dakkhinam aradhenti no vata re vattabbe dayakatova danam visujjhati no patiggahakatoti . nanu atthi keci sakadagamissa .pe. anagamissa .pe. arahato danam datva dakkhinam aradhentiti. Amanta . hanci atthi keci arahato danam datva dakkhinam aradhenti no vata re vattabbe dayakatova danam visujjhati no patiggahakatoti. [1732] Patiggahakatova danam visujjhati no dayakatoti . Amanta . anno annassa karako parakatam sukhadukkham anno karoti anno patisamvedetiti . na hevam vattabbe .pe. Dayakatova danam visujjhati no patiggahakatoti . amanta . Nanu vuttam bhagavata catasso kho ima ananda dakkhinavisuddhiyo. {1732.1} Katama catasso. Atthananda dakkhina dayakato visujjhati no patiggahakato atthananda dakkhina patiggahakato visujjhati no Dayakato atthananda dakkhina neva dayakato visujjhati no patiggahakato atthananda dakkhina dayakato ceva visujjhati patiggahakato ca kathancananda dakkhina dayakato visujjhati no patiggahakato {1732.2} idhananda dayako hoti silava kalyanadhammo patiggahaka honti dussila papadhamma evam kho ananda dakkhina dayakato visujjhati no patiggahakato kathancananda dakkhina patiggahakato visujjhati no dayakato {1732.3} idhananda dayako hoti dussilo papadhammo patiggahaka honti silavanto kalyana dhamma evam kho ananda dakkhina patiggahakato visujjhati no dayakato kathancananda dakkhina neva dayakato visujjhati no patiggahakato {1732.4} idhananda dayako ca hoti dussilo papadhammo patiggahaka ca honti dussila papadhamma evam kho ananda dakkhina neva dayakato visujjhati no patiggahakato kathancananda dakkhina dayakato ceva visujjhati patiggahakato ca {1732.5} idhananda dayako ca hoti silava kalyanadhammo patiggahaka ca honti silavanto kalyanadhamma evam kho ananda dakkhina dayakato ceva visujjhati patiggahakato ca ima kho ananda catasso dakkhinavisuddhiyoti ^1- attheva suttantoti . amanta . Tena hi na vattabbam dayakatova danam visujjhati no patiggahakatoti. Dakkhinavisuddhikatha. @Footnote: ¹ Ma. u. 421. Sattarasamo vaggo. Tassa uddanam atthi arahato punnupacayo natthi arahato akalamaccu sabbamidam kammato indriyabaddhanneva dukkham thapetva ariyamaggam avasesa sankhara dukkha sangho dakkhinam patigganhati sangho dakkhinam visodheti sangho bhunjati pivati khadati sayati sanghassa dinnam mahapphalam atthi danam visujjhatiti. -----------

The Pali Tipitaka in Roman Character Volume 37 page 589-592. https://84000.org/tipitaka/read/roman_read.php?B=37&A=11680&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=37&A=11680&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=37&item=1729&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=37&siri=194 Study Atthakatha :- https://84000.org/tipitaka/attha/attha.php?b=37&i=1729 The Pali Atthakatha in Thai :- https://84000.org/tipitaka/atthapali/read_th.php?B=55&A=6681 The Pali Atthakatha in Roman :- https://84000.org/tipitaka/atthapali/read_rm.php?B=55&A=6681 Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37