PaliRoman Vol.6

[159] Pancahangehi bhikkhave samannagatassa bhikkhuno akankhamano sangho patisaraniyakammam kareyya gihinam alabhaya parisakkati gihinam anatthaya parisakkati gihinam anavasaya ^1- parisakkati gihi akkosati paribhasati gihi gihihi bhedeti imehi kho bhikkhave pancahangehi samannagatassa bhikkhuno akankhamano sangho patisaraniyakammam kareyya. [160] Aparehipi bhikkhave pancahangehi samannagatassa bhikkhuno akankhamano sangho patisaraniyakammam kareyya gihinam buddhassa avannam bhasati gihinam dhammassa avannam bhasati gihinam sanghassa avannam bhasati gihi hinena khumseti gihi ^2- hinena vambheti gihinam dhammikam patissavam na saccapeti imehi kho bhikkhave pancahangehi samannagatassa bhikkhuno akankhamano sangho patisaraniyakammam kareyya. [161] Pancannam bhikkhave bhikkhunam akankhamano sangho patisaraniyakammam kareyya eko gihinam alabhaya parisakkati eko @Footnote: ¹ Yu. avasaya . ² Ma. Yu. ayam patho natthi. Gihinam anatthaya parisakkati eko gihinam anavasaya parisakkati eko gihi akkosati paribhasati eko gihi gihihi bhedeti imesam kho bhikkhave pancannam bhikkhunam akankhamano sangho patisaraniyakammam kareyya. [162] Aparesampi bhikkhave pancannam bhikkhunam akankhamano sangho patisaraniyakammam kareyya eko gihinam buddhassa avannam bhasati eko gihinam dhammassa avannam bhasati eko gihinam sanghassa avannam bhasati eko gihi hinena khumseti gihi hinena vambheti eko gihinam dhammikam patissavam na saccapeti imesam kho bhikkhave pancannam bhikkhunam akankhamano sangho patisaraniyakammam kareyya. Akankhamanacatupancakam ^1- nitthitam. [163] Patisaraniyakammakatena bhikkhave bhikkhuna samma vattitabbam. Tatrayam sammavattana na upasampadetabbam na nissayo databbo na samanero upatthapetabbo na bhikkhunovadakasammati saditabba sammatenapi bhikkhuniyo na ovaditabba yaya apattiya sanghena patisaraniyakammam katam hoti sa apatti na apajjitabba anna va tadisika tato va papitthatara kammam na garahitabbam kammika na garahitabba na pakatattassa bhikkhuno uposatho thapetabbo na pavarana thapetabba na savacaniyam katabbam na anuvado patthapetabbo na okaso @Footnote: ¹ Ma. akankhamanacatukkam. Karetabbo na codetabbo na saretabbo na bhikkhu bhikkhuhi sampayojetabbanti. Patisaraniyakamme attharasavattam nitthitam. [164] Atha kho sangho sudhammassa bhikkhuno patisaraniyakammam akasi citto te gahapati khamapetabboti . so sanghena patisaraniyakammakato macchikasandam gantva mankubhuto nasakkhi cittam gahapatim khamapetum . so ^1- punadeva savatthim paccagacchi . Bhikkhu evamahamsu khamapito taya avuso sudhammacitto gahapatiti . Idhaham avuso macchikasandam gantva mankubhuto nasakkhim cittam gahapatim khamapetunti . te bhikkhu ^2- bhagavato etamattham arocesum. Tenahi bhikkhave sangho sudhammassa bhikkhuno anudutam detu cittam gahapatim khamapetum . evanca pana bhikkhave databbo . pathamam bhikkhu yacitabbo yacitva byattena bhikkhuna patibalena sangho napetabbo {164.1} sunatu me bhante sangho yadi sanghassa pattakallam sangho itthannamam bhikkhum sudhammassa bhikkhuno anudutam dadeyya cittam gahapatim khamapetum. Esa natti. {164.2} Sunatu me bhante sangho sangho inthannamam bhikkhum sudhammassa bhikkhuno anudutam deti cittam gahapatim khamapetum . Yassayasmato khamati itthannamassa bhikkhuno sudhammassa bhikkhuno anudutassa danam cittam gahapatim khamapetum . @Footnote: ¹ Ma. Yu. soti na dissati. Ma. teti na dissati. So tunhassa yassa nakkhamati so bhaseyya. {164.3} Dinno sanghena itthannamo bhikkhu sudhammassa bhikkhuno anuduto cittam gahapatim khamapetum khamati sanghassa tasma tunhi. Evametam dharayamiti. [165] Tena ^[1]- bhikkhave sudhammena bhikkhuna anudutena bhikkhuna saddhim macchikasandam gantva citto gahapati khamapetabbo khama gahapati pasademi tanti evance vuccamano khamati iccetam kusalam . no ce khamati anudutena bhikkhuna vattabbo khama gahapati imassa bhikkhuno pasadeti tanti evance vuccamano khamati iccetam kusalam . no ce khamati anudutena bhikkhuna vattabbo khama gahapati imassa bhikkhuno ahantam pasademiti evance vuccamano khamati iccetam kusalam . no ce khamati anudutena bhikkhuna vattabbo khama gahapati imassa bhikkhuno sanghassa vacanenati evance vuccamano khamati iccetam kusalam . no ce khamati anudutena bhikkhuna sudhammam bhikkhum ^2- cittassa gahapatino dassanupacaram avijahapetva savanupacaram avijahapetva ekamsam uttarasangam karapetva ukkutikam nisidapetva anjalim pagganhapetva sa apatti desapetabbati ^3-. [166] Atha kho ayasma sudhammo anudutena bhikkhuna saddhim macchikasandam gantva cittam gahapatim khamapesi . so samma vattati lomam pateti nettharam vattati bhikkhu upasankamitva evam @Footnote: ¹ Ma. hi . ² Ma. Yu. sudhammo bhikkhu . ³ Ma. tam apattim desapetabboti. Vadeti aham avuso sanghena patisaraniyakammakato samma vattami lomam patemi nettharam vattami katham nu kho maya patipajjitabbanti. Te bhikkhu bhagavato etamattham arocesum . tenahi bhikkhave sangho sudhammassa bhikkhuno patisaraniyakammam patippassambhetu. [167] Pancahi bhikkhave angehi samannagatassa bhikkhuno patisaraniyakammam na patippassambhetabbam upasampadeti nissayam deti samaneram upatthapeti bhikkhunovadakasammatim sadiyati sammatopi bhikkhuniyo ovadati imehi kho bhikkhave pancahangehi samannagatassa bhikkhuno patisaraniyakammam na patippassambhetabbam. [168] Aparehipi bhikkhave pancahangehi samannagatassa bhikkhuno patisaraniyakammam na patippassambhetabbam yaya apattiya sanghena patisaraniyakammam katam hoti tam apattim apajjati annam va tadisikam tato va papitthataram kammam garahati kammike garahati imehi kho bhikkhave pancahangehi samannagatassa bhikkhuno patisaraniyakammam na patippassambhetabbam. [169] Atthahi bhikkhave angehi samannagatassa bhikkhuno patisaraniyakammam na patippassambhetabbam pakatattassa bhikkhuno uposatham thapeti pavaranam thapeti savacaniyam karoti anuvadam patthapeti okasam kareti codeti sareti bhikkhu bhikkhuhi sampayojeti imehi kho bhikkhave atthahangehi samannagatassa bhikkhuno patisaraniyakammam Na patippassambhetabbam. Patisaraniyakamme na patippassambhetabbaattharasakam nitthitam. [170] Pancahi bhikkhave angehi samannagassa bhikkhuno patisaraniyakammam patippassambhetabbam na upasampadeti na nissayam deti na samaneram upatthapeti na bhikkhunovadakasammatim sadiyati sammatopi bhikkhuniyo na ovadati imehi kho bhikkhave pancahangehi samannagatassa bhikkhuno patisaraniyakammam patippassambhetabbam. [171] Aparehipi bhikkhave pancahangehi samannagatassa bhikkhuno patisaraniyakammam patippassambhetabbam yaya apattiya sanghena patisaraniyakammam katam hoti tam apattim na apajjati annam va tadisikam tato va papitthataram kammam na garahati kammike na garahati imehi kho bhikkhave pancahangehi samannagatassa bhikkhuno patisaraniyakammam patippassambhetabbam. [172] Atthahi bhikkhave angehi samannagatassa bhikkhuno patisaraniyakammam patippassambhetabbam na pakatattassa bhikkhuno uposatham thapeti na pavaranam thapeti na savacaniyam karoti na anuvadam patthapeti na okasam kareti na codeti na sareti na bhikkhu bhikkhuhi sampayojeti imehi kho bhikkhave atthahangehi samannagatassa bhikkhuno patisaraniyakammam patippassambhetabbam. Patisaraniyakamme patippassambhetabbaattharasakam nitthitam. [173] Evanca pana bhikkhave patippassambhetabbam . tenahi bhikkhave sudhammena bhikkhuna sangham upasankamitva ekamsam uttarasangam karitva vuddhanam bhikkhunam pade vanditva ukkutikam nisiditva anjalim paggahetva evamassa vacaniyo aham bhante sanghena patisaraniyakammakato samma vattami lomam patemi nettharam vattami patisaraniyakammassa patippassaddhim yacamiti . dutiyampi yacitabba . tatiyampi yacitabba . byattena bhikkhuna patibalena sangho napetabbo {173.1} sunatu me bhante sangho ayam sudhammo bhikkhu sanghena patisaraniyakammakato samma vattati lomam pateti nettharam vattati patisaraniyakammassa patippassaddhim yacati . yadi sanghassa pattakallam sangho sudhammassa bhikkhuno patisaraniyakammam patippassambheyya . Esa natti. {173.2} Sunatu me bhante sangho ayam sudhammo bhikkhu sanghena patisaraniyakammakato samma vattati lomam pateti nettharam vattati patisaraniyakammassa patippassaddhim yacati . sangho sudhammassa bhikkhuno patisaraniyakammam patippassambheti . yassayasmato khamati sudhammassa bhikkhuno patisaraniyakammassa patippassaddhi so tunhassa yassa nakkhamati so bhaseyya. {173.3} Dutiyampi etamattham vadami . sunatu me bhante sangho ayam sudhammo bhikkhu sanghena patisaraniyakammakato samma vattati lomam pateti nettharam vattati patisaraniyakammassa Patippassaddhim yacati . sangho sudhammassa bhikkhuno patisaraniyakammam patippassambheti . yassayasmato khamati sudhammassa bhikkhuno patisaraniyakammassa patippassaddhi so tunhassa yassa nakkhamati so bhaseyya. {173.4} Tatiyampi etamattham vadami . sunatu me bhante sangho ayam sudhammo bhikkhu sanghena patisaraniyakammakato samma vattati lomam pateti nettharam vattati patisaraniyakammassa patippassaddhim yacati . sangho sudhammassa bhikkhuno patisaraniyakammam patippassambheti . yassayasmato khamati sudhammassa bhikkhuno patisaraniyakammassa patippassaddhi so tunhassa yassa nakkhamati so bhaseyya. {173.5} Patippassaddham sanghena sudhammassa bhikkhuno patisaraniyakammam khamati sanghassa tasma tunhi . evametam dharayamiti. Patisaraniyakammam catuttham nitthitam.

The Pali Tipitaka in Roman Character Volume 6 page 68-75. https://84000.org/tipitaka/read/roman_read.php?B=6&A=1378&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=6&A=1378&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=6&item=159&items=15 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=6&siri=8 Contents of The Tipitaka Volume 6 https://84000.org/tipitaka/read/?index_6 https://84000.org/tipitaka/english/?index_6