PaliRoman Vol.6

page137.

[334] Tena kho pana samayena mulaya patikassanaraha bhikkhu sadiyanti pakatattanam bhikkhunam abhivadanam paccutthanam anjalikammam samicikammam asanabhiharam seyyabhiharam padodakam padapitham padakathalikam pattacivarapatiggahanam nahane pitthiparikammam . ye te bhikkhu appiccha .pe. te ujjhayanti khiyanti vipacenti katham hi nama mulaya patikassanaraha bhikkhu sadiyissanti pakatattanam bhikkhunam abhivadanam paccutthanam anjalikammam samicikammam asanabhiharam seyyabhiharam padodakam padapitham padakathalikam pattacivarapatiggahanam nahane pitthiparikammanti. Athakho te bhikkhu bhagavato etamattham arocesum. [335] Athakho bhagava etasmim nidane etasmim pakarane bhikkhusangham sannipatapetva bhikkhu patipucchi saccam kira bhikkhave mulaya patikassanaraha bhikkhu sadiyanti pakatattanam bhikkhunam abhivadanam paccutthanam .pe. nahane pitthiparikammanti . saccam bhagavati . Vigarahi buddho bhagava katham hi nama bhikkhave mulaya patikassanaraha bhikkhu sadiyissanti pakatattanam bhikkhunam abhivadanam paccutthanam .pe. Nahane pitthiparikammam netam bhikkhave appasannanam va pasadaya .pe. vigarahitva dhammim katham katva bhikkhu amantesi na bhikkhave mulaya patikassanarahena bhikkhuna saditabbam pakatattanam bhikkhunam abhivadanam paccutthanam .pe. nahane pitthiparikammam yo sadiyeyya apatti dukkatassa . anujanami bhikkhave mulaya

--------------------------------------------------------------------------------------------- page138.

Patikassanarahanam bhikkhunam mithu yathavuddham abhivadanam paccutthanam .pe. Nahane pitthiparikammam . anujanami bhikkhave mulaya patikassanarahanam bhikkhunam panca yathavuddham uposatham pavaranam vassikasatikam onojanam bhattanca . tenahi bhikkhave mulaya patikassanarahanam bhikkhunam vattam pannapessami yatha mulaya patikassanarahehi bhikkhuhi vattitabbam. [336] Mulaya patikassanarahena bhikkhave bhikkhuna samma vattitabbam . tatrayam sammavattana na upasampadetabbam na nissayo databbo na samanero upatthapetabbo na bhikkhunovadakasammati saditabba sammatenapi bhikkhuniyo na ovaditabba yaya apattiya [1]- Mulaya patikassanaraho ^[2]- hoti sa apatti na apajjitabba anna va tadisika tato va papitthatara kammam na garahitabbam kammika na garahitabba na pakatattassa bhikkhuno uposatho thapetabbo na pavarana thapetabba na savacaniyam katabbam na anuvado patthapetabbo na okaso karetabbo na codetabbo na saretabbo na bhikkhu ^3- bhikkhuhi sampayojetabbam. [337] Na bhikkhave mulaya patikassanarahena bhikkhuna pakatattassa bhikkhuno purato gantabbam na purato nisiditabbam yo hoti sanghassa asanapariyanto seyyapariyanto viharapariyanto so tassa padatabbo tena ca so saditabbo . na bhikkhave mulaya patikassanarahena bhikkhuna pakatattena bhikkhuna puresamanena @Footnote: ¹ Ma. Yu. sanghena . ² Ma. Yu. kato . ³ Ma. ayam patho na dissati.

--------------------------------------------------------------------------------------------- page139.

Va pacchasamanena va kulani upasankamitabbani na arannikangam samaditabbam na pindapatikangam samaditabbam na ca tappaccaya pindapato niharapetabbo ma mam janimsuti. [338] Na bhikkhave mulaya patikassanarahena bhikkhuna sabhikkhuka avasa abhikkhuko ^1- avaso gantabbo annatra pakatattena annatra antaraya na bhikkhave mulaya patikassanarahena bhikkhuna sabhikkhuka avasa abhikkhuko anavaso gantabbo annatra pakatattena annatra antaraya na bhikkhave mulaya patikassanarahena bhikkhuna sabhikkhuka avasa abhikkhuko avaso va anavaso va gantabbo annatra pakatattena annatra antaraya na bhikkhave mulaya patikassanarahena bhikkhuna sabhikkhuka anavasa abhikkhuko avaso gantabbo annatra pakatattena annatra antaraya {338.1} na bhikkhave mulaya patikassanarahena bhikkhuna sabhikkhuka anavasa abhikkhuko anavaso gantabbo annatra pakatattena annatra antaraya na bhikkhave mulaya patikassanarahena bhikkhuna sabhikkhuka anavasa abhikkhuko avaso va anavaso va gantabbo annatra pakatattena annatra antaraya na bhikkhave mulaya patikassanarahena bhikkhuna sabhikkhuka avasa va anavasa va abhikkhuko avaso gantabbo .pe. abhikkhuko anavaso gantabbo .pe. abhikkhuko avaso va anavaso va gantabbo annatra @Footnote: ¹ Yu. sabhikkhuko.

--------------------------------------------------------------------------------------------- page140.

Pakatattena annatra antaraya. [339] Na bhikkhave mulaya patikassanarahena bhikkhuna sabhikkhuka avasa sabhikkhuko avaso gantabbo yatthassu bhikkhu nanasamvasaka annatra pakatattena annatra antaraya na bhikkhave mulaya patikassanarahena bhikkhuna sabhikkhuka avasa sabhikkhuko anavaso gantabbo .pe. sabhikkhuko avaso va anavaso va gantabbo yatthassu bhikkhu nanasamvasaka annatra pakatattena annatra antaraya na bhikkhave mulaya patikassanarahena bhikkhuna sabhikkhuka anavasa sabhikkhuko avaso gantabbo .pe. sabhikkhuko anavaso gantabbo .pe. sabhikkhuko avaso va anavaso va gantabbo yatthassu bhikkhu nanasamvasaka annatra pakatattena annatra antaraya na bhikkhave mulaya patikassanarahena bhikkhuna sabhikkhuka avasa va anavasa va sabhikkhuko avaso gantabbo .pe. Sabhikkhuko anavaso gantabbo .pe. sabhikkhuko avaso va anavaso va gantabbo yatthassu bhikkhu nanasamvasaka annatra pakatattena annatra antaraya. [340] Gantabbo bhikkhave mulaya patikassanarahena bhikkhuna sabhikkhuka avasa sabhikkhuko avaso .pe. sabhikkhuko anavaso .pe. sabhikkhuko avaso va anavaso va yatthassu bhikkhu samanasamvasaka yam janna sakkomi ajjeva gantunti gantabbo

--------------------------------------------------------------------------------------------- page141.

Bhikkhave mulaya patikassanarahena bhikkhuna sabhikkhuka anavasa sabhikkhuko avaso .pe. sabhikkhuko anavaso .pe. sabhikkhuko avaso va anavaso va yatthassu bhikkhu samanasamvasaka yam janna sakkomi ajjeva gantunti gantabbo bhikkhave mulaya patikassanarahena bhikkhuna sabhikkhuka avasa va anavasa va sabhikkhuko avaso .pe. sabhikkhuko anavaso .pe. sabhikkhuko avaso va anavaso va yatthassu bhikkhu samanasamvasaka yam janna sakkomi ajjeva gantunti. [341] Na bhikkhave mulaya patikassanarahena bhikkhuna pakatattena bhikkhuna saddhim ekacchanne avase vatthabbam na ekacchanne anavase vatthabbam na ekacchanne avase va anavase va vatthabbam pakatattam bhikkhum disva asana vutthatabbam pakatatto bhikkhu asanena nimantetabbo na pakatattena bhikkhuna saddhim ekasane nisiditabbam na nice asane nisinne ucce asane nisiditabbam na chamayam nisinne asane nisiditabbam na ekacankame cankamitabbam na nice cankame cankamante ucce cankame cankamitabbam na chamayam cankamante cankame cankamitabbam. [342] Na bhikkhave mulaya patikassanarahena bhikkhuna parivasikena bhikkhuna saddhim .pe. mulaya patikassanarahena vuddhatarena bhikkhuna saddhim .pe. manattarahena bhikkhuna saddhim .pe. manattacarikena

--------------------------------------------------------------------------------------------- page142.

Bhikkhuna saddhim .pe. abbhanarahena bhikkhuna saddhim ekacchanne avase vatthabbam na ekacchanne anavase vatthabbam na ekacchanne avase va anavase va vatthabbam na ekasane nisiditabbam na nice asane nisinne ucce asane nisiditabbam na chamayam nisinne asane nisiditabbam na ekacankame cankamitabbam na nice cankame cankamante ucce cankame cankamitabbam na chamayam cankamante cankame cankamitabbam. [343] Mulaya patikassanarahacatuttho ce bhikkhave parivasam dadeyya mulaya patikasseyya manattam dadeyya tabbiso ^1- abbheyya akammam tam ^2- na ca karaniyanti. Mulaya patikassanarahavattam nitthitam ^3-.

The Pali Tipitaka in Roman Character Volume 6 page 137-142. https://84000.org/tipitaka/read/roman_read.php?B=6&A=2782&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=6&A=2782&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=6&item=334&items=10 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=6&siri=17 Contents of The Tipitaka Volume 6 https://84000.org/tipitaka/read/?index_6 https://84000.org/tipitaka/english/?index_6