PaliRoman Vol.4

[139] Tena kho pana samayena ayasmato mahakassapassa upasampadapekkho hoti . athakho ayasma mahakassapo ayasmato anandassa santike dutam pahesi agacchatu anando imam Anussavessatiti ^1- . ayasma anando evamaha naham ussahami therassa namam gahetum garu me theroti. Bhagavato etamattham arocesum. Anujanami bhikkhave gottenapi anussavetunti. [140] Tena kho pana samayena ayasmato mahakassapassa dve upasampadapekkha honti . te vivadanti aham pathamam upasampajjissami aham pathamam upasampajjissamiti . bhagavato etamattham arocesum . Anujanami bhikkhave dve ekanussavane katunti . tena kho pana samayena sambahulanam theranam upasampadapekkha honti . te vivadanti aham pathamam upasampajjissami aham pathamam upasampajjissamiti . Thera evamahamsu handa mayam avuso sabbe va ekanussavane karomati. Bhagavato etamattham arocesum . anujanami bhikkhave dve tayo ekanussavane katum tanca kho ekena upajjhayena na tveva nanupajjhayenati. [141] Tena kho pana samayena ayasma kumarakassapo gabbhaviso upasampanno hoti . athakho ayasmato kumarakassapassa etadahosi bhagavata pannattam na unavisativasso puggalo upasampadetabboti ahancamhi gabbhaviso upasampanno upasampanno nu khomhi na nu kho upasampannoti . bhagavato etamattham arocesum . yam bhikkhave matu kucchismim pathamam cittam uppannam pathamam vinnanam @Footnote: ¹ Si. Ma. anusavessatuti. Patubhutam tadupadaya savassa jati anujanami bhikkhave gabbhavisam upasampadetunti. [142] Tena kho pana samayena ^[1]- upasampanna dissanti kutthikapi gandikapi kilasikapi sosikapi apamarikapi . bhagavato etamattham arocesum . anujanami bhikkhave upasampadentena terasa ^2- antarayike dhamme pucchitum . evanca pana bhikkhave pucchitabbo santi te evarupa abadha kuttham gando kilaso soso apamaro manussosi purisosi bhujissosi ananosi nasi rajabhato anunnatosi matapituhi paripunnavisativassosi paripunnante pattacivaram kinnamosi ^3- konamo ^4- te upajjhayoti. {142.1} Tena kho pana samayena bhikkhu ananusitthe upasampadapekkhe antarayike dhamme pucchanti . upasampadapekkha vitthayanti manku honti na sakkonti vissajjetum. Bhagavato etamattham arocesum. {142.2} Anujanami bhikkhave pathamam anusasitva paccha antarayike dhamme pucchitunti . tattheva sanghamajjhe anusasanti . Upasampadapekkha tatheva vitthayanti manku honti na sakkonti vissajjetum. Bhagavato etamattham arocesum. {142.3} Anujanami bhikkhave ekamantam anusasitva sanghamajjhe antarayike dhamme pucchitum . evanca pana bhikkhave anusasitabbo . pathamam upajjham gahapetabbo . upajjham @Footnote: ¹ Po. bhikkhu. ² Yu. tassa. ³ Ma. Yu. kimnamo so. ⁴ ko namati amhakam ruci. Gahapetva pattacivaram acikkhitabbam ayante patto ayam sanghati ayam uttarasango ayam antaravasako gaccha amumhi okase titthahiti. Bala abyatta anusasanti duranusittha upasampadapekkha vitthayanti manku honti na sakkonti vissajjetum . bhagavato etamattham arocesum . na bhikkhave balena abyattena anusasitabbo yo anusaseyya apatti dukkatassa. {142.4} Anujanami bhikkhave byattena bhikkhuna patibalena anusasitunti . asammata anusasanti . bhagavato etamattham arocesum . na bhikkhave asammatena anusasitabbo yo anusaseyya apatti dukkatassa. {142.5} Anujanami bhikkhave sammatena anusasitum . evanca pana bhikkhave sammannitabbo . attana va attanam sammannitabbam parena va paro sammannitabbo . kathanca attana va attanam sammannitabbam. Byattena bhikkhuna patibalena sangho napetabbo {142.6} sunatu me bhante sangho itthannamo itthannamassa ayasmato upasampadapekkho . yadi sanghassa pattakallam aham itthannamam anusaseyyanti . evam attana va attanam sammannitabbam . kathanca parena paro sammannitabbo . byattena bhikkhuna patibalena sangho napetabbo {142.7} sunatu me bhante sangho itthannamo itthannamassa ayasmato upasampadapekkho ^1- yadi sanghassa pattakallam itthannamo itthannamam @Footnote: ¹ upasampadapekhoti va patho. Anusaseyyati . evam parena paro sammannitabbo . tena sammatena bhikkhuna upasampadapekkho upasankamitva evamassa vacaniyo sunasi itthannama ayante saccakalo bhutakalo yam jatam tam sanghamajjhe pucchante santam atthiti vattabbam asantam natthiti vattabbam ma kho vitthasi ma kho manku ahosi evantam pucchissanti santi te evarupa abadha kuttham gando kilaso soso apamaro manussosi purisosi bhujissosi ananosi nasi rajabhato anunnatosi matapituhi paripunnavisativassosi paripunnante pattacivaram kinnamosi konamo te upajjhayoti . Ekato agacchanti ^1-. Na ^[2]- ekato agantabbam. {142.8} Anusasakena pathamataram agantva sangho napetabbo sunatu me bhante sangho itthannamo itthannamassa ayasmato upasampadapekkho . anusittho so maya . yadi sanghassa pattakallam itthannamo agaccheyyati . Agacchahiti vattabbo. Ekamsam uttarasangam karapetva bhikkhunam pade vandapetva ukkutikam nisidapetva anjalim pagganhapetva upasampadam yacapetabbo sanghambhante upasampadam yacami ullumpatu mam bhante sangho anukampam upadaya . Dutiyampi bhante sangham upasampadam yacami ullumpatu mam bhante sangho anukampam upadaya . tatiyampi bhante sangham upasampadam yacami ullumpatu @Footnote: ¹ idam pathadvayam antara pakkhittam viya khayati . ² Ma. bhikkhave. Mam bhante sangho anukampam upadayati . byattena bhikkhuna patibalena sangho napetabbo {142.9} sunatu me bhante sangho ayam itthannamo itthannamassa ayasmato upasampadapekkho . yadi sanghassa pattakallam aham itthannamam antarayike dhamme puccheyyanti . sunasi itthannama ayante saccakalo bhutakalo yam jatam tam pucchami santam atthiti vattabbam asantam natthiti vattabbam santi te evarupa abadha kuttham gando kilaso soso apamaro manussosi purisosi bhujissosi ananosi nasi rajabhato anunnatosi matapituhi paripunnavisativassosi paripunnante pattacivaram kinnamosi konamo te upajjhayoti . byattena bhikkhuna patibalena sangho napetabbo {142.10} sunatu me bhante sangho ayam itthannamo itthannamassa ayasmato upasampadapekkho parisuddho antarayikehi dhammehi . paripunnassa pattacivaram . itthannamo sangham upasampadam yacati itthannamena upajjhayena . yadi sanghassa pattakallam sangho itthannamam upasampadeyya itthannamena upajjhayena. Esa natti. {142.11} Sunatu me bhante sangho ayam itthannamo itthannamassa ayasmato upasampadapekkho parisuddho antarayikehi dhammehi . paripunnassa pattacivaram . itthannamo sangham upasampadam yacati itthannamena upajjhayena . sangho itthannamam upasampadeti itthannamena Upajjhayena . yassayasmato khamati itthannamassa upasampada itthannamena upajjhayena so tunhassa yassa nakkhamati so bhaseyya. Dutiyampi etamattham vadami. {142.12} Sunatu me bhante sangho ayam itthannamo itthannamassa ayasmato upasampadapekkho parisuddho antarayikehi dhammehi . paripunnassa pattacivaram . itthannamo sangham upasampadam yacati itthannamena upajjhayena . sangho itthannamam upasampadeti itthannamena upajjhayena . Yassayasmato khamati itthannamassa upasampada itthannamena upajjhayena so tunhassa yassa nakkhamati so bhaseyya . tatiyampi etamattham vadami. {142.13} Sunatu me bhante sangho ayam itthannamo itthannamassa ayasmato upasampadapekkho parisuddho antarayikehi dhammehi . paripunnassa pattacivaram . itthannamo sangham upasampadam yacati itthannamena upajjhayena . sangho itthannamam upasampadeti itthannamena upajjhayena . yassayasmato khamati itthannamassa upasampada itthannamena upajjhayena so tunhassa yassa nakkhamati so bhaseyya. {142.14} Upasampanno sanghena itthannamo itthannamena upajjhayena. Khamati sanghassa tasma tunhi. Evametam dharayamiti. Upasampadakammam nitthitam.

The Pali Tipitaka in Roman Character Volume 4 page 186-192. https://84000.org/tipitaka/read/roman_read.php?B=4&A=3835&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=4&A=3835&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=4&item=139&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=4&siri=50 Study Atthakatha :- https://84000.org/tipitaka/attha/attha.php?b=4&i=139 The Pali Atthakatha in Thai :- https://84000.org/tipitaka/atthapali/read_th.php?B=3&A=2313 The Pali Atthakatha in Roman :- https://84000.org/tipitaka/atthapali/read_rm.php?B=3&A=2313 Contents of The Tipitaka Volume 4 https://84000.org/tipitaka/read/?index_4 https://84000.org/tipitaka/english/?index_4