PaliRoman Vol.6

[456] Tena kho pana samayena annataro bhikkhu dve sanghadisesa apattiyo apanno hoti dvemasapaticchannayo . Tassa etadahosi aham kho dve sanghadisesa apattiyo apajjim dvemasapaticchannayo yannunaham sangham dvinnam apattinam dvemasapaticchannanam ekamasaparivasam yaceyyanti . so sangham dvinnam apattinam dvemasapaticchannanam ekamasaparivasam yaci . tassa sangho dvinnam apattinam dvemasapaticchannanam ekamasaparivasam adasi . tassa parivasantassa lajjidhammo okkami aham kho dve sanghadisesa apattiyo apajjim dvemasapaticchannayo tassa me etadahosi aham kho dve sanghadisesa apattiyo apajjim dvemasapaticchannayo yannunaham sangham dvinnam apattinam dvemasapaticchannanam ekamasaparivasam yaceyyanti soham sangham dvinnam apattinam dvemasapaticchannanam ekamasaparivasam yacim tassa me sangho dvinnam apattinam dvemasapaticchannanam ekamasaparivasam adasi tassa me parivasantassa lajjidhammo okkami yannunaham Sangham dvinnam apattinam dvemasapaticchannanam itarampi masaparivasam yaceyyanti. {456.1} So bhikkhunam arocesi aham kho avuso dve sanghadisesa apattiyo apajjim dvemasapaticchannayo tassa me etadahosi aham kho dve sanghadisesa apattiyo apajjim dvemasapaticchannayo yannunaham sangham dvinnam apattinam dvemasapaticchannanam ekamasaparivasam yaceyyanti soham sangham dvinnam apattinam dvemasapaticchannanam ekamasaparivasam yacim tassa me sangho dvinnam apattinam dvemasapaticchannanam ekamasaparivasam adasi tassa me parivasantassa lajjidhammo okkami aham kho dve sanghadisesa apattiyo apajjim dvemasapaticchannayo tassa me etadahosi aham kho dve sanghadisesa apattiyo apajjim dvemasapaticchannayo yannunaham sangham dvinnam apattinam dvemasapaticchannanam ekamasaparivasam yaceyyanti soham sangham dvinnam apattinam dvemasapaticchannanam ekamasaparivasam yacim tassa me sangho dvinnam apattinam dvemasapaticchannanam ekamasaparivasam adasi tassa me parivasantassa lajjidhammo okkami yannunaham sangham dvinnam apattinam dvemasapaticchannanam itarampi masaparivasam yaceyyanti katham nu kho maya patipajjitabbanti . te bhikkhu bhagavato etamattham arocesum . tenahi bhikkhave sangho tassa bhikkhuno Dvinnam apattinam dvemasapaticchannanam itarampi masaparivasam detu. [457] Evanca pana bhikkhave databbo . tena bhikkhave bhikkhuna sangham upasankamitva ekamsam uttarasangam karitva vuddhanam bhikkhunam pade vanditva ukkutikam nisiditva anjalim paggahetva evamassa vacaniyo aham bhante dve sanghadisesa apattiyo apajjim dvemasapaticchannayo tassa me etadahosi aham kho dve sanghadisesa apattiyo apajjim dvemasapaticchannayo yannunaham sangham dvinnam apattinam dvemasapaticchannanam ekamasaparivasam yaceyyanti soham sangham dvinnam apattinam dvemasapaticchannanam ekamasaparivasam yacim tassa me sangho dvinnam apattinam dvemasapaticchannanam ekamasaparivasam adasi tassa me parivasantassa lajjidhammo okkami aham kho dve sanghadisesa apattiyo apajjim dvemasapaticchannayo tassa me etadahosi aham kho dve sanghadisesa apattiyo apajjim dvemasapaticchannayo yannunaham sangham dvinnam apattinam dvemasapaticchannanam ekamasaparivasam yaceyyanti soham sangham dvinnam apattinam dvemasapaticchannanam ekamasaparivasam yacim tassa me sangho davinnam apattinam dvemasapaticchannanam ekamasaparivasam adasi tassa me parivasantassa lajjidhammo okkami yannunanam sangham dvinnam apattinam dvemasapaticchannanam itarampi masaparivasam yaceyyanti soham bhante Sangham dvinnam apattinam dvemasapaticchannanam itarampi masaparivasam yacamiti. Dutiyampi yacitabbo tatiyampi yacitabbo. [458] Byattena bhikkhuna patibalena sangho napetabbo {458.1} sunatu me bhante sangho ayam itthannamo bhikkhu dve sanghadisesa apattiyo apajji dvemasapaticchannayo . tassa etadahosi aham kho dve sanghadisesa apattiyo apajjim dvemasapaticchannayo yannunaham sangham dvinnam apattinam dvemasapaticchannanam ekamasaparivasam yaceyyanti . so sangham dvinnam apattinam dvemasapaticchannanam ekamasaparivasam yaci . Tassa sangho dvinnam apattinam dvemasapaticchannanam ekamasaparivasam adasi . Tassa parivasantassa lajjidhammo okkami aham kho dve sanghadisesa apattiyo apajjim dvemasapaticchannayo tassa me etadahosi aham kho dve sanghadisesa apattiyo apajjim dvemasapaticchannayo yannunaham sangham dvinnam apattinam dvemasapaticchannanam ekamasaparivasam yaceyyanti soham sangham dvinnam apattinam dvemasapaticchannanam ekamasaparivasam yacim tassa me sangho dvinnam apattinam dvemasapaticchannanam ekamasaparivasam adasi tassa me parivasantassa lajjidhammo okkami yannunaham sangham dvinnam apattinam dvemasapaticchannanam itarampi masaparivasam yaceyyanti . so sangham dvinnam apattinam dvemasapaticchannanam itarampi masaparivasam yacati . Yadi sanghassa pattakallam sangho itthannamassa bhikkhuno dvinnam apattinam dvemasapaticchannanam itarampi masaparivasam dadeyya . Esa natti. {458.2} Sunatu me bhante sangho ayam itthannamo bhikkhu dve sanghadisesa apattiyo apajji dvemasapaticchannayo . Tassa etadahosi aham kho dve sanghadisesa apattiyo apajjim dvemasapaticchannayo yannunaham sangham dvinnam apattinam dvemasapaticchannanam ekamasaparivasam yaceyyanti . so sangham dvinnam apattinam dvemasapaticchannanam ekamasaparivasam yaci . tassa sangho dvinnam apattinam dvemasapaticchannanam ekamasaparivasam adasi . tassa parivasantassa lajjidhammo okkami aham kho dve sanghadisesa apattiyo apajjim dvemasapaticchannayo tassa me etadahosi aham kho dve sanghadisesa apattiyo apajjim dvemasapaticchannayo yannunaham sangham dvinnam apattinam dvemasapaticchannanam ekamasaparivasam yaceyyanti soham sangham dvinnam apattinam dvemasapaticchannanam ekamasaparivasam yacim tassa me sangho dvinnam apattinam dvemasapaticchannanam ekamasaparivasam adasi tassa me parivasantassa lajjidhammo okkami yannunaham sangham dvinnam apattinam dvemasapaticchannanam itarampi masaparivasam yaceyyanti . so sangham dvinnam apattinam dvemasapaticchannanam itarampi masaparivasam yacati . sangho itthannamassa bhikkhuno Dvinnam apattinam dvemasapaticchannanam itarampi masaparivasam deti . Yassayasmato khamati itthannamassa bhikkhuno dvinnam apattinam dvemasapaticchannanam itarassapi masaparivasassa ^1- danam so tunhassa yassa nakkhamati so bhaseyya. {458.3} Dutiyampi etamattham vadami .pe. tatiyampi etamattham vadami .pe. dinno sanghena itthannamassa bhikkhuno dvinnam apattinam dvemasapaticchannanam itaropi masaparivaso ^2- khamati sanghassa tasma tunhi. Evametam dharayamiti. {458.4} Tena bhikkhave bhikkhuna purimam upadaya dve masa parivasitabba. [459] Idha pana bhikkhave bhikkhu dve sanghadisesa apattiyo apajjati dvemasapaticchannayo . tassa evam hoti aham kho dve sanghadisesa apattiyo apajjim dvemasapaticchannayo yannunaham sangham dvinnam apattinam dvemasapaticchannanam ekamasaparivasam yaceyyanti . so sangham dvinnam apattinam dvemasapaticchannanam ekamasaparivasam yacati . tassa sangho dvinnam apattinam dvemasapaticchannanam ekamasaparivasam deti . tassa parivasantassa lajjidhammo okkami aham kho dve sanghadisesa apattiyo apajjim dvemasapaticchannayo tassa me etadahosi aham kho dve sanghadisesa apattiyo apajjim dvemasapaticchannayo @Footnote: ¹ Ma. Yu. itarampi masam parivasassa . ² Ma. Yu. itarampi masam parivaso. Yannunaham sangham dvinnam apattinam dvemasapaticchannanam ekamasaparivasam yaceyyanti soham sangham dvinnam apattinam dvemasapaticchannanam ekamasaparivasam yacim tassa me sangho dvinnam apattinam dvemasapaticchannanam ekamasaparivasam adasi tassa me parivasantassa lajjidhammo okkami yannunaham sangham dvinnam apattinam dvemasapaticchannanam itarampi masaparivasam yaceyyanti . so sangham dvinnam apattinam dvemasapaticchannanam itarampi masaparivasam yacati . tassa sangho dvinnam apattinam dvemasapaticchannanam itarampi masaparivasam deti . tena bhikkhave bhikkhuna purimam upadaya dve masa parivasitabba. [460] Idha pana bhikkhave bhikkhu dve sanghadisesa apattiyo apajjati dvemasapaticchannayo ekam masam janati ekam masam na janati . so sangham dvinnam apattinam dvemasapaticchannanam yam masam janati tam masam parivasam yacati . tassa sangho dvinnam apattinam dvemasapaticchannanam yam masam janati tam masam parivasam deti . so parivasanto itarampi masam janati . Tassa evam hoti aham kho dve sanghadisesa apattiyo apajjim dvemasapaticchannayo ekam masam janim ekam masam na janim soham sangham dvinnam apattinam dvemasapaticchannanam yam masam janim tam masam parivasam yacim tassa me sangho dvinnam apattinam Dvemasapaticchannanam yam masam janim tam masam parivasam adasi soham parivasanto itarampi masam janami yannunaham sangham dvinnam apattinam dvemasapaticchannanam itarampi masaparivasam yaceyyanti . So sangham dvinnam apattinam dvemasapaticchannanam itarampi masaparivasam yacati . tassa sangho dvinnam apattinam dvemasapaticchannanam itarampi masaparivasam deti . tena bhikkhave bhikkhuna purimam upadaya dve masa parivasitabba. [461] Idha pana bhikkhave bhikkhu dve sanghadisesa apattiyo apajjati dvemasapaticchannayo ekam masam sarati ekam masam na sarati . so sangham dvinnam apattinam dvemasapaticchannanam yam masam sarati tam masam parivasam yacati . tassa sangho dvinnam apattinam dvemasapaticchannanam yam masam sarati tam masam parivasam deti . so parivasanto itarampi masam sarati . tassa evam hoti aham kho dve sanghadisesa apattiyo apajjim dvemasapaticchannayo ekam masam sarim ekam masam na sarim soham sangham dvinnam apattinam dvemasapaticchannanam yam masam sarim tam masam parivasam yacim tassa me sangho dvinnam apattinam dvemasapaticchannanam yam masam sarim tam masam parivasam adasi soham parivasanto itarampi masam sarami yannunaham sangham dvinnam apattinam dvemasapaticchannanam itarampi masaparivasam yaceyyanti . so sangham Dvinnam apattinam dvemasapaticchannanam itarampi masaparivasam yacati . Tassa sangho dvinnam apattinam dvemasapaticchannanam itarampi masaparivasam deti . tena bhikkhave bhikkhuna purimam upadaya dve masa parivasitabba. [462] Idha pana bhikkhave bhikkhu dve sanghadisesa apattiyo apajjati dvemasapaticchannayo ekam masam nibbematiko ekam masam vematiko . so sangham dvinnam apattinam dvemasapaticchannanam yam masam nibbematiko tam masam parivasam yacati . tassa sangho dvinnam apattinam dvemasapaticchannanam yam masam nibbematiko tam masam parivasam deti . so parivasanto itarampi masam nibbematiko hoti . tassa evam hoti aham kho dve sanghadisesa apattiyo apajjim dvemasapaticchannayo ekam masam nibbematiko ekam masam vematiko soham sangham dvinnam apattinam dvemasapaticchannanam yam masam nibbematiko tam masam parivasam yacim tassa me sangho dvinnam apattinam dvemasapaticchannanam yam masam nibbematiko tam masam parivasam adasi soham parivasanto itarampi masam nibbematiko yannunaham sangham dvinnam apattinam dvemasapaticchannanam itarampi masaparivasam yaceyyanti . So sangham dvinnam apattinam dvemasapaticchannanam itarampi masaparivasam yacati . tassa sangho dvinnam apattinam dvemasapaticchannanam itarampi masaparivasam deti . tena Bhikkhave bhikkhuna purimam upadaya dve masa parivasitabba. [463] Idha pana bhikkhave bhikkhu dve sanghadisesa apattiyo apajjati dvemasapaticchannayo eko maso janapaticchanno eko maso ajanapaticchanno . so sangham dvinnam apattinam dvemasapaticchannanam dvemasaparivasam yacati . tassa sangho dvinnam apattinam dvemasapaticchannanam dvemasaparivasam deti . tassa parivasantassa anno bhikkhu agacchati bahussuto agatagamo dhammadharo vinayadharo matikadharo pandito viyatto medhavi lajji kukkuccako sikkhakamo . so evam vadeti kim ayam avuso bhikkhu apanno kissayam bhikkhu parivasatiti . te evam vadenti ayam avuso bhikkhu dve sanghadisesa apattiyo apajji dvemasapaticchannayo eko maso janapaticchanno eko maso ajanapaticchanno so sangham dvinnam apattinam dvemasapaticchannanam dvemasaparivasam yaci tassa sangho dvinnam apattinam dvemasapaticchannanam dvemasaparivasam adasi tayo ayam avuso bhikkhu apanno tasayam bhikkhu parivasatiti . so evam vadeti yvayam avuso maso janapaticchanno dhammikam tassa masassa parivasadanam dhammata ruhati yo ca khvayam avuso maso ajanapaticchanno adhammikam tassa masassa parivasadanam adhammata na ruhati etassa ^1- @Footnote: ¹ Ma. ekassa. evamuparipi. Avuso masassa bhikkhu manattarahoti. [464] Idha pana bhikkhave bhikkhu dve sanghadisesa apattiyo apajjati dvemasapaticchannayo eko maso saramanapaticchanno eko maso asaramanapaticchanno . so sangham dvinnam apattinam dvemasapaticchannanam dvemasaparivasam yacati . tassa sangho dvinnam apattinam dvemasapaticchannanam dvemasaparivasam deti . tassa parivasantassa anno bhikkhu agacchati bahussuto agatagamo dhammadharo vinayadharo matikadharo pandito viyatto medhavi lajji kukkuccako sikkhakamo . so evam vadeti kim ayam avuso bhikkhu apanno kissayam bhikkhu parivasatiti. {464.1} Te evam vadenti ayam avuso bhikkhu dve sanghadisesa apattiyo apajji dvemasapaticchannayo eko maso saramanapaticchanno eko maso asaramanapaticchanno so sangham dvinnam apattinam dvemasapaticchannanam dvemasaparivasam yaci tassa sangho dvinnam apattinam dvemasapaticchannanam dvemasaparivasam adasi tayo ayam avuso bhikkhu apanno tasayam bhikkhu parivasatiti . so evam vadeti yvayam avuso maso saramanapaticchanno dhammikam tassa masassa parivasadanam dhammata ruhati yo ca khvayam avuso maso asaramanapaticchanno adhammikam tassa masassa parivasadanam adhammata na ruhati etassa avuso masassa bhikkhu manattarahoti. [465] Idha pana bhikkhave bhikkhu dve sanghadisesa apattiyo apajjati dvemasapaticchannayo eko maso nibbematikapaticchanno eko maso vematikapaticchanno . so sangham dvinnam apattinam dvemasapaticchannanam dvemasaparivasam yacati . sangho tassa ^1- dvinnam apattinam dvemasapaticchannanam dvemasaparivasam deti . tassa parivasantassa anno bhikkhu agacchati bahussuto agatagamo dhammadharo vinayadharo matikadharo pandito viyatto medhavi lajji kukkuccako sikkhakamo . so evam vadeti kim ayam avuso bhikkhu apanno kissayam bhikkhu parivasatiti. {465.1} Te evam vadenti ayam avuso bhikkhu dve sanghadisesa apattiyo apajji dvemasapaticchannayo eko maso nibbematikapaticchanno eko maso vematikapaticchanno so sangham dvinnam apattinam dvemasapaticchannanam dvemasaparivasam yaci tassa sangho dvinnam apattinam dvemasapaticchannanam dvemasaparivasam adasi tayo ayam avuso bhikkhu apanno tasayam bhikkhu parivasatiti. So evam vadeti yvayam avuso maso nibbematikapaticchanno dhammikam tassa masassa parivasadanam dhammata ruhati yo ca khvayam avuso maso vematikapaticchanno adhammikam tassa masassa parivasadanam adhammata na ruhati etassa avuso masassa bhikkhu manattarahoti.

The Pali Tipitaka in Roman Character Volume 6 page 234-245. https://84000.org/tipitaka/read/roman_read.php?B=6&A=4774&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=6&A=4774&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=6&item=456&items=10 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=6&siri=34 Contents of The Tipitaka Volume 6 https://84000.org/tipitaka/read/?index_6 https://84000.org/tipitaka/english/?index_6