บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[92] Tena kho pana samayena bhikkhunam kisminci kisminci thane kukkuccam uppajjati kinnu kho bhagavata anunnatam kim ananunnatanti . bhagavato etamattham arocesum . yam bhikkhave maya idam na kappatiti appatikkhittam tanca akappiyam anulometi kappiyam patibahati tam vo na kappati yam bhikkhave maya idam na kappatiti appatikkhittam tance kappiyam anulometi akappiyam patibahati tam vo kappati yam 1- bhikkhave maya idam kappatiti ananunnatam tance akappiyam anulometi kappiyam patibahati tam @Footnote: 1 Ma. yanne ca. Yu. yanca. Vo na kappati yam bhikkhave maya idam kappatiti ananunnatam tance kappiyam anulometi akappiyam patibahati tam vo kappatiti. [93] Athakho bhikkhunam etadahosi kappati nu kho yavakalikena yamakalikam na nu kho kappati kappati nu kho yavakalikena sattahakalikam na nu kho kappati kappati nu kho yavakalikena yavajivikam na nu kho kappati kappati nu kho yamakalikena sattahakalikam na nu kho kappati kappati nu kho yamakalikena yavajivikam na nu kho kappati kappati nu kho sattahakalikena yavajivikam na nu kho kappatiti . bhagavato etamattham arocesum . Yavakalikena bhikkhave yamakalikam tadahupatiggahitam kale kappati vikale na kappati yavakalikena bhikkhave sattahakalikam tadahupatiggahitam kale kappati vikale na kappati yavakalikena bhikkhave yavajivikam tadahupatiggahitam kale kappati vikale na kappati yamakalikena bhikkhave sattahakalikam tadahupatiggahitam yame kappati yamatikkante na kappati yamakalikena bhikkhave yavajivikam tadahupatiggahitam yame kappati yamatikkante na kappati sattahakalikena bhikkhave yavajivikam tadahupatiggahitam sattaham kappati sattahatikkante na kappatiti. Bhesajjakkhandhakam nitthitam chattham. Imamhi khandhake vatthu ekasatam chavatthu. -----------The Pali Tipitaka in Roman Character Volume 5 page 131-132. https://84000.org/tipitaka/read/roman_read.php?B=5&A=2735&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=5&A=2735&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=5&item=92&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=5&siri=26 Study Atthakatha :- https://84000.org/tipitaka/attha/attha.php?b=5&i=92 The Pali Atthakatha in Thai :- https://84000.org/tipitaka/atthapali/read_th.php?B=3&A=4219 The Pali Atthakatha in Roman :- https://84000.org/tipitaka/atthapali/read_rm.php?B=3&A=4219 Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]