PaliRoman Vol.8

[1117] Dittham ditthena sameti ditthena samsandate dittham dittham paticca na upeti asuddhaparisankito so puggalo patinnaya katabba tena pavarana. Sutam sutena sameti sutena samsandate sutam sutam paticca na upeti asuddhaparisankito so puggalo patinnaya katabba tena pavarana. Mutam mutena sameti mutena samsandate mutam mutam paticca na upeti asuddhaparisankito so puggalo patinnaya katabba tena pavaranati. [1118] Kinte ditthanti katama puccha kinti te ditthanti katama puccha kada te ditthanti katama puccha kattha te ditthanti katama puccha. [1119] Kinte ditthanti vatthupuccha vipattipuccha apattipuccha ajjhacarapuccha . vatthupucchati atthaparajikanam vatthupuccha tevisasanghadisesanam vatthupuccha dveaniyatanam vatthupuccha dvecattalisanissaggiyanam vatthupuccha atthasitisatapacittiyanam vatthupuccha dvadasapatidesaniyanam vatthupuccha dukkatanam vatthupuccha dubbhasitanam vatthupuccha . vipattipucchati silavipattipuccha acaravipattipuccha Ditthivipattipuccha ajivavipattipuccha . apattipucchati parajikapattipuccha sanghadisesapattipuccha thullaccayapattipuccha pacittiyapattipuccha patidesaniyapattipuccha dukkatapattipuccha dubbhasitapattipuccha . Ajjhacarapucchati dvayandvayasamapattipuccha. [1120] Kinti te ditthanti lingapuccha iriyapathapuccha akarapuccha vippakarapuccha . lingapucchati digham va rassam va kanham va odatam va . iriyapathapucchati gacchantam va thitam va nisinnam va nipannam va . akarapucchati gihilinge va titthiyalinge va pabbajitalinge va . vippakarapucchati gacchantam va thitam va nisinnam va nipannam va. [1121] Kada te ditthanti kalapuccha samayapuccha divasapuccha utupuccha . kalapucchati pubbanhakale va majjhantikakale va sayanhakale va . samayapucchati pubbanhasamaye va majjhantikasamaye va sayanhasamaye va . divasapucchati purebhattam va pacchabhattam va rattim va diva va kale va junhe va. Utupucchati hemante va gimhe va vasse va. [1122] Kattha te ditthanti thanapuccha bhumipuccha okasapuccha padesapuccha . thanapucchati bhumiya va pathaviya va dharaniya va jagatiya va . bhumipucchati bhumiya va pabbate va pasane va pasade va . okasapucchati puratthime va okase Pacchime va okase uttare va okase dakkhine va okase. Padesapucchati puratthime va padese pacchime va padese uttare va padese dakkhine va padeseti. Mahasangamam nitthitam. Tassuddanam [1123] Vatthu nidanam akaro pubbaparam katakatam kammadhikarananceva samatho chandagami ca dosa moha bhaya ceva sanna nijjhapanena ca pekkha pasade pakkhomhi sutatheratarena ca asampattanca sampattam dhammena vinayena ca satthussa sasanenapi mahasangamanapanati. -------------

The Pali Tipitaka in Roman Character Volume 8 page 423-425. https://84000.org/tipitaka/read/roman_read.php?B=8&A=8550&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=8&A=8550&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=8&item=1117&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=8&siri=103 Study Atthakatha :- https://84000.org/tipitaka/attha/attha.php?b=8&i=1117 Contents of The Tipitaka Volume 8 https://84000.org/tipitaka/read/?index_8 https://84000.org/tipitaka/english/?index_8