PaliRoman Vol.6

Samathakkhandhakam [585] Tena samayena buddho bhagava savatthiyam viharati jetavane anathapindikassa arame . tena kho pana samayena chabbaggiya bhikkhu asammukhibhutanam bhikkhunam kammani karonti tajjaniyampi ^1- niyassampi pabbajaniyampi patisaraniyampi ukkhepaniyampi ^2- . Ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu asammukhibhutanam bhikkhunam kammani karissanti tajjaniyampi niyassampi pabbajaniyampi patisaraniyampi ukkhepaniyampiti. {585.1} Athakho te bhikkhu bhagavato etamattham arocesum .pe. Saccam kira bhikkhave chabbaggiya bhikkhu asammukhibhutanam bhikkhunam kammani karonti tajjaniyampi niyassampi pabbajaniyampi patisaraniyampi ukkhepaniyampiti. Saccam bhagavati. {585.2} Vigarahi buddho bhagava ananucchavikam bhikkhave tesam moghapurisanam ananulomikam appatirupam assamanakam akappiyam akaraniyam katham hi nama te bhikkhave moghapurisa asammukhibhutanam bhikkhunam kammani karissanti tajjaniyampi niyassampi pabbajaniyampi patisaraniyampi ukkhepaniyampi netam bhikkhave appasannanam va pasadaya .pe. vigarahitva dhammim katham katva bhikkhu amantesi na bhikkhave asammukhibhutanam bhikkhunam kammam katabbam tajjaniyam va niyassam va pabbajaniyam va patisaraniyam va ukkhepaniyam va yo @Footnote: ¹ Yu. tajjaniyampi. evamuparipi ² Yu. pabbajaniyampi patisaraniyampi @ukkhepaniyampi evamuparipi. Kareyya apatti dukkatassa. [586] Adhammavadi puggalo adhammavadi sambahula adhammavadi sangho dhammavadi puggalo dhammavadi sambahula dhammavadi sangho. [587] Adhammavadi puggalo dhammavadim puggalam sannapeti nijjhapeti pekkheti anupekkheti dasseti anudasseti ayam dhammo ayam vinayo idam satthusasanam imam ganhahi imam rocehiti evance tam adhikaranam vupasammati adhammena vupasammati sammukhavinayapatirupakena . Adhammavadi puggalo dhammavadi sambahule sannapeti nijjhapeti pekkheti anupekkheti dasseti anudasseti ayam dhammo ayam vinayo idam satthusasanam imam ganhatha imam rocethati evance tam adhikaranam vupasammati adhammena vupasammati sammukhavinayapatirupakena . adhammavadi puggalo dhammavadim sangham sannapeti nijjhapeti pekkheti anupekkheti dasseti anudasseti ayam dhammo ayam vinayo idam satthusasanam imam ganhahi imam rocehiti evance tam adhikaranam vupasammati adhammena vupasammati sammukhavinayapatirupakena. {587.1} Adhammavadi sambahula dhammavadim puggalam sannapenti nijjhapenti pekkhenti anupekkhenti dassenti anudassenti ayam dhammo ayam vinayo idam satthusasanam imam ganhahi imam rocehiti evance tam adhikaranam vupasammati adhammena vupasammati sammukhavinayapatirupakena . Adhammavadi sambahula dhammavadi sambahule sannapenti nijjhapenti pekkhenti anupekkhenti dassenti anudassenti ayam dhammo ayam vinayo idam satthusasanam imam ganhatha imam rocethati evance tam adhikaranam vupasammati adhammena vupasammati sammukhavinayapatirupakena . Adhammavadi sambahula dhammavadim sangham sannapenti nijjhapenti pekkhenti anupekkhenti dassenti anudassenti ayam dhammo ayam vinayo idam satthusasanam imam ganhahi ^1- imam rocehiti ^2- evance tam adhikaranam vupasammati adhammena vupasammati sammukhavinayapatirupakena. {587.2} Adhammavadi sangho dhammavadim puggalam sannapeti nijjhapeti pekkheti anupekkheti dasseti anudasseti ayam dhammo ayam vinayo idam satthusasanam imam ganhahi imam rocehiti evance tam adhikaranam vupasammati adhammena vupasammati sammukhavinayapatirupakena . Adhammavadi sangho dhammavadi sambahule sannapeti nijjhapeti pekkheti anupekkheti dasseti anudasseti ayam dhammo ayam vinayo idam satthusasanam imam ganhatha imam rocethati evance tam adhikaranam vupasammati adhammena vupasammati sammukhavinayapatirupakena . Adhammavadi sangho dhammavadim sangham sannapeti nijjhapeti pekkheti anupekkheti dasseti anudasseti ayam dhammo ayam vinayo idam satthusasanam imam ganhahi imam rocehiti evance tam adhikaranam vupasammati @Footnote: ¹ Ma. ganhatha. evamuparipi . ² Ma. rocethati. evamuparipi. Adhammena vupasammati sammukhavinayapatirupakena. Kanhapakkhanavakam nitthitam. [588] Dhammavadi puggalo adhammavadim puggalam sannapeti nijjhapeti pekkheti anupekkheti dasseti anudasseti ayam dhammo ayam vinayo idam satthusasanam imam ganhahi imam rocehiti evance tam adhikaranam vupasammati dhammena vupasammati sammukhavinayena . Dhammavadi puggalo adhammavadi sambahule sannapeti nijjhapeti pekkheti anupekkheti dasseti anudasseti ayam dhammo ayam vinayo idam satthusasanam imam ganhatha imam rocethati evance tam adhikaranam vupasammati dhammena vupasammati sammukhavinayena. {588.1} Dhammavadi puggalo adhammavadim sangham sannapeti nijjhapeti pekkheti anupekkheti dasseti anudasseti ayam dhammo ayam vinayo idam satthusasanam imam ganhahi imam rocehiti evance tam adhikaranam vupasammati dhammena vupasammati sammukhavinayena. {588.2} Dhammavadi sambahula adhammavadim puggalam sannapenti nijjhapenti pekkhenti anupekkhenti dassenti anudassenti ayam dhammo ayam vinayo idam satthusasanam imam ganhahi imam rocehiti evance tam adhikaranam vupasammati dhammena vupasammati sammukhavinayena . dhammavadi sambahula adhammavadi sambahule sannapenti nijjhapenti pekkhenti anupekkhenti Dassenti anudassenti ayam dhammo ayam vinayo idam satthusasanam imam ganhatha imam rocethati evance tam adhikaranam vupasammati dhammena vupasammati sammukhavinayena . dhammavadi sambahula adhammavadim sangham sannapenti nijjhapenti pekkhenti anupekkhenti dassenti anudassenti ayam dhammo ayam vinayo idam satthusasanam imam ganhahi imam rocehiti evance tam adhikaranam vupasammati dhammena vupasammati sammukhavinayena. {588.3} Dhammavadi sangho adhammavadim puggalam sannapeti nijjhapeti pekkheti anupekkheti dasseti anudasseti ayam dhammo ayam vinayo idam satthusasanam imam ganhahi imam rocehiti evance tam adhikaranam vupasammati dhammena vupasammati sammukhavinayena . Dhammavadi sangho adhammavadi sambahule sannapeti nijjhapeti pekkheti anupekkheti dasseti anudasseti ayam dhammo ayam vinayo idam satthusasanam imam ganhatha imam rocethati evance tam adhikaranam vupasammati dhammena vupasammati sammukhavinayena . dhammavadi sangho adhammavadim sangham sannapeti nijjhapeti pekkheti anupekkheti dasseti anudasseti ayam dhammo ayam vinayo idam satthusasanam imam ganhahi imam rocehiti evance tam adhikaranam vupasammati dhammena vupasammati sammukhavinayenati. Sukkapakkhanavakam nitthitam.

The Pali Tipitaka in Roman Character Volume 6 page 299-303. https://84000.org/tipitaka/read/roman_read.php?B=6&A=6077&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=6&A=6077&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=6&item=585&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=6&siri=46 Study Atthakatha :- https://84000.org/tipitaka/attha/attha.php?b=6&i=585 The Pali Atthakatha in Thai :- https://84000.org/tipitaka/atthapali/read_th.php?B=3&A=6602 The Pali Atthakatha in Roman :- https://84000.org/tipitaka/atthapali/read_rm.php?B=3&A=6602 Contents of The Tipitaka Volume 6 https://84000.org/tipitaka/read/?index_6 https://84000.org/tipitaka/english/?index_6