PaliRoman Vol.8

[104] Acelakassa va paribbajakassa va paribbajikaya va sahattha khadaniyam va bhojaniyam va dentassa pacittiyam kattha pannattanti . vesaliya pannattam . kam arabbhati . ayasmantam anandam arabbha . kismim vatthusminti . ayasma anando annatarissa paribbajikaya ekam mannamano dve puve adasi tasmim vatthusmim . eka pannatti . channam apattisamutthananam dvihi samutthanehi samutthati (elakalomake) .pe. [105] Bhikkhum ehavuso gamam va nigamam va pindaya pavisissamati tassa dapetva va adapetva va uyyojentassa pacittiyam kattha pannattanti . savatthiya pannattam . kam arabbhati . ayasmantam upanandam sakyaputtam arabbha . kismim @Footnote: ¹ Po. Yu. aharesi. Ma. ahari. Vatthusminti . ayasma upanando sakyaputto bhikkhum ehavuso gamam pindaya pavisissamati tassa adapetva uyyojesi tasmim vatthusmim . eka pannatti . channam apattisamutthananam tihi samutthanehi samutthati .pe. [106] Sabhojane kule anupakhajja nisajjam kappentassa pacittiyam kattha pannattanti . savatthiya pannattam . kam arabbhati . Ayasmantam upanandam sakyaputtam arabbha . kismim vatthusminti . Ayasma upanando sakyaputto sabhojane kule anupakhajja nisajjam kappesi tasmim vatthusmim . eka pannatti . channam apattisamutthananam ekena samutthanena samutthati kayato ca cittato ca samutthati na vacato .pe. [107] Matugamena saddhim raho paticchanne asane nisajjam kappentassa pacittiyam kattha pannattanti . savatthiya pannattam . Kam arabbhati . ayasmantam upanandam sakyaputtam arabbha . Kismim vatthusminti . ayasma upanando sakyaputto matugamena saddhim raho paticchanne asane nisajjam kappesi tasmim vatthusmim . Eka pannatti . channam apattisamutthananam ekena samutthanena samutthati kayato ca cittato ca samutthati na vacato .pe. [108] Matugamena saddhim eko ekaya raho nisajjam kappentassa pacittiyam kattha pannattanti . savatthiya pannattam . kam Arabbhati . ayasmantam upanandam sakyaputtam arabbha . kismim vatthusminti . ayasma upanando sakyaputto matugamena saddhim eko ekaya raho nisajjam kappesi tasmim vatthusmim. Eka pannatti. Channam apattisamutthananam ekena samutthanena samutthati kayato ca cittato ca samutthati na vacato .pe. [109] Nimantitena sabhattena santam bhikkhum anapuccha purebhattam va ^1- pacchabhattam va ^1- kulesu carittam apajjantassa pacittiyam kattha pannattanti . rajagahe pannattam . kam arabbhati . ayasmantam upanandam sakyaputtam arabbha . kismim vatthusminti . ayasma upanando sakyaputto nimantito sabhatto samano purebhattam pacchabhattam kulesu carittam apajji tasmim vatthusmim . eka pannatti catasso anuppannattiyo . channam apattisamutthananam dvihi samutthanehi samutthati (kathinake) .pe. [110] Taduttarim bhesajjam vinnapentassa pacittiyam kattha pannattanti . sakkesu pannattam . kam arabbhati . chabbaggiye bhikkhu arabbha . kismim vatthusminti . chabbaggiya bhikkhu mahanamena sakkena ajjunho bhante agamethati vuccamana nagamesum tasmim vatthusmim . eka pannatti eka anuppannatti ^2- . Channam apattisamutthananam chahi samutthanehi samutthati .pe. [111] Uyyuttam senam dassanaya gacchantassa pacittiyam kattha @Footnote: ¹ Ma. Yu. vasaddadvayam natthi . ² Ma. Yu. ime dve patha natthi. Pannattanti . savatthiya pannattam . kam arabbhati . chabbaggiye bhikkhu arabbha . kismim vatthusminti . chabbaggiya bhikkhu uyyuttam senam dassanaya agamamsu tasmim vatthusmim . eka pannatti eka anuppannatti . channam apattisamutthananam dvihi samutthanehi samutthati (elakalomake) .pe. [112] Atirekatirattam senaya vasantassa pacittiyam kattha pannattanti . savatthiya pannattam . kam arabbhati . chabbaggiye bhikkhu arabbha . kismim vatthusminti . chabbaggiya bhikkhu atirekatirattam senaya vasimsu tasmim vatthusmim. Eka pannatti. Channam apattisamutthananam dvihi samutthanehi samutthati (elakalomake) .pe. [113] Uyyodhikam gacchantassa pacittiyam kattha pannattanti . Savatthiya pannattam . kam arabbhati . chabbaggiye bhikkhu arabbha. Kismim vatthusminti . chabbaggiya bhikkhu uyyodhikam agamamsu tasmim vatthusmim . eka pannatti . channam apattisamutthananam dvihi samutthanehi samutthati (elakalomake) .pe. Acelakavaggo pancamo. Tassuddanam [114] Acelakassa danena bhikkhuuyyojanena ca sabhojanam kulanceva dve ca raho nisidanam santam bhikkhunca bhesajjam uyyuttam dassanena ca Atirekatirattanceva uyyodhikagamanena cati. ------------

The Pali Tipitaka in Roman Character Volume 8 page 44-48. https://84000.org/tipitaka/read/roman_read.php?B=8&A=908&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=8&A=908&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=8&item=104&items=11 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=8&siri=11 Study Atthakatha :- https://84000.org/tipitaka/attha/attha.php?b=8&i=104 Contents of The Tipitaka Volume 8 https://84000.org/tipitaka/read/?index_8 https://84000.org/tipitaka/english/?index_8