|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 8 : PALI ROMAN Vinaya Pitaka Vol 8 : Vinaya. Parivāra
[1165] Katihi nu kho bhante angehi samannagatassa bhikkhuno kammam na patippassambhetabbanti . pancahupali angehi samannagatassa bhikkhuno kammam na patippassambhetabbam . katamehi pancahi . Apattim apanno kammakato upasampadeti nissayam deti samaneram upatthapeti bhikkhunovadakasammatim sadiyati sammatopi bhikkhuniyo ovadati . imehi kho upali pancahangehi samannagatassa bhikkhuno kammam na patippassambhetabbam. {1165.1} Aparehipi upali pancahangehi samannagatassa bhikkhuno kammam na patippassambhetabbam . katamehi pancahi . yaya apattiya sanghena kammam katam hoti tam apattim apajjati annam va tadisikam tato va papitthataram kammam garahati kammike garahati. Imehi kho upali pancahangehi samannagatassa bhikkhuno kammam na patippassambhetabbam . Aparehipi upali pancahangehi samannagatassa bhikkhuno kammam na patippassambhetabbam . katamehi pancahi . buddhassa avannam bhasati dhammassa avannam bhasati sanghassa avannam bhasati micchaditthiko--------------------------------------------------------------------------------------------- page450.
Ca hoti ajivavipanno ca . imehi kho upali pancahangehi samannagatassa bhikkhuno kammam na patippassambhetabbam . Aparehipi upali pancahangehi samannagatassa bhikkhuno kammam na patippassambhetabbam . katamehi pancahi . alajji ca hoti balo ca apakatatto ca omaddakarako ca hoti vattesu sikkhaya ca na paripurikari . imehi kho upali pancahangehi samannagatassa bhikkhuno kammam na patippassambhetabbanti. [1166] Sangamavacarena bhante bhikkhuna sangham upasankamantena kati dhamme ajjhattam upatthapetva sangho upasankamitabboti 1- . Sangamavacarenupali bhikkhuna sangham upasankamantena panca dhamme ajjhattam upatthapetva sangho upasankamitabbo . katame panca . Sangamavacarenupali bhikkhuna sangham upasankamantena nicacittena sangho upasankamitabbo rajoharanasamena cittena asanakusalena bhavitabbam nisajjakusalena there bhikkhu anupakhajjantena nave bhikkhu asanena appatibahantena yathapatirupe asane nisiditabbam ananakathikena bhavitabbam atiracchanakathikena samam va dhammo bhasitabbo paro va ajjhesitabbo ariyo va tunhibhavo natimannitabbo sace upali sangho samaggakaraniyani kammani karoti tatra ce upali bhikkhuno nakkhamati api ditthavikammam katva upetabba samaggi . tam kissa hetu . maham sanghena nanatto assanti . @Footnote: 1 Yu. itisaddo natthi.--------------------------------------------------------------------------------------------- page451.
Sangamavacarenupali bhikkhuna sangham upasankamantena ime panca dhamme ajjhattam upatthapetva sangho upasankamitabboti. [1167] Katihi nu kho bhante angehi samannagato bhikkhu sanghe voharanto bahujanakanto ca hoti bahujanamanapo ca bahujanarucito cati . pancahupali angehi samannagato bhikkhu sanghe voharanto bahujanakanto ca hoti bahujanamanapo ca bahujanarucito ca . Katamehi pancahi . ussitamanti ca hoti nissitajappi ca na ca bhasanusandhikusalo hoti na yathadhamme yathavinaye yathapattiya codeta hoti na yathadhamme yathavinaye yathapattiya kareta hoti . imehi kho upali pancahangehi samannagato bhikkhu sanghe voharanto bahujanakanto ca hoti bahujanamanapo ca bahujanarucito ca. {1167.1} Pancahupali angehi samannagato bhikkhu sanghe voharanto bahujanakanto ca hoti bahujanamanapo ca bahujanarucito ca . Katamehi pancahi . na ussitamanti ca hoti na nissitajappi ca bhasanusandhikusalo ca hoti yathadhamme yathavinaye yathapattiya codeta hoti yathadhamme yathavinaye yathapattiya kareta hoti . Imehi kho upali pancahangehi samannagato bhikkhu sanghe voharanto bahujanakanto ca hoti bahujanamanapo ca bahujanarucito ca. {1167.2} Aparehipi upali pancahangehi samannagato bhikkhu sanghe voharanto bahujanakanto ca hoti bahujanamanapo--------------------------------------------------------------------------------------------- page452.
Ca bahujanarucito ca . katamehi pancahi . ussadeta hoti apasadeta hoti adhammam ganhati dhammam patibahati samphanca bahum bhasati. {1167.3} Imehi kho upali pancahangehi samannagato bhikkhu sanghe voharanto bahujanakanto ca hoti bahujanamanapo ca bahujanarucito ca . pancahupali angehi samannagato bhikkhu sanghe voharanto bahujanakanto ca hoti bahujanamanapo ca bahujanarucito ca . katamehi pancahi . na ussadeta hoti na apasadeta hoti dhammam ganhati adhammam patibahati samphanca na bahum bhasati . Imehi kho upali pancahangehi samannagato bhikkhu sanghe voharanto bahujanakanto ca hoti bahujanamanapo ca bahujanarucito ca. {1167.4} Aparehipi upali pancahangehi samannagato bhikkhu sanghe voharanto bahujanakanto ca hoti bahujanamanapo ca bahujanarucito ca . katamehi pancahi . pasayha vatta 1- hoti anokasakammam karapetva vatta 1- hoti na yathadhamme yathavinaye yathapattiya codeta hoti na yathadhamme yathavinaye yathapattiya kareta hoti na yathaditthiya byakata hoti . imehi kho upali pancahangehi samannagato bhikkhu sanghe voharanto bahujanakanto ca hoti bahujanamanapo ca bahujanarucito ca . pancahupali angehi samannagato bhikkhu sanghe voharanto bahujanakanto ca hoti bahujanamanapo ca bahujanarucito ca . katamehi pancahi . @Footnote: 1 Po. Ma. Yu. pavatta.--------------------------------------------------------------------------------------------- page453.
Na pasayha vatta hoti okasakammam karapetva vatta hoti yathadhamme yathavinaye yathapattiya codeta hoti yathadhamme yathavinaye yathapattiya kareta hoti yathaditthiya byakata hoti . imehi kho upali pancahangehi samannagato bhikkhu sanghe voharanto bahujanakanto ca hoti bahujanamanapo ca bahujanarucito cati. [1168] Kati nu kho bhante anisamsa vinayapariyattiyati . Pancime upali anisamsa vinayapariyattiya . katame panca . Attano silakkhandho sugutto hoti surakkhito kukkuccapakatanam patisaranam hoti visarado sanghamajjhe voharati paccatthike sahadhammena suniggahitam nigganhati saddhammatthitiya patipanno hoti. Ime kho upali pancanisamsa vinayapariyattiyati. Nappatippassambhanavaggo dutiyo. Tassuddanam [1169] Apanno yaya vannanca alajji sangamena ca ussita ussadeta ca pasayha pariyattiyati.The Pali Tipitaka in Roman Character Volume 8 page 449-453. https://84000.org/tipitaka/read/roman_read.php?B=8&A=9071&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=8&A=9071&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=8&item=1165&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=8&siri=107 Study Atthakatha :- https://84000.org/tipitaka/attha/attha.php?b=8&i=1165 Contents of The Tipitaka Volume 8 https://84000.org/tipitaka/read/?index_8 https://84000.org/tipitaka/english/?index_8
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]