PaliRoman Vol.8

[248] Upakkamitva asucim mocento kati apattiyo apajjati . upakkamitva asucim mocento tisso apattiyo apajjati ceteti upakkamati muccati apatti sanghadisesassa ceteti upakkamati na muccati apatti thullaccayassa payoge dukkatam. [249] Matugamena saddhim kayasamsaggam samapajjanto tisso apattiyo apajjati kayena kayam amasati apatti sanghadisesassa kayena kayapatibaddham amasati apatti thullaccayassa kayapatibaddhena kayapatibaddham amasati apatti dukkatassa. [250] Matugamam dutthullahi vacahi obhasanto tisso apattiyo apajjati vaccamaggam passavamaggam adissa vannampi bhanati avannampi bhanati apatti sanghadisesassa vaccamaggam passavamaggam thapetva adhakkhakam ubbhajanumandalam adissa vannampi bhanati avannampi bhanati apatti thullaccayassa kayapatibaddham adissa vannampi bhanati avannampi bhanati apatti dukkatassa. [251] Attakamaparicariyaya vannam bhasanto tisso apattiyo

--------------------------------------------------------------------------------------------- page83.

Apajjati matugamassa santike attakamaparicariyaya vannam bhasati apatti sanghadisesassa pandakassa santike attakamaparicariyaya vannam bhasati apatti thullaccayassa tiracchanagatassa santike attakamaparicariyaya vannam bhasati apatti dukkatassa. [252] Sancarittam samapajjanto tisso apattiyo apajjati patigganhati vimamsati paccaharati apatti sanghadisesassa patigganhati vimamsati na paccaharati apatti thullaccayassa patigganhati na vimamsati na paccaharati apatti dukkatassa. [253] Sannacikaya kutim karapento tisso apattiyo apajjati karapeti payoge dukkatam ekapinde anagate apatti thullaccayassa tasmim pinde agate apatti sanghadisesassa. [254] Mahallakam viharam karapento tisso apattiyo apajjati karapeti payoge dukkatam ekapinde ^1- anagate apatti thullaccayassa tasmim pinde agate apatti sanghadisesassa. [255] Bhikkhum amulakena parajikena dhammena anuddhamsento tisso apattiyo apajjati anokasam karapetva cavanadhippayo vadeti apatti sanghadisesena dukkatassa okasam karapetva akkosadhippayo vadeti apatti omasavadassa. [256] Bhikkhum annabhagiyassa adhikaranassa kinci desam lesamattam upadaya parajikena dhammena anuddhamsento tisso apattiyo @Footnote: ¹ Ma. Yu. ekam pindam. sabbattha idisameva.

--------------------------------------------------------------------------------------------- page84.

Apajjati anokasam karapetva cavanadhippayo vadeti apatti sanghadisesena dukkatassa okasam karapetva akkosadhippayo vadeti apatti omasavadassa. [257] Sanghabhedako bhikkhu yavatatiyam samanubhasiyamano ^1- nappatinissajjanto tisso apattiyo apajjati nattiya dukkatam dvihi kammavacahi thullaccaya ^2- kammavacapariyosane apatti sanghadisesassa. [258] Bhedakanuvattaka bhikkhu yavatatiyam samanubhasiyamana ^1- nappatinissajjanta tisso apattiyo apajjanti nattiya dukkatam dvihi kammavacahi thullaccaya kammavacapariyosane apatti sanghadisesassa. [259] Dubbaco bhikkhu yavatatiyam samanubhasiyamano ^1- nappatinissajjanto tisso apattiyo apajjati nattiya dukkatam dvihi kammavacahi thullaccaya kammavacapariyosane apatti sanghadisesassa. [260] Kuladusako bhikkhu yavatatiyam samanubhasiyamano nappatinissajjanto tisso apattiyo apajjati nattiya dukkatam dvihi kammavacahi thullaccaya kammavacapariyosane apatti sanghadisesassa. Terasa sanghadisesa nitthita. @Footnote: ¹ Ma. samanubhasanaya . ² Po. thullaccayam.

The Pali Tipitaka in Roman Character Volume 8 page 82-84. https://84000.org/tipitaka/read/roman_read.php?B=8&A=1675&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=8&A=1675&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=8&item=248&items=13 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=8&siri=25 Study Atthakatha :- https://84000.org/tipitaka/attha/attha.php?b=8&i=248 Contents of The Tipitaka Volume 8 https://84000.org/tipitaka/read/?index_8 https://84000.org/tipitaka/english/?index_8