PaliRoman Vol.8

[487] Methunam dhammam patisevanapaccaya kati apattiyo apajjati. Methunam dhammam patisevanapaccaya catasso apattiyo apajjati akkhayite sarire methunam dhammam patisevati apatti parajikassa yebhuyyena khayite sarire methunam dhammam patisevati apatti thullaccayassa vivatakate ^1- mukhe acchupantam angajatam paveseti apatti dukkatassa jatumatthake pacittiyam methunam dhammam patisevanapaccaya @Footnote: ¹ Ma. vattakate. aparampi idisameva.

--------------------------------------------------------------------------------------------- page127.

Ima catasso apattiyo apajjati. [488] Adinnam adiyanapaccaya kati apattiyo apajjati . Adinnam adiyanapaccaya tisso apattiyo apajjati pancamasakam va atirekapancamasakam va agghanakam adinnam theyyasankhatam adiyati apatti parajikassa atirekamasakam va unapancamasakam va agghanakam adinnam theyyasankhatam adiyati apatti thullaccayassa masakam va unamasakam va agghanakam adinnam theyyasankhatam adiyati apatti dukkatassa adinnam adiyanapaccaya ima tisso apattiyo apajjati. [489] Sancicca manussaviggaham jivita voropanapaccaya kati apattiyo apajjati . sancicca manussaviggaham jivita voropanapaccaya tisso apattiyo apajjati manussam odissa opatam khanati papatitva marissatiti apatti dukkatassa papatite dukkha vedana uppajjati apatti thullaccayassa marati apatti parajikassa sancicca manussaviggaham jivita voropanapaccaya ima tisso apattiyo apajjati. [490] Asantam abhutam uttarimanussadhammam ullapanapaccaya kati apattiyo apajjati . asantam abhutam uttarimanussadhammam ullapanapaccaya tisso apattiyo apajjati papiccho icchapakato asantam abhutam uttarimanussadhammam ullapati apatti parajikassa

--------------------------------------------------------------------------------------------- page128.

Yo te vihare vasati so bhikkhu arahati bhanati pativijanantassa apatti thullaccayassa nappativijanantassa apatti dukkatassa asantam abhutam uttarimanussadhammam ullapanapaccaya ima tisso apattiyo apajjati. [491] Upakkamitva asucim mocanapaccaya kati apattiyo apajjati . upakkamitva asucim mocanapaccaya tisso apattiyo apajjati ceteti upakkamati muccati apatti sanghadisesassa ceteti upakkamati na muccati apatti thullaccayassa payoge dukkatam. ^1- [492] ^[2]- Kayasamsaggam samapajjanapaccaya panca apattiyo apajjati avassuta bhikkhuni avassutassa purisapuggalassa adhakkhakam ubbhajanumandalam gahanam sadiyati apatti parajikassa bhikkhu kayena kayam amasati apatti sanghadisesassa kayena kayapatibaddham amasati apatti thullaccayassa kayapatibaddhena kayapatibaddham amasati apatti dukkatassa angulipatodake pacittiyam kayasamsaggam samapajjanapaccaya ima panca apattiyo apajjati. [493] Matugamam dutthullahi vacahi obhasanapaccaya tisso apattiyo apajjati vaccamaggam passavamaggam adissa vannampi bhanati avannampi bhanati apatti sanghadisesassa vaccamaggam passavamaggam thapetva adhakkhakam ubbhajanumandalam adissa vannampi @Footnote: ¹ Ma. ito param upakkamitva asucimocanapaccaya ima tisso apattiyo apajjati. @² Po. Ma. kayasamsaggam samapajjanapaccaya kati apattiyo apajjati.

--------------------------------------------------------------------------------------------- page129.

Bhanati avannampi bhanati apatti thullaccayassa kayapatibaddham adissa vannampi bhanati avannampi bhanati apatti dukkatassa. [494] Attakamaparicariyaya vannam bhasanapaccaya tisso apattiyo apajjati matugamassa santike attakamaparicariyaya vannam bhasati apatti sanghadisesassa pandakassa santike attakamaparicariyaya vannam bhasati apatti thullaccayassa tiracchanagatassa santike attakamaparicariyaya vannam bhasati apatti dukkatassa. [495] Sancarittam samapajjanapaccaya tisso apattiyo apajjati patigganhati vimamsati paccaharati apatti sanghadisesassa patigganhati vimamsati na paccaharati apatti thullaccayassa patigganhati na vimamsati na paccaharati apatti dukkatassa. [496] Sannacikaya kutim karapanapaccaya tisso apattiyo apajjati karapeti payoge dukkatam ekapinde anagate apatti thullaccayassa tasmim pinde agate apatti sanghadisesassa. [497] Mahallakam viharam karapanapaccaya tisso apattiyo apajjati karapeti payoge dukkatam ekapinde anagate apatti thullaccayassa tasmim pinde agate apatti sanghadisesassa. [498] Bhikkhum amulakena parajikena dhammena anuddhamsanapaccaya tisso apattiyo apajjati anokasam karapetva cavanadhippayo

--------------------------------------------------------------------------------------------- page130.

Vadeti apatti sanghadisesena dukkatassa okasam karapetva akkosadhippayo vadeti apatti omasavadassa. [499] Bhikkhum annabhagiyassa adhikaranassa kinci desam lesamattam upadaya parajikena dhammena anuddhamsanapaccaya tisso apattiyo apajjati anokasam karapetva cavanadhippayo vadeti apatti sanghadisesena dukkatassa okasam karapetva akkosadhippayo vadeti apatti omasavadassa. [500] Sanghabhedako bhikkhu yavatatiyam samanubhasanaya nappatinissajjanapaccaya tisso apattiyo apajjati nattiya dukkatam dvihi kammavacahi thullaccaya kammavacapariyosane apatti sanghadisesassa. [501] Bhedakanuvattaka bhikkhu yavatatiyam samanubhasanaya nappatinissajjanapaccaya tisso apattiyo apajjati nattiya dukkatam dvihi kammavacahi thullaccaya kammavacapariyosane apatti sanghadisesassa. [502] Dubbaco bhikkhu yavatatiyam samanubhasanaya nappatinissajjanapaccaya tisso apattiyo apajjati nattiya dukkatam dvihi kammavacahi thullaccaya kammavacapariyosane apatti sanghadisesassa. [503] Kuladusako bhikkhu yavatatiyam samanubhasanaya

--------------------------------------------------------------------------------------------- page131.

Nappatinissajjanapaccaya tisso apattiyo apajjati nattiya dukkatam dvihi kammavacahi thullaccaya kammavacapariyosane apatti sanghadisesassa .pe. [504] Anadariyam paticca udake uccaram va passavam va khelam va karanapaccaya kati apattiyo apajjati . anadariyam paticca udake uccaram va passavam va khelam va karanapaccaya ekam apattim apajjati dukkatam anadariyam paticca udake uccaram va passavam va khelam va karanapaccaya imam ekam apattim apajjati. Katapattivaram nitthitam dutiyam.

The Pali Tipitaka in Roman Character Volume 8 page 126-131. https://84000.org/tipitaka/read/roman_read.php?B=8&A=2575&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=8&A=2575&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=8&item=487&items=18 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=8&siri=34 Study Atthakatha :- https://84000.org/tipitaka/attha/attha.php?b=8&i=487 Contents of The Tipitaka Volume 8 https://84000.org/tipitaka/read/?index_8 https://84000.org/tipitaka/english/?index_8