|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 37 : PALI ROMAN Sutta Pitaka Vol 29 : Abhi. Kathāvatthu
Sabbasannojanappahanakatha [1018] Sabbasannojananam pahanam arahattanti . amanta . Arahattamaggena sabbe sannojana pahiyantiti. Na hevam vattabbe .pe. [1019] Arahattamaggena sabbe sannojana pahiyantiti . Amanta . arahattamaggena sakkayaditthim vicikiccham silabbataparamasam pajahatiti. Na hevam vattabbe .pe. [1020] Arahattamaggena sakkayaditthim vicikiccham silabbataparamasam pajahatiti . amanta . nanu tinnam sannojananam pahanam sotapattiphalam vuttam bhagavatati . amanta . hanci tinnam sannojananam pahanam sotapattiphalam vuttam bhagavata no vata re vattabbe Arahattamaggena sabbe sannojana pahiyantiti . arahattamaggena sabbe sannojana pahiyantiti . amanta . arahattamaggena olarikam kamaragam olarikam byapadam pajahatiti . na hevam vattabbe .pe. [1021] Arahattamaggena olarikam kamaragam olarikam byapadam pajahatiti . amanta . nanu kamaragabyapadanam tanubhavam sakadagamiphalam vuttam bhagavatati . amanta . hanci kamaraga- byapadanam tanubhavam sakadagamiphalam vuttam bhagavata no vata re vattabbe arahattamaggena sabbe sannojana pahiyantiti. [1022] Arahattamaggena sabbe sannojana pahiyantiti . Amanta . arahattamaggena anusahagatam kamaragam anusahagatam byapadam pajahatiti. Na hevam vattabbe .pe. [1023] Arahattamaggena anusahagatam kamaragam anusahagatam byapadam pajahatiti . amanta . nanu kamaragabyapadanam anavasesappahanam anagamiphalam vuttam bhagavatati . amanta . Hanci kamaragabyapadanam anavasesappahanam anagamiphalam vuttam bhagavata no vata re vattabbe arahattamaggena sabbe sannojana pahiyantiti. [1024] Arahattamaggena sabbe sannojana pahiyantiti . Amanta . nanu ruparagaaruparagamanauddhaccaavijjaya anavasesappahanam Pahanam arahattam vuttam bhagavatati . amanta . hanci ruparaga- aruparagamanauddhaccaavijjaya anavasesappahanam arahattam vuttam bhagavata no vata re vattabbe arahattamaggena sabbe sannojana pahiyantiti. [1025] Na vattabbam sabbasannojananam pahanam arahattanti . Amanta . nanu arahato sabbe sannojana pahinati . amanta. Hanci arahato sabbe sannojana pahina tena vata re vattabbe sabbasannojananam pahanam arahattanti. Sabbasannojanappahanakatha. Catuttho vaggo. Tassa uddanam gihissa araha saha upapattiya araha arahato sabbe dhamma anasava araha catuhi phalehi samannagato evameva chahi upekkhahi bodhiya buddho saham 1- lakkhanasamannagato bodhisatto okkantaniyamo caritabrahmacariyo patipannako phalena samannagato sabbasannojananam pahanam arahattanti. ---------- @Footnote:1. Ma. salakkhanasamannagato.The Pali Tipitaka in Roman Character Volume 37 page 325-327. https://84000.org/tipitaka/read/roman_read.php?B=37&A=6526&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=37&A=6526&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=37&item=1018&items=8 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=37&siri=62 Study Atthakatha :- https://84000.org/tipitaka/attha/attha.php?b=37&i=1018 The Pali Atthakatha in Thai :- https://84000.org/tipitaka/atthapali/read_th.php?B=55&A=4663 The Pali Atthakatha in Roman :- https://84000.org/tipitaka/atthapali/read_rm.php?B=55&A=4663 Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]