PaliRoman Vol.6

[632] Tena kho pana samayena bhikkhupi bhikkhunihi ^1- vivadanti. Bhikkhuniyopi bhikkhuhi vivadanti . channopi bhikkhu bhikkhuninam anupakhajja bhikkhuhi saddhim vivadati bhikkhuninam pakkham gaheti . ye te bhikkhu appiccha .pe. te ujjhayanti khiyanti vipacenti katham hi nama channo bhikkhu bhikkhuninam anupakhajja bhikkhuhi saddhim vivadissati bhikkhuninam pakkham gahessatiti . athakho te bhikkhu bhagavato etamattham arocesum. Saccam kira bhikkhave .pe. saccam bhagavati .pe. vigarahitva dhammim katham katva bhikkhu amantesi cattarimani bhikkhave adhikaranani vivadadhikaranam anuvadadhikaranam apattadhikaranam kiccadhikaranam. [633] Tattha katamam vivadadhikaranam . idha pana ^2- bhikkhave bhikkhu vivadanti dhammoti va adhammoti va vinayoti va avinayoti va bhasitam lapitam tathagatenati va abhasitam alapitam tathagatenati va acinnam tathagatenati va anacinnam tathagatenati va pannattam tathagatenati va appannattam tathagatenati va apattiti va anapattiti va lahuka apattiti va garuka apattiti va savasesa apattiti va anavasesa apattiti va dutthulla apattiti va adutthulla apattiti va yam @Footnote: ¹ Yu. bhikkhuhi . ² Yu. panasaddo natthi.

--------------------------------------------------------------------------------------------- page336.

Tattha bhandanam kalaho viggaho vivado nanavado annathavado vipaccataya voharo medhagam ^1- idam vuccati vivadadhikaranam. [634] Tattha katamam anuvadadhikaranam . idha pana bhikkhave bhikkhu bhikkhum anuvadanti silavipattiya va acaravipattiya va ditthivipattiya va ajivavipattiya va yo tattha anuvado anuvadana anullapana anubhanana anusampavankata abbhussahanata anubalappadanam idam vuccati anuvadadhikaranam. [635] Tattha katamam apattadhikaranam . pancapi apattikkhandha apattadhikaranam sattapi apattikkhandha apattadhikaranam idam vuccati apattadhikaranam. [636] Tattha katamam kiccadhikaranam . ya sanghassa kiccayata karaniyata apalokanakammam nattikammam nattidutiyakammam natticatutthakammam idam vuccati kiccadhikaranam. [637] Vivadadhikaranassa kim mulam. Cha vivadamulani vivadadhikaranassa mulam tinipi akusalamulani vivadadhikaranassa mulam tinipi kusalamulani vivadadhikaranassa mulam . katamani cha vivadamulani vivadadhikaranassa mulam . idha pana ^2- bhikkhave bhikkhu kodhano hoti upanahi yo so bhikkhave bhikkhu kodhano hoti upanahi so sattharipi agaravo viharati appatisso dhammepi agaravo viharati @Footnote: ¹ Yu. medhakam . ² Ma. Yu. panasaddo natthi.

--------------------------------------------------------------------------------------------- page337.

Appatisso sanghepi agaravo viharati appatisso sikkhayapi na paripurikari ^1- hoti yo so bhikkhave bhikkhu sattharipi ^2- agaravo viharati appatisso dhammepi agaravo viharati appatisso sanghepi agaravo viharati appatisso sikkhayapi na paripurikari hoti ^3- so sanghe vivadam janeti yo ^4- hoti vivado bahujanaahitaya bahujanaasukhaya ^5- bahuno janassa anatthaya ahitaya dukkhaya devamanussanam. {637.1} Evarupance tumhe bhikkhave vivadamulam ajjhattam va bahiddha va samanupasseyyatha tatra tumhe bhikkhave tasseva papakassa vivadamulassa pahanaya vayameyyatha . evarupance tumhe bhikkhave vivadamulam ajjhattam va bahiddha va na samanupasseyyatha tatra tumhe bhikkhave tasseva papakassa vivadamulassa ayatim anavassavaya patipajjeyyatha . evametassa papakassa vivadamulassa pahanam hoti. Evametassa papakassa vivadamulassa ayatim anavassavo hoti. [638] Puna caparam bhikkhave bhikkhu makkhi hoti palasi .pe. Issuki hoti macchari .pe. satho hoti mayavi .pe. papiccho hoti micchaditthi .pe. sanditthiparamasi hoti adanagahi ^6- duppatinissaggi yo so bhikkhave bhikkhu sanditthiparamasi hoti @Footnote: ¹ Ma. Yu. paripurakari . ² Yu. apisaddo natthi . ³ Ma. Yu. hotiti natthi. @evamupari . ⁴ Yu. so . ⁵ Ma. bahujanahitaya bahujanaskhaya. evamupari. @⁶ Ma. Yu. adhanagahi. evamupari.

--------------------------------------------------------------------------------------------- page338.

Adanagahi duppatinissaggi so sattharipi agaravo viharati appatisso dhammepi agaravo viharati appatisso sanghepi agaravo viharati appatisso sikkhayapi na paripurikari hoti yo so bhikkhave bhikkhu sattharipi agaravo viharati appatisso dhammepi .pe. sanghepi .pe. Sikkhayapi na paripurikari hoti so sanghe vivadam janeti yo hoti vivado bahujanaahitaya bahujanaasukhaya bahuno janassa anatthaya ahitaya dukkhaya devamanussanam. {638.1} Evarupance tumhe bhikkhave vivadamulam ajjhattam va bahiddha va samanupasseyyatha tatra tumhe bhikkhave tasseva papakassa vivadamulassa pahanaya vayameyyatha . evarupance tumhe bhikkhave vivadamulam ajjhattam va bahiddha va na samanupasseyyatha tatra tumhe bhikkhave tasseva papakassa vivadamulassa ayatim anavassavaya patipajjeyyatha. Evametassa papakassa vivadamulassa pahanam hoti . evametassa papakassa vivadamulassa ayatim anavassavo hoti imani cha vivadamulani vivadadhikaranassa mulam. [639] Katamani tini akusalamulani vivadadhikaranassa mulam . Idha pana ^1- bhikkhave bhikkhu luddhacitta vivadanti dutthacitta vivadanti mulhacitta vivadanti dhammoti va adhammoti va vinayoti va avinayoti va bhasitam lapitam tathagatenati va abhasitam alapitam @Footnote: ¹ Ma. panasaddo na dissati. Yu. pana bhikkhaveti pathadvayam na dissati. evamupari.

--------------------------------------------------------------------------------------------- page339.

Tathagatenati va acinnam tathagatenati va anacinnam tathagatenati va pannattam tathagatenati va appannattam tathagatenati va apattiti va anapattiti va lahuka apattiti va garuka apattiti va savasesa apattiti va anavasesa apattiti va dutthulla apattiti va adutthulla apattiti va imani tini akusalamulani vivadadhikaranassa mulam. [640] Katamani tini kusalamulani vivadadhikaranassa mulam . Idha pana bhikkhave bhikkhu aluddhacitta vivadanti adutthacitta vivadanti amulhacitta vivadanti dhammoti va adhammoti va .pe. dutthulla apattiti va adutthulla apattiti va imani tini kusalamulani vivadadhikaranassa mulam. [641] Anuvadadhikaranassa kim mulam . cha anuvadamulani anuvadadhikaranassa mulam tinipi akusalamulani anuvadadhikaranassa mulam tinipi kusalamulani anuvadadhikaranassa mulam kayopi anuvadadhikaranassa mulam vacapi anuvadadhikaranassa mulam. [642] Katamani cha anuvadamulani anuvadadhikaranassa mulam . Idha pana bhikkhave bhikkhu kodhano hoti upanahi yo so bhikkhave ^1- bhikkhu kodhano hoti upanahi so sattharipi agaravo viharati appatisso dhammepi agaravo viharati appatisso sanghepi agaravo @Footnote: ¹ Ma. bhikkhaveti natthi.

--------------------------------------------------------------------------------------------- page340.

Viharati appatisso sikkhayapi na paripurikari hoti yo so bhikkhave bhikkhu sattharipi agaravo viharati appatisso dhammepi agaravo viharati appatisso sanghepi agaravo viharati appatisso sikkhayapi na paripurikari hoti so sanghe anuvadam janeti yo hoti anuvado bahujanaahitaya bahujanaasukhaya bahuno janassa anatthaya ahitaya dukkhaya devamanussanam. {642.1} Evarupance tumhe bhikkhave anuvadamulam ajjhattam va bahiddha va samanupasseyyatha tatra tumhe bhikkhave tasseva papakassa anuvadamulassa pahanaya vayameyyatha . evarupance tumhe bhikkhave anuvadamulam ajjhattam va bahiddha va na samanupasseyyatha tatra tumhe bhikkhave tasseva papakassa anuvadamulassa ayatim anavassavaya patipajjeyyatha . evametassa papakassa anuvadamulassa pahanam hoti. Evametassa papakassa anuvadamulassa ayatim anavassavo hoti. [643] Puna caparam bhikkhave bhikkhu makkhi hoti palasi .pe. Issuki hoti macchari .pe. satho hoti mayavi .pe. papiccho hoti micchaditthi .pe. sanditthiparamasi hoti adanagahi duppatinissaggi yo so bhikkhave bhikkhu sanditthiparamasi hoti adanagahi duppatinissaggi so sattharipi agaravo viharati appatisso dhammepi .pe. sanghepi agaravo viharati appatisso sikkhayapi na paripurikari hoti yo so bhikkhave bhikkhu sattharipi

--------------------------------------------------------------------------------------------- page341.

Agaravo viharati appatisso dhammepi .pe. sanghepi .pe. Sikkhayapi na paripurikari hoti so sanghe anuvadam janeti yo hoti anuvado bahujanaahitaya bahujanaasukhaya bahuno janassa anatthaya ahitaya dukkhaya devamanussanam. {643.1} Evarupance tumhe bhikkhave anuvadamulam ajjhattam va bahiddha va samanupasseyyatha tatra tumhe bhikkhave tasseva papakassa anuvadamulassa pahanaya vayameyyatha . evarupance tumhe bhikkhave anuvadamulam ajjhattam va bahiddha va na samanupasseyyatha tatra tumhe bhikkhave tasseva papakassa anuvadamulassa ayatim anavassavaya patipajjeyyatha . evametassa papakassa anuvadamulassa pahanam hoti . evametassa papakassa anuvadamulassa ayatim anavassavo hoti imani cha anuvadamulani anuvadadhikaranassa mulam. [644] Katamani tini akusalamulani anuvadadhikaranassa mulam . Idha pana bhikkhave bhikkhu bhikkhum luddhacitta anuvadanti dutthacitta anuvadanti mulhacitta anuvadanti silavipattiya va acaravipattiya va ditthivipattiya va ajivavipattiya va imani tini akusalamulani anuvadadhikaranassa mulam. [645] Katamani tini kusalamulani anuvadadhikaranassa mulam . Idha pana bhikkhave bhikkhu bhikkhum aluddhacitta anuvadanti adutthacitta anuvadanti amulhacitta anuvadanti silavipattiya va acaravipattiya

--------------------------------------------------------------------------------------------- page342.

Va ditthivipattiya va ajivavipattiya va imani tini kusalamulani anuvadadhikaranassa mulam. [646] Katamo ca ^1- kayo anuvadadhikaranassa mulam. Idhekacco dubbanno hoti duddassiko okotimako bahvabadho kano va kuni va khanjo va pakkhahato va yena nam anuvadanti ayam kayo anuvadadhikaranassa mulam. [647] Katama ca ^2- vaca anuvadadhikaranassa mulam. Idhekacco dubbaco hoti mammano elagalavaco yaya nam anuvadanti ayam vaca anuvadadhikaranassa mulam. [648] Apattadhikaranassa kim mulam . cha apattisamutthana apattadhikaranassa mulam atthapatti kayato samutthati na vacato na cittato atthapatti vacato samutthati na kayato na cittato atthapatti kayato ca vacato ca samutthati na cittato atthapatti kayato ca cittato ca samutthati na vacato atthapatti vacato ca cittato ca samutthati na kayato atthapatti kayato ca vacato ca cittato ca samutthati ime cha apattisamutthana apattadhikaranassa mulam. [649] Kiccadhikaranassa kim mulam . kiccadhikaranassa ekam mulam sangho. @Footnote: ^1-2 Ma. Yu. Ra. casaddo na dissati.

The Pali Tipitaka in Roman Character Volume 6 page 335-342. https://84000.org/tipitaka/read/roman_read.php?B=6&A=6827&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=6&A=6827&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=6&item=632&items=18 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=6&siri=55 Contents of The Tipitaka Volume 6 https://84000.org/tipitaka/read/?index_6 https://84000.org/tipitaka/english/?index_6