บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[170] Tena kho pana samayena vassam vuttha bhikkhu anuppanne civare pakkamantipi vibbhamantipi kalampi karonti samanerapi patijananti sikkham paccakkhatakapi patijananti antimavatthum ajjhapannakapi patijananti ummattakapi patijananti khittacittapi patijananti vedanattapi 1- patijananti apattiya adassane ukkhittakapi patijananti apattiya appatikamme ukkhittakapi patijananti papikaya ditthiya appatinissagge ukkhittakapi patijananti pandakapi patijananti theyyasamvasakapi patijananti titthiyapakkantakapi patijananti tiracchanagatapi patijananti matughatakapi patijananti pitughatakapi patijananti arahantaghatakapi patijananti bhikkhunidusakapi patijananti sanghabhedakapi patijananti lohituppadakapi patijananti ubhatobyanjanakapi patijananti. Bhagavato etamattham arocesum. {170.1} Idha pana bhikkhave vassam vuttho bhikkhu anuppanne civare pakkamati. Sante patirupe gahake databbam. {170.2} Idha pana bhikkhave vassam vuttho bhikkhu anuppanne civare vibbhamati kalam karoti samanero patijanati sikkham paccakkhatako @Footnote: 1 Ma. vedanattapi. Patijanati antimavatthum ajjhapannako patijanati. Sangho sami. {170.3} Idha pana bhikkhave vassam vuttho bhikkhu anuppanne civare ummattako patijanati khittacitto patijanati vedanatto patijanati apattiya adassane ukkhittako patijanati apattiya appatikamme ukkhittako patijanati papikaya ditthiya appatinissagge ukkhittako patijanati. Sante patirupe gahake databbam. {170.4} Idha pana bhikkhave vassam vuttho bhikkhu anuppanne civare pandako patijanati .pe. ubhatobyanjanako patijanati . sangho sami. {170.5} Idha pana bhikkhave vassam vuttho bhikkhu uppanne civare abhajite pakkamati. Sante patirupe gahake databbam. {170.6} Idha pana bhikkhave vassam vuttho bhikkhu uppanne civare abhajite vibbhamati kalam karoti samanero patijanati sikkham paccakkhatako patijanati antimavatthum ajjhapannako patijanati . Sangho sami. {170.7} Idha pana bhikkhave vassam vuttho bhikkhu uppanne civare abhajite ummattako patijanati khittacitto patijanati vedanatto patijanati apattiya adassane ukkhittako patijanati apattiya appatikamme ukkhittako patijanati papikaya ditthiya appatinissagge ukkhittako patijanati . sante patirupe gahake databbam. {170.8} Idha pana bhikkhave vassam vuttho bhikkhu uppanne civare abhajite pandako patijanati .pe. ubhatobyanjanako patijanati . sangho sami . idha pana bhikkhave Vassam vutthanam bhikkhunam anuppanne civare sangho bhijjati . Tattha manussa ekasmim pakkhe udakam denti ekasmim pakkhe civaram denti sanghassa demati. Sanghassevetam. {170.9} Idha pana bhikkhave vassam vutthanam bhikkhunam anuppanne civare sangho bhijjati . tattha manussa ekasmim pakkhe udakam denti tasmimyeva pakkhe civaram denti sanghassa demati. Sanghassevetam. {170.10} Idha pana bhikkhave vassam vutthanam bhikkhunam anuppanne civare sangho bhijjati . tattha manussa ekasmim pakkhe udakam denti ekasmim pakkhe civaram denti pakkhassa demati. Pakkhassevetam. {170.11} Idha pana bhikkhave vassam vutthanam bhikkhunam anuppanne civare sangho bhijjati . tattha manussa ekasmim pakkhe udakam denti tasmimyeva pakkhe civaram denti pakkhassa demati. Pakkhassevetam. {170.12} Idha pana bhikkhave vassam vutthanam bhikkhunam uppanne civare abhajite sangho bhijjati. Sabbesam samakam bhajetabbanti. [171] Tena kho pana samayena ayasma revato annatarassa bhikkhuno hatthe ayasmato sariputtassa civaram pahesi imam civaram therassa dehiti . athakho so bhikkhu antaramagge ayasmato revatassa vissasa tam civaram aggahesi . athakho ayasma revato ayasmata sariputtena samagantva pucchi aham bhante therassa civaram pahesim sampattam tam civaranti . nahantam avuso civaram passamiti . athakho ayasma revato tam bhikkhum etadavoca aham Avuso ayasmato hatthe therassa civaram pahesim kahantam civaranti . Aham bhante ayasmato vissasa tam civaram aggahesinti . bhagavato etamattham arocesum. {171.1} Idha pana bhikkhave bhikkhu bhikkhussa hatthe civaram pahinati imam civaram itthannamassa dehiti . so antaramagge yo pahinati tassa vissasa ganhati suggahitam . yassa pahiyati tassa vissasa ganhati duggahitam. {171.2} Idha pana bhikkhave bhikkhu bhikkhussa hatthe civaram pahinati imam civaram itthannamassa dehiti . so antaramagge yassa pahiyati tassa vissasa ganhati duggahitam . yo pahinati tassa vissasa ganhati suggahitam. {171.3} Idha pana bhikkhave bhikkhu bhikkhussa hatthe civaram pahinati imam civaram itthannamassa dehiti . so antaramagge sunati yo pahinati so kalakatoti tassa matakacivaram adhitthati svadhitthitam 1-. Yassa pahiyati tassa vissasa ganhati duggahitam. {171.4} Idha pana bhikkhave bhikkhu bhikkhussa hatthe civaram pahinati imam civaram itthannamassa dehiti . so antaramagge sunati yassa pahiyati so kalakatoti tassa matakacivaram adhitthati dvadhitthitam . Yo pahinati tassa vissasa ganhati suggahitam. {171.5} Idha pana bhikkhave bhikkhu bhikkhussa hatthe civaram pahinati imam civaram itthannamassa dehiti . so antaramagge sunati ubho kalakatati yo pahinati tassa matakacivaram adhitthati svadhitthitam 2-. Yassa @Footnote: 1-2 Po. Ma. Yu. svadhitthitam. Pahiyati tassa matakacivaram adhitthati dvadhitthitam. {171.6} Idha pana bhikkhave bhikkhu bhikkhussa hatthe civaram pahinati imam civaram itthannamassa dammiti . so antaramagge yo pahinati tassa vissasa ganhati duggahitam . yassa pahiyati tassa vissasa ganhati suggahitam. {171.7} Idha pana bhikkhave bhikkhu bhikkhussa hatthe civaram pahinati imam civaram itthannamassa dammiti . so antaramagge yassa pahiyati tassa vissasa ganhati suggahitam . yo pahinati tassa vissasa ganhati duggahitam. {171.8} Idha pana bhikkhave bhikkhu bhikkhussa hatthe civaram pahinati imam civaram itthannamassa dammiti . so antaramagge sunati yo pahinati so kalakatoti tassa matakacivaram adhitthati dvadhitthitam . Yassa pahiyati tassa vissasa ganhati suggahitam. {171.9} Idha pana bhikkhave bhikkhu bhikkhussa hatthe civaram pahinati imam civaram itthannamassa dammiti . so antaramagge sunati yassa pahiyati so kalakatoti tassa matakacivaram adhitthati svadhitthitam . yo pahinati tassa vissasa ganhati duggahitam. {171.10} Idha pana bhikkhave bhikkhu bhikkhussa hatthe civaram pahinati imam civaram itthannamassa dammiti . so antaramagge sunati ubho kalakatati yo pahinati tassa matakacivaram adhitthati dvadhitthitam . Yassa pahiyati tassa matakacivaram adhitthati svadhitthitam.The Pali Tipitaka in Roman Character Volume 5 page 235-239. https://84000.org/tipitaka/read/roman_read.php?B=5&A=4880&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=5&A=4880&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=5&item=170&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=5&siri=47 Study Atthakatha :- https://84000.org/tipitaka/attha/attha.php?b=5&i=170 The Pali Atthakatha in Thai :- https://84000.org/tipitaka/atthapali/read_th.php?B=3&A=5094 The Pali Atthakatha in Roman :- https://84000.org/tipitaka/atthapali/read_rm.php?B=3&A=5094 Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]