PaliRoman Vol.5

[83] Tena kho pana samayena bhaddiye nagare ^2- mendako gahapati pativasati . tassa evarupo iddhanubhavo hoti sisam nahayitva dhannagaram sammajjapetva bahidvare ^3- nisidati . antalikkha dhannassa dhara opatitva dhannagaram pureti ^4- . Bhariyaya evarupo iddhanubhavo hoti ekamyeva alhakathalikam upanisiditva ekanca supaginjarakam ^5- dasakammakaraporisam bhattena parivisati . na tava tam khiyati yava sa na vutthati . puttassa evarupo iddhanubhavo hoti ekamyeva sahassatthavikam gahetva dasakammakaraporisassa chammasikam vetanam ^6- deti. Na tava tam khiyati yavassa hatthagata. {83.1} Sunisaya evarupo iddhanubhavo hoti ekamyeva catudonikam pitakam upanisiditva dasakammakaraporisassa chammasikam bhattam deti . Na tava tam khiyati yava sa na vutthati . dasassa evarupo iddhanubhavo hoti ekena nangalena kasantassa satta sitayo gacchanti . assosi kho raja magadho seniyo bimbisaro @Footnote: ¹ Po. sammatim. Si. sammutikam. Ma. Yu. sammutim. ² Po. Ma. Yu. bhaddiyanagare. @³ Si. pavare. ⁴ Po. purenti. sabbattha idismeva dissati. ⁵ Po. @supabhinjarakam. Ma. supabhinjanakam. Yu. supavyanjanakam. ⁶ Po. Ma. vettanam. Amhakam kira vijite bhaddiye nagare mendako gahapati pativasati tassa evarupo iddhanubhavo ^[1]- sisam nahayitva dhannagaram sammajjapetva bahidvare nisidati antalikkha dhannassa dhara opatitva dhannagaram pureti bhariyaya ^2- evarupo iddhanubhavo ekamyeva alhakathalikam upanisiditva ekanca supaginjarakam dasakammakaraporisam bhattena parivisati na tava tam khiyati yava sa na vutthati puttassa evarupo iddhanubhavo ekamyeva sahassatthavikam gahetva dasakammakaraporisassa chammasikam vetanam deti na tava tam khiyati yavassa hatthagata sunisaya evarupo iddhanubhavo ekamyeva catudonikam pitakam upanisiditva dasakammakaraporisassa chammasikam bhattam deti na tava tam khiyati yava sa na vutthati dasassa evarupo iddhanubhavo ekena nangalena kasantassa satta sitayo gacchantiti. {83.2} Athakho raja magadho seniyo bimbisaro annataram sabbatthakam mahamattam amantesi amhakam kira bhane vijite bhaddiye nagare mendako gahapati pativasati tassa evarupo iddhanubhavo sisam nahayitva dhannagaram sammajjapetva bahidvare nisidati antalikkha dhannassa dhara opatitva dhannagaram pureti .pe. dasassa evarupo iddhanubhavo ekena nangalena kasantassa satta sitayo gacchanti gaccha bhane janahi yatha maya samam dittho evam tava dittho bhavissatiti. Evam @Footnote: ¹ Po. hoti. ² Po. bhariyayapissa. Devati kho so mahamatto ranno magadhassa seniyassa bimbisarassa patissunitva caturanginiya senaya yena bhaddiyam tena payasi anupubbena yena bhaddiyam yena mendako gahapati tenupasankami upasankamitva mendakam gahapatim etadavoca ahanhi gahapati ranna anatto amhakam kira bhane vijite bhaddiye nagare mendako gahapati pativasati tassa evarupo iddhanubhavo sisam nahayitva dhannagaram sammajjapetva bahidvare nisidati antalikkha dhannassa dhara opatitva dhannagaram pureti .pe. dasassa evarupo iddhanubhavo ekena nangalena kasantassa satta sitayo gacchanti gaccha bhane janahi yatha maya samam dittho evam tava dittho bhavissatiti passama te gahapati iddhanubhavanti. {83.3} Athakho mendako gahapati sisam nahayitva dhannagaram sammajjapetva bahidvare nisidi . Antalikkha dhannassa dhara opatitva dhannagaram puresi . dittho te gahapati iddhanubhavo bhariyaya te iddhanubhavam passamati . athakho mendako gahapati bhariyam anapesi tenahi caturanginim senam bhattena parivisati . Athakho mendakassa gahapatissa bhariya ekamyeva alhakathalikam upanisiditva ekanca supaginjarakam caturanginim senam bhattena parivisi. Na tava tam khiyati yava sa na vutthati. Dittho te gahapati bhariyaya iddhanubhavo puttassa te iddhanubhavam Passamati . athakho mendako gahapati puttam anapesi tenahi ^[1]- caturanginiya senaya chammasikam vetanam dehiti . athakho mendakassa gahapatissa putto ekamyeva sahassatthavikam gahetva caturanginiya senaya chammasikam vetanam adasi . na tava tam khiyati yavassa hatthagata. Dittho te gahapati puttassa iddhanubhavo sunisaya te iddhanubhavam passamati. {83.4} Athakho mendako gahapati sunisam anapesi tenahi caturanginiya senaya chammasikam bhattam dehiti . athakho mendakassa gahapatissa sunisa ekamyeva catudonikam pitakam upanisiditva caturanginiya senaya chammasikam bhattam adasi. Na tava tam khiyati yava sa na vutthati. Dittho te gahapati sunisaya iddhanubhavo dasassa te iddhanubhavam passamati . mayham kho sami dasassa iddhanubhavo khette passitabboti . alam gahapati dittho te dasassapi iddhanubhavoti . Athakho so mahamatto ^2- caturanginiya senaya punadeva rajagaham paccagacchi yena raja magadho seniyo bimbisaro tenupasankami upasankamitva ranno magadhassa seniyassa bimbisarassa etamattham arocesi. [84] Athakho bhagava vesaliyam yathabhirantam viharitva yena bhaddiyam tena carikam pakkami mahata bhikkhusanghena saddhim addhaterasehi bhikkhusatehi . athakho bhagava anupubbena carikam caramano @Footnote: ¹ Po. Yu. tata. ² Si. idam pathattayam na dissati. Yena bhaddiyam tadavasari . tatra sudam bhagava bhaddiye viharati jatiyavane. Assosi kho mendako gahapati samano khalu bho gotamo sakyaputto sakyakula pabbajito bhaddiyam anuppatto bhaddiye viharati jatiyavane tam kho pana bhavantam gotamam evamkalyano kittisaddo abbhuggato {84.1} itipi so bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava ^1- so imam lokam sadevakam samarakam sabrahmakam sassamanabrahmanim pajam sadevamanussam sayam abhinna sacchikatva pavedeti so dhammam deseti adikalyanam majjhekalyanam pariyosanakalyanam sattham sabyanjanam kevalaparipunnam parisuddham brahmacariyam pakaseti sadhu kho pana tatharupanam arahatam dassanam hotiti. {84.2} Athakho mendako gahapati bhadrani bhadrani yanani yojapetva bhadram bhadram yanam abhiruhitva bhadrehi bhadrehi yanehi bhaddiya niyyasi bhagavantam dassanaya . addasamsu kho sambahula titthiya mendakam gahapatim durato va agacchantam disvana mendakam gahapatim etadavocum kaham tvam gahapati gacchasiti . gacchamaham bhante samanam gotamam dassanayati . kim pana tvam gahapati kiriyavado samano akiriyavadam samanam gotamam dassanaya upasankamissasi samano hi gahapati gotamo akiriyavado akiriyaya dhammam deseti tena ca savake vinetiti. Athakho mendakassa @Footnote: ¹ Po. Ma. bhagavati. Gahapatissa etadahosi nissamsayam kho so bhagava araham sammasambuddho bhavissati yathayime titthiya usuyantiti yavatika yanassa bhumi yanena gantva yana paccorohitva pattiko va yena bhagava tenupasankami upasankamitva bhagavantam abhivadetva ekamantam nisidi. {84.3} Ekamantam nisinnassa kho mendakassa gahapatissa bhagava anupubbikatham kathesi seyyathidam danakatham silakatham saggakatham kamanam adinavam okaram sankilesam nekkhamme anisamsam pakasesi . Yada bhagava annasi mendakam gahapatim kallacittam muducittam vinivaranacittam udaggacittam pasannacittam atha ya buddhanam samukkamsika dhammadesana tam pakaseti dukkham samudayam nirodham maggam . seyyathapi nama suddham vattham apagatakalakam sammadeva rajanam patigganheyya evameva mendakassa gahapatissa tasmimyevasane virajam vitamalam dhammacakkhum udapadi yankinci samudayadhammam sabbantam nirodhadhammanti. {84.4} Athakho mendako gahapati ditthadhammo pattadhammo viditadhammo pariyogalhadhammo tinnavicikiccho vigatakathamkatho vesarajjappatto aparappaccayo satthu sasane bhagavantam etadavoca abhikkantam bhante abhikkantam bhante seyyathapi bhante nikkujjitam va ukkujjeyya paticchannam va vivareyya mulhassa va maggam acikkheyya andhakare va telappajjotam dhareyya cakkhumanto rupani dakkhantiti evamevam bhagavata anekapariyayena dhammo pakasito esaham bhante bhagavantam Saranam gacchami dhammanca bhikkhusanghanca upasakam mam bhagava dharetu ajjatagge panupetam saranam gatam adhivasetu ca me bhante bhagava svatanaya bhattam saddhim bhikkhusanghenati . adhivasesi bhagava tunhibhavena . athakho mendako gahapati bhagavato adhivasanam viditva utthayasana bhagavantam abhivadetva padakkhinam katva pakkami. {84.5} Athakho mendako gahapati tassa rattiya accayena panitam khadaniyam bhojaniyam patiyadapetva bhagavato kalam arocapesi kalo bhante nitthitam bhattanti . athakho bhagava pubbanhasamayam nivasetva pattacivaramadaya yena mendakassa gahapatissa nivesanam tenupasankami upasankamitva pannatte asane nisidi saddhim bhikkhusanghena . Athakho mendakassa gahapatissa bhariya ca putto ca sunisa ca daso ca yena bhagava tenupasankamimsu upasankamitva bhagavantam abhivadetva ekamantam nisidimsu. {84.6} Tesam bhagava anupubbikatham kathesi seyyathidam danakatham silakatham saggakatham kamanam adinavam okaram sankilesam nekkhamme anisamsam pakasesi . yada bhagava annasi te kallacitte muducitte vinivaranacitte udaggacitte pasannacitte atha ya buddhanam samukkamsika dhammadesana tam pakasesi dukkham samudayam nirodham maggam . Seyyathapi nama suddham vattham apagatakalakam sammadeva rajanam patigganheyya evameva tesam tasmimyevasane virajam vitamalam dhammacakkhum udapadi yankinci samudayadhammam sabbantam Nirodhadhammanti . te ditthadhamma pattadhamma viditadhamma pariyogalhadhamma tinnavicikiccha vigatakathamkatha vesarajjappatta aparappaccaya satthu sasane bhagavantam etadavocum abhikkantam bhante abhikkantam bhante seyyathapi ^[1]- bhante nikkujjitam va ukkujjeyya paticchannam va vivareyya mulhassa va maggam acikkheyya andhakare va telappajjotam dhareyya cakkhumanto rupani dakkhantiti evamevam bhagavata anekapariyayena dhammo pakasito ete mayam bhante bhagavantam saranam gacchama dhammanca bhikkhusanghanca upasake no bhagava dharetu ajjatagge panupete saranam gateti. {84.7} Athakho mendako gahapati buddhappamukham bhikkhusangham panitena khadaniyena bhojaniyena sahattha santappetva sampavaretva bhagavantam bhuttavim onitapattapanim ekamantam nisidi . ekamantam nisinno kho mendako gahapati bhagavantam etadavoca yava bhante bhagava bhaddiye viharati ^[2]- aham buddhappamukhassa bhikkhusanghassa ^3- dhuvabhattenati . athakho bhagava mendakam gahapatim dhammiya kathaya sandassetva samadapetva samuttejetva sampahamsetva utthayasana pakkami. [85] Athakho bhagava bhaddiye yathabhirantam viharitva mendakam gahapatim anapuccha yena anguttarapo tena carikam pakkami mahata bhikkhusanghena saddhim addhaterasehi bhikkhusatehi . assosi @Footnote: ¹ Po. nama. ² Ma. Yu. tava. ³ Si. sanghassa. Kho mendako gahapati bhagava kira yena anguttarapo tena carikam pakkanto mahata bhikkhusanghena saddhim addhaterasehi bhikkhusatehiti . Athakho mendako gahapati dase ca kammakare ca anapesi tenahi bhane bahum lonampi telampi tandulampi khadaniyampi sakatesu aropetva agacchatha addhaterasani ca gopalakasatani addhaterasani dhenusatani adaya agacchantu yattha bhagavantam passissama tattha dharunhena ^1- khirena bhojessamati. {85.1} Athakho mendako gahapati bhagavantam antaramagge kantare sambhavesi . athakho mendako gahapati yena bhagava tenupasankami upasankamitva bhagavantam abhivadetva ekamantam atthasi . ekamantam thito kho mendako gahapati bhagavantam etadavoca adhivasetu me bhante bhagava svatanaya bhattam saddhim bhikkhusanghenati . adhivasesi bhagava tunhibhavena . athakho mendako gahapati bhagavato adhivasanam viditva utthayasana bhagavantam abhivadetva padakkhinam katva pakkami . athakho mendako gahapati tassa rattiya accayena panitam khadaniyam bhojaniyam patiyadapetva bhagavato kalam arocapesi kalo bhante nitthitam bhattanti. {85.2} Athakho bhagava pubbanhasamayam nivasetva pattacivaramadaya yena mendakassa gahapatissa parivesana tenupasankami upasankamitva pannatte asane nisidi saddhim bhikkhusanghena . athakho mendako gahapati addhaterasani gopalakasatani @Footnote: ¹ Po. parunhena. Ma. Yu. tarunena. ito param idisameva. Anapesi tenahi bhane ekamekam dhenum gahetva ekamekassa bhikkhuno upatitthatha dharunhena khirena bhojessamati . athakho mendako gahapati buddhappamukham bhikkhusangham panitena khadaniyena bhojaniyena sahattha santappesi sampavaresi dharunhena ca khirena . Bhikkhu kukkuccayanta khiram nappatigganhanti . patigganhatha bhikkhave paribhunjathati. {85.3} Athakho mendako gahapati buddhappamukham bhikkhusangham panitena khadaniyena bhojaniyena sahattha santappetva sampavaretva dharunhena ca khirena bhagavantam bhuttavim onitapattapanim ekamantam nisidi . ekamantam nisinno kho mendako gahapati bhagavantam etadavoca santi bhante magga kantara appodaka appabhakkha na sukara apatheyyena gantum sadhu bhante bhagava bhikkhunam patheyyam anujanatuti . athakho bhagava mendakam gahapatim dhammiya kathaya sandassetva samadapetva samuttejetva sampahamsetva utthayasana pakkami. {85.4} Athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave panca gorase khiram dadhim takkam navanitam sappim . santi bhikkhave magga kantara appodaka appabhakkha na sukara apatheyyena gantum . anujanami bhikkhave patheyyam pariyesitum tandulo tandulatthikena muggo muggatthikena maso masatthikena lonam @Footnote: ¹ Si. Ma. pancagorasam. Lonatthikena gulo gulatthikena telam telatthikena sappi sappitthikena . Santi bhikkhave manussa saddha pasanna te kappiyakarakanam hatthe hirannasuvannam ^1- upanikkhipanti imina yam ayyassa kappiyam tam dethati. Anujanami bhikkhave yam tato kappiyam tam saditum na tvevaham bhikkhave kenaci pariyayena jataruparajatam saditabbam pariyesitabbanti vadamiti.

The Pali Tipitaka in Roman Character Volume 5 page 111-121. https://84000.org/tipitaka/read/roman_read.php?B=5&A=2316&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=5&A=2316&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=5&item=83&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=5&siri=23 Study Atthakatha :- https://84000.org/tipitaka/attha/attha.php?b=5&i=83 The Pali Atthakatha in Thai :- https://84000.org/tipitaka/atthapali/read_th.php?B=3&A=4158 The Pali Atthakatha in Roman :- https://84000.org/tipitaka/atthapali/read_rm.php?B=3&A=4158 Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5