ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 6 : PALI ROMAN Vinaya Pitaka Vol 6 : Vinaya. Culla (1)

     [200]  Tihi  bhikkhave  angehi  samannagatassa bhikkhuno akankhamano
sangho   apattiya   adassane   ukkhepaniyakammam   kareyya  bhandanakarako
hoti      kalahakarako      vivadakarako      bhassakarako     sanghe
Adhikaranakarako    balo   hoti   abyatto   apattibahulo   anapadano
gihisamsattho   viharati   ananulomikehi   gihisamsaggehi   imehi  kho  bhikkhave
tihangehi   samannagatassa   bhikkhuno   akankhamano   sangho   apattiya
adassane ukkhepaniyakammam kareyya.
     [201]   Aparehipi   bhikkhave   tihangehi   samannagatassa  bhikkhuno
akankhamano   sangho   apattiya   adassane   ukkhepaniyakammam  kareyya
adhisile    silavipanno    hoti    ajjhacare    acaravipanno   hoti
atiditthiya    ditthivipanno    hoti   imehi   kho   bhikkhave   tihangehi
samannagatassa   bhikkhuno   akankhamano   sangho   apattiya   adassane
ukkhepaniyakammam kareyya.
     [202]   Aparehipi   bhikkhave   tihangehi   samannagatassa  bhikkhuno
akankhamano   sangho   apattiya   adassane   ukkhepaniyakammam  kareyya
buddhassa    avannam    bhasati    dhammassa    avannam    bhasati    sanghassa
avannam    bhasati    imehi    kho   bhikkhave   tihangehi   samannagatassa
bhikkhuno   akankhamano   sangho   apattiya   adassane  ukkhepaniyakammam
kareyya.
     [203]   Tinnam  bhikkhave  bhikkhunam  akankhamano  sangho  apattiya
adassane   ukkhepaniyakammam   kareyya  eko  bhandanakarako  hoti  .pe.
Sanghe     adhikaranakarako     eko     balo     hoti    abyatto
apattibahulo   anapadano   eko   gihisamsattho   viharati   ananulomikehi
Gihisamsaggehi    imesam    kho   bhikkhave   tinnam   bhikkhunam   akankhamano
sangho apattiya adassane ukkhepaniyakammam kareyya.
     [204]   Aparesampi  bhikkhave  tinnam  bhikkhunam  akankhamano  sangho
apattiya    adassane    ukkhepaniyakammam    kareyya   eko   adhisile
silavipanno   hoti   eko   ajjhacare   acaravipanno  hoti  eko
atiditthiya   ditthivipanno   hoti   imesam   kho   bhikkhave  tinnam  bhikkhunam
akankhamano sangho apattiya adassane ukkhepaniyakammam kareyya.
     [205]   Aparesampi  bhikkhave  tinnam  bhikkhunam  akankhamano  sangho
apattiya    adassane    ukkhepaniyakammam    kareyya   eko   buddhassa
avannam   bhasati   eko   dhammassa   avannam   bhasati   eko   sanghassa
avannam   bhasati   imesam   kho   bhikkhave   tinnam   bhikkhunam  akankhamano
sangho apattiya adassane ukkhepaniyakammam kareyya.
         Apattiya adassane ukkhepaniyakamme akankhamanacchakkam nitthitam.
     [206]  Apattiya  adassane  ukkhepaniyakammakatena bhikkhave bhikkhuna
samma   vattitabbam   .   tatrayam   sammavattana   na   upasampadetabbam
na    nissayo    databbo    na    samanero    upatthapetabbo   na
bhikkhunovadakasammati      saditabba     sammatenapi     bhikkhuniyo     na
ovaditabba    yaya    apattiya    sanghena    apattiya   adassane
ukkhepaniyakammam   katam  hoti  sa  apatti  na  apajjitabba  anna  va
tadisika   tato   va   papitthatara   kammam  na  garahitabbam  kammika  na
Garahitabba   na   pakatattassa   bhikkhuno  abhivadanam  paccutthanam  anjalikammam
samicikammam     asanabhiharo    seyyabhiharo    padodakam    padapitham
padakathalikam     pattacivarapatiggahanam    nahane    pitthiparikammam    saditabbam
na   pakatatto   bhikkhu   silavipattiya   anuddhamsitabbo  na  acaravipattiya
anuddhamsitabbo    na   ditthivipattiya   anuddhamsitabbo   na   ajivavipattiya
anuddhamsitabbo   na   bhikkhu   bhikkhuhi   bhedetabba   1-   na   gihiddhajo
dharetabbo   na   titthiyaddhajo   dharetabbo   na   titthiya  sevitabba
bhikkhu   sevitabba   bhikkhusikkha  sikkhitabba  2-  na  pakatattena  bhikkhuna
saddhim   ekacchanne   avase   vatthabbam   na   ekacchanne  anavase
vatthabbam   na   ekacchanne   avase   va   anavase  va  vatthabbam
pakatattam   bhikkhum   disva   asana   vutthatabbam   na   pakatatto   bhikkhu
asadetabbo    anto   va   bahi   va   na   pakatattassa   bhikkhuno
uposatho    thapetabbo    na    pavarana    thapetabba   na   savacaniyam
katabbam    na   anuvado   patthapetabbo   na   okaso   karetabbo
na  codetabbo  na  saretabbo  na  bhikkhu  bhikkhuhi  sampayojetabbanti .
Apattiya adassane ukkhepaniyakamme tecattalisavattam nitthitam.
     [207]  Atha  kho  sangho  channassa  bhikkhuno  apattiya  adassane
ukkhepaniyakammam   akasi  asambhogam  sanghena  .  so  sanghena  apattiya
adassane    ukkhepaniyakammakato    tamha    avasa   annam   avasam
agamasi   tattha  bhikkhu  neva  abhivadesum  na   paccutthesum  na  anjalikammam
@Footnote: 1 Po. Ma. Yu. na bhikkhu bhikkhuhi bhedetabbo .    2 Ma. Yu. bhikkhusikkhaya
@sikkhitabbam. ito param idisameva.
Na  samicikammam  akamsu  na  sakkarimsu  na  garukarimsu 1- na manesum na pujesum.
So   bhikkhuhi   asakkariyamano  agarukariyamano  amaniyamano  apujiyamano
asakkarakato   2-   tamhapi  avasa  annam  avasam  agamasi  tatthapi
bhikkhu   neva   abhivadesum  na  paccutthesum  na  anjalikammam  na  samicikammam
akamsu  na  sakkarimsu  na  garukarimsu  1-  na  manesum  na pujesum. So bhikkhuhi
asakkariyamano  agarukariyamano  amaniyamano apujiyamano asakkarakato 2-
tamhapi   avasa   annam   avasam   agamasi   tatthapi   bhikkhu   neva
abhivadesum   na   paccutthesum   na   anjalikammam   na   samicikammam   akamsu
na sakkarimsu na garukarimsu 1- na manesum na pujesum.
     {207.1}  So  bhikkhuhi  asakkariyamano agarukariyamano amaniyamano
apujiyamano   asakkarakato   2-   punadeva   kosambim   paccagacchi  so
samma   vattati   lomam   pateti  nettharam  vattati  bhikkhu  upasankamitva
evam    vadeti    aham    avuso    sanghena    apattiya   adassane
ukkhepaniyakammakato    samma    vattami    lomam    patemi   nettharam
vattami   kathannu   kho   maya   patipajjitabbabanti   .   te  3-  bhikkhu
bhagavato   etamattham   arocesum   .   tenahi  bhikkhave  sangho  channassa
bhikkhuno apattiya adassane ukkhepaniyakammam patippassambhetu.
     [208]  Pancahi  bhikkhave  angehi  samannagatassa bhikkhuno apattiya
adassane     ukkhepaniyakammam    na    patippassambhetabbam    upasampadeti
@Footnote: 1 Ma. garum. karimsu. ito param sabbattha natabbam. 2 Ma. Yu. asakkarapakato. ito
@paramsabbattha natabbam .    3 Po. Ma. Yu. teti na dissati.
Nissayam    deti   samaneram   upatthapeti   bhikkhunovadakasammatim   sadiyati
sammatopi    bhikkhuniyo   ovadati   imehi   kho   bhikkhave   pancahangehi
samannagatassa    bhikkhuno    apattiya   adassane   ukkhepaniyakammam   na
patippassambhetabbam.
     [209]   Aparehipi   bhikkhave  pancahangehi  samannagatassa  bhikkhuno
apattiya    adassane   ukkhepaniyakammam   na   patippassambhetabbam   yaya
apattiya   sanghena   apattiya   adassane  ukkhepaniyakammam  katam  hoti
tam   apattim   apajjati   annam   va   tadisikam  tato  va  papitthataram
kammam   garahati   kammike   garahati   imehi   kho   bhikkhave  pancahangehi
samannagatassa    bhikkhuno    apattiya   adassane   ukkhepaniyakammam   na
patippassambhetabbam.
     [210]   Aparehipi   bhikkhave  pancahangehi  samannagatassa  bhikkhuno
apattiya     adassane     ukkhepaniyakammam     na    patippassambhetabbam
pakatattassa    bhikkhuno   abhivadanam   paccutthanam   anjalikammam   samicikammam
asanabhiharam     sadiyati     imehi    kho    bhikkhave    pancahangehi
samannagatassa    bhikkhuno    apattiya   adassane   ukkhepaniyakammam   na
patippassambhetabbam.
     [211]   Aparehipi   bhikkhave  pancahangehi  samannagatassa  bhikkhuno
apattiya     adassane     ukkhepaniyakammam     na    patippassambhetabbam
pakatattassa    bhikkhuno   seyyabhiharam   padodakam   padapitham   padakathalikam
Pattacivarapatiggahanam    nahane    pitthiparikammam    sadiyati    imehi   kho
bhikkhave   pancahangehi   samannagatassa   bhikkhuno   apattiya   adassane
ukkhepaniyakammam na patippassambhetabbam.
     [212]   Aparehipi   bhikkhave  pancahangehi  samannagatassa  bhikkhuno
apattiya   adassane   ukkhepaniyakammam   na   patippassambhetabbam  pakatattam
bhikkhum  silavipattiya  anuddhamseti  acaravipattiya  anuddhamseti  ditthivipattiya
anuddhamseti     ajivavipattiya     anuddhamseti    bhikkhu    1-    bhikkhuhi
bhedeti   imehi   kho   bhikkhave   pancahangehi   samannagatassa  bhikkhuno
apattiya adassane ukkhepaniyakammam na patippassambhetabbam.
     [213]   Aparehipi   bhikkhave  pancahangehi  samannagatassa  bhikkhuno
apattiya   adassane   ukkhepaniyakammam   na   patippassambhetabbam  gihiddhajam
dhareti  titthiyaddhajam  dhareti  titthiye  sevati  bhikkhu na sevati bhikkhusikkhaya
na   sikkhati   imehi   kho   bhikkhave  pancangehi  samannagatassa  bhikkhuno
apattiya adassane ukkhepaniyakammam na patippassambhetabbam.
     [214]   Aparehipi   bhikkhave  pancahangehi  samannagatassa  bhikkhuno
apattiya     adassane     ukkhepaniyakammam     na    patippassambhetabbam
pakatattena   bhikkhuna   saddhim   ekacchanne  avase  vasati  ekacchanne
anavase   vasati   ekacchanne   avase  va  anavase  va  vasati
pakatattam    bhikkhum    disva    asana   na   vutthati   pakatattam   bhikkhum
@Footnote: 1 Ma. Yu. bhikkhum. ito param idisameva.
Asadeti   anto   va   bahi  va  imehi  kho  bhikkhave  pancahangehi
samannagatassa    bhikkhuno    apattiya   adassane   ukkhepaniyakammam   na
patippassambhetabbam.
     [215]  Atthahi  bhikkhave  angehi  samannagatassa bhikkhuno apattiya
adassane   ukkhepaniyakammam   na   patippassambhetabbam   pakatattassa  bhikkhuno
uposakam   thapeti   pavaranam   thapeti  savacaniyam  karoti  anuvadam  patthapeti
okasam  kareti  codeti  sareti  bhikkhu  bhikkhuhi  sampayojeti imehi kho
bhikkhave   atthahangehi   samannagatassa   bhikkhuno   apattiya   adassane
ukkhepaniyakammam na patippassambhetabbam.
     Apattiya   adassane   ukkhepaniyakamme   na   patippassambhetabba-
tecattalisakam nitthitam.
     [216]  Pancahi  bhikkhave  angehi  samannagatassa bhikkhuno apattiya
adassane     ukkhepaniyakammam    patippassambhetabbam    na    upasampadeti
na   nissayam   deti   na   samaneram  upatthapeti  na  bhikkhunovadakasammatim
sadiyati   sammatopi   bhikkhuniyo   na   ovadati   imehi   kho   bhikkhave
pancahangehi     samannagatassa     bhikkhuno     apattiya     adassane
ukkhepaniyakammam patippassambhetabbam.
     [217]   Aparehipi   bhikkhave  pancahangehi  samannagatassa  bhikkhuno
apattiya     adassane    ukkhepaniyakammam    patippassambhetabbam    yaya
apattiya   sanghena   apattiya   adassane  ukkhepaniyakammam  katam  hoti
Tam   apattim   na  apajjati  annam  va  tadisikam  tato  va  papitthataram
kammam    na    garahati   kammike   na   garahati   imehi   kho   bhikkhave
pancahangehi     samannagatassa     bhikkhuno     apattiya     adassane
ukkhepaniyakammam patippassambhetabbam.
     [218]   Aparehipi   bhikkhave  pancahangehi  samannagatassa  bhikkhuno
apattiya     adassane     ukkhepaniyakammam     patippassambhetabbam    na
pakatattassa    bhikkhuno   abhivadanam   paccutthanam   anjalikammam   samicikammam
asanabhiharam     sadiyati     imehi    kho    bhikkhave    pancahangehi
samannagatassa     bhikkhuno     apattiya    adassane    ukkhepaniyakammam
patippassambhetabbam.
     [219]   Aparehipi   bhikkhave  pancahangehi  samannagatassa  bhikkhuno
apattiya     adassane     ukkhepaniyakammam     patippassambhetabbam    na
pakatattassa    bhikkhuno   seyyabhiharam   padodakam   padapitham   padakathalikam
pattacivarapatiggahanam    nahane    pitthiparikammam    sadiyati    imehi   kho
bhikkhave   pancahangehi   samannagatassa   bhikkhuno   apattiya   adassane
ukkhepaniyakammam patippassambhetabbam.
     [220]   Aparehipi   bhikkhave  pancahangehi  samannagatassa  bhikkhuno
apattiya   adassane   ukkhepaniyakammam    patippassambhetabbam  na  pakatattam
bhikkhum    silavipattiya    anuddhamseti    na   acaravipattiya   anuddhamseti
na    ditthivipattiya   anuddhamseti   na   ajivavipattiya   anuddhamseti   na
Bhikkhu    bhikkhuhi    bhedeti    imehi    kho    bhikkhave    pancahangehi
samannagatassa     bhikkhuno     apattiya    adassane    ukkhepaniyakammam
patippassambhetabbam.
     [221]   Aparehipi   bhikkhave  pancahangehi  samannagatassa  bhikkhuno
apattiya   adassane   ukkhepaniyakammam   patippassambhetabbam   na  gihiddhajam
dhareti   na   titthiyaddhajam   dhareti   na  titthiye  sevati  bhikkhu  sevati
bhikkhusikkhaya     sikkhati     imehi     kho     bhikkhave    pancahangehi
samannagatassa     bhikkhuno     apattiya    adassane    ukkhepaniyakammam
patippassambhetabbam.
     [222]   Aparehipi   bhikkhave  pancahangehi  samannagatassa  bhikkhuno
apattiya     adassane     ukkhepaniyakammam     patippassambhetabbam    na
pakatattena  bhikkhuna  saddhim  ekacchanne  avase  vasati  na  ekacchanne
anavase  vasati  na  ekacchanne  avase  va  anavase  va  vasati
pakatattam    bhikkhum    disva    asana   vutthati   na   pakatattam   bhikkhum
asadeti   anto   va   bahi  va  imehi  kho  bhikkhave  pancahangehi
samannagatassa     bhikkhuno     apattiya    adassane    ukkhepaniyakammam
patippassambhetabbam.
     [223]  Atthahi  bhikkhave  angehi  samannagatassa bhikkhuno apattiya
adassane     ukkhepaniyakammam     patippassambhetabbam     na    pakatattassa
bhikkhuno   uposatham   thapeti   na   pavaranam   thapeti  na  savacaniyam  karoti
Na   anuvadam   patthapeti  na  okasam  kareti  na  codeti  na  sareti
na   bhikkhu   bhikkhuhi   sampayojeti   imehi   kho   bhikkhave  atthahangehi
samannagatassa     bhikkhuno     apattiya    adassane    ukkhepaniyakammam
patippassambhetabbam.
     Apattiya     adassane    ukkhepaniyakamme    patippassambhetabba-
tecattalisakam nitthitam.
     [224]   Evanca   pana   bhikkhave   patippassambhetabbam   .  tena
bhikkhave   channena   bhikkhuna   sangham   upasankamitva  ekamsam  uttarasangam
karitva    vuddhanam    bhikkhunam   pade   vanditva   ukkutikam   nisiditva
anjalim    paggahetva    evamassa    vacaniyo   aham   bhante   sanghena
apattiya    adassane    ukkhepaniyakammakato   samma   vattami   lomam
patemi   nettharam   vattami   apattiya   adassane  ukkhepaniyakammassa
patippassaddhim    yacamiti    .    dutiyampi    yacitabba   .   tatiyampi
yacitabba. Byattena bhikkhuna patibalena sangho napetabbo
     {224.1}  sunatu  me  bhante  sangho  ayam  channo  bhikkhu sanghena
apattiya    adassane    ukkhepaniyakammakato    samma   vattati   lomam
pateti   nettharam   vattati   apattiya   adassane   ukkhepaniyakammassa
patippassaddhim   yacati   .   yadi   sanghassa   pattakallam   sangho  channassa
bhikkhuno   apattiya   adassane   ukkhepaniyakammam   patippassambheyya  .
Esa natti.
     {224.2}  Sunatu  me  bhante  sangho  ayam  channo  bhikkhu sanghena
apattiya adassane ukkhepaniyakammakato
Samma   vattati   lomam  pateti  nettharam  vattati  apattiya  adassane
ukkhepaniyakammassa     patippassaddhim    yacati    .    sangho    channassa
bhikkhuno    apattiya   adassane   ukkhepaniyakammam   patippassambheti  .
Yassayasmato    khamati    channassa    bhikkhuno    apattiya    adassane
ukkhepaniyakammassa   patippassaddhi   so   tunhassa   yassa   nakkhamati   so
bhaseyya.
     {224.3}   Dutiyampi  etamattham  vadami  .pe.  tatiyampi  etamattham
vadami   .   sunatu   me   bhante  sangho  ayam  channo  bhikkhu  sanghena
apattiya    adassane    ukkhepaniyakammakato    samma   vattati   lomam
pateti   nettharam   vattati   apattiya   adassane   ukkhepaniyakammassa
patippassaddhim    yacati    .    sangho   channassa   bhikkhuno   apattiya
adassane     ukkhepaniyakammam    patippassambheti    yassayasmato    khamati
channassa     bhikkhuno     apattiya     adassane     ukkhepaniyakammassa
patippassaddhi so tunhassa yassa nakkhamati so bhaseyya.
     {224.4}   Patippassaddham   sanghena   channassa  bhikkhuno  apattiya
adassane   ukkhepaniyakammam   khamati   sanghassa  tasma  tunhi  .  evametam
dharayamiti.
     Apattiya adassane ukkhepaniyakammam pancamam nitthitam 1-.



             The Pali Tipitaka in Roman Character Volume 6 page 80-91. https://84000.org/tipitaka/read/roman_read.php?B=6&A=1642&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=6&A=1642&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=6&item=200&items=25              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=6&siri=10              Contents of The Tipitaka Volume 6 https://84000.org/tipitaka/read/?index_6 https://84000.org/tipitaka/english/?index_6

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]