PaliRoman Vol.5

[61] Athakho bhagava baranasiyam yathabhirantam viharitva yena andhakavindam tena carikam pakkami mahata bhikkhusanghena saddhim addhatelasehi bhikkhusatehi . tena kho pana samayena janapada manussa bahum lonampi telampi tandulampi khadaniyampi sakatesu aropetva buddhappamukhassa bhikkhusanghassa ^1- pitthito pitthito anubaddha honti yada patipatim labhissama tada bhattam karissamati pancamattani ca vighasadasatani . athakho bhagava anupubbena carikam caramano yena andhakavindam tadavasari. {61.1} Athakho annatarassa brahmanassa patipatim alabhantassa etadahosi adhikani ^2- kho me dve masani buddhappamukham bhikkhusangham ^3- anubaddhassa ^4- yada patipatim labhissami tada bhattam karissamiti na ca me patipati labbhati ahancamhi ekako ^5- bahu ca me gharavasattho hayati yannunaham bhattaggam olokeyyam yam bhattagge nassa tam patiyadeyyanti. Athakho so brahmano bhattaggam lolokento dve naddasa yagunca @Footnote: ¹ Si. sanghassa. ² Ma. Yu. atitani. ³ Si. sangham. @⁴ Po. Ma. anubandhantassa. ⁵ Ma. ekattako. Madhugolakanca . athakho so brahmano yenayasma anando tenupasankami upasankamitva ayasmantam anandam etadavoca idha me bho ananda patipatim alabhantassa etadahosi adhikani kho me dve masani buddhappamukham bhikkhusangham anubaddhassa yada patipatim labhissami tada bhattam karissamiti na ca me patipati labbhati ahancamhi ekako bahu ca me gharavasattho hayati yannunaham bhattaggam olokeyyam yam bhattagge nassa tam patiyadeyyanti so kho aham bho ananda bhattaggam olokento dve naddasam yagunca madhugolakanca sacaham bho ananda patiyadeyyam yagunca madhugolakanca patigganheyya me bhavam gotamoti . tenahi brahmana bhagavantam patipucchissamiti ^1-. {61.2} Athakho ayasma anando bhagavato etamattham arocesi. Tenahi ananda patiyadetuti . tenahi brahmana patiyadehiti . Athakho so brahmano tassa rattiya accayena pahutam yagunca madhugolakanca patiyadapetva bhagavato upanamesi patigganhatu me bhavam gotamo yagunca madhugolakancati . tenahi brahmana bhikkhunam dehiti . bhikkhu kukkuccayanta na patigganhanti . patigganhatha bhikkhave paribhunjathati. {61.3} Athakho so brahmano buddhappamukham bhikkhusangham pahutaya yaguya ca madhugolakena ca sahattha santappetva sampavaretva bhagavantam dhotahattham onitapattapanim ^[2]- ekamantam nisidi. Ekamantam nisinnam kho tam @Footnote: ¹ Ma. Yu. pucchissamiti. ² Ma. abhivadetva. Brahmanam bhagava etadavoca dasayime ^1- brahmana anisamsa yaguya katame dasa yagum dento ayum deti vannam deti sukham deti balam deti patibhanam deti yagu pita khudam patihanati pipasam pativinodeti ^2- vatam anulometi vatthim sodheti ^3- amavasesam paceti ime kho brahmana dasanisamsa yaguyati. [62] Yo sannatanam paradattabhojinam kalena sakkacca ^4- dadati yagum dasassa thanani anuppavecchati ayunca vannanca sukham balanca patibhanamassa upajayate ^5- tato khudam pipasam ^6- byapaneti vatam sodheti vatthim parinameti bhattam. Bhesajjametam sugatena vannitam. Tasma hi yagum alameva datum niccam manussena sukhatthikena dibbani va patthayata sukhani manussasobhaggatamicchata ^7- vati. [63] Athakho bhagava tam brahmanam imahi gathahi anumoditva utthayasana pakkami . athakho bhagava etasmim nidane etasmim @Footnote: ¹ Si. dasa ime. Ma. Yu. dasime. ² Ma. vineti. ³ Po. parisodheti. ⁴ Po. Yu. @sakkaccam. ⁵ Yu. upajayati. ⁶ Po. khuddam pipasanca. Ma. khuddam @pipasancapaneti. Yu. khudam pipasanca. ⁷ Po. Ma. --sobhagya--. Pakarane ^1- dhammim katham katva bhikkhu amantesi anujanami bhikkhave yagunca madhugolakancati.

The Pali Tipitaka in Roman Character Volume 5 page 76-79. https://84000.org/tipitaka/read/roman_read.php?B=5&A=1580&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=5&A=1580&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=5&item=61&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=5&siri=15 Study Atthakatha :- https://84000.org/tipitaka/attha/attha.php?b=5&i=61 The Pali Atthakatha in Thai :- https://84000.org/tipitaka/atthapali/read_th.php?B=3&A=3993 The Pali Atthakatha in Roman :- https://84000.org/tipitaka/atthapali/read_rm.php?B=3&A=3993 Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5