PaliRoman Vol.43

Paccayavāro [566] Dassanenapahātabbaṃ dhammaṃ paccayā dassanenapahātabbo dhammo uppajjati hetupaccayā: tīṇi paṭiccasadisā . nadassanena- pahātabbaṃ dhammaṃ paccayā nadassanenapahātabbo dhammo uppajjati hetupaccayā: nadassanenapahātabbaṃ ekaṃ khandhaṃ paccayā tayo khandhā cittasamuṭṭhānañca rūpaṃ dve khandhe ... paṭisandhikkhaṇe yāva ajjhattikā mahābhūtā vatthuṃ paccayā nadassanenapahātabbā khandhā . nadassanena- pahātabbaṃ dhammaṃ paccayā dassanenapahātabbo dhammo uppajjati hetupaccayā: vatthuṃ paccayā dassanenapahātabbā khandhā. {566.1} Nadassanenapahātabbaṃ dhammaṃ paccayā dassanenapahātabbo ca Nadassanenapahātabbo ca dhammā uppajjanti hetupaccayā: vatthuṃ paccayā dassanenapahātabbā khandhā mahābhūte paccayā cittasamuṭṭhānaṃ rūpaṃ . dassanenapahātabbañca nadassanenapahātabbañca dhammaṃ paccayā dassanenapahātabbo dhammo uppajjati hetupaccayā: dassanena- pahātabbaṃ ekaṃ khandhañca vatthuñca paccayā tayo khandhā dve khandhe .... {566.2} Dassanenapahātabbañca nadassanenapahātabbañca dhammaṃ paccayā nadassanenapahātabbo dhammo uppajjati hetupaccayā: dassanenapahātabbe khandhe ca mahābhūte ca paccayā cittasamuṭṭhānaṃ rūpaṃ . dassanenapahātabbañca nadassanenapahātabbañca dhammaṃ paccayā dassanenapahātabbo ca nadassanenapahātabbo ca dhammā uppajjanti hetupaccayā: dassanenapahātabbaṃ ekaṃ khandhañca vatthuñca paccayā tayo khandhā dve khandhe ... dassanenapahātabbe khandhe ca mahābhūte ca paccayā cittasamuṭṭhānaṃ rūpaṃ. [567] Hetuyā nava ārammaṇe cattāri adhipatiyā nava avigate nava. [568] Dassanenapahātabbaṃ dhammaṃ paccayā dassanenapahātabbo dhammo uppajjati nahetupaccayā: vicikicchāsahagate khandhe paccayā vicikicchāsahagato moho . nadassanenapahātabbaṃ dhammaṃ paccayā nadassanenapahātabbo dhammo uppajjati nahetupaccayā: ahetukaṃ nadassanenapahātabbaṃ ekaṃ khandhaṃ paccayā tayo khandhā cittasamuṭṭhānañca Rūpaṃ yāva asaññasattā cakkhāyatanaṃ paccayā cakkhuviññāṇaṃ kāyāyatanaṃ ... vatthuṃ paccayā ahetukā nadassanenapahātabbā khandhā uddhacca- sahagate khandhe paccayā uddhaccasahagato moho vatthuṃ paccayā uddhaccasahagato moho . nadassanenapahātabbaṃ dhammaṃ paccayā dassanenapahātabbo dhammo uppajjati nahetupaccayā: vatthuṃ paccayā vicikicchāsahagato moho . dassanenapahātabbañca nadassanena- pahātabbañca dhammaṃ paccayā dassanenapahātabbo dhammo uppajjati nahetupaccayā: vicikicchāsahagate khandhe ca vatthuñca paccayā vicikicchā- sahagato moho. [569] Nahetuyā cattāri naārammaṇe tīṇi naadhipatiyā nava naanantare tīṇi nasamanantare tīṇi naaññamaññe tīṇi naupanissaye tīṇi napurejāte cattāri napacchājāte nava naāsevane nava nakamme cattāri navipāke cattāri naāhāre ekaṃ naindriye ekaṃ najhāne ekaṃ nasampayutte tīṇi navippayutte dve nonatthiyā tīṇi novigate tīṇi. Itare dve gaṇanāpi nissayavāropi kātabbā.

The Pali Tipitaka in Roman Character Volume 43 page 334-336. https://84000.org/tipitaka/read/roman_read.php?B=43&A=6722 Compare with The Pali Tipitaka in Thai Character :- https://84000.org/tipitaka/read/pali_read.php?B=43&A=6722 Compare with The Royal Version of Thai Tipitaka :- https://84000.org/tipitaka/read/byitem.php?book=43&item=566&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=43&siri=75 Study Atthakatha :- https://84000.org/tipitaka/attha/attha.php?b=43&i=574 Contents of The Tipitaka Volume 43 https://84000.org/tipitaka/read/?index_43 https://84000.org/tipitaka/english/?index_43