|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 8 : PALI ROMAN Vinaya Pitaka Vol 8 : Vinaya. Parivāra
[965] Atthapatti sakavacaya apajjati paravacaya vutthati atthapatti paravacaya apajjati sakavacaya vutthati atthapatti sakavacaya apajjati sakavacaya vutthati atthapatti paravacaya apajjati paravacaya vutthati . atthapatti kayena apajjati vacaya vutthati atthapatti vacaya apajjati kayena vutthati atthapatti kayena apajjati kayena vutthati atthapatti vacaya apajjati vacaya vutthati . atthapatti pasutto apajjati patibuddho vutthati atthapatti patibuddho apajjati pasutto vutthati atthapatti pasutto apajjati pasutto vutthati atthapatti patibuddho apajjati patibuddho vutthati . atthapatti acittako apajjati sacittako vutthati atthapatti sacittako apajjati acittako vutthati atthapatti acittako apajjati acittako vutthati atthapatti sacittako apajjati sacittako vutthati . atthapatti apajjanto deseti desayanto apajjati @Footnote: 1 Ma. Yu. nissayasamanera . 2 Po. Yu. uposathatika . 3 Ma. Yu. carita duve.--------------------------------------------------------------------------------------------- page316.
Atthapatti apajjanto vutthati vutthahanto apajjati . Atthapatti kammena apajjati akammena vutthati atthapatti akammena apajjati kammena vutthati atthapatti kammena apajjati kammena vutthati atthapatti akammena apajjati akammena vutthati. [966] Cattaro anariyavohara aditthe ditthavadita assute sutavadita amute mutavadita avinnate vinnatavadita . Cattaro ariyavohara aditthe aditthavadita assute assutavadita amute amutavadita avinnate avinnatavadita . Aparepi cattaro anariyavohara ditthe aditthavadita sute assutavadita mute amutavadita vinnate avinnatavadita . Cattaro ariyavohara ditthe ditthavadita sute sutavadita mute mutavadita vinnate vinnatavadita . cattaro parajika bhikkhunam bhikkhunihi sadharana . cattaro parajika bhikkhuninam bhikkhuhi asadharana . cattaro parikkhara atthi parikkharo rakkhitabbo gopetabbo mamayitabbo paribhunjitabbo atthi parikkharo rakkhitabbo gopetabbo na 1- mamayitabbo [2]- paribhunjitabbo atthi parikkharo rakkhitabbo gopetabbo na mamayitabbo na paribhunjitabbo atthi parikkharo na rakkhitabbo na gopetabbo na mamayitabbo na paribhunjitabbo. @Footnote: 1 Ma. nasaddo natthi . 2 Ma. nasaddo dissati.--------------------------------------------------------------------------------------------- page317.
[967] Atthapatti sammukha apajjati parammukha vutthati atthapatti parammukha apajjati sammukha vutthati atthapatti sammukha apajjati sammukha vutthati atthapatti parammukha apajjati parammukha vutthati . atthapatti ajananto apajjati jananto vutthati atthapatti jananto apajjati ajananto vutthati atthapatti jananto 1- apajjati jananto 1- vutthati atthapatti ajananto 2- apajjati ajananto 2- vutthati. [968] Catuhakarehi apattim apajjati kayena apajjati vacaya apajjati kayena vacaya apajjati kammavacaya apajjati . aparehipi catuhakarehi apattim apajjati sanghamajjhe ganamajjhe puggalassa santike lingapatubhavena . catuhakarehi apattiya vutthati kayena vutthati vacaya vutthati kayena vacaya vutthati kammavacaya vutthati . aparehipi catuhakarehi apattiya vutthati sanghamajjhe ganamajjhe puggalassa santike lingapatubhavena . saha patilabhena purimam jahati pacchime patitthati vinnattiyo patippassambhanti pannattiyo nirujjhanti . Saha patilabhena pacchimam jahati purime patitthati vinnattiyo patippassambhanti pannattiyo nirujjhanti . catasso codana silavipattiya codeti acaravipattiya codeti ditthivipattiya codeti ajivavipattiya codeti . cattaro parivasa paticchannaparivaso @Footnote: 1 Ma. ajananto . 2 Ma. jananto.--------------------------------------------------------------------------------------------- page318.
Appaticchannaparivaso suddhantaparivaso samodhanaparivaso . Cattaro manatta paticchannamanattam appaticchannamanattam pakkhamanattam samodhanamanattam . cattaro manattacarikassa bhikkhuno ratticcheda sahavaso vippavaso anarocana une gane carati . cattaro samukkamsa . cattaro patiggahitaparibhoga yavakalikam yamakalikam sattahakalikam yavajivikam . cattari mahavikatani gutho muttam charika mattika. {968.1} Cattari kammani apalokanakammam nattikammam nattidutiyakammam natticatutthakammam . aparanipi cattari kammani adhammena vaggakammam adhammena samaggakammam dhammena vaggakammam dhammena samaggakammam . catasso vipattiyo silavipatti acaravipatti ditthivipatti ajivavipatti . cattari adhikaranani vivadadhikaranam anuvadadhikaranam apattadhikaranam kiccadhikaranam . Cattaro parisadusana bhikkhu dussilo papadhammo parisadusano bhikkhuni dussila papadhamma parisadusana upasako dussilo papadhammo parisadusano upasika dussila papadhamma parisadusana . Cattaro parisasobhana bhikkhu silava kalyanadhammo parisasobhano bhikkhuni silavati kalyanadhamma parisasobhana upasako silava kalyanadhammo parisasobhano upasika silavati kalyanadhamma parisasobhana. [969] Atthapatti agantuko apajjati no avasiko--------------------------------------------------------------------------------------------- page319.
Atthapatti avasiko apajjati no agantuko atthapatti agantuko ceva apajjati avasiko ca atthapatti neva agantuko apajjati no avasiko . atthapatti gamiko apajjati no avasiko atthapatti avasiko apajjati no gamiko atthapatti gamiko ceva apajjati avasiko ca atthapatti neva gamiko apajjati no avasiko. [970] Atthi vatthunanattata no apattinanattata atthapattinanattata no vatthunanattata atthi vatthunanattata ceva apattinanattata ca atthi neva vatthunanattata no apattinanattata . atthi vatthusabhagata no apattisabhagata atthi apattisabhagata no vatthusabhagata atthi vatthusabhagata ceva apattisabhagata ca atthi neva vatthusabhagata no apattisabhagata. [971] Atthapatti upajjhayo apajjati no saddhivihariko atthapatti saddhivihariko apajjati no upajjhayo atthapatti upajjhayo ceva apajjati saddhivihariko ca atthapatti neva upajjhayo apajjati no saddhivihariko . atthapatti acariyo apajjati no antevasiko atthapatti antevasiko apajjati no acariyo atthapatti acariyo ceva apajjati antevasiko ca atthapatti neva acariyo apajjati no antevasiko. [972] Cattaro paccaya anapattivassacchedassa sangho va--------------------------------------------------------------------------------------------- page320.
Bhinno hoti sangham va bhinditukama honti jivitantarayo va hoti brahmacariyantarayo va hoti . cattari vaciduccaritani musavado pisunavaca pharusavaca samphappalapo . cattari vacisucaritani saccavaca apisunavaca sanhavaca mattabhasa 1-. [973] Atthi adiyanto garukam apattim apajjati payojento lahukam atthi adiyanto lahukam apattim apajjati payojento garukam atthi adiyantopi payojentopi garukam apattim apajjati atthi adiyantopi payojentopi lahukam apattim apajjati . atthi puggalo abhivadanaraho no paccutthanaraho atthi puggalo paccutthanaraho no abhivadanaraho atthi puggalo abhivadanaraho ceva paccutthanaraho ca atthi puggalo neva abhivadanaraho no paccutthanaraho . atthi puggalo asanaraho no abhivadanaraho atthi puggalo abhivadanaraho no asanaraho atthi puggalo asanaraho ceva abhivadanaraho ca atthi puggalo neva asanaraho no abhivadanaraho. [974] Atthapatti kale apajjati no vikale atthapatti vikale apajjati no kale atthapatti kale ceva apajjati vikale ca atthapatti neva kale apajjati no vikale . Atthi patiggahitam kale kappati no vikale atthi patiggahitam @Footnote: 1 Ma. Yu. mantabhasa.--------------------------------------------------------------------------------------------- page321.
Vikale kappati no kale atthi patiggahitam kale ceva kappati vikale ca atthi patiggahitam neva kale kappati no vikale . Atthapatti paccantimesu janapadesu apajjati no majjhimesu atthapatti majjhimesu janapadesu apajjati no paccantimesu atthapatti paccantimesu ceva janapadesu apajjati majjhimesu ca atthapatti neva paccantimesu janapadesu apajjati no majjhimesu . Atthi paccantimesu janapadesu kappati no majjhimesu atthi majjhimesu janapadesu kappati no paccantimesu atthi paccantimesu ceva janapadesu kappati majjhimesu ca atthi neva paccantimesu janapadesu kappati no majjhimesu. {974.1} Atthapatti anto apajjati no bahi atthapatti bahi apajjati no anto atthapatti anto ceva apajjati bahi ca atthapatti neva anto apajjati no bahi . atthapatti antosimaya apajjati no bahisimaya atthapatti bahisimaya apajjati no antosimaya atthapatti antosimaya ceva apajjati bahisimaya ca atthapatti neva antosimaya apajjati no bahisimaya . atthapatti game apajjati no aranne atthapatti aranne apajjati no game atthapatti game ceva apajjati aranne ca atthapatti neva game apajjati no aranne. [975] Catasso codana vatthusandassana apattisandassana--------------------------------------------------------------------------------------------- page322.
Samvasapatikkhepo samicipatikkhepo . cattaro pubbakicca . Cattaro pattakalla . cattari anannapacittiyani . catasso bhikkhusammatiyo . cattari agatigamanani chandagatim gacchati dosagatim gacchati mohagatim gacchati bhayagatim gacchati . cattari nagatigamanani na chandagatim gacchati na dosagatim gacchati na mohagatim gacchati na bhayagatim gacchati . catuhangehi samannagato alajji bhikkhu sangham bhindati chandagatim gacchanto dosagatim gacchanto mohagatim gacchanto bhayagatim gacchanto . catuhangehi samannagato pesalo bhikkhu bhinnam sangham samaggam karoti na chandagatim gacchanto na dosagatim gacchanto na mohagatim gacchanto na bhayagatim gacchanto. {975.1} Catuhangehi samannagatassa bhikkhuno vinayo na pucchitabbo chandagatim gacchati dosagatim gacchati mohagatim gacchati bhayagatim gacchati . catuhangehi samannagatena bhikkhuna vinayo na pucchitabbo chandagatim gacchati dosagatim gacchati mohagatim gacchati bhayagatim gacchati . catuhangehi samannagatassa bhikkhuno vinayo na vissajjetabbo chandagatim gacchati dosagatim gacchati mohagatim gacchati bhayagatim gacchati . catuhangehi samannagatena bhikkhuna vinayo na vissajjetabbo chandagatim gacchati dosagatim gacchati mohagatim gacchati bhayagatim gacchati . Catuhangehi samannagatassa bhikkhuno anuyogo na databbo chandagatim--------------------------------------------------------------------------------------------- page323.
Gacchati dosagatim gacchati mohagatim gacchati bhayagatim gacchati . Catuhangehi samannagatena bhikkhuna saddhim vinayo na sakacchitabbo 1- chandagatim gacchati dosagatim gacchati mohagatim gacchati bhayagatim gacchati. [976] Atthapatti gilano apajjati no agilano atthapatti agilano apajjati no gilano atthapatti gilano ceva apajjati agilano ca atthapatti neva gilano apajjati no agilano. [977] Cattari adhammikani patimokkhatthapanani . cattari dhammikani patimokkhatthapananiti 2-. Catukkam nitthitam. Tassuddanam [978] Sakavacaya kayena pasutto ca acittako apajjanto ca kammena vohara caturo tatha bhikkhunam bhikkhuninanca parikkharo ca sammukha ajanakaye majjhe ca vutthati duvidho 3- tatha patilabha ca 4- codana parivasa ca vuccati manattacarika capi samukkamsa patiggaha 5- mahavikatakammani puna kammavipattiyo @Footnote: 1 Ma. Yu. sakacchatabbo . 2 Ma. Yu. itisaddo natthi . 3 Ma. Yu. duvidha. @4 Ma. Yu. patilabhena . 5 Ma. Yu. samukkamsa patiggahi.--------------------------------------------------------------------------------------------- page324.
Adhikarana dussila ca sobhanagantukena ca gamiko vatthunanatta sabhagupajjhayena 1- ca acariyo paccaya va duccaritam sucaritam 2- adiyanto puggalo ca araha asanena ca kale ca kappati ceva paccantimesu 3- kappati anto anto ca simaya game ca codanaya ca pubbakiccam pattakallam anannaka ca sammati 4- agati nagati ceva alajji pesalena ca pucchitabba duve ceva vissajjeyya 5- tatha duve anuyogo ca sakaccha gilano thapanena cati.The Pali Tipitaka in Roman Character Volume 8 page 315-324. https://84000.org/tipitaka/read/roman_read.php?B=8&A=6410&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=8&A=6410&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=8&item=965&items=14 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=8&siri=79 Study Atthakatha :- https://84000.org/tipitaka/attha/attha.php?b=8&i=965 The Pali Atthakatha in Thai :- https://84000.org/tipitaka/atthapali/read_th.php?B=3&A=10270 The Pali Atthakatha in Roman :- https://84000.org/tipitaka/atthapali/read_rm.php?B=3&A=10270 Contents of The Tipitaka Volume 8 https://84000.org/tipitaka/read/?index_8 https://84000.org/tipitaka/english/?index_8
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]