PaliRoman Vol.42

Paccayavāro [230] Sappaṭighaṃ dhammaṃ paccayā sappaṭigho dhammo uppajjati hetupaccayā: tīṇi . appaṭighaṃ dhammaṃ paccayā appaṭigho dhammo uppajjati hetupaccayā: appaṭighaṃ ekaṃ khandhaṃ paccayā tayo khandhā appaṭighaṃ cittasamuṭṭhānañca rūpaṃ dve khandhe ... paṭisandhikkhaṇe Āpodhātuṃ paccayā appaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ āpodhātuṃ paccayā itthindriyaṃ kabaḷiṃkāro āhāro vatthuṃ paccayā appaṭighā khandhā . avasesā pañca pañhā paṭiccavārasadisā. [231] Sappaṭighaṃ dhammaṃ paccayā appaṭigho dhammo uppajjati ārammaṇapaccayā: cakkhāyatanaṃ paccayā cakkhuviññāṇaṃ kāyāyatanaṃ paccayā kāyaviññāṇaṃ . appaṭighaṃ dhammaṃ paccayā appaṭigho dhammo uppajjati ārammaṇapaccayā: appaṭighaṃ ekaṃ khandhaṃ paccayā tayo khandhā dve khandhe ... paṭisandhikkhaṇe vatthuṃ paccayā appaṭighā khandhā . sappaṭighañca appaṭighañca dhammaṃ paccayā appaṭigho dhammo uppajjati ārammaṇapaccayā: cakkhuviññāṇasahagataṃ ekaṃ khandhañca cakkhāyatanañca paccayā tayo khandhā kāyaviññāṇasahagataṃ ekaṃ khandhañca kāyāyatanañca paccayā tayo khandhā . Adhipatipaccayā:. Saṅkhittaṃ. Avigatapaccayā:. [232] Hetuyā nava ārammaṇe tīṇi adhipatiyā nava anantare tīṇi samanantare tīṇi sahajāte nava aññamaññe cha nissaye nava upanissaye tīṇi purejāte tīṇi āsevane ekaṃ kamme nava avigate nava. Evaṃ paccanīyagaṇanāpi kātabbā. Nissayavāropi paccayavārasadiso . saṃsaṭṭhavārepi sabbattha ekaṃ Saṅkhittaṃ . avigatapaccayā: ekāyeva pañhā . dvepi vārā kātabbā.

The Pali Tipitaka in Roman Character Volume 42 page 127-129. https://84000.org/tipitaka/read/roman_read.php?B=42&A=2574 Compare with The Pali Tipitaka in Thai Character :- https://84000.org/tipitaka/read/pali_read.php?B=42&A=2574 Compare with The Royal Version of Thai Tipitaka :- https://84000.org/tipitaka/read/byitem.php?book=42&item=230&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=42&siri=24 Study Atthakatha :- https://84000.org/tipitaka/attha/attha.php?b=42&i=230 Contents of The Tipitaka Volume 42 https://84000.org/tipitaka/read/?index_42 https://84000.org/tipitaka/english/?index_42