PaliRoman Vol.37

Atitanagatapaccuppannakatha [1368] Atitena samannagatoti . amanta . nanu atitam niruddham vigatam viparinatam atthangatam abbhatthangatanti . amanta . Hanci atitam niruddham vigatam viparinatam atthangatam abbhatthangatam no vata re vattabbe atitena samannagatoti. [1369] Anagatena samannagatoti . amanta . nanu anagatam ajatam abhutam asanjatam anibbattam anabhinibbattam apatubhutanti . Amanta . hanci anagatam ajatam abhutam asanjatam anibbattam anabhinibbattam apatubhutam no vata re vattabbe anagatena samannagatoti. [1370] Atitena rupakkhandhena samannagato anagatena rupakkhandhena samannagato paccuppannena rupakkhandhena samannagatoti . Amanta . tihi rupakkhandhehi samannagatoti . na hevam vattabbe .pe. atitehi pancahi khandhehi samannagato anagatehi pancahi khandhehi samannagato paccuppannehi pancahi khandhehi samannagatoti . amanta . pannarasahi khandhehi samannagatoti . Na hevam vattabbe .pe. [1371] Atitena cakkhayatanena samannagato anagatena cakkhayatanena samannagato paccuppannena cakkhayatanena samannagatoti . Amanta . tihi cakkhayatanehi samannagatoti . na hevam vattabbe .pe. Atitehi dvadasahi ayatanehi samannagato anagatehi dvadasahi ayatanehi samannagato paccuppannehi dvadasahi ayatanehi samannagatoti . amanta . chattimsayatanehi samannagatoti. Na hevam vattabbe .pe. [1372] Atitaya cakkhudhatuya samannagato anagataya cakkhudhatuya samannagato paccuppannaya cakkhudhatuya samannagatoti . Amanta . tihi cakkhudhatuhi samannagatoti . na hevam vattabbe .pe. atitahi attharasahi dhatuhi samannagato anagatahi attharasahi dhatuhi samannagato paccuppannahi attharasahi dhatuhi samannagatoti . amanta . catupannasadhatuhi samannagatoti . Na hevam vattabbe .pe. [1373] Atitena cakkhundriyena samannagato anagatena cakkhundriyena samannagato paccuppannena cakkhundriyena samannagatoti . amanta . Tihi cakkhundriyehi samannagatoti . na hevam vattabbe .pe. Atitehi bavisatindriyehi samannagato anagatehi bavisatindriyehi samannagato paccuppannehi bavisatindriyehi samannagatoti . Amanta. Chasatthindriyehi samannagatoti. Na hevam vattabbe .pe. [1374] Na vattabbam atitanagatehi samannagatoti. Amanta. Nanu atthi atthavimokkhajhayi catunnam jhananam nikamalabhi navannam Anupubbaviharasamapattinam labhiti . amanta . hanci atthi atthavimokkhajhayi catunnam jhananam nikamalabhi navannam anupubbaviharasamapattinam samapattinam labhi tena vata re vattabbe atitanagatehi samannagatoti. Atitanagatapaccuppannakatha. Navamo vaggo. Tassa uddanam anisamsadassavissa sannojananam pahanam amatarammanam sannojanam rupam sarammanam anusaya anarammana evameva nanam atitanagatarammanam cittam sabbam cittam vitakkanupatitam sabbaso vitakkayato vicarayato vitakkavippharo saddo nayathacittassa vaca tatheva kayakammam atitanagatehi samannagatoti. -------

The Pali Tipitaka in Roman Character Volume 37 page 448-450. https://84000.org/tipitaka/read/roman_read.php?B=37&A=8926&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=37&A=8926&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=37&item=1368&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=37&siri=115 Study Atthakatha :- https://84000.org/tipitaka/attha/attha.php?b=37&i=1368 The Pali Atthakatha in Thai :- https://84000.org/tipitaka/atthapali/read_th.php?B=55&A=5583 The Pali Atthakatha in Roman :- https://84000.org/tipitaka/atthapali/read_rm.php?B=55&A=5583 Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37