|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 37 : PALI ROMAN Sutta Pitaka Vol 29 : Abhi. Kathāvatthu
Dhammakathā [1847] Sabbe dhammā niyatāti. Āmantā. Micchattaniyatāti. Na hevaṃ vattabbe .pe. sammattaniyatāti . na hevaṃ vattabbe .pe. natthi aniyato rāsīti . na hevaṃ vattabbe .pe. nanu atthi aniyato rāsīti . āmantā . hañci atthi aniyato rāsi no vata re vattabbe sabbe dhammā niyatāti. [1848] Sabbe dhammā niyatāti . āmantā. Nanu tayo rāsī vuttā bhagavatā micchattaniyato rāsi sammattaniyato rāsi aniyato rāsīti . āmantā . hañci tayo rāsī vuttā bhagavatā micchattaniyato rāsi sammattaniyato rāsi aniyato rāsi no vata re vattabbe sabbe dhammā niyatāti.--------------------------------------------------------------------------------------------- page643.
[1849] Rūpaṃ rūpaṭṭhena niyatanti. Āmantā. Micchattaniyatanti. Na hevaṃ vattabbe .pe. sammattaniyatanti . na hevaṃ vattabbe .pe. Vedanā .pe. saññā .pe. saṅkhārā .pe. viññāṇaṃ viññāṇaṭṭhena niyatanti . āmantā . micchattaniyatanti . na hevaṃ vattabbe .pe. Sammattaniyatanti. Na hevaṃ vattabbe .pe. [1850] Na vattabbaṃ rūpaṃ rūpaṭṭhena niyataṃ .pe. Vedanā .pe. Saññā .pe. saṅkhārā .pe. viññāṇaṃ viññāṇaṭṭhena niyatanti . Āmantā . rūpaṃ hoti vedanā hoti saññā hoti saṅkhārā honti viññāṇaṃ hoti vedanā saññā hoti saṅkhārā .pe. viññāṇaṃ rūpaṃ hoti vedanā hoti saññā hoti saṅkhārā hontīti . na hevaṃ vattabbe . tena hi rūpaṃ rūpaṭṭhena niyataṃ vedanā .pe. saññā saṅkhārā .pe. Viññāṇaṃ viññāṇaṭṭhena niyatanti. Dhammakathā. --------The Pali Tipitaka in Roman Character Volume 37 page 642-643. https://84000.org/tipitaka/read/roman_read.php?B=37&A=12711&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=37&A=12711&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=37&item=1847&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=37&siri=224 Study Atthakatha :- https://84000.org/tipitaka/attha/attha.php?b=37&i=1847 The Pali Atthakatha in Thai :- https://84000.org/tipitaka/atthapali/read_th.php?B=55&A=7146 The Pali Atthakatha in Roman :- https://84000.org/tipitaka/atthapali/read_rm.php?B=55&A=7146 Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]