PaliRoman Vol.6

[589] Tena samayena buddho bhagava rajagahe viharati veluvane kalandakanivape . tena kho pana samayena ayasmata dabbena mallaputtena jatiya sattavassena arahattam sacchikatam hoti yankinci savakena pattabbam sabbam tena anuppattam hoti natthi cassa kinci uttari ^1- karaniyam katassa va paticayo. [590] Athakho ayasmato dabbassa mallaputtassa rahogatassa patisallinassa evancetaso parivitakko udapadi maya kho jatiya sattavassena arahattam sacchikatam yankinci savakena pattabbam sabbam maya anuppattam natthi ca me kinci uttari karaniyam katassa va paticayo kim nu kho aham sanghassa veyyavaccam kareyyanti. Athakho ayasmato dabbassa mallaputtassa etadahosi yannunaham sanghassa senasananca pannapeyyam bhattani ca uddiseyyanti. [591] Athakho ayasma dabbo mallaputto sayanhasamayam patisallana vutthito yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma dabbo mallaputto bhagavantam etadavoca idha mayham bhante rahogatassa patisallinassa evancetaso parivitakko udapadi maya kho jatiya sattavassena arahattam sacchikatam yankinci savakena pattabbam sabbam maya anuppattam natthi ca me kinci uttari karaniyam katassa va paticayo kim nu kho aham sanghassa veyyavaccam @Footnote: ¹ Yu. uttarim. evamuparipi. Kareyyanti tassa mayham bhante etadahosi yannunaham sanghassa senasananca pannapeyyam bhattani ca uddiseyyanti icchamaham bhante sanghassa senasananca pannapetum bhattani ca uddisitunti . Sadhu sadhu dabba tenahi tvam dabba sanghassa senasananca pannapehi bhattani ca uddisahiti . evam bhanteti kho ayasma dabbo mallaputto bhagavato paccassosi. [592] Athakho bhagava etasmim nidane etasmim pakarane dhammim katham katva bhikkhu amantesi tenahi bhikkhave sangho dabbam mallaputtam senasanapannapakanca bhattuddesakanca sammannatu . Evanca pana bhikkhave sammannitabbo . pathamam dabbo yacitabbo yacitva byattena bhikkhuna patibalena sangho napetabbo sunatu me bhante sangho yadi sanghassa pattakallam sangho ayasmantam dabbam mallaputtam senasanapannapakanca bhattuddesakanca sammanneyya . esa natti . sunatu me bhante sangho sangho ayasmantam dabbam mallaputtam senasanapannapakanca bhattuddesakanca sammannati . yassayasmato khamati ayasmato dabbassa mallaputtassa senasanapannapakassa ca bhattuddesakassa ca sammati so tunhassa yassa nakkhamati so bhaseyya . sammato sanghena ayasma dabbo mallaputto senasanapannapako ca bhattuddesako ca khamati sanghassa tasma tunhi . evametam Dharayamiti. [593] Sammato cayasma ^1- dabbo mallaputto sabhaganam sabhaganam ^2- bhikkhunam ekajjham senasanam pannapeti ye te bhikkhu suttantika tesam ekajjham senasanam pannapeti te annamannam suttantam sangayissantiti ye te bhikkhu vinayadhara tesam ekajjham senasanam pannapeti te annamannam vinayam vinicchinissantiti ye te bhikkhu dhammakathika tesam ekajjham senasanam pannapeti te annamannam dhammam sakacchissantiti ye te bhikkhu jhayino tesam ekajjham senasanam pannapeti te annamannam na byabadhissantiti ye te bhikkhu tiracchanakathika kayadalhibahula ^3- viharanti tesampi ekajjham senasanam pannapeti imayapime ^4- ayasmanta ^5- ratiya acchissantiti yepi te bhikkhu vikale agacchanti tesampi tejodhatum samapajjitva teneva alokena senasanam pannapeti . Apissu bhikkhu sancicca vikale agacchanti mayam ayasmato dabbassa mallaputtassa iddhipatihariyam passissamati. {593.1} Te ayasmantam dabbam mallaputtam upasankamitva evam vadenti amhakam avuso dabba senasanam pannapehiti . Te ayasma dabbo mallaputto evam vadeti kattha ayasmanta icchanti kattha pannapemiti . te sancicca dure apadissanti amhakam avuso dabba gijjhakute pabbate ^6- @Footnote: ¹ Ma. ca panayasma. Yu. ca ayasma . ² Ma. Yu. ayam patho natthi. @³ Yu. kayadalhibahula . ⁴ Ma. Yu. imayapime . ⁵ Ma. ayasmanto. @⁶ Yu. ayam patho na dissati. Senasanam pannapehi . amhakam avuso dabba ^1- corappapate senasanam pannapehi . amhakam avuso dabba isigilipasse kalasilayam senasanam pannapehi . amhakam avuso dabba vebharapasse sattapannaguhayam senasanam pannapehi . amhakam avuso dabba sitavane sappasondikapabbhare senasanam pannapehi . Amhakam avuso dabba gomatakandarayam senasanam pannapehi . Amhakam avuso dabba tindukakandarayam ^2- senasanam pannapehi . Amhakam avuso dabba kapotakandarayam ^3- senasanam pannapehi . Amhakam avuso dabba tapodarame senasanam pannapehi . Amhakam avuso dabba jivakambavane senasanam pannapehi . amhakam avuso dabba maddakucchimhi migadaye senasanam pannapehiti. {593.2} Tesam ayasma dabbo mallaputto tejodhatum samapajjitva anguliya jalamanaya purato purato gacchati . Tepi teneva alokena ayasmato dabbassa mallaputtassa pitthito pitthito gacchanti . tesam ayasma dabbo mallaputto evam senasanam pannapeti ayam manco idam pitham ayam bhisi idam bimbohanam idam vaccatthanam idam passavatthanam idam paniyam idam paribhojaniyam ayam kattaradando idam sanghassa katikasanthanam imam kalam @Footnote: ¹ ito param dabbatyalapanam sabbattha na dissati . ² Yu. Ra. tindukakandarayam. @³ Yu. tapodakandarayam. Pavisitabbam imam kalam nikkhamitabbanti . tesam ayasma dabbo mallaputto evam senasanam pannapetva punadeva veluvanam paccagacchati.

The Pali Tipitaka in Roman Character Volume 6 page 304-308. https://84000.org/tipitaka/read/roman_read.php?B=6&A=6180&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=6&A=6180&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=6&item=589&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=6&siri=47 Contents of The Tipitaka Volume 6 https://84000.org/tipitaka/read/?index_6 https://84000.org/tipitaka/english/?index_6