ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
แสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 7 : PALI ROMAN Vinaya Pitaka Vol 7 : Vinaya. Culla (2)

                   Vinayapitake cullavaggassa
                     dutiyo bhago
                           ------
                   khuddakavatthukkhandhakam
     [1]   Tena  samayena  buddho  bhagava  rajagahe  viharati  veluvane
kalandakanivape  .  tena  kho  pana  samayena  chabbaggiya bhikkhu nahayamana
rukkhe   kayam   ugghamsenti   urumpi   bahumpi  1-  urampi  pitthimpi .
Manussa   passitva   2-  ujjhayanti  khiyanti  vipacenti  katham  hi  nama
samana   sakyaputtiya   nahayamana   rukkhe  kayam  ugghamsessanti  urumpi
bahumpi   urampi  pitthimpi  seyyathapi  mallamutthika  gamaputavati  3- .
Assosum    kho    bhikkhu    tesam   manussanam   ujjhayantanam   khiyantanam
vipacentanam .pe. Athakho te bhikkhu bhagavato etamattham arocesum.
     {1.1}  Athakho  bhagava  etasmim  nidane etasmim pakarane bhikkhusangham
sannipatapetva   bhikkhu   patipucchi   saccam   kira   bhikkhave   chabbaggiya
bhikkhu   nahayamana   rukkhe   kayam  ugghamsenti  urumpi  bahumpi  urampi
pitthimpiti  .  saccam  bhagavati  4-  .  vigarahi buddho bhagava ananucchavikam 5-
@Footnote: 1 Yu. bahampi. 2 Ma. Yu. Ra. ayam patho natthi. 3 Ma. gamamoddavati.
@Yu. gamapoddavati. 4 Yu. iti na dissati. 5 Yu. ananucchaviyam.
Bhikkhave    tesam    moghapurisanam    ananulomikam    appatirupam   assamanakam
akappiyam   akaraniyam  katham  hi  nama  te  bhikkhave  moghapurisa  nahayamana
rukkhe   kayam   ugghamsessanti   urumpi  bahumpi  urampi  pitthimpi  netam
bhikkhave   appasannanam   va   pasadaya   .pe.  vigarahitva  dhammim  katham
katva  bhikkhu  amantesi  na  bhikkhave  nahayamanena  [1]- rukkhe kayo
ugghamsetabbo yo ugghamseyya apatti dukkatassati.
     [2]  Tena  kho  pana  samayena  chabbaggiya bhikkhu nahayamana thambhe
kayam   ugghamsenti   urumpi   bahumpi   urampi   pitthimpi   .   manussa
ujjhayanti   khiyanti   vipacenti   katham   hi   nama  samana  sakyaputtiya
nahayamana   thambhe   kayam   ugghamsessanti   urumpi   bahumpi   urampi
pitthimpi    seyyathapi   mallamutthika   gamaputavati   .   assosum   kho
bhikkhu    tesam    manussanam    ujjhayantanam    khiyantanam   vipacentanam
.pe.   athakho   te   bhikkhu   bhagavato   etamattham   arocesum  .pe.
Saccam   kira   bhikkhave   .pe.   saccam   bhagavati   .  vigarahitva  dhammim
katham  katva  bhikkhu  amantesi  na  bhikkhave  nahayamanena  [1]-  thambhe
kayo ugghamsetabbo yo ugghamseyya apatti dukkatassati.
     [3]   Tena   kho   pana  samayena  chabbaggiya  bhikkhu  nahayamana
kudde    kayam   ugghamsenti   urumpi   bahumpi   urampi   pitthimpi  .
Manussa    ujjhayanti   khiyanti   vipacenti   katham   hi   nama   samana
@Footnote: 1 Ma. Yu. bhikkhuna.
Sakyaputtiya   nahayamana   kudde  kayam  ugghamsessanti  urumpi  bahumpi
urampi   pitthimpi   seyyathapi   mallamutthika   gamaputavati   .pe.   na
bhikkhave   nahayamanena   kudde   kayo  ugghamsetabbo  yo  ugghamseyya
apatti dukkatassati.
     [4]  Tena  kho  pana  samayena  chabbaggiya  bhikkhu  nahayamana 1-
atthane    nahayanti   .   manussa   ujjhayanti   khiyanti   vipacenti
.pe.   seyyathapi   gihi   kamabhoginoti  .  assosum  kho  bhikkhu  tesam
manussanam    ujjhayantanam    khiyantanam   vipacentanam   .pe.   athakho
te   bhikkhu   bhagavato  etamattham  arocesum  .pe.  saccam  kira  bhikkhave
.pe.   saccam   bhagavati   .pe.   vigarahitva  dhammim  katham  katva  bhikkhu
amantesi   na   bhikkhave  nahayamanena  1-  atthane  nahayitabbam  yo
nahayeyya apatti dukkatassati.
     [5]  Tena  kho  pana  samayena  chabbaggiya  bhikkhu  gandhabbahatthakena
nahayanti    .    manussa    ujjhayanti   khiyanti   vipacenti   .pe.
Seyyathapi   gihi  kamabhoginoti  .  assosum  kho  bhikkhu  tesam  manussanam
ujjhayantanam   khiyantanam   vipacentanam   .pe.   athakho   te   bhikkhu
bhagavato   etamattham   arocesum   .pe.   na  bhikkhave  gandhabbahatthakena
nahayitabbam yo nahayeyya apatti dukkatassati.
     [6]  Tena  kho  pana  samayena  chabbaggiya  bhikkhu  kuruvindakasuttiya
nahayanti    .    manussa    ujjhayanti   khiyanti   vipacenti   .pe.
@Footnote: 1 Ma. Yu. ayam patho natthi.
Seyyathapi   gihi   kamabhoginoti   .pe.  bhagavato  etamattham  arocesum
.pe.   na   bhikkhave   kuruvindakasuttiya   nahayitabbam   yo   nahayeyya
apatti dukkatassati.
     [7]  Tena  kho  pana  samayena  chabbaggiya  bhikkhu  viggayha parikammam
karapenti    .   manussa   ujjhayanti   khiyanti   vipacenti   .pe.
Seyyathapi   gihi   kamabhoginoti   .pe.  bhagavato  etamattham  arocesum
.pe.   na   bhikkhave  viggayha  parikammam  karapetabbam  yo  karapeyya
apatti dukkatassati.
     [8]   Tena   kho   pana   samayena   chabbaggiya  bhikkhu  mallakena
nahayanti    .    manussa    ujjhayanti   khiyanti   vipacenti   .pe.
Seyyathapi   gihi   kamabhoginoti   .pe.   athakho   te  bhikkhu  bhagavato
etamattham    arocesum   .pe.   na   bhikkhave   mallakena   nahayitabbam
yo nahayeyya apatti dukkatassati.
     [9]  Tena  kho  pana  samayena  annatarassa bhikkhuno kacchurogabadho
hoti  .  tassa  vina  mallaka  na phasu hoti 1- .pe. Bhagavato etamattham
arocesum .pe. Anujanami bhikkhave gilanassa akatamallakanti.
     [10]   Tena   kho   pana  samayena  annataro  bhikkhu  jaradubbalo
nahayamano  na  sakkoti  attano  kayam  upaghamsetum  2-  .pe.  bhagavato
@Footnote: 1 Ma. na tassa vina mallakena phasu hoti. 2 Ma. Yu. ugghamsetum.
Etamattham arocesum .pe. Anujanami bhikkhave ukkasikanti.
     [11]   Tena   kho   pana  samayena  annataro  bhikkhu  pitthiparikammam
katum   kukkuccayati   1-  .pe.  bhagavato  etamattham  arocesum  .pe.
Anujanami bhikkhave puthupanikanti.



             The Pali Tipitaka in Roman Character Volume 7 page 1-5. http://84000.org/tipitaka/read/roman_read.php?B=7&A=1&modeTY=2              Compare with The Pali Tipitaka in Thai Character :- http://84000.org/tipitaka/read/pali_read.php?B=7&A=1&modeTY=2              Compare with The Royal Version of Thai Tipitaka :- http://84000.org/tipitaka/read/byitem.php?book=7&item=1&items=11              Compare with The MCU Version of Thai Tipitaka :- http://84000.org/tipitaka/pitaka_item/m_siri.php?B=7&siri=1              Study Atthakatha :- http://84000.org/tipitaka/attha/attha.php?b=7&i=1              The Pali Atthakatha in Thai :- http://84000.org/tipitaka/atthapali/read_th.php?B=3&A=6814              The Pali Atthakatha in Roman :- http://84000.org/tipitaka/atthapali/read_rm.php?B=3&A=6814              Contents of The Tipitaka Volume 7 http://84000.org/tipitaka/read/?index_7

แสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com