ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkไม่แสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 37 : PALI ROMAN Sutta Pitaka Vol 29 : Abhi. Kathāvatthu

page372.

Paribhogamayapunnakatha [1145] Paribhogamayam punnam vaddhatiti . amanta . Paribhogamayo phasso vaddhati vedana vaddhati sanna vaddhati cetana vaddhati cittam vaddhati saddha vaddhati viriyam vaddhati sati vaddhati samadhi vaddhati panna vaddhatiti . na hevam vattabbe .pe. [1146] Paribhogamayam punnam vaddhatiti . amanta . lata viya vaddhati maluva viya vaddhati rukkho viya vaddhati tinam viya vaddhati munjapunjo viya vaddhatiti. Na hevam vattabbe .pe. [1147] Paribhogamayam punnam vaddhatiti . amanta . dayako danam datva na samannaharati hoti punnanti . amanta . Anavajjantassa 1- hoti anabhogassa hoti asamannaharantassa hoti amanasikarontassa hoti acetayantassa hoti apatthayantassa hoti appanidahantassa hotiti . na hevam vattabbe .pe. nanu avajjantassa hoti abhogassa hoti samannaharantassa hoti manasikarontassa hoti cetayantassa hoti patthayantassa hoti panidahantassa hotiti . amanta . hanci avajjantassa hoti abhogassa hoti samannaharantassa hoti manasikarontassa hoti cetayantassa hoti patthayantassa hoti panidahantassa hoti no vata re vattabbe paribhogamayam punnam vaddhatiti. @Footnote: 1 Ma. anavattantassa. sabbassa idisameva.

--------------------------------------------------------------------------------------------- page373.

[1148] Paribhogamayam punnam vaddhatiti . amanta . dayako danam datva kamavitakkam vitakketi byapadavitakkam vitakketi vihimsavitakkam vitakketi hoti punnanti . amanta . dvinnam phassanam .pe. dvinnam cittanam samodhanam hotiti . na hevam vattabbe .pe. dvinnam phassanam .pe. dvinnam cittanam samodhanam hotiti . amanta . kusalakusala savajjanavajja hinappanita kanhasukkasappatibhaga dhamma sammukhibhavam agacchantiti. {1148.1} Na hevam vattabbe .pe. Kusalakusala savajjanavajja hinappanita kanhasukkasappatibhaga dhamma sammukhibhavam agacchantiti . Amanta . nanu vuttam bhagavata cattarimani bhikkhave suviduravidurani. Katamani cattari . nabhanca bhikkhave pathavi ca idam pathamam suviduraviduram orimanca bhikkhave tiram samuddassa parimanca tiram idam dutiyam suviduraviduram yato ca bhikkhave verocano abbhudeti yattha ca atthameti idam tatiyam suviduraviduram satanca bhikkhave dhamma asatanca dhamma idam catuttham suviduraviduram imani kho bhikkhave cattari suviduraviduraniti nabhanca dure pathavi ca dure param samuddassa tadahu dure yato ca verocano abbhudeti pabhankaro yattha ca atthameti

--------------------------------------------------------------------------------------------- page374.

Tato have durataram vadanti satanca dhammam asatanca dhammam abyayiko hoti satam samagamo yavampi tittheyya tatheva hoti khippam haveti asatam samagamo tasma satam dhammo asabbhi arakati 1- attheva suttantoti . amanta . tena hi na vattabbam kusalakusala savajjanavajja hinappanita kanhasukkasappatibhaga dhamma sammukhibhavam agacchantiti. [1149] Na vattabbam paribhogamayam punnam vaddhatiti . amanta. Nanu vuttam bhagavata aramaropa vanaropa ye jana setukaraka papanca udapananca ye dadanti upassayam tesam diva ca ratto ca sada punnam pavaddhati dhammattha silasampanna te jana saggagaminoti 2- attheva suttantoti . amanta . tena hi paribhogamayam punnam vaddhatiti. [1150] Na vattabbam paribhogamayam punnam vaddhatiti . amanta. Nanu vuttam bhagavata cattarome bhikkhave punnabhisanda kusalabhisanda @Footnote: 1 am. catukka. 65. 2 sam. sagatha. 46.

--------------------------------------------------------------------------------------------- page375.

Sanda sukhassahara sovaggika sukhavipaka saggasamvattanika itthaya kantaya manapaya hitaya sukhaya samvattanti . katame cattaro . Yassa bhikkhave bhikkhu civaram paribhunjamano appamanam cetosamadhim upasampajja viharati appamano tassa punnabhisando kusalabhisando sukhassaharo sovaggiko sukhavipako saggasamvattaniko itthaya kantaya manapaya hitaya sukhaya samvattati yassa bhikkhave bhikkhu pindapatam paribhunjamano .pe. Senasanam paribhunjamano .pe. {1150.1} Gilanapaccayabhesajjaparikkharam paribhunjamano appamanam cetosamadhim upasampajja viharati appamano tassa punnabhisando kusalabhisando sukhassaharo sovaggiko sukhavipako saggasamvattaniko itthaya kantaya manapaya hitaya sukhaya samvattati ime kho bhikkhave cattaro punnabhisanda kusalabhisanda sukhassahara sovaggika sukhavipaka saggasamvattanika itthaya kantaya manapaya hitaya sukhaya samvattantiti 1- attheva suttantoti . amanta . tena hi paribhogamayam punnam vaddhatiti. [1151] Paribhogamayam punnam vaddhatiti . amanta . dayako danam deti patiggahako patiggahetva na paribhunjati chaddeti vissajjeti hoti punnanti . amanta . hanci dayako danam deti patiggahako patiggahetva na paribhunjati chaddeti vissajjeti @Footnote: 1 am. catukka. 71.

--------------------------------------------------------------------------------------------- page376.

Hoti punnam no vata re vattabbe paribhogamayam punnam vaddhatiti. [1152] Paribhogamayam punnam vaddhatiti . amanta . dayako danam deti patiggahake patiggahite rajano va haranti cora va haranti aggi va dahati udakam va vahati appiya va dayada haranti hoti punnanti . amanta . hanci dayako danam deti patiggahake patiggahite rajano va haranti cora va haranti aggi va dahati udakam va vahati appiya va dayada haranti hoti punnam no vata re vattabbe paribhogamayam punnam vaddhatiti. Paribhogamayapunnakatha. ---------


             The Pali Tipitaka in Roman Character Volume 37 page 372-376. https://84000.org/tipitaka/read/roman_read.php?B=37&A=7431&modeTY=2&pagebreak=1              Compare with The Pali Tipitaka in Thai Character :- https://84000.org/tipitaka/read/pali_read.php?B=37&A=7431&modeTY=2&pagebreak=1              Compare with The Royal Version of Thai Tipitaka :- https://84000.org/tipitaka/read/byitem.php?book=37&item=1145&items=8              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=37&siri=87              Study Atthakatha :- https://84000.org/tipitaka/attha/attha.php?b=37&i=1145              The Pali Atthakatha in Thai :- https://84000.org/tipitaka/atthapali/read_th.php?B=55&A=5049              The Pali Atthakatha in Roman :- https://84000.org/tipitaka/atthapali/read_rm.php?B=55&A=5049              Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37

First LinkPrevious Linkไม่แสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]