PaliRoman Vol.6

[650] Vivadadhikaranam kusalam akusalam abyakatam . vivadadhikaranam siya kusalam siya akusalam siya abyakatam. [651] Tattha katamam vivadadhikaranam akusalam . idha pana bhikkhave bhikkhu akusalacitta vivadanti dhammoti va adhammoti va .pe. Dutthulla apattiti va adutthulla apattiti va yam tattha bhandanam kalaho viggaho vivado nanavado annathavado vipaccataya voharo medhagam ^1- idam vuccati vivadadhikaranam akusalam. [652] Tattha katamam vivadadhikaranam kusalam . idha pana bhikkhave bhikkhu kusalacitta vivadanti dhammoti va adhammoti va .pe. Dutthulla apattiti va adutthulla apattiti va yam tattha bhandanam kalaho viggaho vivado nanavado annathavado vipaccataya voharo medhagam idam vuccati vivadadhikaranam kusalam ^2-. [653] Tattha katamam vivadadhikaranam abyakatam . idha pana bhikkhave bhikkhu bhikkhum ^3- abyakatacitta vivadanti dhammoti va adhammoti va .pe. dutthulla apattiti va adutthulla apattiti va yam tattha bhandanam kalaho viggaho vivado nanavado annathavado vipaccataya voharo medhagam ^1- idam vuccati vivadadhikaranam abyakatam. @Footnote: ¹ Yu. medhakam . ² Ma. Yu. potthakesu pathamam kusalam agatam paccha akusalam agatam. @³ Ma. Yu. ayam patho natthi. [654] Anuvadadhikaranam kusalam akusalam abyakatam . Anuvadadhikaranam siya kusalamsiya akusalam siya abyakatam. [655] Tattha katamam anuvadadhikaranam akusalam . idha pana bhikkhave bhikkhu bhikkhum akusalacitta anuvadanti silavipattiya va acaravipattiya va ditthivipattiya va ajivavipattiya va yo tattha anuvado anuvadana anullapana anubhanana anusampavankata abbhussahanata anubalappadanam idam vuccati anuvadadhikaranam akusalam. [656] Tattha katamam anuvadadhikaranam kusalam . idha pana bhikkhave bhikkhu bhikkhum kusalacitta anuvadanti silavipattiya va acaravipattiya va ditthivipattiya va ajivavipattiya va yo tattha anuvado anuvadana anullapana anubhanana anusampavankata abbhussahanata anubalappadanam idam vuccati anuvadadhikaranam kusalam ^1-. [657] Tattha katamam anuvadadhikaranam abyakatam . idha pana bhikkhave bhikkhu bhikkhum abyakatacitta anuvadanti silavipattiya va acaravipattiya va ditthivipattiya va ajivavipattiya va yo tattha anuvado anuvadana anullapana anubhanana anusampavankata abbhussahanata anubalappadanam idam vuccati anuvadadhikaranam abyakatam. [658] Apattadhikaranam akusalam abyakatam ^2- . apattadhikaranam siya akusalam siya abyakatam natthi apattadhikaranam kusalam. @Footnote: ¹ Ma. Yu. pathamam kusalam agatam paccha akusalam agatam . ² Ma. Yu. apattadhikaranam @kusalam akusalam abyakatam. [659] Tattha katamam apattadhikaranam akusalam . yam jananto sanjananto cecca abhivitaritva vitikkamo idam vuccati apattadhikaranam akusalam . tattha katamam apattadhikaranam abyakatam . Yam ajananto asanjananto acecca anabhivitaritva vitikkamo idam vuccati apattadhikaranam abyakatam. [660] Kiccadhikaranam kusalam akusalam abyakatam . kiccadhikaranam siya kusalam siya akusalam siya abyakatam. [661] Tattha katamam kiccadhikaranam akusalam . Yam sangho akusalacitto kammam karoti apalokanakammam nattikammam nattidutiyakammam natticatutthakammam idam vuccati kiccadhikaranam akusalam. [662] Tattha katamam kiccadhikaranam kusalam . yam sangho kusalacitto kammam karoti apalokanakammam nattikammam nattidutiyakammam natticatutthakammam idam vuccati kiccadhikaranam kusalam ^1-. [663] Tattha katamam kiccadhikaranam abyakatam . yam sangho abyakatacitto kammam karoti apalokanakammam nattikammam nattidutiyakammam natticatutthakammam idam vuccati kiccadhikaranam abyakatam. [664] Vivado vivadadhikaranam vivado no adhikaranam adhikaranam no vivado adhikaranam ceva vivado ca . siya vivado vivadadhikaranam siya vivado no adhikaranam siya adhikaranam @Footnote: ¹ Ma. Yu. pathamam kusalam agatam paccha akusalam agatam. No vivado siya adhikarananceva vivado ca. [665] Tattha katamo vivado vivadadhikaranam . idha pana bhikkhave bhikkhu vivadanti dhammoti va adhammoti va .pe. Dutthulla apattiti va adutthulla apattiti va yam tattha bhandanam kalaho viggaho vivado nanavado annathavado vipaccataya voharo medhagam ayam vivado vivadadhikaranam . tattha katamo vivado no adhikaranam . matapi puttena vivadati puttopi matara vivadati pitapi puttena vivadati puttopi pitara vivadati bhatapi bhatara vivadati bhatapi bhaginiya vivadati bhaginipi bhatara vivadati sahayopi sahayena vivadati ayam vivado no adhikaranam . tattha katamam adhikaranam no vivado anuvadadhikaranam apattadhikaranam kiccadhikaranam idam adhikaranam no vivado . tattha katamam adhikarananceva vivado ca . vivadadhikaranam adhikarananceva vivado ca. [666] Anuvado anuvadadhikaranam anuvado no adhikaranam adhikaranam no anuvado adhikarananceva anuvado ca . siya anuvado anuvadadhikaranam siya anuvado no adhikaranam siya adhikaranam no anuvado siya adhikarananceva anuvado ca. [667] Tattha katamo anuvado anuvadadhikaranam . idha pana bhikkhave bhikkhu bhikkhum anuvadanti silavipattiya va acaravipattiya Va ditthivipattiya va ajivavipattiya va yo tattha anuvado anuvadana anullapana anubhanana anusampavankata abbhussahanata anubalappadanam ayam anuvado anuvadadhikaranam . tattha katamo anuvado no adhikaranam . matapi puttam anuvadati puttopi mataram anuvadati pitapi puttam anuvadati puttopi pitaram anuvadati bhatapi bhataram anuvadati bhatapi bhaginim anuvadati bhaginipi bhataram anuvadati sahayopi sahayam anuvadati ayam anuvado no adhikaranam . tattha katamam adhikaranam no anuvado . apattadhikaranam kiccadhikaranam vivadadhikaranam idam adhikaranam no anuvado . Tattha katamam adhikarananceva anuvado ca . anuvadadhikaranam adhikarananceva anuvado ca. [668] Apatti apattadhikaranam apatti no adhikaranam adhikaranam no apatti adhikarananceva apatti ca . siya apatti apattadhikaranam siya apatti no adhikaranam siya adhikaranam no apatti siya adhikarananceva apatti ca. [669] Tattha katama ^1- apatti apattadhikaranam . pancapi apattikkhandha apattadhikaranam sattapi apattikkhandha apattadhikaranam ayam apatti apattadhikaranam . tattha katama ^2- apatti no adhikaranam . sotapatti samapatti ayam apatti no @Footnote: ^1-2 Ma. Yu. katamam. Adhikaranam . tattha katamam adhikaranam no apatti . kiccadhikaranam vivadadhikaranam anuvadadhikaranam idam adhikaranam no apatti . Tattha katamam adhikarananceva apatti ca . apattadhikaranam adhikarananceva apatti ca. [670] Kiccam kiccadhikaranam kiccam no adhikaranam adhikaranam no kiccam adhikarananceva kiccanca . siya kiccam kiccadhikaranam siya kiccam no adhikaranam siya adhikaranam no kiccam siya adhikarananceva kiccanca. [671] Tattha katamam kiccam kiccadhikaranam . ya sanghassa kiccayata karaniyata apalokanakammam nattikammam nattidutiyakammam natticatutthakammam idam kiccam kiccadhikaranam . tattha katamam kiccam no adhikaranam . acariyakiccam upajjhayakiccam samanupajjhayakiccam samanacariyakiccam idam kiccam no adhikaranam . tattha katamam adhikaranam no kiccam . vivadadhikaranam anuvadadhikaranam apattadhikaranam idam adhikaranam no kiccam . tattha katamam adhikarananceva kiccanca . Kiccadhikaranam adhikarananceva kiccanca. [672] Vivadadhikaranam katihi samathehi sammati . vivadadhikaranam dvihi samathehi sammati sammukhavinayena ^1- ca yebhuyyasikaya ca. Siya vivadadhikaranam ekam samatham anagamma yebhuyyasikam ekena samathena sammeyya sammukhavinayenati . siyatissa vacaniyam . yathakatham viya @Footnote: ¹ Yu. sammukhavinayena ca. Idha pana bhikkhave bhikkhu ^1- vivadanti dhammoti va adhammoti va vinayoti va avinayoti va bhasitam lapitam tathagatenati va abhasitam alapitam tathagatenati va acinnam tathagatenati va anacinnam tathagatenati va pannattam tathagatenati va appannattam tathagatenati va apattiti va anapattiti va lahuka apattiti va garuka apattiti va savasesa apattiti va anavasesa apattiti va dutthulla apattiti va adutthulla apattiti va {672.1} te ce bhikkhave bhikkhu sakkonti tam adhikaranam vupasametum idam vuccati bhikkhave adhikaranam vupasantam . kena vupasantam . sammukhavinayena . kinca tattha sammukhavinayasmim . Sanghasammukhata dhammasammukhata vinayasammukhata puggalasammukhata. {672.2} Ka ca tattha sanghasammukhata . yavatika bhikkhu kammappatta te agata honti chandarahanam chando ahato hoti sammukhibhuta na patikkosanti ayam tattha sanghasammukhata . Ka ca tattha dhammasammukhata vinayasammukhata . yena dhammena yena vinayena yena satthusasanena tam adhikaranam vupasammati ayam tattha dhammasammukhata vinayasammukhata . ka ca tattha puggalasammukhata . yo ca vivadati yena ca vivadati ubho atthapaccatthika ^2- sammukhibhuta honti ayam tattha puggalasammukhata . evam vupasantam ce bhikkhave adhikaranam @Footnote: ¹ Ma. Yu. pana bhikkhaveti pathadvayam na dissati . ² Yu. attapaccatthika. Karako ukkoteti ukkotanakam pacittiyam . chandadayako khiyati khiyanakam pacittiyam. [673] Te ce bhikkhave bhikkhu na sakkonti tam adhikaranam tasmim avase vupasametum tehi bhikkhave bhikkhuhi yasmim avase bahutara ^1- bhikkhu so avaso gantabbo . te ce bhikkhave bhikkhu tam avasam gacchanta antaramagge sakkonti tam adhikaranam vupasametum idam vuccati bhikkhave adhikaranam vupasantam . kena vupasantam sammukhavinayena . kinca tattha sammukhavinayasmim . sanghasammukhata dhammasammukhata vinayasammukhata puggalasammukhata . ka ca tattha sanghasammukhata . yavatika bhikkhu kammappatta te agata honti chandarahanam chando ahato hoti sammukhibhuta na patikkosanti ayam tattha sanghasammukhata. {673.1} Ka ca tattha dhammasammukhata vinayasammukhata . yena dhammena yena vinayena yena satthusasanena tam adhikaranam vupasammati ayam tattha dhammasammukhata vinayasammukhata . ka ca tattha puggalasammukhata . Yo ca vivadati yena ca vivadati ubho atthapaccatthita sammukhibhuta honti ayam tattha puggalasammukhata . evam vupasantam ce bhikkhave adhikaranam karako ukkoteti ukkotanakam pacittiyam . chandadayako khiyati khiyanakam pacittiyam. @Footnote: ¹ Ma. sambahula. [674] Te ce bhikkhave bhikkhu tam avasam gacchanta ^3- antaramagge na sakkonti tam adhikaranam vupasametum tehi bhikkhave bhikkhuhi tam avasam gantva avasika bhikkhu evamassu vacaniya idam kho avuso adhikaranam evamjatam evamsamuppannam sadhayasmanto ^2- imam adhikaranam vupasamentu dhammena vinayena satthusasanena yathayidam ^3- adhikaranam suvupasantam assati. {674.1} Sace bhikkhave avasika bhikkhu vuddhatara honti agantuka bhikkhu navakatara tehi bhikkhave avasikehi bhikkhuhi agantuka bhikkhu evamassu vacaniya ingha tumhe ayasmanto muhuttam ekamantam hotha yava mayam mantemati. {674.2} Sace pana bhikkhave avasika bhikkhu navakatara honti agantuka bhikkhu vuddhatara tehi bhikkhave avasikehi bhikkhuhi agantuka bhikkhu evamassu vacaniya tenahi tumhe ayasmanto muhuttam idheva tava ^4- hotha yava mayam mantemati. Sace ^5- bhikkhave avasikanam bhikkhunam mantayamananam evam hoti na mayam sakkoma imam adhikaranam vupasametum dhammena vinayena satthusasanenati na tam adhikaranam avasikehi bhikkhuhi ^6- paticchitabbam ^7- . sace pana bhikkhave avasikanam bhikkhunam mantayamananam evam hoti sakkoma mayam imam ^8- adhikaranam vupasametum dhammena vinayena satthusasanenati tehi bhikkhave @Footnote: ¹ Ma. agacchanta . ² Ma. Yu. sadhayasmanta . ³ Ma. Yu. yathayidam . ⁴ Yu. @tavasaddo na dissati . ⁵ Ma. sace pana . ⁶ Yu. avasikehi bhikkhuhiti padadvayam @na dissati . ⁷ Ma. sampaticchitabbam . ⁸ Ma. idam. ito param idisameva. Avasikehi bhikkhuhi agantuka bhikkhu evamassu vacaniya sace tumhe ayasmanto amhakam imam adhikaranam yathajatam yathasamuppannam arocessatha yatha ca mayam imam adhikaranam vupasamessama dhammena vinayena satthusasanena tatha suvupasantam ^2- bhavissati evam mayam imam adhikaranam paticchissama ^3- . no ce tumhe ayasmanto amhakam imam adhikaranam yathajatam yathasamuppannam arocessatha yatha ca mayam imam adhikaranam vupasamessama dhammena vinayena satthusasanena tatha na suvupasantam bhavissati na mayam imam adhikaranam paticchissamati . Evam supariggahitam kho bhikkhave katva avasikehi bhikkhuhi tam adhikaranam paticchitabbam ^4-. {674.3} Tehi bhikkhave agantukehi bhikkhuhi avasika bhikkhu evamassu vacaniya yathajatam yathasamuppannam kho ^4- mayam imam adhikaranam ayasmantanam arocessama sace ayasmanto ^5- sakkonti ettakena va ettakena va ^6- antarena imam adhikaranam vupasametum dhammena vinayena satthusasanena tatha suvupasantam bhavissati evam mayam imam adhikaranam ayasmantanam niyyadessama no ce ayasmanto sakkonti ettakena va ettakena va antarena imam adhikaranam vupasametum dhammena vinayena satthusasanena tatha na suvupasantam bhavissati na mayam imam adhikaranam ayasmantanam niyyadessama @Footnote: ¹ Yu. vupasantam . ² Ma. sampaticchissama . ³ Ma. sampaticchitabbam . ⁴ Ma. Yu. @khosaddo natthi . ⁵ Ma. Yu. ayasmanta . ⁶ Yu. ameditavacanam natthi. Mayameva imassa adhikaranassa samino bhavissamati . evam supariggahitam kho bhikkhave katva agantukehi bhikkhuhi tam adhikaranam avasikanam bhikkhunam niyyadetabbam. {674.4} Te ce bhikkhave bhikkhu sakkonti tam adhikaranam vupasametum idam vuccati bhikkhave adhikaranam suvupasantam . kena vupasantam . Sammukhavinayena . kinca tattha sammukhavinayasmim . sanghasammukhata dhammasammukhata vinayasammukhata puggalasammukhata .pe. evam vupasantam ce bhikkhave adhikaranam karako ukkoteti ukkotanakam pacittiyam. Chandadayako khiyati khiyanakam pacittiyam. [675] Tehi ce bhikkhave bhikkhuhi tasmim adhikarane vinicchiyamane anantani ^1- ceva bhassani jayanti na cetassa ^2- bhasitassa attho vinnayati anujanami bhikkhave evarupam adhikaranam ubbahikaya vupasametum . dasahangehi samannagato bhikkhu ubbahikaya sammannitabbo silava hoti patimokkhasamvarasamvuto viharati acaragocarasampanno ^3- anumattesu vajjesu bhayadassavi samadaya sikkhati sikkhapadesu bahussuto hoti sutadharo sutasanniccayo ye te dhamma adikalyana majjhekalyana pariyosanakalyana sattham sabyanjanam ^4- kevalaparipunnam parisuddham brahmacariyam abhivadanti tatharupassa ^5- dhamma bahussuta honti dhata ^6- vacasa paricita manasanupekkhita @Footnote: ¹ Yu. anaggani . ² Ma. Yu. na cekassa . ³ Yu. acarasampanno . ⁴ Yu. sattha @sabyanjana . ⁵ Ma. Yu. tatharupassa . ⁶ Ma. dhata. Ditthiya suppatividdha ubhayani kho panassa patimokkhani vittharena svagatani honti suvibhattani suppavattini suvinicchitani suttaso ^1- anubyanjanaso vinaye kho pana thito ^2- hoti asamhiro patibalo hoti ubho atthapaccatthike sannapetum nijjhapetum pekkhetum passitum ^3- pasadetum adhikaranasamuppadam vupasametum kusalo ^4- hoti adhikaranam janati adhikaranasamudayam janati adhikarananirodham janati adhikarananirodhagaminipatipadam janati anujanami bhikkhave imehi dasahangehi samannagatam bhikkhum ubbahikaya sammannitum. [676] Evanca pana bhikkhave sammannitabbo . pathamam bhikkhu yacitabbo yacitva byattena bhikkhuna patibalena sangho napetabbo {676.1} sunatu me bhante sangho amhakam imasmim adhikarane vinicchiyamane anantani ceva bhassani jayanti na cetassa bhasitassa attho vinnayati . yadi sanghassa pattakallam sangho itthannamanca itthannamanca bhikkhum sammanneyya ubbahikaya imam adhikaranam vupasametum. Esa natti. {676.2} Sunatu me bhante sangho amhakam imasmim adhikarane vinicchiyamane anantani ceva bhassani jayanti na cetassa bhasitassa attho vinnayati . sangho itthannamanca itthannamanca bhikkhum sammannati ubbahikaya imam @Footnote: ¹ Yu. suttato . ² Ma. Yu. cheko . ³ dassetum. @⁴ Ma. Yu. adhikaranasamuppadavupasamanakusalo. Adhikaranam vupasametum . yassayasmato khamati itthannamassa ca itthannamassa ca bhikkhuno sammati ubbahikaya imam adhikaranam vupasametum so tunhassa yassa nakkhamati so bhaseyya. {676.3} Sammato sanghena itthannamo ca itthannamo ca bhikkhu ubbahikaya imam adhikaranam vupasametum khamati sanghassa tasma tunhi . Evametam dharayamiti. [677] Te ce bhikkhave bhikkhu sakkonti tam adhikaranam ubbahikaya vupasametum idam vuccati bhikkhave adhikaranam vupasantam . kena vupasantam . sammukhavinayena . kinca tattha sammukhavinayasmim . Dhammasammukhata vinayasammukhata puggalasammukhata .pe. evam vupasantam ce bhikkhave adhikaranam karako ukkoteti ukkotanakam pacittiyam. [678] Tehi ce bhikkhave bhikkhuhi tasmim adhikarane vinicchiyamane tatrassa ^1- bhikkhu dhammakathiko tassa neva suttam agatam hoti no suttavibhango so attham asallakkhento byanjanacchayaya attham patibahati byattena bhikkhuna patibalena te bhikkhu napetabba {678.1} sunantu me ayasmanta ayam itthannamo bhikkhu dhammakathiko imassa neva suttam agatam hoti ^2- no suttavibhango so attham asallakkhento byanjanacchayaya attham patibahati . Yadayasmantanam pattakallam itthannamam bhikkhum vutthapetva avasesa @Footnote: ¹ Ma. tatrassa . ² Yu. hotiti na pannayati. Imam adhikaranam vupasameyyamati . te ce bhikkhave bhikkhu tam bhikkhum vutthapetva sakkonti tam adhikaranam vupasametum idam vuccati bhikkhave adhikaranam vupasantam . kena vupasantam . sammukhavinayena . Kinca tattha sammukhavinayasmim . dhammasammukhata vinayasammukhata puggalasammukhata .pe. evam vupasantam ce bhikkhave adhikaranam karako ukkoteti ukkotanakam pacittiyam. [679] Tehi ce bhikkhave bhikkhuhi tasmim adhikarane vinicchiyamane tatrassa bhikkhu dhammakathiko tassa suttam hi kho agatam hoti no suttavibhango so attham asallakkhento byanjanacchayaya attham patibahati byattena bhikkhuna patibalena te bhikkhu napetabba {679.1} sunantu me ayasmanta ayam itthannamo bhikkhu dhammakathiko imassa suttam hi kho agatam hoti no suttavibhango so attham asallakkhento byanjanacchayaya attham patibahati . Yadayasmantanam pattakallam itthannamam bhikkhum vutthapetva avasesa imam adhikaranam vupasameyyamati . te ce bhikkhave bhikkhu tam bhikkhum vutthapetva sakkonti tam adhikaranam vupasametum idam vuccati bhikkhave adhikaranam vupasantam . kena vupasantam . sammukhavinayena . Kinca tattha sammukhavinayasmim . dhammasammukhata vinayasammukhata puggalasammukhata .pe. evam vupasantam ce bhikkhave adhikaranam karako ukkoteti ukkotanakam pacittiyam. [680] Te ce bhikkhave bhikkhu na sakkonti tam adhikaranam Ubbahikaya vupasametum tehi bhikkhave bhikkhuhi tam adhikaranam sanghassa niyyadetabbam na mayam bhante sakkoma imam adhikaranam ubbahikaya vupasametum sangho va imam adhikaranam vupasametuti . anujanami bhikkhave evarupam adhikaranam yebhuyyasikaya vupasametum . pancahangehi samannagato bhikkhu salakagahapako sammannitabbo yo na chandagatim gaccheyya na dosagatim gaccheyya na mohagatim gaccheyya na bhayagatim gaccheyya gahitagahitanca janeyya .pe. Sammato sanghena itthannamo bhikkhu salakagahapako khamati sanghassa tasma tunhi. Evametam dharayamiti. {680.1} Tena salakagahapakena bhikkhuna salaka gahapetabba ^1-. Yatha bahutara bhikkhu dhammavadino vadenti tatha tam adhikaranam vupasametabbam idam vuccati bhikkhave adhikaranam vupasantam . kena vupasantam . Sammukhavinayena ca yebhuyyasikaya ca . kinca tattha sammukhavinayasmim . Sanghasammukhata dhammasammukhata vinayasammukhata puggalasammukhata . Ka ca tattha sanghasammukhata . yavatika bhikkhu kammappatta te agata honti chandarahanam chando ahato hoti sammukhibhuta na patikkosanti ayam tattha sanghasammukhata . ka ca tattha dhammasammukhata vinayasammukhata . yena dhammena yena vinayena yena satthusasanena tam adhikaranam vupasammati ayam tattha dhammasammukhata @Footnote: ¹ Ma. Yu. gahetabba. Vinayasammukhata . ka ca tattha puggalasammukhata . yo ca vivadati yena ca vivadati ubho atthapaccatthika sammukhibhuta honti ayam tattha puggalasammukhata . ka ca tattha yebhuyyasikaya . ya yebhuyyasikaya kammassa kiriya karanam upagamanam ajjhupagamanam adhivasana appatikkosana ayam tattha yebhuyyasikaya . evam vupasantam ce bhikkhave adhikaranam karako ukkoteti ukkotanakam pacittiyam . Chandadayako khiyati khiyanakam pacittiyanti. [681] Tena kho pana samayena savatthiya evamjatam evamsamuppannam adhikaranam hoti . athakho te bhikkhu asantuttha savatthiya sanghassa adhikaranavupasamanena assosum kho amukasmim kira avase sambahula thera viharanti bahussuta agatagama dhammadhara vinayadhara matikadhara pandita viyatta medhavino lajjino kukkuccaka sikkhakama te ce thera imam adhikaranam vupasameyyum dhammena vinayena satthusasanena evamidam adhikaranam suvupasantam assati. {681.1} Athakho te bhikkhu tam avasam gantva te there etadavocum idam bhante adhikaranam evamjatam evamsamuppannam sadhu bhante thera imam adhikaranam vupasamentu dhammena vinayena satthusasanena yathayidam adhikaranam suvupasantam assati . athakho te thera yatha savatthiya sanghena adhikaranam vupasamitam yathasuvupasantam ^1- tatha tam adhikaranam @Footnote: ¹ Ma. Yu. tathavupasantanti. Vupasamesum . athakho te bhikkhu asantuttha savatthiya sanghassa adhikaranavupasamanena asantuttha sambahulanam theranam adhikaranavupasamanena assosum kho amukasmim kira avase tayo thera viharanti .pe. Dve thera viharanti .pe. eko thero viharati bahussuto agatagamo dhammadharo vinayadharo matikadharo pandito viyatto medhavi lajji kukkuccako sikkhakamo so ce thero imam adhikaranam vupasameyya dhammena vinayena satthusasanena evamidam adhikaranam suvupasantam assati. {681.2} Athakho te bhikkhu tam avasam gantva tam theram etadavocum idam bhante adhikaranam evamjatam evamsamuppannam sadhu bhante thero imam adhikaranam vupasametu dhammena vinayena satthusasanena yathayidam adhikaranam suvupasantam assati . athakho so thero yatha savatthiya sanghena adhikaranam vupasamitam yatha sambahulehi therehi adhikaranam vupasamitam yatha tihi therehi adhikaranam vupasamitam yatha dvihi therehi adhikaranam vupasamitam yathasuvupasantam yatha tam adhikaranam vupasamesi. {681.3} Athakho te bhikkhu asantuttha savatthiya sanghassa adhikaranavupasamanena asantuttha sambahulanam theranam adhikaranavupasamanena asantuttha tinnam theranam adhikaranavupasamanena asantuttha dvinnam theranam adhikaranavupasamanena asantuttha ekassa therassa adhikaranavupasamanena yena bhagava tenupasankamimsu upasankamitva bhagavato etamattham Arocesum . nihatametam bhikkhave adhikaranam santam vupasantam suvupasantam ^1-. Anujanami bhikkhave tesam bhikkhunam sannattiya tayo salakagahe gulhakam sakannajappakam vivatakam . kathanca bhikkhave gulhako salakagaho hoti . tena salakagahapakena bhikkhuna salakayo vannavannayo katva ekeko ^2- bhikkhu upasankamitva evamassa vacaniyo ayam evamvadissa salaka ayam evamvadissa salaka yam icchasi tam ganhahiti . gahite vattabbo ma ca kassaci dassehiti . sace janati adhammavadi bahutarati duggahoti paccukkaddhitabbam . sace janati dhammavadi bahutarati suggahoti savetabbam . evam kho bhikkhave gulhako salakagaho hoti . Kathanca bhikkhave sakannajappako salakagaho hoti. {681.4} Tena salakagahapakena bhikkhuna ekamekassa bhikkhuno upakannake arocetabbam ayam evamvadissa salaka ayam evamvadissa salaka yam icchasi tam ganhahiti . gahite vattabbo ma ca kassaci arocehiti . sace janati adhammavadi bahutarati duggahoti paccukkaddhitabbam . sace janati dhammavadi bahutarati suggahoti savetabbam . evam kho bhikkhave sakannajappako salakagaho hoti . kathanca bhikkhave vivatako salakagaho hoti . sace janati dhammavadi bahutarati vissattheneva vivatena salakagahena @Footnote: ¹ Ma. Yu. suvupasantanti . ² Ma. Yu. ekameko. Gahetabba ^1- evam kho bhikkhave vivatako salakagaho hoti ime kho bhikkhave tayo salakagahati.

The Pali Tipitaka in Roman Character Volume 6 page 343-361. https://84000.org/tipitaka/read/roman_read.php?B=6&A=6986&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=6&A=6986&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=6&item=650&items=32 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=6&siri=56 Contents of The Tipitaka Volume 6 https://84000.org/tipitaka/read/?index_6 https://84000.org/tipitaka/english/?index_6