PaliRoman Vol.4

[88] Tena kho pana samayena annataro manavako bhikkhu upasankamitva pabbajjam yaci . tassa bhikkhu patikacceva ^1- nissaye acikkhimsu . so evamaha sace me bhante pabbajite nissaye acikkheyyatha abhirameyyamaham ^2- nadanaham bhante pabbajissami jeguccha me nissaya patikulati. ^[3]- Bhagavato etamattham arocesum. Na bhikkhave patikacceva nissaya acikkhitabba yo acikkheyya apatti dukkatassa . anujanami bhikkhave upasampannasamanantara nissaye acikkhitunti. [89] Tena kho pana samayena bhikkhu duvaggenapi tivaggenapi catuvaggenapi ^4- ganena upasampadenti . bhagavato etamattham arocesum . na bhikkhave unadasavaggena ganena upasampadetabbo yo upasampadeyya apatti dukkatassa . anujanami bhikkhave dasavaggena va atirekadasavaggena va ganena upasampadetunti. @Footnote: ¹ Si. Yu. patigacceva . ² Yu. abhirameyyam svaham . Si. abhirameyyam vaham. @Ra. abhirameyyam . ³ Ma. Yu. bhikkhu. ito param idisameva . ⁴ Yu. Ra. ayam patho @na dissati. [90] Tena kho pana samayena bhikkhu ekavassapi duvassapi saddhiviharikam upasampadenti . ayasmapi upaseno vangantaputto ekavasso saddhiviharikam upasampadesi ^1- . so vassam vuttho duvasso ekavassam saddhiviharikam adaya yena bhagava tenupasankami upasankamitva bhagavantam abhivadetva ekamantam nisidi . acinnam kho panetam buddhanam bhagavantanam agantukehi bhikkhuhi saddhim patisammoditum . athakho bhagava ayasmantam upasenam vangantaputtam etadavoca kacci bhikkhave ^2- khamaniyam kacci yapaniyam kaccittha ^3- appakilamathena addhanam agatati . khamaniyam bhagava yapaniyam bhagava appakilamathena ca mayam bhante addhanam agatati . Janantapi tathagata pucchanti janantapi na pucchanti kalam viditva pucchanti kalam viditva na pucchanti atthasanhitam tathagata pucchanti no anatthasanhitam anatthasanhite setughato tathagatanam . dvihi akarehi buddha bhagavanto bhikkhu patipucchanti dhammam va desessama savakanam va sikkhapadam pannapessamati . Athakho bhagava ayasmantam upasenam vangantaputtam etadavoca kativassosi tvam bhikkhuti . duvasso aham bhagavati . ayam pana bhikkhu kativassoti . ekavasso bhagavati . kintayam bhikkhu hotiti . Saddhivihariko me bhagavati . vigarahi buddho bhagava ananucchavikam moghapurisa ananulomikam appatirupam assamanakam akappiyam akaraniyam @Footnote: ¹ Ma. upasampadeti . ² Ma. bhikkhu . ³ Ma. kicci tavam ... agatoti. @⁴ Ma. Yu. casaddo natthi. Katham hi nama tvam moghapurisa annehi ovadiyo anusasiyo annam ovaditum anusasitum mannissasi atilahum kho ^1- tvam moghapurisa bahullaya avatto yadidam ganabandhikam netam moghapurisa appasannanam va pasadaya pasannanam va bhiyyobhavaya ^2- .pe. vigarahitva dhammim katham katva bhikkhu amantesi na bhikkhave unadasavassena upasampadetabbo yo upasampadeyya apatti dukkatassa . Anujanami bhikkhave dasavassena va atirekadasavassena va upasampadetunti.

The Pali Tipitaka in Roman Character Volume 4 page 107-109. https://84000.org/tipitaka/read/roman_read.php?B=4&A=2177&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=4&A=2177&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=4&item=88&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=4&siri=23 The Pali Atthakatha in Thai :- https://84000.org/tipitaka/atthapali/read_th.php?B=3&A=917 The Pali Atthakatha in Roman :- https://84000.org/tipitaka/atthapali/read_rm.php?B=3&A=917 Contents of The Tipitaka Volume 4 https://84000.org/tipitaka/read/?index_4 https://84000.org/tipitaka/english/?index_4