ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 9 : PALI ROMAN Sutta Pitaka Vol 1 : Sutta. Tī. Sī

                     Kutadantasuttam pancamam
     [199]  Evamme  sutam. Ekam samayam bhagava magadhesu carikancaramano
mahata   bhikkhusamghena   saddhim   pancamattehi   bhikkhusatehi   yena  khanumattam
nama  magadhanam  brahmanagamo  tadavasari  .  tatra  sudam  bhagava khanumatte
viharati  ambalatthikayam  .  tena  kho  pana  samayena  kutadanto  brahmano
khanumattam    ajjhavasati   sattussadam   satinakatthodakam   sadhannam   rajabhoggam
ranna magadhena seniyena bimbisarena dinnam rajadayam brahmadeyyam.
     [200]   Tena   kho   pana   samayena   kutadantassa   brahmanassa
mahayanno   upakkhato   hoti   .   satta   ca   usabhasatani   satta  ca
vacchatarasatani   satta   ca   vacchatarisatani   satta   ca   ajasatani  satta
ca   urabbhasatani   thunupanitani   honti   yannatthaya   .   assosum  kho
khanumattaka   brahmanagahapatika   samano   khalu  bho  gotamo  sakyaputto
sakyakula    pabbajito   magadhesu   carikancaramano   mahata   bhikkhusamghena
saddhim    pancamattehi    bhikkhusatehi   khanumattam   anuppatto   khanumatte
viharati ambalatthikayam
     {200.1}  tam  kho  pana  bhavantam  gotamam  evamkalyano  kittisaddo
abbhuggato
     {200.2}   itipi  so  bhagava  araham  sammasambuddho  vijjacarana-
sampanno    sugato    lokavidu    anuttaro    purisadammasarathi   sattha
devamanussanam     buddho    bhagavati    so    imam    lokam    sadevakam
Samarakam      sabrahmakam      sassamanabrahmanim      pajam     sadevamanussam
sayam   abhinna   sacchikatva   pavedeti  so  dhammam  deseti  adikalyanam
majjhekalyanam    pariyosanakalyanam    sattham    sabyanjanam   kevalaparipunnam
parisuddham  brahmacariyam  pakaseti  sadhu  kho  pana  tatharupanam  arahatam dassanam
hotiti    .    athakho    khanumattaka    brahmanagahapatika   khanumatta
nikkhamitva samghasamghiganibhuta yena ambalatthika tenupasankamanti.
     [201]  Tena  kho  pana  samayena kutadanto brahmano uparipasade
divaseyyam   upagato  hoti  .  addasa  kho  so  kutadanto  brahmano
khanumatte   brahmanagahapatike   khanumatta   nikkhamitva   samghasamghiganibhute
yena    ambalatthika    tenupasankamante    disva    khattam   amantesi
kinnu   kho   bho   khatte   khanumattaka   brahmanagahapatika  khanumatta
nikkhamitva samghasamghiganibhuta yena ambalatthika tenupasankamantiti.
     {201.1} Atthi kho bho samano gotamo sakyaputto sakyakula pabbajito
magadhesu    carikancaramano    mahata   bhikkhusamghena   saddhim   pancamattehi
bhikkhusatehi khanumattam anuppatto khanumatte viharati ambalatthikayam
     {201.2} tam kho pana bhavantam gotamam evamkalyano kittisaddo abbhuggato
itipi   so   bhagava   araham   sammasambuddho  vijjacaranasampanno  sugato
lokavidu anuttaro purisadammasarathi sattha devamanussanam buddho bhagavati
     {201.3}  tamete  bhavantam  bho  gotamam  dassanaya upasankamantiti.
Athakho   kutadantassa   brahmanassa   etadahosi   sutam   kho   pana  metam
Samano    gotamo   tividham   yannasampadam   solasaparikkharam   janatiti   na
kho    panaham   janami   tividham   yannasampadam   solasaparikkharam   icchami
caham    mahayannam    yajitum    yannunaham   samanam   gotamam   upasankamitva
tividham yannasampadam solasaparikkharam puccheyyanti.
     {201.4}  Athakho  kutadanto  brahmano  khattam  amantesi  tenahi
bho    khatte    yena    khanumattaka   brahmanagahapatika   tenupasankama
upasankamitva   khanumattake   brahmanagahapatike   evam  vadehi  kutadanto
bho  brahmano  evamaha  agamentu  kira  bhavanto kutadantopi brahmano
samanam  gotamam  dassanaya  upasankamissatiti  .  evam  bhoti  kho  so khatta
kutadantassa  brahmanassa  patissutva  yena  khanumattaka  brahmanagahapatika
tenupasankami   upasankamitva   khanumattake   brahmanagahapatike  etadavoca
kutadanto  bho  brahmano  evamaha  agamentu  kira  bhavanto kutadantopi
brahmano samanam gotamam dassanaya upasankamissatiti.
     [202]  Tena  kho  pana samayena anekani brahmanasatani khanumatte
pativasanti    kutadantassa    brahmanassa   mahayannam   anubhavissamati  .
Assosum   kho  te  brahmana  kutadanto  kira  brahmano  samanam  gotamam
dassanaya    upasankamissatiti    .    athakho    te   brahmana   yena
kutadanto     brahmano     tenupasankamimsu     upasankamitva    kutadantam
brahmanam  etadavocum  saccam  kira  bhavam  kutadanto  samanam  gotamam  dassanaya
upasankamissatiti   .   evam   kho   me  bho  hoti  ahampi  samanam  gotamam
Dassanaya upasankamissamiti.
     {202.1}  Ma  bhavam  kutadanto  samanam  gotamam dassanaya upasankama na
arahati   bhavam   kutadanto  samanam  gotamam  dassanaya  upasankamitum  sace  bhavam
kutadanto   samanam   gotamam   dassanaya   upasankamissati  bhoto  kutadantassa
yaso   hayissati   samanassa   gotamassa  yaso  abhivaddhissati  yampi  bhoto
kutadantassa   yaso   hayissati   samanassa   gotamassa   yaso  abhivaddhissati
imina   cangena   na   arahati   bhavam  kutadanto  samanam  gotamam  dassanaya
upasankamitum   samano   tveva  gotamo  arahati  bhavantam  kutadantam  dassanaya
upasankamitum
     {202.2}  bhavam  hi  kutadanto  ubhato  sujato matito ca pitito ca
samsuddhagahaniko    yava   sattama   pitamahayuga   akkhitto   anupakkuttho
jativadena  yampi  bhavam  kutadanto  ubhato  sujato  matito  ca  pitito ca
samsuddhagahaniko    yava   sattama   pitamahayuga   akkhitto   anupakkuttho
jativadena   imina   cangena  na  arahati  bhavam  kutadanto  samanam  gotamam
dassanaya   upasankamitum   samano  tveva  gotamo  arahati  bhavantam  kutadantam
dassanaya upasankamitum
     {202.3}   bhavam   hi   kutadanto   addho   mahaddhano  mahabhogo
pahutavittupakarano    pahutajataruparajato    bhavanhi    kutadanto   ajjhayako
mantadharo   tinnam   vedanam   paragu   sanighanduketubhanam  sakkharappabhedanam
itihasapancamanam     padako    veyyakarano    lokayatamahapurisalakkhanesu
anavayo   bhavanhi   kutadanto   abhirupo   dassaniyo   pasadiko  paramaya
vannapokkharataya   samannagato   brahmavanni  brahmavacchasi  akkhuddavakaso
Dassanaya     bhavanhi     kutadanto     silava    vuddhasili    vuddhasilena
samannagato    bhavanhi    kutadanto    kalyanavaco    kalyanavakkarano
poriya    vacaya    samannagato   vissatthaya   anelagalaya   atthassa
vinnapaniya     bhavanhi    kutadanto    bahunam    acariyapacariyo    tini
manavakasatani   mante  vacesi  bahu  kho  pana  nanadisa  nanajanapada
manavaka   agacchanti   bhoto   kutadantassa  santike  mantatthika  mante
adhiyitukama   bhavanhi   kutadanto   jinno   vuddho   mahallako  addhagato
vayoanuppatto    samano   gotamo   taruno   ceva   tarunapabbajito   ca
bhavanhi   kutadanto   ranno   magadhassa   seniyassa  bimbisarassa  sakkato
garukato   manito   pujito   apacito   bhavanhi   kutadanto   brahmanassa
pokkharasatissa sakkato garukato manito pujito apacito
     {202.4}   bhavanhi   kutadanto   khanumattam   ajjhavasati  sattussadam
satinakatthodakam    sadhannam    rajabhoggam    ranna    magadhena   seniyena
bimbisarena    dinnam   rajadayam   brahmadeyyam   yampi   bhavam   kutadanto
khanumattam    ajjhavasati   sattussadam   satinakatthodakam   sadhannam   rajabhoggam
ranna   magadhena   seniyena  bimbisarena  dinnam  rajadayam  brahmadeyyam
imina   cangena   na   arahati   bhavam  kutadanto  samanam  gotamam  dassanaya
upasankamitum   samano   tveva  gotamo  arahati  bhavantam  kutadantam  dassanaya
upasankamitunti.
     [203]   Evam   vutte   kutadanto   brahmano  te  brahmane
etadavoca   tenahi   bho   mamapi   sunatha   yatha  mayameva  arahama  tam
Bhavantam   gotamam   dassanaya   upasankamitum   na   tveva  arahati  so  bhavam
gotamo amhakam dassanaya upasankamitum
     {203.1}  samano  khalu  bho  gotamo  ubhato  sujato  matito ca
pitito    ca   samsuddhagahaniko   yava   sattama   pitamahayuga   akkhitto
anupakkuttho   jativadena   yampi  bho  samano  gotamo  ubhato  sujato
matito   ca   pitito   ca   samsuddhagahaniko   yava  sattama  pitamahayuga
akkhitto   anupakkuttho   jativadena   imina  cangena  na  arahati  so
bhavam   gotamo   amhakam  dassanaya  upasankamitum  athakho  mayameva  arahama
tam  bhavantam  gotamam  dassanaya  upasankamitum  samano  khalu  bho gotamo mahantam
natisamgham ohaya pabbajito
     {203.2}  samano  khalu  bho  gotamo  pahutam  hirannasuvannam  ohaya
pabbajito  bhumigatanca  vehasatthanca  samano  khalu  bho  gotamo  daharo  va
samano   susu   kalakeso   bhadrena   yobbanena  samannagato  pathamena
vayasa   agarasma   anagariyam   pabbajito   samano   khalu  bho  gotamo
akamakanam   matapitunam   assumukhanam   rudantanam  kesamassum  oharetva
kasayani vatthani acchadetva agarasma anagariyam pabbajito
     {203.3}  samano  khalu  bho  gotamo  abhirupo dassaniyo pasadiko
paramaya    vannapokkharataya    samannagato    brahmavanni    brahmavacchasi
akkhuddavakaso    dassanaya    samano    khalu   bho   gotamo   silava
ariyasili   kusalasili   kusalasilena   samannagato  samano  khalu  bho  gotamo
kalyanavaco    kalyanavakkarano    poriya    vacaya    samannagato
Vissatthaya    anelagalaya   atthassa   vinnapaniya   samano   khalu   bho
gotamo  bahunam  acariyapacariyo  samano  khalu  bho  gotamo  khinakamarago
vigatacapallo
     {203.4}   samano   khalu   bho   gotamo   kammavadi   kiriyavadi
apapapurekkharo   brahmamannaya   pajaya   samano   khalu   bho  gotamo
uccakula   pabbajito   abhinnakhattiyakula   samano   khalu   bho   gotamo
addhakula   pabbajito   mahaddhana   mahabhoga   samanam   khalu  bho  gotamam
tirorattha   tirojanapada   sampucchitum   agacchanti  samanam  khalu  bho  gotamam
anekani   devatasahassani   panehi   saranangatani   samanam   khalu   bho
gotamam evamkalyano kittisaddo abbhuggato
     {203.5}  itipi  so bhagava araham sammasambuddho vijjacaranasampanno
sugato   lokavidu  anuttaro  purisadammasarathi  sattha  devamanussanam  buddho
bhagavati
     {203.6}   samano   khalu   bho  gotamo  dvattimsamahapurisalakkhanehi
samannagato  samano  khalu  bho  gotamo  ehisagatavadi  sakhilo sammodako
abbhakutiko   uttanamukho   pubbabhasi  samano  khalu  bho  gotamo  catunnam
parisanam  sakkato  garukato  manito  pujito  apacito  samanam khalu bho gotamam
bahu  deva  ca  manussa  ca  abhippasanna  samano  khalu  bho gotamo yasmim
game  va  nigame  va  pativasati  na tasmim game va nigame va amanussa
manusse    vihethenti   samano   khalu   bho   gotamo   samghiganiganacariyo
puthutitthakaranam    aggamakkhayati    yatha    kho    pana    bho   etesam
samanabrahmananam    yatha    va    tatha    va    yaso   samudagacchati
Na   hevam   samanassa   gotamassa   yaso   samudagato  athakho  anuttaraya
vijjacaranasampadaya    samanassa    gotamassa    yaso   samudagato   samanam
khalu   bho   gotamam   raja   magadho   seniyo   bimbisaro   saputto
sabhariyo   sapariso   samacco   panehi   saranangato   samanam   khalu  bho
gotamam   raja   pasenadikosalo   saputto   sabhariyo  sapariso  samacco
panehi   saranangato   samanam   khalu  bho  gotamam  brahmano  pokkharasati
saputto sabhariyo sapariso samacco panehi saranangato
     {203.7}  samano  khalu  bho  gotamo  ranno  magadhassa  seniyassa
bimbisarassa   sakkato   garukato   manito  pujito  apacito  samano  khalu
bho  gotamo  ranno  pasenadikosalassa  sakkato  garukato  manito  pujito
apacito    samano   khalu   bho   gotamo   brahmanassa   pokkharasatissa
sakkato   garukato   manito  pujito  apacito  samano  khalu  bho  gotamo
khanumattam   anuppatto   khanumatte   viharati   ambalatthikayam   ye   kho
pana  keci  samana  va  brahmana  va  amhakam  gamakkhettam agacchanti
atithino  te  honti  atithi  kho  pana  amhehi  sakkatabba  garukatabba
manetabba    pujetabba   apacetabba   ayam   kho   samano   gotamo
khanumattam   anuppatto   khanumatte  viharati  ambalatthikayam  atithi  amhakam
samano    gotamo   atithi   kho   panamhehi   sakkatabbo   garukatabbo
manetabbo   pujetabbo   apacetabbo  imina  cangena  na  arahati  so
bhavam   samano   gotamo   amhakam  dassanaya  upasankamitum  athakho  mayameva
Arahama   tam   bhavantam   gotamam   dassanaya   upasankamitum   ettake  kho
aham   bhoto   gotamassa   vanne   pariyapunami  no  ca  kho  so  bhavam
gotamo ettakavanno aparimanavanno hi so bhavam gotamoti.
     [204]   Evam   vutte   te   brahmana   kutadantam   brahmanam
etadavocum   yatha   kho   bhavam   kutadanto   samanassa   gotamassa   vannam
bhasati   ito   cepi   so   bhavam  gotamo  yojanasate  viharati  alameva
saddhena   kulaputtena  dassanaya  upasankamitum  api  putosenati  .  tenahi
bho sabbe va mayam samanam gotamam dassanaya upasankamissamati.
     {204.1}   Athakho   kutadanto  brahmano  mahata  brahmanaganena
saddhim  yena  ambalatthika  yena  bhagava tenupasankami upasankamitva bhagavata
saddhim   sammodi   sammodaniyam   katham   saraniyam   vitisaretva  ekamantam
nisidi   .   ekamantam  nisinna  kho  pana  khanumattaka  brahmanagahapatika
appekacce   bhagavantam   abhivadetva   ekamantam   nisidimsu   appekacce
bhagavata   saddhim   sammodimsu   sammodaniyam   katham   saraniyam  vitisaretva
ekamantam   nisidimsu   appekacce   yena   bhagava   tenanjalimpanametva
ekamantam   nisidimsu  appekacce  namagottam  savetva  ekamantam  nisidimsu
appekacce   tunhibhuta   ekamantam   nisidimsu  .  ekamantam  nisinno  kho
kutadanto   brahmano   bhagavantam   etadavoca   sutam   metam  bho  gotama
samano    gotamo   tividham   yannasampadam   solasaparikkharam   janatiti   na
kho   panaham   janami   tividham   yannasampadam   solasaparikkharam   icchamaham
Mahayannam    yajitum    sadhu    me   bhavam   gotamo   tividham   yannasampadam
solasaparikkharam desetuti.
     [205]  Tenahi  brahmana  sunahi  sadhukam manasikarohi bhasissamiti.
Evam   bhoti  kho  kutadanto  brahmano  bhagavato  paccassosi  .  bhagava
etadavoca   bhutapubbam  brahmana  raja  mahavijito  nama  ahosi  addho
mahaddhano   mahabhogo   pahutajataruparajato  pahutavittupakarano  pahutadhanadhanno
paripunnakosakotthagaro   .   athakho   brahmana   ranno   mahavijitassa
rahogatassa   patisallinassa   evam   cetaso  parivitakko  udapadi  adhigata
kho  me  vipula  manusaka  bhoga  mahantam pathavimandalam abhivijiya ajjhavasami
yannunaham  mahayannam  yajeyyam  yam  mama  assa  digharattam  hitaya sukhayati.
Athakho  brahmana  raja  mahavijito  purohitam  brahmanam  amantapetva
etadavoca  idha  mayham  brahmana  rahogatassa  patisallinassa  evam  cetaso
parivitakko  udapadi  adhigata  kho  me  vipula  manusaka  bhoga  mahantam
pathavimandalam   abhivijiya   ajjhavasami   yannunaham   mahayannam   yajeyyam  yam
mama   assa   digharattam   hitaya  sukhayati  icchamaham  brahmana  mahayannam
yajitum anusasatu mam bhavam yam mama assa digharattam hitaya sukhayati.
     [206]   Evam   vutte  brahmana  purohito  brahmano  rajanam
mahavijitam    etadavoca    bhoto    kho   ranno   janapado   sakantako
sauppilo   gamaghatapi   dissanti   nigamaghatapi   dissanti   nagaraghatapi
Dissanti   panthaduhanapi   dissanti   .   bhavam   kho   pana   raja  evam
sakantake   janapade   sauppile  valim  uddhareyya  akiccakari  assa  tena
bhavam   raja   .   siya   kho  pana  bhoto  ranno  evamassa  ahametam
dussukhilam  vadhena  va  bandhena  va  janiya  va garahaya va pabbajanaya
va   samuhanissamiti   .   na   kho  panetassa  dussukhilassa  evam  samma
samugghato   hoti   .   ye  te  hatavasesaka  bhavissanti  te  paccha
ranno   janapade   vihethessanti   .  apica  kho  idam  samvidhanam  agamma
evametassa   dussukhilassa   samma   samugghato   hoti   .  tenahi  bhavam
raja   siya   kho   pana   ye   bhoto   ranno   janapade  ussahanti
kasigorakkhe   tesam   bhavam   raja   vijabhattam   anuppadetu   ye  bhoto
ranno   janapade   ussahanti   vanijjaya   tesam   bhavam   raja  pabhatam
anuppadetu   ye   bhoto  ranno  janapade  ussahanti  rajaporisa  tesam
bhavam  raja  bhattavettanam  kappetu  te  va  manussa  sakammapasuta  ranno
janapadam   na   vihethessanti   .   maha   ca   ranno  kasiko  bhavissati
khematthita   janapada  akantaka  anuppila  manussa  ca  muda  modamana
ure   putte   naccenta   aparutaghara  manne  viharissantiti  .  evam
bhoti   kho   brahmana   raja   mahavijito   purohitassa   brahmanassa
patissutva   ye   pana   ranno   janapade   ussahimsu  kasigorakkhe  tesam
raja   mahavijito   bijabhattam  anuppadasi  ye  ranno  janapade  ussahimsu
vanijjaya   tesam   raja   mahavijito  pabhatam  anuppadasi  ye  ranno
Janapade   ussahimsu   rajaporisa   tesam  raja  mahavijito  bhattavettanam
kappesi  te  va  manussa  sakammapasuta  ranno  janapadam  na  vihethesum .
Maha   ca   ranno   rasiko   ahosi   khematthita   janapada  akantaka
anuppila    manussa    muda   modamana   ure   putte   naccenta
aparutaghara manne viharimsu.
     [207]   Athakho  brahmana  raja  mahavijito  purohitam  brahmanam
amantapetva   etadavoca   samuhato   kho   me  bho  so  dussukhilo
bhoto   samvidhanam   agamma  maha  ca  me  rasiko  khematthita  janapada
akantaka  anuppila  manussa  muda  modamana  ure  putte  naccenta
aparutaghara   manne   viharanti   icchamaham   brahmana   mahayannam  yajitum
anusasatu mam bhavam yam mama assa digharattam hitaya sukhayati.
     {207.1}  Tenahi  bhavam  ye bhoto ranno janapade khattiya anuyanta
negama  ceva  janapada  ca  te  bhavam  raja amantayatam. Icchamaham bho
mahayannam   yajitum   anujanantu   me   bhavanto   yam  mama  assa  digharattam
hitaya   sukhayati  .  ye  bhoto  ranno  janapade  amacca  parisajja
negama   ceva   janapada   ca   .pe.   brahmanamahasala   negama
ceva  janapada  ca  .pe.  gahapatika  necayika  negama  ceva janapada
ca   te   bhavam   raja  amantayatam  .  icchamaham  bho  mahayannam  yajitum
anujanantu   me  bhavanto  yam  mama  assa  digharattam  hitaya  sukhayati .
Evam   bhoti  kho  brahmana  raja  mahavijito  purohitassa  brahmanassa
Patissutva   ye   ranno   janapade   khattiya  anuyanta  negama  ceva
janapada   ca   te   raja   mahavijito   amantesi   icchamaham  bho
mahayannam   yajitum   anujanantu   me   bhavanto   yam  mama  assa  digharattam
hitaya  sukhayati  .  yajatam  bhavam  raja  yannam  yannakalo maharajati.
Ye  ranno  janapade  amacca  parisajja negama ceva janapada ca .pe.
Brahmanamahasala   negama   ceva   janapada   ca   .pe.  gahapatika
necayika  negama  ceva  janapada  ca  te  raja mahavijito amantesi
icchamaham  bho  mahayannam  yajitum  anujanantu  me  bhavanto  yam  mama  assa
digharattam   hitaya   sukhayati   .   yajatam  bhavam  raja  yannam  yannakalo
maharajati   .   iti   ime  cattaro  anumatipakkha  tasseva  yannassa
parikkhara bhavanti.
     [208]   Raja  mahavijito  atthahi  angehi  samannagato  ubhato
sujato  matito  ca  pitito  ca  samsuddhagahaniko  yava sattama pitamahayuga
akkhitto    anupakkuttho    jativadena    abhirupo   dassaniyo   .pe.
Akkhuddavakaso      dassanaya     addho     mahaddhano     mahabhogo
pahutajataruparajato            pahutavittupakarano           pahutadhanadhanno
paripunnakosakotthagaro       balava       caturanginiya       senaya
samannagato      assavaya      ovadapatikaraya     tapati     manne
paccatthike    yasasa    saddho    dayako   danapatiko   anavatadvaro
samanabrahmanakapanaddhikavanibbakayacakanam opanabhuto
punnani    karoti    bahussuto    tassa    tassa    sutajatassa    tassa
Tasseva   kho   pana   bhasitassa   attham  janati  ayam  imassa  bhasitassa
attho   ayam   imassa   bhasitassa   atthoti   pandito  viyatto  medhavi
patibalo   atitanagatapaccuppanne  atthe  cintetum  .  raja  mahavijito
imehi   atthahi   angehi   samannagato   .   iti  imanipi  atthangani
tasseva yannassa parikkhara bhavanti.
     [209]   Purohito   brahmano   catuhangehi  samannagato  ubhato
sujato  matito  ca  pitito  ca  samsuddhagahaniko  yava sattama pitamahayuga
akkhitto  anupakkuttho  jativadena  ajjhayako  mantadharo  tinnam  vedanam
paragu      sanighanduketubhanam      sakkharappabhedanam     itihasapancamanam
padako    veyyakarano    lokayatamahapurisalakkhanesu    anavayo   silava
vuddhasili   vuddhasilena   samannagato   pandito   byatto  medhavi  pathamo
va   dutiyo   va   pujampagganhantanam  .  purohito  brahmano  imehi
catuhi  angehi  samannagato  .  iti  imanipi  cattari  angani  tasseva
yannassa parikkhara bhavanti.
     [210]    Athakho    brahmana    purohito   brahmano   ranno
mahavijitassa   pubbe   va   yanna   tisso   vidha  desesi  siya  kho
pana   bhoto   ranno  mahayannam  yajamanassa  1-  kocideva  vippatisaro
maha    vata   me   bhogakkhandho   vigacchissatiti   so   bhota   ranna
vippatisaro    na   karaniyo   .   siya   kho   pana   bhoto   ranno
@Footnote: 1 Si. yitthukamassa.
Mahayannam    yajamanassa    kocideva    vippatisaro   maha   vata   me
bhogakkhandho    vigacchatiti    so    bhota    ranna   vippatisaro   na
karaniyo   .   siya   kho   pana   bhoto  ranno  mahayannam  yajamanassa
kocideva   vippatisaro   maha   vata   me   bhogakkhandho  vigatoti  so
bhota   ranna   vippatisaro   na   karaniyo   .  ime  1-  brahmana
purohito    brahmano    ranno    mahavijitassa   pubbe   va   yanna
tisso vidha desesi.
     [211]    Athakho    brahmana    purohito   brahmano   ranno
mahavijitassa    pubbe    va    yanna    dasahakarehi    patiggahakesu
vippatisaram  pativinesi  .  agamissanti  kho  bhoto  yannam panatipatinopi
panatipatapi   pativirata   .   ye   tattha   panatipatino  tesamyeva
ye   tattha   panatipatino   tesamyeva  tena  ye  tattha  panatipata
pativirata   te  arabbha  yajatam  bhavam  sajjatam  bhavam  modatam  bhavam  cittameva
bhavam antaram pasadetu.
     [212]    Agamissanti    kho   bhoto   yannam   adinnadayinopi
adinnadanapi   pativirata   ye   tattha  adinnadayino  tesamyeva  tena
ye  tattha  adinnadana  pativirata  te  arabbha  yajatam  bhavam  sajjatam bhavam
modatam bhavam cittameva bhavam antaram pasadetu.
     [213]   Agamissanti  kho  bhoto  yannam  kamesu  micchacarinopi
@Footnote: 1 ima khotipi pathena bhavitabbam.
Kamesu   micchacarapi   pativirata   ye   tattha  kamesu  micchacarino
tesamyeva   tena   ye   tattha   kamesu   micchacara   pativirata  te
arabbha   yajatam   bhavam   sajjatam  bhavam  modatam  bhavam  cittameva  bhavam  antaram
pasadetu.
     [214]  Agamissanti  kho  bhoto  yannam  musavadinopi  musavada
pativiratapi  ye  tattha  musavadino  tesamyeva  tena  ye tattha musavada
pativirata   te  arabbha  yajatam  bhavam  sajjatam  bhavam  modatam  bhavam  cittameva
bhavam antaram pasadetu.
     [215]   Agamissanti   kho  bhoto  yannam  pisunavacinopi  pisunaya
vacaya  pativiratapi  ye  tattha  pisunavacino  tesamyeva  tena  ye  tattha
pisunaya   vacaya   pativirata   te   arabbha   yajatam  bhavam  sajjatam  bhavam
modatam bhavam cittameva bhavam antaram pasadetu.
     [216]   Agamissanti   kho  bhoto  yannam  pharusavacinopi  pharusaya
vacaya  pativiratapi  ye  tattha  pharusavacino  tesamyeva  tena  ye  tattha
pharusavacaya   pativirata   te   arabbha  yajatam  bhavam  sajjatam  bhavam  modatam
bhavam cittameva bhavam antaram pasadetu.
     [217]    Agamissanti    kho   bhoto   yannam   samphappalapinopi
samphappalapa   pativiratapi   ye   tattha  samphappalapino  tesamyeva  tena
ye   tattha   samphappalapa   pativirata  te  arabbha  yajatam  bhavam  sajjatam
bhavam modatam bhavam cittameva bhavam antaram pasadetu.
     [218]    Agamissanti    kho    bhoto    yannam   abhijjhalunopi
anabhijjhalunopi   ye   tattha   abhijjhaluno   tesamyeva  tena  ye  tattha
anabhijjhaluno   te   arabbha   yajatam   bhavam   sajjatam   bhavam  modatam  bhavam
cittameva bhavam antaram pasadetu.
     [219]    Agamissanti    kho   bhoto   yannam   byapannacittapi
abyapannacittapi   ye   tattha   byapannacittapi   tesamyeva  tena  ye
tattha   abyapannacitta   te   arabbha  yajatam  bhavam  sajjatam  bhavam  modatam
bhavam cittameva bhavam antaram pasadetu.
     [220]    Agamissanti    kho    bhoto   yannam   micchaditthikapi
sammaditthikapi   ye   tattha   micchaditthika  tesamyeva  tena  ye  tattha
sammaditthika   te   arabbha   yajatam   bhavam   sajjatam   bhavam  modatam  bhavam
cittameva   bhavam  antaram  pasadetuti  .  imehi  kho  brahmana  purohito
brahmano   ranno   mahavijitassa   pubbe   va   yanna   dasahakarehi
patiggahakesu vippatisaram pativinesi.
     [221]    Athakho    brahmana    purohito   brahmano   ranno
mahavijitassa    mahayannam    yajamanassa    solasahi    akarehi   cittam
sandassesi   samadapesi  samuttejesi  sampahamsesi  siya  kho  pana  bhoto
ranno   mahayannam  yajamanassa  kocideva  vatta  raja  kho  mahavijito
mahayannam   yajati   no   ca   khvassa   amantita   khattiya   anuyanta
negama  ceva  janapada  ca  atha  ca  pana  bhavam  raja evarupam mahayannam
Yajatiti   .   evampi   kho   bhoto   ranno  vatta  dhammato  natthi .
Bhoto   kho   pana   ranno   amantita   khattiya   anuyanta  negama
ceva  janapada  ca  iminapetam  bhavam  raja  janatu  yajatam  bhavam  sajjatam
bhavam modatam bhavam cittameva bhavam antaram pasadetu.
     [222]   Siya   kho   pana  bhoto  ranno  mahayannam  yajamanassa
kocideva   vatta   raja   kho   mahavijito  mahayannam  yajati  no  ca
khvassa   amantita   amacca   parisajja  negama  ceva  janapada  ca
.pe.  brahmanamahasala  negama  ceva  janapada  ca. Gahapatinecayika
negama   ceva   janapada   ca   atha   ca   pana  bhavam  raja  evarupam
mahayannam   yajatiti   .   evampi   kho   bhoto  ranno  vatta  dhammato
natthi   .  bhoto  kho  pana  ranno  amantita  gahapatinecayika  negama
ceva   janapada   ca   .  iminapetam  bhavam  raja  janatu  yajatam  bhavam
sajjatam bhavam modatam bhavam cittameva bhavam antaram pasadetu.
     [223]   Siya   kho   pana  bhoto  ranno  mahayannam  yajamanassa
kocideva   vatta   raja   kho   mahavijito  mahayannam  yajati  no  ca
kho   ubhato   sujato   matito   ca   pitito  ca  samsuddhagahaniko  yava
sattama   pitamahayuga   akkhitto   anupakkuttho   jativadena   atha  ca
pana   bhavam   raja  evarupam  mahayannam  yajatiti  .  evampi  kho  bhoto
ranno   vatta   dhammato   natthi   .   bhavam   kho  pana  raja  ubhato
sujato    matito   ca   pitito   ca   samsuddhagahaniko   yava   sattama
Pitamahayuga   akkhitto   anupakkuttho   jativadena  .  iminapetam  bhavam
raja   janatu   yajatam   bhavam  sajjatam  bhavam  modatam  bhavam  cittameva  bhavam
antaram pasadetu.
     [224]   Siya   kho   pana  bhoto  ranno  mahayannam  yajamanassa
kocideva  vatta  raja  kho  mahavijito  mahayannam  yajati  no  ca  kho
abhirupo   dassaniyo   pasadiko   paramaya  vannapokkharataya  samannagato
brahmavanni   brahmavacchasi   akkhuddavakaso   dassanaya   .pe.  no  ca
kho   addho   mahaddhano   mahabhogo  pahutajataruparajato  pahutavittupakarano
pahutadhanadhanno   paripunnakosakotthagaro   .pe.   no   ca  kho  balava
caturanginiya   senaya   samannagato   assavaya  ovadapatikaraya  tapati
manne  paccatthike yasasa no ca kho saddho  dayako danapati anavatadvaro
samanabrahmanakapanaddhikavanibbakayacakanam        opanabhuto        punnani
karoti  no  ca kho bahussuto tassa tassa sutajatassa no ca kho tassa tasseva
kho   pana  bhasitassa  attham  janati  ayam  imassa  bhasitassa  attho  ayam
imassa  bhasitassa  atthoti  no  ca  kho  pandito viyatto medhavi patibalo
atitanagatapaccuppanne   atthe   cintetum   atha   ca   pana  bhavam  raja
evarupam  mahayannam  yajatiti  .  evampi  kho  bhoto  ranno vatta dhammato
natthi   .    bhavam  kho  pana  raja  pandito  viyatto  medhavi  patibalo
atitanagatapaccuppanne    atthe    cintetum   iminapetam   bhavam   raja
Janatu    yajatam   bhavam   sajjatam   bhavam   modatam   bhavam   cittameva   bhavam
antaram pasadetu.
     [225]   Siya   kho   pana  bhoto  ranno  mahayannam  yajamanassa
kocideva   vatta   raja   kho   mahavijito  mahayannam  yajati  no  ca
khvassa   purohito   brahmano   ubhato   sujato   matito  ca  pitito
ca   samsuddhagahaniko   yava   sattama  pitamahayuga  akkhitto  anupakkuttho
jativadena   atha   ca  pana  bhavam  raja  evarupam  mahayannam  yajatiti .
Evampi   kho   bhoto   ranno   vatta  dhammato  natthi  .  bhoto  kho
pana   ranno   purohito   brahmano   ubhato   sujato   matito   ca
pitito    ca   samsuddhagahaniko   yava   sattama   pitamahayuga   akkhitto
anupakkuttho   jativadena   iminapetam  bhavam  raja  janatu  yajatam  bhavam
sajjatam bhavam modatam bhavam cittameva bhavam antaram pasadetu.
     [226]   Siya   kho   pana  bhoto  ranno  mahayannam  yajamanassa
kocideva   vatta   raja   kho   mahavijito  mahayannam  yajati  no  ca
khvassa   purohito   brahmano   ajjhayako   mantadharo   tinnam  vedanam
paragu    sanighanduketubhanam   sakkharappabhedanam   itihasapancamanam   padako
veyyakarano    lokayatamahapurisalakkhanesu   anavayo   no   ca   khvassa
purohito    brahmano    silava    vuddhasili   vuddhasilena   samannagato
no   ca   khvassa   purohito   brahmano   pandito   viyatto  medhavi
pathamo   va   dutiyo   va   pujam   pagganhantanam   atha   ca  pana  bhavam
Raja   evarupam   mahayannam   yajatiti  .  evampi  bhoto  ranno  vatta
dhammato   natthi   .   bhoto   kho   pana  ranno  purohito  brahmano
pandito   viyatto  medhavi  pathamo  va  dutiyo  va  pujam  pagganhantanam
iminapetam   bhavam   raja  janatu  yajatam  bhavam  sajjatam  bhavam  modatam  bhavam
cittameva   bhavam  antaram  pasadetuti  .  imehi  kho  brahmana  purohito
brahmano    ranno    mahavijitassa    mahayannam   yajamanassa   solasahi
akarehi cittam sandassesi samadapesi samuttejesi sampahamsesi.
     [227]   Tasmim  kho  pana  brahmana  yanne  neva  gavo  hannimsu
na   ajelaka   hannimsu   na   kukkutasukara   hannimsu   na  vividha  pana
samghatam   apajjimsu  na  rukkha  chindimsu  1-  yupatthaya  na  dabba  layimsu
parihimsatthaya  .  yepissa  ahesum  dasati  va  pessati  va kammakarati
va   tepi   na   dandatajjita  na  bhayatajjita  na  assumukha  rodamana
parikammani   akamsu   .  athakho  ye  icchimsu  te  akamsu  ye  na  icchimsu
na  te   akamsu  .  yam  icchimsu  tam  akamsu  yam  na  icchimsu  na  tam akamsu.
Sappitelanavanitadadhimadhuphanitena ceva so yanno nitthanamagamasi.
     [228]   Athakho   brahmana   khattiya   anuyanta  negama  ceva
janapada   ca  .  amacca  parisajja  negama  ceva  janapada  ca .
Brahmanamahasala   negama   ceva   janapada   ca  .  gahapatinecayika
@Footnote: 1 chijjimsuti va patho.
Negama   ceva   janapada   ca   pahutam   sapateyyam   adaya  rajanam
mahavijitam   upasankamitva   evamahamsu  idam  te  deva  pahutam  sapateyyam
devamyeva   uddissa   abhatam   tam   devo   patigganhatuti  .  alam  bho
mamapi   idam   pahutam   sapateyyam   dhammikena   balina   abhisamkhatam   tanca
vo   hotu   ito   ca   bhiyyo   harathati  .  te  ranna  patikkhitta
ekamantam   apakkamma   evam  samacintesum  na  kho  etam  amhakam  patirupam
yam   mayam  imani  sapateyyani  punadeva  sakani  gharani  patigganheyyama
raja   kho   mahavijito   mahayannam   yajati   handassa  mayam  anuyagino
homati.
     [229]   Athakho   brahmana   puratthimena   yannavatassa   khattiya
anuyanta  negama  ceva  janapada  ca  danani  patthapesum  .  dakkhinena
yannavatassa   amacca  parisajja  negama  ceva  janapada  ca  danani
patthapesum    .   pacchimena   yannavatassa   brahmanamahasala   negama
ceva   janapada   ca   danani   patthapesum   .  uttarena  yannavatassa
gahapatinecayika   negama   ceva   janapada   ca  danani  patthapesum .
Tesupi   kho   brahmana   yannesu   neva  gavo  hannimsu  na  ajelaka
hannimsu    na    kukkutasukara    hannimsu    na   vividha   pana   samghatam
apajjimsu  na  rukkha  chindimsu  yupatthaya  na  dabba  layimsu parihimsatthaya.
Ye    nesam    ahesum    dasati   va   pessati   va   kammakarati
va   tepi   na   dandatajjita  na  bhayatajjita  na  assumukha  rodamana
Parikammani   akamsu   .  athakho  ye  icchimsu  te  akamsu  ye  na  icchimsu
na  te  akamsu  .  yam  icchimsu  tam  akamsu  yam  na  icchimsu  tam  na  akamsu.
Sappitelanavanitadadhimadhuphanitena   ceva   so   yanno   nitthanamagamasi  .
Iti   cattaro   ca   anumatipakkha   raja  mahavijito  atthahi  angehi
samannagato   purohito   brahmano   catuhangehi   samannagato   tisso
vidha ayam vuccati brahmana tividha yannasampada solasaparikkharati.
     [230]   Evam   vutte  te  brahmana  unnadino  uccasadda
mahasadda   ahesum   aho   yanno   aho  yannasampadati  .  kutadanto
pana   brahmano   tunhibhuto   va   nisinno   hoti   .   athakho   te
brahmana   kutadantam   brahmanam  etadovacum  kasma  pana  bhavam  kutadanto
samanassa   gotamassa   subhasitam   subhasitato   nabbhanumodatiti   .   naham
bho    samanassa    gotamassa   subhasitam   subhasitato   na   abbhanumodami
muddhapi   tassa   nippateyya   1-   yo   samanassa   gotamassa  subhasitam
subhasitato   na   abbhanumodeyya   apica  me  bho  evam  hoti  samano
gotamo   evamaha  evam  me  sutanti  va  evam  arahati  bhavitunti  va
apica   samano   gotamo   evam   tada   asi  ittham  tada  asitveva
bhasati   tassa   mayham   bho  evam  hoti  addha  samano  gotamo  tena
samayena   raja   hoti  mahavijito  yannasami  purohito  tassa  yannassa
yajetati   abhijanati   pana   bhavam   gotamo   evarupam  yannam  yajitva
@Footnote: 1 Si. vipateyya.
Va   yajetva   va  kayassa  bheda  param  marana  sugatim  saggam  lokam
uppajjitati   .   abhijanamaham   brahmana   evarupam   yannam   yajitva
ca   yajetva   ca   kayassa   bheda  param  marana  sugatim  saggam  lokam
upapajjitati   aham   tena   samayena   brahmana   purohito   brahmano
ahosim tassa yannassa yajetati.
     [231]   Atthi  pana  bho  gotama  anno  yanno  imaya  tividhaya
yannasampadaya    solasaparikkharaya   appatthataro   ca   appasamarambhataro
ca   mahapphalataro   ca   mahanisamsataro  cati  .  atthi  brahmana  anno
yanno   imaya   tividhaya   yannasampadaya  solasaparikkharaya  appatthataro
ca appasamarambhataro ca mahapphalataro ca mahanisamsataro cati.
     {231.1}  Katamo  pana  bho  gotama  so  yanno  imaya  tividhaya
yannasampadaya    solasaparikkharaya   appatthataro   ca   appasamarambhataro
ca  mahapphalataro  ca  mahanisamsataro  cati  .  yani  kho  tani  brahmana
niccadanani    anukulayannani    silavante   pabbajite   uddissa   diyanti
ayam   kho   pana   brahmana   yanno   imaya   tividhaya   yannasampadaya
solasaparikkharaya   appatthataro   ca   appasamarambhataro  ca  mahapphalataro
ca  mahanisamsataro  cati  .  ko  nu  kho  bho  gotama  hetu ko paccayo
yenatam   1-   niccadanam   anukulayannam   imaya   tividhaya   yannasampadaya
solasaparikkharaya    appatthataranca    appasamarambhataranca    mahapphalataranca
@Footnote: 1 yenetanti va patho.
Mahanisamsatarancati   .   na   kho  brahmana  evarupam  yannam  upasankamanti
arahanto    va    arahattamaggam   va   samapanna   tam   kissa   hetu
dissanti    hettha    brahmana    dandappaharapi    galaggahapi   tasma
evarupam   yannam   na   upasankamanti   arahanto   va   arahattamaggam  va
samapanna   yani  kho  pana  tani  brahmana  niccadanani  anukulayannani
silavante   pabbajite   uddissa   diyanti   evarupam   kho  pana  brahmana
yannam    upasankamanti   arahanto   va   arahattamaggam   va   samapanna
tam    kissa   hetu   na   hettha   brahmana   dissanti   dandappaharapi
galaggahapi    tasma    evarupam   yannam   upasankamanti   arahanto   va
arahattamaggam   va   samapanna  ayam  kho  brahmana  hetu  ayam  paccayo
yenatam    niccadanam    anukulayannam    imaya    tividhaya    yannasampadaya
solasaparikkharaya           appatthataranca          appasamarambhataranca
mahapphalataranca mahanisamsatarancati.
     [232]   Atthi   pana   bho   gotama   anno  yanno  imaya  ca
tividhaya    yannasampadaya   solasaparikkharaya   imina   ca   niccadanena
anukulayannena    appatthataro   ca   appasamarambhataro   ca   mahapphalataro
ca   mahanisamsataro   cati   .   atthi   kho   brahmana  anno  yanno
imaya   ca   tividhaya   yannasampadaya   .pe.   katamo   pana  so  bho
gotama   anno   yanno   imaya   ca   tividhaya   yannasampadaya  .pe.
Yo   kho   brahmana   catuddisam   samgham  uddissa  viharam  karoti  ayanca
Kho    brahmana    yanno    imaya    ca    tividhaya    yannasampadaya
solasaparikkharaya      imina     ca     niccadanena     anukulayannena
appatthataro   ca   appasamarambhataro   ca  mahapphalataro  ca  mahanisamsataro
cati.
     [233]   Atthi   pana   bho   gotama   anno  yanno  imaya  ca
tividhaya    .pe.   mahanisamsataro   cati   .   atthi   kho   brahmana
anno    yanno   .pe.   katamo   pana   so   bho   gotama   anno
yanno    .pe.    yo   kho   brahmana   pasannacitto   buddham   saranam
gacchati   dhammam   saranam   gacchati   samgham  saranam  gacchati  ayam  kho  brahmana
yanno   imaya   ca   tividhaya   yannasampadaya  solasaparikkharaya  imina
ca   niccadanena   anukulayannena   imina  ca  viharadanena  appatthataro
ca appasamarambhataro ca mahapphalataro ca mahanisamsataro cati.
     [234]   Atthi   pana   bho   gotama   anno  yanno  imaya  ca
tividhaya    yannasampadaya   solasaparikkharaya   imina   ca   niccadanena
anukulayannena    .pe.    appatthataro    ca    appasamarambhataro    ca
mahapphalataro   ca   mahanisamsataro  cati  .  atthi  kho  brahmana  anno
yanno  imaya  ca  tividhaya  .pe.  katamo  pana  so  bho  gotama anno
yanno   imaya   ca   tividhaya  .pe.  yo  kho  brahmana  pasannacitto
sikkhapadani     samadiyati     panatipata    veramani    adinnadana
veramani    kamesu    micchacara    veramani    musavada    veramani
suramerayamajjapamadatthana      veramani     ayam     kho     brahmana
Yanno    imaya    ca    tividhaya    yannasampadaya    solasaparikkharaya
imina    ca    niccadanena   anukulayannena   .pe.   appatthataro   ca
appasamarambhataro ca mahapphalataro ca mahanisamsataro cati.
     [235]   Atthi   pana   bho   gotama   anno  yanno  imaya  ca
tividhaya    yannasampadaya   solasaparikkharaya   imina   ca   niccadanena
anukulayannena   .pe.   atthi   kho   brahmana   anno  yanno  imaya
ca   tividhaya   yannasampadaya   solasaparikkharaya  imina  ca  niccadanena
anukulayannena   imina  ca  viharadanena  imehi  ca  saranagamanehi  imehi
ca   sikkhapadehi   appatthataro   ca   appasamarambhataro  ca  mahapphalataro
ca mahanisamsataro cati.
     {235.1}   Katamo  pana  so  bho  gotama  anno  yanno  imaya
ca   tividhaya   yannasampadaya   .pe.  appatthataro  ca  appasamarambhataro
ca   mahapphalataro   ca  mahanisamsataro  cati  .  idha  brahmana  tathagato
loke   uppajjati   araham   sammasambuddho   .pe.  (yatha  samannaphale
evam  sabbam  vittharetabbam)  .pe.  evam  kho brahmana bhikkhu silasampanno
hoti  .  pathamam  jhanam  upasampajja  viharati  .  ayam  kho  brahmana yanno
purimehi   yannehi   appatthataro   ca  appasamarambhataro  ca  mahapphalataro
ca  mahanisamsataro  ca  .  dutiyam  jhanam  .  tatiyam  jhanam  .  catuttham  jhanam
upasampajja    viharati    .   ayampi   kho   brahmana   yanno   purimehi
yannehi    appatthataro   ca   appasamarambhataro   ca   mahapphalataro   ca
Mahanisamsataro   ca   .   nanadassanaya   cittam   abhiniharati  abhininnameti
khina   jati   vusitam   brahmacariyam   katam   karaniyam   naparam  itthattayati
pajanati    .    ayam    kho   brahmana   yanno   purimehi   yannehi
appatthataro   ca   appasamarambhataro   ca  mahapphalataro  ca  mahanisamsataro
ca    imaya    ca    brahmana    yannasampadaya   anna   yannasampada
uttaritara va panitatara va natthiti.
     [236]   Evam  vutte  kutadanto  brahmano  bhagavantam  etadavoca
abhikkantam   bho   gotama  abhikkantam  bho  gotama  seyyathapi  bho  gotama
nikkujjitam   va   ukkujjeyya   paticchannam   va  vivareyya  mulhassa  va
maggam   acikkheyya   andhakare  va  telapajjotam  dhareyya  cakkhumanto
rupani   dakkhantiti   evameva  bhota  gotamena  anekapariyayena  dhammo
pakasito   esaham   bhavantam  gotamam  saranam  gacchami  dhammanca  bhikkhusamghanca
upasakam   mam   bhavam   gotamo   dharetu  ajjatagge  panupetam  saranangatam
esaham  bho  gotama  satta  ca  usabhasatani  satta  ca  vacchatarasatani satta
ca  vacchatarisatani  satta  ca  ajasatani  satta  ca  urabbhasatani muncami 1-
jivitam  demi  haritani  ceva  tinani  khadantu  sitani  ca  paniyani pivantu
sito nesam vato upavayatuti.
     [237]   Athakho   bhagava   kutadantassa   brahmanassa   anupubbikatham
kathesi   seyyathidam   danakatham  silakatham  saggakatham  kamanam  adinavam  okaram
@Footnote: 1 Si. muncapemi.
Sankilesam   nikkhame   1-  anisamsam  pakasesi  .  yada  bhagava  annasi
kutadantam    brahmanam    kallacittam   muducittam   vinivaranacittam   udaggacittam
pasannacittam   atha   ya  buddhanam  samukkamsika  dhammadesana  tam  pakasesi
dukkham   samudayam   nirodham   maggam   .   seyyathapi   nama   suddham   vattham
apagatakalakam    sammadeva   rajanam   patigganheyya   evameva   kutadantassa
brahmanassa   tasmimyeva   asane   virajam   vitamalam   dhammacakkhum   udapadi
yam   kinci   samudayadhammam   sabbantam   nirodhadhammanti   .  athakho  kutadanto
brahmano    ditthadhammo    pattadhammo    viditadhammo   pariyogalhadhammo
tinnavicikiccho   vigatakathamkatho  vesarajjappatto  aparappaccayo  satthusasane
bhavantam   etadavoca   adhivasetu   me   bhavam  gotamo  svatanaya  bhattam
saddhim   bhikkhusamghenati   .   adhivasesi   bhagava  tunhibhavena  .  athakho
kutadanto    brahmano    bhagavato   adhivasanam   viditva   utthayasana
bhagavantam abhivadetva padakkhinam katva pakkami.
     [238]   Athakho  kutadanto  brahmano  tassa  rattiya  accayena
sake    yannavate   panitam   khadaniyabhojaniyam   patiyadapetva   bhagavato
kalam   arocapesi   kalo   bho  gotama  nitthitam  bhattanti  .  athakho
bhagava      pubbanhasamayam     nivasetva     pattacivaramadaya     saddhim
bhikkhusamghena   yena   kutadantassa   brahmanassa   yannavato   tenupasankami
upasankamitva    pannatte    asane    nisidi   .   athakho   kutadanto
@Footnote: 1 nekkhammetipi pathena bhavitabbam.
Brahmano    buddhappamukham    bhikkhusamgham   panitena   khadaniyena   bhojaniyena
sahattha   santappesi   sampavaresi   .   athakho   kutadanto  brahmano
bhagavantam   bhuttavim   onitapattapanim   annataram   nicam   asanam   gahetva
ekamantam   nisidi   .  ekamantam  nisinnam  kho  kutadantam  brahmanam  bhagava
dhammiya  kathaya  sandassetva  samadapetva  samuttejetva sampahamsetva
utthayasana pakkamiti.
                 Kutadantasuttam pancamam nitthitam.
                      -----------



             The Pali Tipitaka in Roman Character Volume 9 page 162-191. https://84000.org/tipitaka/read/roman_read.php?B=9&A=3227&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=9&A=3227&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=9&item=199&items=40              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=9&siri=5              Study Atthakatha :- https://84000.org/tipitaka/attha/attha.php?b=9&i=199              The Pali Atthakatha in Thai :- https://84000.org/tipitaka/atthapali/read_th.php?B=4&A=6929              The Pali Atthakatha in Roman :- https://84000.org/tipitaka/atthapali/read_rm.php?B=4&A=6929              Contents of The Tipitaka Volume 9 https://84000.org/tipitaka/read/?index_9 https://84000.org/tipitaka/english/?index_9

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]