บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[76] Puggalo sandhavati asma loka param lokam parasma loka imam lokanti . amanta . so puggalo sandhavati asma loka param lokam parasma loka imam lokanti . na hevam Vattabbe .pe. [77] Puggalo sandhavati asma loka param lokam parasma loka imam lokanti . amanta . anno puggalo sandhavati asma loka param lokam parasma loka imam lokanti . na hevam vattabbe .pe. [78] Puggalo sandhavati asma loka param lokam parasma loka imam lokanti . amanta . so canno ca sandhavati asma loka param lokam parasma loka imam lokanti . na hevam vattabbe .pe. [79] Puggalo sandhavati asma loka param lokam parasma loka imam lokanti . amanta . neva so sandhavati na anno sandhavati asma loka param lokam parasma loka imam lokanti . Na hevam vattabbe .pe. [80] Puggalo sandhavati asma loka param lokam parasma loka imam lokanti . amanta . so puggalo sandhavati anno puggalo sandhavati so canno ca sandhavati neva so sandhavati na anno sandhavati asma loka param lokam parasma loka imam lokanti. Na hevam vattabbe .pe. [81] Na vattabbam puggalo sandhavati asma loka param lokam parasma loka imam lokanti . amanta . nanu Vuttam bhagavata sa sattakkhattuparamam sandhavitvana puggalo dukkhassantakaro hoti sabbasannojanakkhayati 1- attheva suttantoti . amanta . tena hi puggalo sandhavati asma loka param lokam parasma loka imam lokanti. [82] Na vattabbam puggalo sandhavati asma loka param lokam parasma loka imam lokanti . amanta . nanu vuttam bhagavata anamataggoyam bhikkhave samsaro pubba koti na pannayati avijjanivarananam sattanam tanhasannojananam sandhavatam samsaratanti 2- attheva suttantoti . amanta . tena hi puggalo sandhavati asma loka param lokam parasma loka imam lokanti. [83] Puggalo sandhavati asma loka param lokam parasma loka imam lokanti . amanta . sveva puggalo sandhavati asma loka param lokam parasma loka imam lokanti . na hevam vattabbe .pe. {83.1} Sveva puggalo sandhavati asma loka param lokam parasma loka imam lokanti. Amanta. Atthi koci manusso hutva devo hotiti. Amanta . sveva manusso so devoti. Na hevam vattabbe .pe. Sveva manusso so devoti. Amanta. Manusso hutva devo hoti devo hutva @Footnote: 1 khu. itivuttaka. 196. 2 sam. ni. 162. Manusso hoti manussabhuto anno devo anno manussabhuto svevayam sandhavatiti miccha .pe. {83.2} Sace hi sandhavati sveva puggalo ito cuto param lokam ananno hevam maranam na hehiti panatipatopi nupalabbhati kammam atthi kammavipako atthi katanam kammanam vipako atthi kusalakusale vipaccamane svevayam sandhavatiti miccha .pe. {83.3} Sveva puggalo sandhavati asma loka param lokam parasma loka imam lokanti . amanta . atthi koci manusso hutva yakkho hoti peto hoti nerayiko hoti tiracchanagato hoti ottho hoti gono hoti gadrabho hoti sukaro hoti mahiso hotiti . Amanta. Sveva manusso so mahisoti. Na hevam vattabbe .pe. {83.4} Sveva manusso so mahisoti. Amanta. Manusso hutva mahiso hoti mahiso hutva manusso hoti manussabhuto anno mahiso anno manussabhuto svevayam sandhavatiti miccha .pe. {83.5} Sace hi sandhavati sveva puggalo ito cuto param lokam ananno hevam maranam na hehiti panatipatopi nupalabbhati kammam atthi kammavipako atthi katanam kammanam vipako atthi kusalakusale vipaccamane svevayam sandhavatiti miccha .pe. {83.6} Sveva puggalo sandhavati asma loka param lokam parasma loka imam lokanti . amanta . atthi koci khattiyo hutva brahmano hotiti . amanta . sveva khattiyo so Brahmanoti. Na hevam vattabbe .pe. {83.7} Atthi koci khattiyo hutva vesso hoti suddo hotiti. Amanta. Sveva khattiyo so suddoti. Na hevam vattabbe .pe. {83.8} Atthi koci brahmano hutva vesso hoti suddo hoti khattiyo hotiti . amanta . sveva brahmano so khattiyoti. Na hevam vattabbe .pe. {83.9} Atthi koci vesso hutva suddo hoti khattiyo hoti brahmano hotiti . amanta . sveva vesso so brahmanoti. Na hevam vattabbe .pe. {83.10} Atthi koci suddo hutva khattiyo hoti brahmano hoti vesso hotiti. Amanta. Sveva suddo so vessoti. Na hevam vattabbe .pe. {83.11} Sveva puggalo sandhavati asma loka param lokam parasma loka imam lokanti . amanta . Hatthacchinno hatthacchinnova hoti padacchinno padacchinnova hoti hatthapadacchinno hatthapadacchinnova hoti kannacchinno nasacchinno kannanasacchinno angulicchinno alacchinno kandaracchinno kunihatthako phanahatthako kutthiyo gandiyo kilasiyo sosiyo apamariyo ottho gono gadrabho sukaro mahiso mahisova hotiti. Na hevam vattabbe .pe. [84] Na vattabbam sveva puggalo sandhavati asma loka param lokam parasma loka imam lokanti . Amanta. Nanu sotapanno puggalo manussaloka cuto devalokam upapanno tatthapi Sotapannova hotiti. Amanta. {84.1} Hanci sotapanno puggalo manussaloka cuto devalokam upapanno tatthapi sotapannova hoti tena vata re vattabbe sveva puggalo sandhavati asma loka param lokam parasma loka imam lokanti. [85] Sotapanno puggalo manussaloka cuto devalokam upapanno tatthapi sotapannova hotiti katva tena ca karanena sveva puggalo sandhavati asma loka param lokam parasma loka imam lokanti . Amanta . sotapanno puggalo manussaloka cuto devalokam upapanno tatthapi manusso hotiti katva. Na hevam vattabbe .pe. [86] Sveva puggalo sandhavati asma loka param lokam parasma loka imam lokanti . amanta . ananno avigato sandhavatiti . Na hevam vattabbe .pe. [87] Ananno avigato sandhavatiti . amanta . Hatthacchinno hatthacchinnova hoti padacchinno padacchinnova hoti hatthapadacchinno hatthapadacchinnova hoti kannacchinno nasacchinno kannanasacchinno angulicchinno alacchinno kandaracchinno kunihatthako phanahatthako kutthiyo gandiyo kilasiyo sosiyo apamariyo ottho gono gadrabho sukaro mahiso mahisova hotiti. Na hevam vattabbe .pe. [88] Sveva puggalo sandhavati asma loka param lokam Parasma loka imam lokanti . amanta . sarupo sandhavatiti . Na hevam vattabbe .pe. sarupo sandhavatiti . amanta . tam jivam tam sariranti. Na hevam vattabbe .pe. {88.1} Savedano .pe. sasanno .pe. sasankharo .pe. Savinnano sandhavatiti . na hevam vattabbe .pe. savinnano sandhavatiti. Amanta. Tam jivam tam sariranti. Na hevam vattabbe .pe. [89] Sveva puggalo sandhavati asma loka param lokam parasma loka imam lokanti . amanta . arupo sandhavatiti . na hevam vattabbe .pe. arupo sandhavatiti . amanta . annam jivam annam sariranti. Na hevam vattabbe .pe. {89.1} Avedano .pe. Asanno .pe. Asankharo .pe. Avinnano sandhavatiti . na hevam vattabbe. Avinnano sandhavatiti. Amanta. Annam jivam annam sariranti. Na hevam vattabbe .pe. [90] Sveva puggalo sandhavati asma loka param lokam parasma loka imam lokanti . amanta . rupam sandhavatiti . Na hevam vattabbe .pe. rupam sandhavatiti . amanta . tam jivam tam sariranti. Na hevam vattabbe .pe. {90.1} Vedana .pe. sanna .pe. sankhara .pe. Vinnanam sandhavatiti . na hevam vattabbe .pe. vinnanam sandhavatiti . Amanta. Tam jivam tam sariranti. Na hevam vattabbe .pe. [91] Sveva puggalo sandhavati asma loka param lokam parasma loka imam lokanti . amanta . rupam na sandhavatiti . Na hevam vattabbe .pe. rupam na sandhavatiti . amanta . Annam jivam annam sariranti. Na hevam vattabbe .pe. {91.1} Vedana .pe. sanna .pe. Sankhara .pe. Vinnanam na sandhavatiti . na hevam vattabbe .pe. vinnanam na sandhavatiti . Amanta . annam jivam annam sariranti . na hevam vattabbe .pe. Sankhittam. Khandhesu bhijjamanesu so ce bhijjati puggalo uccheda bhavati ditthi ya buddhena vivajjita khandhesu bhijjamanesu no ce bhijjati puggalo puggalo sassato hoti nibbanena samasamoti gatianuyogo.The Pali Tipitaka in Roman Character Volume 37 page 39-46. https://84000.org/tipitaka/read/roman_read.php?B=37&A=810&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=37&A=810&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=37&item=76&items=16 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=37&siri=15 Study Atthakatha :- https://84000.org/tipitaka/attha/attha.php?b=37&i=76 The Pali Atthakatha in Thai :- https://84000.org/tipitaka/atthapali/read_th.php?B=55&A=3256 The Pali Atthakatha in Roman :- https://84000.org/tipitaka/atthapali/read_rm.php?B=55&A=3256 Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]