PaliRoman Vol.8

[291] Sampajanamusa ^1- bhasanto kati apattiyo apajjati. Sampajanamusa ^1- bhasanto panca apattiyo apajjati papiccho icchapakato asantam abhutam uttarimanussadhammam ullapati apatti parajikassa bhikkhum amulakena parajikena dhammena anuddhamseti apatti sanghadisesassa yo te vihare vasati so bhikkhu arahati bhanati pativijanantassa apatti thullaccayassa nappativijanantassa apatti dukkatassa sampajanamusavade pacittiyam sampajanamusa ^1- bhasanto ima panca apattiyo apajjati. [292] Omasanto dve apattiyo apajjati upasampannam omasati apatti pacittiyassa anupasampannam omasati apatti dukkatassa. [293] Pesunnam upasamharanto dve apattiyo apajjati @Footnote: ¹ Ma. Yu. sampajanamusavadam.

--------------------------------------------------------------------------------------------- page90.

Upasampannassa pesunnam upasamharati apatti pacittiyassa anupasampannassa pesunnam upasamharati apatti dukkatassa. [294] Anupasampannam padaso dhammam vacento dve apattiyo apajjati vaceti payoge dukkatam pade pate apatti pacittiyassa. [295] Anupasampannena uttaridvirattatirattam sahaseyyam kappento dve apattiyo apajjati nipajjati payoge dukkatam nipanne apatti pacittiyassa. [296] Matugamena sahaseyyam kappento dve apattiyo apajjati nipajjati payoge dukkatam nipanne apatti pacittiyassa. [297] Matugamassa uttarichappancavacahi dhammam desento dve apattiyo apajjati deseti payoge dukkatam pade pade apatti pacittiyassa. [298] Anupasampannassa uttarimanussadhammam bhutam arocento dve apattiyo apajjati aroceti payoge dukkatam arocite apatti pacittiyassa. [299] Bhikkhussa dutthullam apattim anupasampannassa arocento dve apattiyo apajjati aroceti payoge dukkatam arocite apatti pacittiyassa.

--------------------------------------------------------------------------------------------- page91.

[300] Pathavim khananto dve apattiyo apajjati khanati payoge dukkatam pahare pahare apatti pacittiyassa. Musavadavaggo pathamo. [301] Bhutagamam patento dve apattiyo apajjati pateti payoge dukkatam pahare pahare apatti pacittiyassa. [302] Annenannam paticaranto dve apattiyo apajjati anaropite annavadake annenannam paticarati apatti dukkatassa aropite annavadake annenannam paticarati apatti pacittiyassa. [303] Bhikkhum ujjhapento dve apattiyo apajjati ujjhapeti payoge dukkatam ujjhapite apatti pacittiyassa. [304] Sanghikam mancam va pitham va bhisim va koccham va ajjhokase santharitva anuddharitva anapuccha pakkamanto dve apattiyo apajjati pathamam padam leddupatam atikkameti apatti dukkatassa dutiyam padam atikkameti apatti pacittiyassa. [305] Sanghike vihare seyyam santharitva anuddharitva anapuccha pakkamanto dve apattiyo apajjati pathamam padam parikkhepam atikkameti apatti dukkatassa dutiyam padam atikkameti apatti pacittiyassa. [306] Sanghike vihare janam pubbupagatam bhikkhum anupakhajja

--------------------------------------------------------------------------------------------- page92.

Seyyam kappento dve apattiyo apajjati nipajjati payoge dukkatam nipanne apatti pacittiyassa. [307] Bhikkhum kupito anattamano sanghika vihara nikkaddhanto dve apattiyo apajjati nikkaddhati payoge dukkatam nikkaddhite apatti pacittiyassa. [308] Sanghike vihare upari vehasakutiya ahaccapadakam mancam va pitham va abhinisidanto dve apattiyo apajjati abhinisidati payoge dukkatam abhinisinne apatti pacittiyassa. [309] Dvittipariyaye adhitthahitva taduttarim adhitthahanto dve apattiyo apajjati adhittheti payoge dukkatam adhitthite apatti pacittiyassa. [310] Janam sappanakam udakam tinam va mattikam va sincanto dve apattiyo apajjati sincati payoge dukkatam sincite apatti pacittiyassa. Bhutagamavaggo dutiyo. [311] Asammato bhikkhuniyo ovadanto dve apattiyo apajjati ovadati payoge dukkatam ovadite apatti pacittiyassa. [312] Atthangate suriye bhikkhuniyo ovadanto dve apattiyo apajjati ovadati payoge dukkatam ovadite apatti pacittiyassa.

--------------------------------------------------------------------------------------------- page93.

[313] Bhikkhunupassayam upasankamitva bhikkhuniyo ovadanto dve apattiyo apajjati ovadati payoge dukkatam ovadite apatti pacittiyassa. [314] Amisahetu bhikkhu bhikkhuniyo ovadantiti bhananto dve apattiyo apajjati bhanati payoge dukkatam bhanite apatti pacittiyassa. [315] Annatikaya bhikkhuniya civaram dento dve apattiyo apajjati deti payoge dukkatam dinne apatti pacittiyassa. [316] Annatikaya bhikkhuniya civaram sibbento dve apattiyo apajjati sibbeti payoge dukkatam arapathe arapathe apatti pacittiyassa. [317] Bhikkhuniya saddhim samvidhaya ekaddhanamaggam patipajjanto dve apattiyo apajjati patipajjati payoge dukkatam patipanne apatti pacittiyassa. [318] Bhikkhuniya saddhim samvidhaya ekam navam abhiruhanto dve apattiyo apajjati abhiruhati payoge dukkatam abhirulhe apatti pacittiyassa. [319] Janam bhikkhuniparipacitam pindapatam bhunjanto dve apattiyo apajjati bhunjissamati patigganhati apatti dukkatassa ajjhohare ajjhohare apatti pacittiyassa.

--------------------------------------------------------------------------------------------- page94.

[320] Bhikkhuniya saddhim eko ekaya raho nisajjam kappento dve apattiyo apajjati nisidati payoge dukkatam nisinne apatti pacittiyassa. Ovadavaggo tatiyo. [321] Taduttarim avasathapindam bhunjanto dve apattiyo apajjati bhunjissamiti patigganhati apatti dukkatassa ajjhohare ajjhohare apatti pacittiyassa. [322] Ganabhojanam bhunjanto dve apattiyo apajjati bhunjissamiti patigganhati apatti dukkatassa ajjhohare ajjhohare apatti pacittiyassa. [323] Paramparabhojanam bhunjanto dve apattiyo apajjati bhunjissamiti patigganhati apatti dukkatassa ajjhohare ajjhohare apatti pacittiyassa. [324] Dvittipattapure puve patiggahetva taduttarim patigganhanto dve apattiyo apajjati patigganhati payoge dukkatam patiggahite apatti pacittiyassa. [325] Bhuttavi pavarito anatirittam khadaniyam va bhojaniyam va bhunjanto dve apattiyo apajjati bhunjissamiti patigganhati apatti dukkatassa ajjhohare ajjhohare apatti pacittiyassa. [326] Bhikkhum bhuttavim pavaritam anatirittena khadaniyena va

--------------------------------------------------------------------------------------------- page95.

Bhojaniyena va abhihatthum pavarento dve apattiyo apajjati tassa vacanena khadissami bhunjissamiti patigganhati apatti dukkatassa bhojanapariyosane apatti pacittiyassa. [327] Vikale khadaniyam va bhojaniyam va bhunjanto dve apattiyo apajjati ^[1]- bhunjissamiti patigganhati apatti dukkatassa ajjhohare ajjhohare apatti pacittiyassa. [328] Sannidhikarakam khadaniyam va bhojaniyam va bhunjanto dve apattiyo apajjati ^[1]- bhunjissamiti patigganhati apatti dukkatassa ajjhohare ajjhohare apatti pacittiyassa. [329] Panitabhojanani attano atthaya vinnapetva bhunjanto dve apattiyo apajjati bhunjissamiti patigganhati apatti dukkatassa ajjhohare ajjhohare apatti pacittiyassa. [330] Adinnam mukhadvaram aharam aharanto dve apattiyo apajjati bhunjissamiti patigganhati apatti dukkatassa ajjhohare ajjhohare apatti pacittiyassa. Bhojanavaggo catuttho. [331] Acelakassa va paribbajakassa va paribbajikaya va sahattha khadaniyam va bhojaniyam va dento dve apattiyo apajjati deti payoge dukkatam dinne apatti pacittiyassa. [332] Bhikkhum ehavuso gamam va nigamam va pindaya @Footnote: ¹ Ma. khadissami.

--------------------------------------------------------------------------------------------- page96.

Pavisissamati tassa dapetva va adapetva va uyyojento dve apattiyo apajjati uyyojeti payoge dukkatam uyyojite apatti pacittiyassa. [333] Sabhojane kule anupakhajja nisajjam kappento dve apattiyo apajjati nisidati payoge dukkatam nisinne apatti pacittiyassa. [334] Matugamena saddhim raho paticchanne asane nisajjam kappento dve apattiyo apajjati nisidati payoge dukkatam nisinne apatti pacittiyassa. [335] Matugamena saddhim eko ekaya raho nisajjam kappento dve apattiyo apajjati nisidati payoge dukkatam nisinne apatti pacittiyassa. [336] Nimantito sabhatto samano purebhattam va ^1- pacchabhattam va ^1- santam bhikkhum anapuccha ^2- kulesu carittam apajjanto dve apattiyo apajjati pathamam padam ummaram atikkameti apatti dukkatassa dutiyam padam atikkameti apatti pacittiyassa. [337] Taduttarim bhesajjam vinnapento dve apattiyo apajjati vinnapeti payoge dukkatam vinnapite apatti pacittiyassa. [338] Uyyuttam senam dassanaya gacchanto dve apattiyo @Footnote: ¹ Ma. Yu. vasaddo natthi . ² Ma. santam bhikkhum anapucchati padattayam natthi.

--------------------------------------------------------------------------------------------- page97.

Apajjati gacchati apatti dukkatassa yattha thito passati apatti pacittiyassa. [339] Atirekatirattam senaya vasanto dve apattiyo apajjati vasati payoge dukkatam vasite apatti pacittiyassa. [340] Uyyodhikam gacchanto dve apattiyo apajjati gacchati apatti dukkatassa yattha thito passati apatti pacittiyassa. Acelakavaggo pancamo. [341] Majjam pivanto dve apattiyo apajjati pivissamiti patigganhati apatti dukkatassa ajjhohare ajjhohare apatti pacittiyassa. [342] Bhikkhum angulipatodakena hasento dve apattiyo apajjati haseti payoge dukkatam hasite apatti pacittiyassa. [343] Udake kilanto dve apattiyo apajjati hetthagopphake udake kilati apatti dukkatassa uparigopphake udake kilati apatti pacittiyassa. [344] Anadariyam karonto dve apattiyo apajjati karoti payoge dukkatam kate apatti pacittiyassa. [345] Bhikkhum bhimsapento dve apattiyo apajjati bhimsapeti payoge dukkatam bhimsapite apatti pacittiyassa. [346] Jotim samadahitva visibbento dve apattiyo apajjati

--------------------------------------------------------------------------------------------- page98.

Samadahati payoge dukkatam samadahite apatti pacittiyassa. [347] Orenaddhamasam nhayanto dve apattiyo apajjati nhayati payoge dukkatam nhanapariyosane apatti pacittiyassa. [348] Anadayitva tinnam dubbannakarananam annataram dubbannakaranam navam civaram paribhunjanto dve apattiyo apajjati paribhunjati payoge dukkatam paribhutte apatti pacittiyassa. [349] Bhikkhussa va bhikkhuniya va sikkhamanaya va samanerassa va samaneriya va samam civaram vikappetva apaccuddharakam paribhunjanto dve apattiyo apajjati paribhunjati payoge dukkatam paribhutte apatti pacittiyassa. [350] Bhikkhu pattam va civaram va nisidanam va sucigharam va kayabandhanam va apanidhento dve apattiyo apajjati apanidheti payoge dukkatam apanidhite apatti pacittiyassa. Suramerayavaggo chattho. [351] Sancicca panam jivita voropento kati apattiyo apajjati sancicca panam jivita voropento catasso apattiyo apajjati anodissa opatam khanati yo koci papatitva marissatiti apatti dukkatassa manusso tasmim papatitva marati apatti parajikassa yakkho va peto va tiracchanagatamanussaviggaho va tasmim papatitva marati apatti thullaccayassa tiracchanagato

--------------------------------------------------------------------------------------------- page99.

Tasmim papatitva marati apatti pacittiyassa sancicca panam jivita voropento ima catasso apattiyo apajjati. [352] Janam sappanakam udakam paribhunjanto dve apattiyo apajjati paribhunjati payoge dukkatam paribhutte apatti pacittiyassa. [353] Janam yathadhammam nihatadhikaranam punakammaya ukkotento dve apattiyo apajjati ukkoteti payoge dukkatam ukkotite apatti pacittiyassa. [354] Bhikkhussa janam dutthullam apattim paticchadento ekam apattim apajjati pacittiyam. [355] Janam unavisativassam puggalam upasampadento dve apattiyo apajjati upasampadeti payoge dukkatam upasampadite apatti pacittiyassa. [356] Janam theyyasatthena saddhim samvidhaya ekaddhanamaggam patipajjanto dve apattiyo apajjati patipajjati payoge dukkatam patipanne apatti pacittiyassa. [357] Matugamena saddhim samvidhaya ekaddhanamaggam patipajjanto dve apattiyo apajjati patipajjati payoge dukkatam patipanne apatti pacittiyassa. [358] Papikaya ditthiya yavatatiyam samanubhasanaya nappatinissajjanto

--------------------------------------------------------------------------------------------- page100.

Dve apattiyo apajjati nattiya dukkatam kammavacapariyosane apatti pacittiyassa. [359] Janam tathavadina bhikkhuna akatanudhammena tam ditthim appatinissatthena saddhim sambhunjanto dve apattiyo apajjati sambhunjati payoge dukkatam sambhutte apatti pacittiyassa. [360] Janam tathanasisam samanuddesam upalapento dve apattiyo apajjati upalapeti payoge dukkatam upalapite apatti pacittiyassa. Sappanakavaggo sattamo. [361] Bhikkhu bhikkhuhi sahadhammikam vuccamano na tavaham avuso etasmim sikkhapade sikkhissami yava nannam bhikkhum byattam vinayadharam paripucchamiti bhananto dve apattiyo apajjati bhanati payoge dukkatam bhanite apatti pacittiyassa. [362] Vinayam vivannento dve apattiyo apajjati vivanneti payoge dukkatam vivannite apattiyassa. [363] Mohento dve apattiyo apajjati anaropite mohe moheti apatti dukkatassa aropite mohe moheti apatti pacittipacittiyassa. [364] Bhikkhu kupito anattamano paharam dento dve apattiyo apajjati paharati payoge dukkatam pahate apatti

--------------------------------------------------------------------------------------------- page101.

Pacittiyassa. [365] Bhikkhussa kupito anattamano talasattikam uggiranto dve apattiyo apajjati uggirati payoge dukkatam uggirite apatti pacittiyassa. [366] Bhikkhum amulakena sanghadisesena anuddhamsento dve apattiyo apajjati anuddhamseti payoge dukkatam anuddhamsite apatti pacittiyassa. [367] Bhikkhussa sancicca kukkuccam upadahanto dve apattiyo apajjati upadahati payoge dukkatam upadahite apatti pacittiyassa. [368] Bhikkhunam bhandanajatanam kalahajatanam vivadapannanam upassutim titthanto dve apattiyo apajjati sossamiti gacchati apatti dukkatassa yattha thito sunati apatti pacittiyassa. [369] Dhammikanam kammanam chandam datva paccha khiyanadhammam apajjanto dve apattiyo apajjati khiyati payoge dukkatam khiyite apatti pacittiyassa. [370] Sanghe vinicchayakathaya vattamanaya channam adatva utthayasana pakkamanto dve apattiyo apajjati parisaya hatthapasam avijahantassa ^1- apatti dukkatassa vijahite apatti pacittiyassa. @Footnote: ¹ Ma. Yu. vijahantassa.

--------------------------------------------------------------------------------------------- page102.

[371] Samaggena sanghena civaram datva paccha khiyanadhammam apajjanto dve apattiyo apajjati khiyati payoge dukkatam khiyite apatti pacittiyassa. [372] Janam sanghikam labham parinatam puggalassa parinamento dve apattiyo apajjati parinameti payoge dukkatam parinamite apatti pacittiyassa. Sahadhammikavaggo atthamo. [373] Pubbe appatisamvidito ranno antepuram pavisanto dve apattiyo apajjati pathamam padam ummaram atikkameti apatti dukkatassa dutiyam padam atikkameti apatti pacittiyassa. [374] Ratanam ugganhanto dve apattiyo apajjati ganhati payoge dukkatam gahite apatti pacittiyassa. [375] Santam bhikkhum anapuccha vikale gamam pavisanto dve apattiyo apajjati pathamam padam parikkhepam pavisanto ^1- atikkameti apatti dukkatassa dutiyam padam atikkameti apatti pacittiyassa. [376] Atthimayam va dantamayam va visanamayam va sucigharam karapento dve apattiyo apajjati karapeti payoge dukkatam karapite apatti pacittiyassa. [377] Pamanatikkantam mancam va pitham va karapento dve apattiyo apajjati karapeti payoge dukkatam @Footnote: ¹ Ma. ayam patho natthi.

--------------------------------------------------------------------------------------------- page103.

Karapite apatti pacittiyassa. [378] Mancam va pitham va tulonaddham karapento dve apattiyo apajjati karapeti payoge dukkatam karapite apatti pacittiyassa. [379] Pamanatikkantam nisidanam karapento dve apattiyo apajjati karapeti payoge dukkatam karapite apatti pacittiyassa. [380] Pamanatikkantam kandupaticchadim karapento dve apattiyo apajjati karapeti payoge dukkatam karapite apatti pacittiyassa. [381] Pamanatikkantam vassikasatikam karapento dve apattiyo apajjati karapeti payoge dukkatam karapite apatti pacittiyassa. [382] Sugatacivarappamanam civaram karapento kati apattiyo apajjati sugatacivarappamanam civaram karapento dve apattiyo apajjati karapeti payoge dukkatam karapite apatti pacittiyassa sugatacivarappamanam civaram karapento ima dve apattiyo apajjati. Rajavaggo navamo. Khuddaka nitthita.

The Pali Tipitaka in Roman Character Volume 8 page 89-103. https://84000.org/tipitaka/read/roman_read.php?B=8&A=1820&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=8&A=1820&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=8&item=291&items=92 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=8&siri=27 Study Atthakatha :- https://84000.org/tipitaka/attha/attha.php?b=8&i=291 Contents of The Tipitaka Volume 8 https://84000.org/tipitaka/read/?index_8 https://84000.org/tipitaka/english/?index_8