ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 4 : PALI ROMAN Vinaya Pitaka Vol 4 : Vinaya. Mahā (1)

     [244]  Tena  kho  pana  samayena  kosalesu  janapadesu  annatarasmim
avase    tadahupavaranaya   sancarabhayam   ahosi   .   bhikkhu   nasakkhimsu
tevacikam   pavaretum   .  bhagavato  etamattham  arocesum  .  anujanami
bhikkhave   dvevacikam   pavaretunti   .  balhataram  sancarabhayam  ahosi .
Bhikkhu  nasakkhimsu  dvevacikam  pavaretum  .  bhagavato etamattham arocesum.
Anujanami   bhikkhave   ekavacikam   pavaretunti  .  balhataram  sancarabhayam
ahosi  .  bhikkhu  nasakkhimsu  ekavacikam  pavaretum  .  bhagavato  etamattham
arocesum. Anujanami bhikkhave samanavassikam pavaretunti.
     {244.1}   Tena   kho   pana   samayena   annatarasmim   avase
tadahupavaranaya   manussehi   danam   dentehi  yebhuyyena  ratti  khepita
hoti   .   athakho   tesam   bhikkhunam  etadahosi  imehi  manussehi  danam
dentehi  yebhuyyena  ratti  khepita  sace  sangho  tevacikam pavaressati
appavarito   va   sangho   bhavissati   athayam   ratti   vibhayissati   katham
nu   kho  amhehi  patipajjitabbanti  .  bhagavato  etamattham  arocesum .
Idha   pana   bhikkhave   annatarasmim   avase   tadahupavaranaya  manussehi
Danam  dentehi  yebhuyyena  ratti  khepita hoti. Tatra ce [1]- bhikkhunam
evam   hoti   manussehi   danam   dentehi   yebhuyyena  ratti  khepita
sace   sangho   tevacikam  pavaressati  appavarito  va  sangho  bhavissati
athayam   ratti   vibhayissatiti   .   byattena  bhikkhuna  patibalena  sangho
napetabbo
     {244.2}  sunatu  me  bhante  sangho  manussehi  danam  dentehi
yebhuyyena   ratti   khepita   .   sace  sangho  tevacikam  pavaressati
appavarito   va   sangho   bhavissati   athayam  ratti  vibhayissati  .  yadi
sanghassa    pattakallam    sangho    dvevacikam   ekavacikam   samanavassikam
pavareyyati.
     {244.3}  Idha  pana  bhikkhave  annatarasmim  avase tadahupavaranaya
bhikkhuhi    dhammam    bhanantehi    suttantikehi    suttantam    sangayantehi
vinayadharehi    vinayam   vinicchinantehi   dhammakathikehi   dhammam   sakacchantehi
bhikkhuhi    kalaham   karontehi   yebhuyyena   ratti   khepita   hoti  .
Tatra  ce  [2]-  bhikkhunam  evam  hoti  bhikkhuhi kalaham karontehi yebhuyyena
ratti   khepita   sace   sangho  tevacikam  pavaressati  appavarito  va
sangho    bhavissati    athayam    ratti    vibhayissatiti    .    byattena
bhikkhuna patibalena sangho napetabbo
     {244.4}   sunatu   me   bhante   sangho  [3]-  bhikkhuhi  kalaham
karontehi   yebhuyyena   ratti   khepita   .   sace  sangho  tevacikam
pavaressati    appavarito    va    sangho    bhavissati   athayam   ratti
vibhayissati    .    yadi    sanghassa    pattakallam    sangho   dvevacikam
ekavacikam samanavassikam pavareyyati.
@Footnote: 1 Po. Ma. bhikkhave. 2 Po. bhikkhave. ito param idisameva. 3 Po. imehi.
     {244.5}  Tena  kho  pana  samayena  kosalesu janapadesu annatarasmim
avase  tadahupavaranaya  mahabhikkhusangho  sannipatito  hoti  .  parittanca
anovassikam  hoti  maha  ca  megho  uggato  hoti . Athakho tesam bhikkhunam
etadahosi   ayam   kho  mahabhikkhusangho  sannipatito  parittanca  anovassikam
maha   ca   megho   uggato   sace   sangho   tevacikam   pavaressati
appavarito   va   sangho  bhavissati  athayam  megho  pavassissati  katham   nu
kho  amhehi  patipajjitabbanti  .  bhagavato  etamattham  arocesum  . Idha
pana   bhikkhave   annatarasmim   avase   tadahupavaranaya   mahabhikkhusangho
sannipatito   hoti   .   parittanca   anovassikam  hoti  maha  ca  megho
uggato  hoti  .  tatra  ce  bhikkhunam  evam  hoti ayam kho mahabhikkhusangho
sannipatito   parittanca   anovassikam   maha   ca   megho  uggato  sace
sangho   tevacikam  pavaressati  appavarito  va  sangho  bhavissati  athayam
megho pavassissatiti. Byattena bhikkhuna patibalena sangho napetabbo
     {244.6}  sunatu me bhante sangho ayam mahabhikkhusangho sannipatito.
Parittanca  anovassikam  maha  ca  megho  uggato . Sace sangho tevacikam
pavaressati  appavarito  va  sangho  bhavissati  athayam megho pavassissati.
Yadi   sanghassa   pattakallam   sangho   dvevacikam  ekavacikam  samanavassikam
pavareyyati.
     {244.7}  Idha  pana  bhikkhave  annatarasmim  avase tadahupavaranaya
rajantarayo  hoti  .pe.  corantarayo  hoti . Agyantarayo hoti.
Udakantarayo   hoti   .   manussantarayo   hoti   .  amanussantarayo
hoti    .    valantarayo    hoti   .   sirimsapantarayo   hoti  .
Jivitantarayo  hoti  .  brahmacariyantarayo  hoti  .  tatra  ce  bhikkhunam
evam   hoti   ayam   kho   brahmacariyantarayo   sace  sangho  tevacikam
pavaressati  appavarito  va  sangho  bhavissati  athayam  brahmacariyantarayo
bhavissatiti. Byattena bhikkhuna patibalena sangho napetabbo
     {244.8}   sunatu   me  bhante  sangho  ayam  brahmacariyantarayo
sace   sangho   tevacikam  pavaressati  appavarito  va  sangho  bhavissati
athayam    brahmacariyantarayo   bhavissati   .   yadi   sanghassa   pattakallam
sangho dvevacikam ekavacikam samanavassikam pavareyyati.



             The Pali Tipitaka in Roman Character Volume 4 page 343-346. http://84000.org/tipitaka/read/roman_read.php?B=4&A=7108&modeTY=2              Compare with The Pali Tipitaka in Thai Character :- http://84000.org/tipitaka/read/pali_read.php?B=4&A=7108&modeTY=2              Compare with The Royal Version of Thai Tipitaka :- http://84000.org/tipitaka/read/byitem.php?book=4&item=244&items=1              Compare with The MCU Version of Thai Tipitaka :- http://84000.org/tipitaka/pitaka_item/m_siri.php?B=4&siri=76              Contents of The Tipitaka Volume 4 http://84000.org/tipitaka/read/?index_4

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com