PaliRoman Vol.6

[368] Tena kho pana samayena abbhanaraha bhikkhu sadiyanti pakatattanam bhikkhunam abhivadanam paccutthanam .pe. nahane pitthiparikammam . ye te bhikkhu appiccha .pe. te ujjhayanti khiyanti vipacenti katham hi nama abbhanaraha bhikkhu sadiyissanti pakatattanam bhikkhunam abhivadanam paccutthanam .pe. nahane pitthiparikammanti. Athakho te bhikkhu bhagavato etamattham arocesum. [369] Athakho bhagava etasmim nidane etasmim pakarane bhikkhusangham sannipatapetva bhikkhu patipucchi saccam kira bhikkhave abbhanaraha bhikkhu sadiyanti pakatattanam bhikkhunam abhivadanam paccutthanam .pe. nahane pitthiparikammanti . saccam bhagavati . Vigarahi buddho bhagava katham hi nama bhikkhave abbhanaraha bhikkhu sadiyissanti pakatattanam bhikkhunam abhivadanam paccutthanam .pe. nahane @Footnote: ¹ Yu. na sakkonti. ² Yu. samaditum. ³ Yu. manattacarikavattam nitthitanti natthi. Pitthiparikammam netam bhikkhave appasannanam va pasadaya .pe. Vigarahitva dhammim katham katva bhikkhu amantesi na bhikkhave abbhanarahena bhikkhuna saditabbam pakatattanam bhikkhunam abhivadanam paccutthanam .pe. nahane pitthiparikammam yo sadiyeyya apatti dukkatassa . anujanami bhikkhave abbhanarahanam bhikkhunam mithu yathavuddham abhivadanam paccutthanam .pe. nahane pitthiparikammam . Anujanami bhikkhave abbhanarahanam bhikkhunam panca yathavuddham uposatham pavaranam vassikasatikam onojanam bhattanca . tenahi bhikkhave abbhanarahanam bhikkhunam vattam pannapessami yatha abbhanarahehi bhikkhuhi vattitabbam. [370] Abbhanarahena bhikkhave bhikkhuna samma vattitabbam . Tatrayam sammavattana na upasampadetabbam na nissayo databbo na samanero upatthapetabbo .pe. yatha mulaya patikassanarahassa vattam tatha manattarahassa ca manattacarikassa ca abbhanarahassa ca tinnam ekasadisam vittharetabbam .pe. na bhikkhu bhikkhuhi sampayojetabbam. [371] Na bhikkhave abbhanarahena bhikkhuna pakatattassa bhikkhuno purato gantabbam na purato nisiditabbam yo hoti sanghassa asanapariyanto seyyapariyanto viharapariyanto so tassa padatabbo tena ca so saditabbo . na bhikkhave abbhanarahena Bhikkhuna pakatattena bhikkhuna puresamanena va pacchasamanena va kulani upasankamitabbani na arannikangam samaditabbam na pindapatikangam samaditabbam na ca tappaccaya pindapato niharapetabbo ma mam janimsuti. [372] Na bhikkhave abbhanarahena bhikkhuna sabhikkhuka avasa abhikkhuko avaso gantabbo annatra pakatattena annatra antaraya na bhikkhave abbhanarahena bhikkhuna sabhikkhuka avasa abhikkhuko anavaso gantabbo annatra pakatattena annatra antaraya yatha hettha tatha vittharetabbam . .pe. gantabbo bhikkhave abbhanarahena bhikkhuna sabhikkhuka avasa .pe. Anavasa .pe. Avasa va anavasa va sabhikkhuko avaso .pe. sabhikkhuko anavaso .pe. sabhikkhuko avaso va anavaso va yatthassu bhikkhu samanasamvasaka yam janna sakkomi ajjeva gantunti. [373] Na bhikkhave abbhanarahena bhikkhuna pakatattena bhikkhuna saddhim ekacchanne avase vatthabbam na ekacchanne anavase vatthabbam na ekacchanne avase va anavase va vatthabbam pakatattam bhikkhum disva asana vutthatabbam pakatatto bhikkhu asanena nimantetabbo na pakatattena bhikkhuna saddhim ekasane nisiditabbam na nice asane nisinne ucce asane nisiditabbam na chamayam nisinne asane nisiditabbam na ekacankame cankamitabbam na nice Cankame cankamante ucce cankame cankamitabbam na chamayam cankamante cankame cankamitabbam. [374] Na bhikkhave abbhanarahena bhikkhuna parivasikena bhikkhuna saddhim .pe. mulaya patikassanarahena bhikkhuna saddhim .pe. Manattarahena bhikkhuna saddhim .pe. manattacarikena bhikkhuna saddhim .pe. abbhanarahena vuddhatarena bhikkhuna saddhim ekacchanne avase vatthabbam na ekacchanne anavase vatthabbam na ekacchanne avase va anavase va vatthabbam na ekasane nisiditabbam na nice asane nisinne ucce asane nisiditabbam na chamayam nisinne asane nisiditabbam na ekacankame cankamitabbam na nice cankame cankamante ucce cankame cankamitabbam na chamayam cankamante cankame cankamitabbam. [375] Abbhanarahacatuttho ce bhikkhave parivasam dadeyya mulaya patikasseyya manattam dadeyya tabbiso abbheyya akammam tam na ca karaniyanti. Abbhanarahavattam nitthitam ^1- . Parivasikakkhandhakam nitthitam dutiyam ^2-. Imasmim khandhake vatthu ^3- panca. ---------------------- @Footnote: ¹ Yu. abbhanarahavattam nitthitanti natthi . ² Ma. parivasikakkhandhako dutiyo. @³ Yu. vatthu.

The Pali Tipitaka in Roman Character Volume 6 page 154-157. https://84000.org/tipitaka/read/roman_read.php?B=6&A=3136&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=6&A=3136&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=6&item=368&items=8 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=6&siri=20 Contents of The Tipitaka Volume 6 https://84000.org/tipitaka/read/?index_6 https://84000.org/tipitaka/english/?index_6