ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 9 : PALI ROMAN Sutta Pitaka Vol 1 : Sutta. Tī. Sī

                    Potthapadasuttam navamam
     [275]  Evamme  sutam  .  ekam  samayam  bhagava  savatthiyam  viharati
jetavane  anathapindikassarame  .  tena  kho  pana  samayena potthapado
paribbajako   samayappavadake   tindukacire   ekasarike   mallikarame
pativasati  mahatiya  paribbajakaparisaya  saddhim  timsamattehi  paribbajakasatehi.
Athakho   bhagava   pubbanhasamayam   nivasetva   pattacivaramadaya  savatthiyam
pindaya   pavisi   .  athakho  bhagavato  etadahosi  atippago  kho  tava
savatthiyam   pindaya   caritum  yannunaham  yena  samayappavadako  tindukaciro
ekasaliko mallikaramo yena potthapado paribbajako tenupasankameyyanti.
Athakho  bhagava  yena  samayappavadako tindukaciro ekasaliko mallikaramo
tenupasankami.
     [276]  Tena  kho  pana  samayena  potthapado paribbajako mahatiya
paribbajakaparisaya  saddhim  nisinno  hoti  unnadiniya uccasaddamahasaddaya
anekavihitam   tiracchanakatham  kathentiya  .  seyyathidam  .  rajakatham  corakatham
mahamattakatham     senakatham     bhayakatham    yuddhakatham    annakatham    panakatham
vatthakatham    sayanakatham   malakatham   gandhakatham   natikatham   yanakatham   gamakatham
nigamakatham   nagarakatham   janapadakatham   itthikatham   purisakatham   surakatham   visikhakatham
kumbhatthanakatham    pubbapetakatham    nanattakatham   lokakkhayikam   samuddakkhayikam
itibhavabhavakatham   iti   va   .   addasa  kho  potthapado  paribbajako
Bhagavantam    durato    va    agacchantam    disvana   sakaparisam   santhapesi
appasadda   bhonto   hontu   ma   bhonto   saddamakattha  ayam  samano
gotamo   agacchati   appasaddakamo   kho  panayasma  so  appasaddassa
vannavadi    appevanama    appasaddam    parisam   viditva   upasankamitabbam
manneyyati. Evam vutte te paribbajaka tunhi ahesum.
     [277]  Athakho  bhagava yena potthapado paribbajako tenupasankami.
Athakho  potthapado  paribbajako  bhagavantam  etadavoca  etu  kho  bhante
bhagava   svagatam   bhante   bhagavato   cirassam   kho  bhante  bhagava  imam
pariyayamakasi   yadidam   idhagamanaya   nisidatu   bhante   bhagava  idamasanam
pannattanti   .   nisidi   bhagava   pannatte   asane  .  potthapadopi
kho   paribbajako   annataram  nicam  asanam  gahetva  ekamantam  nisidi .
Ekamantam   nisinnam   kho   potthapadam   paribbajakam   bhagava   etadavoca
kaya   nottha   potthapada   etarahi   kathaya  sannisinna  ka  ca  pana
vo antarakatha vippakatati.
     [278]  Evam  vutte  potthapado  paribbajako bhagavantam etadavoca
titthatesa   bhante   katha   yaya   mayam   etarahi   kathaya  sannisinna
nesa   bhante   katha   bhagavato   dullabha   bhavissati  pacchapi  savanaya
purimani   bhante   divasani   purimatarani  nanatitthiyanam  samanabrahmananam
kotuhalasalaya    sannisinnanam    sannipatitanam    abhisannanirodhe   katha
udapadi   katham   nu   kho   bho   abhisannanirodho   hotiti  tatrekacce
Evamahamsu   ahetu   appaccaya   purisassa  sanna  uppajjatipi  nirujjhatipi
yasmim   samaye   uppajjati   sanni   tasmim   samaye   hoti  yasmim  samaye
nirujjhati    asanni   tasmim   samaye   hotiti   ittheke   abhisannanirodham
pannapenti   tamanno  evamaha  na  kho  pana  metam  bho  evam  bhavissati
sanna   hi   bho   purisassa   atta   so   ca  kho  upetipi  apetipi
yasmim   samaye   upeti  sanni  tasmim  samaye  hoti  yasmim  samaye  apeti
asanni tasmim samaye hotiti ittheke abhisannanirodham pannapenti
     {278.1}  tamanno  evamaha  na  kho  pana metam bho evam bhavissati
santi   hi   bho   samanabrahmana   mahiddhika   mahanubhava  te  imassa
purisassa     sannam     upakaddhantipi     apakaddhantipi     yasmim    samaye
upakaddhanti   sanni   tasmim   samaye   hoti   yasmim   samaye   apakaddhanti
asanni   tasmim   samaye   hotiti   ittheke   abhisannanirodham  pannapenti
tamanno  evamaha  na  kho  pana metam bho evam bhavissati santi hi bho deva
mahiddhika   mahanubhava   te   imassa   purisassa   sannam   upakkaddhantipi
apakkaddhantipi    yasmim    samaye    upakkaddhanti   sanni   tasmim   samaye
hoti    yasmim   samaye   apakkaddhanti   asanni   tasmim   samaye   hotiti
ittheke   abhisannanirodham   pannapenti  tassa  mayham  bhante  bhagavantamyeva
arabbha  sati  udapadi  aho  nuna  bhagava  aho  nuna  sugato  yo imesam
dhammanam    sukusaloti    bhagava    bhante    kusalo    bhagava   pakatannu
abhisannanirodhassa kathannu kho bhante abhisannanirodho hotiti.
     [279]   Tatra   potthapada  ye  te  samanabrahmana  evamahamsu
ahetu   appaccaya   purisassa   sanna   uppajjatipi  nirujjhatipiti  adito
va  nesam  aparaddham  .  tam  kissa  hetu . Sahetu hi potthapada sappaccaya
purisassa    sanna    uppajjatipi    nirujjhatipi   sikkha   eka   sanna
uppajjatipi sikkha eka sanna nirujjhatipi
     {279.1}  ka  ca sikkhati bhagava avoca. Idha potthapada tathagato
loke  uppajjati  araham  sammasambuddho  .pe.  (yatha  samannaphale evam
vittharetabbam)  .  evam  kho  potthapada  bhikkhu  silasampanno hoti .pe.
Tassime   panca   nivarane  pahine  attani  samanupassato  pamojjam  jayati
pamuditassa   piti   jayati   pitimanassa   kayo   passambhati   passaddhakayo
sukham  vedayati  sukhino  cittam  samadhiyati  .  so  vivicceva  kamehi vivicca
akusalehi   dhammehi   savitakkam   savicaram   vivekajam   pitisukham  pathamam  jhanam
upasampajja   viharati   tassa   ya   purima   kamasanna   sa   nirujjhati
vivekajapitisukhasukhumasaccasanna         tasmim         samaye        hoti
vivekajapitisukhasukhumasaccasanniyeva    tasmim   hoti   evampi   sikkha   eka
sanna   uppajjati   sikkha   eka   sanna   nirujjhati   ayampi  sikkhati
bhagava avoca.
     [280]   Puna   caparam   potthapada  bhikkhu  vitakkavicaranam  vupasama
ajjhattam   sampasadanam   cetaso   ekodibhavam  avitakkam  avicaram  samadhijam
pitisukham  dutiyam  jhanam  upasampajja  viharati  tassa  ya  purima vivekajapitisukha-
sukhumasaccasanna      sa      nirujjhati      samadhijapitisukhasukhumasaccasanna
Tasmim    samaye    hoti   samadhijapitisukhasukhumasaccasanniyeva   tasmim   samaye
hoti   evampi   sikkha  eka  sanna  uppajjati  sikkha  eka  sanna
nirujjhati ayampi sikkhati bhagava avoca.
     [281]  Puna  caparam  potthapada  bhikkhu  pitiya ca viraga upekkhako
ca   viharati   sato  ca  sampajano  sukhanca  kayena  patisamvedeti  yam  tam
ariya    acikkhanti    upekkhako   satima   sukhavihariti   tatiyam   jhanam
upasampajja    viharati   tassa   ya   purima   samadhijapitisukhasukhumasaccasanna
sa    nirujjhati    upekkhasukhasukhumasaccasanna    tasmim    samaye    hoti
upekkhasukhasukhumasaccasanniyeva    tasmim    samaye   hoti   evampi   sikkha
eka   sanna   uppajjati   sikkha   eka   sanna   nirujjhati   ayampi
sikkhati bhagava avoca.
     [282]  Puna  caparam  potthapada  bhikkhu  sukhassa  ca  pahana dukkhassa
ca   pahana   pubbe   va   somanassadomanassanam  atthangama  adukkhamasukham
upekkhasatiparisuddhim  catuttham  jhanam  upasampajja  viharati  tassa  ya  purima
upekkhasukhasukhumasaccasanna     sa    nirujjhati    adukkhamasukhasukhumasaccasanna
tasmim   samaye   hoti   adukkhamasukhasukhumasaccasanniyeva   tasmim  samaye  hoti
evampi  sikkha  eka  sanna  uppajjati  sikkha  eka  sanna  nirujjhati
ayampi sikkhati bhagava avoca.
     [283]   Puna   caparam   potthapada   bhikkhu   sabbaso   rupasannanam
samatikkama    patighasannanam    atthangama    nanattasannanam   amanasikara
Ananto   akasoti   akasanancayatanam  upasampajja  viharati  tassa  ya
purima    rupasanna    sa    nirujjhati   akasanancayatanasukhumasaccasanna
tasmim     samaye    hoti    akasanancayatanasukhumasaccasanniyeva    tasmim
samaye   hoti   evampi  sikkha  eka  sanna  uppajjati  sikkha  eka
sanna nirujjhati ayampi sikkhati bhagava avoca.
     [284]  Puna  caparam  potthapada  bhikkhu  sabbaso  akasanancayatanam
samatikkamma     anantam     vinnananti     vinnanancayatanam    upasampajja
viharati    tassa    ya   purima   akasanancayatanasukhumasaccasanna   sa
nirujjhati     vinnanancayatanasukhumasaccasanna     tasmim     samaye    hoti
vinnanancayatanasukhumasaccasanniyeva     tasmim     samaye    hoti    evampi
sikkha   eka   sanna   uppajjati   sikkha   eka   sanna  nirujjhati
ayampi sikkhati bhagava avoca.
     [285]   Puna   caparam  potthapada  bhikkhu  sabbaso  vinnanancayatanam
samatikkamma    natthi    kinciti    akincannayatanam    upasampajja   viharati
tassa    ya    purima    vinnanancayatanasukhumasaccasanna   sa   nirujjhati
akincannayatanasukhumasaccasanna        tasmim        samaye        hoti
akincannayatanasukhumasaccasanniyeva   tasmim   samaye   hoti   evampi  sikkha
eka  sanna  uppajjati  sikkha  eka  sanna  nirujjhati  ayampi  sikkhati
bhagava avoca.
     [286]   Yatha   kho  potthapada  bhikkhu  idha  sakasanni  hoti  so
Tato   amutra  tato  amutra  anupubbena  sannaggam  phusati  tassa  sannagge
thitassa   evam   hoti   cetayamanassa  me  papiyo  acetayamanassa  me
seyyo   ahanceva   kho   pana   ceteyyam  abhisamkhareyyam  ima  ca  me
sanna    nirujjheyyum    anna   ca   olarika   sanna   uppajjeyyum
yannunaham  na  ceva  ceteyyam  na  ca  abhisamkhareyyanti  .  so  na  ceva
ceteti   na   ca  abhisamkharoti  tassa  acetayato  anabhisamkharato  ta  ceva
sanna   nirujjhanti   anna   ca   olarika   sanna   na   uppajjanti
so   nirodham   phusati   .  evam  kho  potthapada  anupubbabhisannanirodha-
sampajanasamapatti   hoti   .  tam  kim  mannasi  potthapada  api  nu  kho
te    ito   pubbe   evarupa   anupubbabhisannanirodhasampajanasamapatti
sutapubbati . No hetam bhante evam kho aham bhante bhagavata dhammam desitam 1-
ajanamiti.
     {286.1}  Yato  kho  potthapada  bhikkhu  sakasanni  hoti  so tato
amutra   tato   amutra   anupubbena   sannaggam   phusati   tassa  sannagge
thitassa  evam  hoti  cetayamanassa  me papiyo acetayamanassa me seyyo
ahanceva  kho  pana  ceteyyam  abhisamkhareyyam  ima ca me sanna nirujjheyyum
anna  ca  olarika  sanna  uppajjeyyum  yannunaham  na  ceva ceteyyam
na ca abhisamkhareyyanti. So na ceva ceteti na ca abhisamkharoti tassa acetayato
anabhisamkharato  ta  ceva  sanna  nirujjhanti  anna  ca olarika sanna na
@Footnote: 1 Si. bhagavato bhasitam.
Uppajjanti  so  nirodham  phusati  .  evam  kho potthapada anupubbabhisanna-
nirodhasampajanasamapatti hotiti.
     [287]  Evam  potthapadati  .  ekanceva  nu  kho bhante bhagava
sannaggam    pannapeti    udahu    puthupi    sannagge    pannapetiti  .
Ekampi   kho   potthapada   aham   sannaggam   pannapemi   puthupi  sannagge
pannapemiti    .    yathakatham   pana   bhante   bhagava   ekampi   sannaggam
pannapeti    puthupi    sannagge    pannapetiti   .   yatha   yatha   kho
potthapada    nirodham   phusati   tatha   tatha   aham   sannaggam   pannapemi
evam    kho    aham   potthapada   ekampi   sannaggam   pannapemi   puthupi
sannagge pannapemiti.
     [288]   Sanna   nu  kho  bhante  pathamam  uppajjati  paccha  nanam
udahu   nanam   pathamam   uppajjati   paccha   sanna   udahu  sanna  ca
nanam   ca   apubbam   acarimam   uppajjantiti   .  sanna  kho  potthapada
pathamam   uppajjati   paccha   nanam   sannuppada   ca   pana  nanuppado
hoti   so  evam  pajanati  idappaccaya  kira  me  nanam  udapaditi .
Imina  ca  kho  etam  potthapada  pariyayena  veditabbam yatha sanna pathamam
uppajjati paccha nanam sannuppada ca pana nanuppado hotiti.
     [289]   Sanna  nu  kho  bhante  purisassa  atta  udahu  anna
sanna   anno   attati   .   kim   pana   tvam   potthapada   attanam
Paccesiti   .   olarikam   kho   aham   bhante   attanam  paccemi  rupim
catummahabhutikam   kavalikarabhakkhanti  .  olariko  ca  hi  te  potthapada
atta    abhavissa   rupi   catummahabhutiko   kavalikarabhakkho   .   evam
santam   kho   te   potthapada   anna   ca   sanna   abhavissa  anno
atta   .   tadiminapetam   potthapada   pariyayena  veditabbam  yatha  ca
anna    sanna    bhavissati    anno    atta   .   titthateva   ayam
potthapada   olariko   atta   rupi   catummahabhutiko  kavalikarabhakkho
atha   imassa   purisassa   anna   va   sanna   uppajjati   anna   va
sanna   nirujjhati   imina   kho  etam  potthapada  pariyayena  veditabbam
yatha anna va sanna bhavissati anno attati.
     [290]  Manomayam  kho  aham  bhante  attanam paccemi sabbangapaccangam
ahinindriyanti   .   manomayo   ca  hi  te  potthapada  atta  abhavissa
sabbangapaccangi   ahinindriyo   .   evam   santampi  kho  te  potthapada
anna    ca    sanna    bhavissati   anno   atta   .   tadiminapetam
potthapada   pariyayena   veditabbam   yatha   anna  va  sanna  bhavissati
anno   atta   .   titthateva  sayam  ca  potthapada  manomayo  atta
sabbangapaccangi   ahinindriyo   .   athakho   imassa  purisassa  anna  va
sanna  uppajjati  anna  sanna  nirujjhati . Iminapi kho etam potthapada
pariyayena veditabbam yatha anna ca sanna bhavissati anno attati.
     [291]  Arupim  kho  aham  bhante  attanam  paccemi  sannamayanti.
Arupi   ca   hi   te  potthapada  atta  bhavissati  sannamayo  .  evam
santampi   kho   te   potthapada   anna   va   sanna  bhavissati  anno
atta   .  tadiminapetam  potthapada  pariyayena  veditabbam  yatha  anna
va   sanna   bhavissati   anno   atta  .  titthateva  sayam  potthapada
arupi   atta   sannamayo   atha   imassa   purisassa  anna  va  sanna
uppajjati   anna   va   sanna   nirujjhati   .   iminapi   kho   etam
potthapada   pariyayena   veditabbam   yatha   anna  va  sanna  bhavissati
anno attati.
     [292]   Sakka  ca  panetam  bhante  maya  natum  sanna  purisassa
attati  va  anna  ca  sanna  anno  ca  attati  vati  .  dujjanam
kho   etam   potthapada  taya  annaditthikena  annakhantikena  annarucikena
annattha    ayogena    annatthacariyakena   sanna   purisassa   attati
va  anna  ca  sanna  anno  ca  attati  vati  .  sace  tam  bhante
maya      dujjanam     annaditthikena     annakhantikena     annarucikena
annattha      ayogena      annatthacariyakena     sanna     purisassa
attati   va   anna   ca   sanna   anno  ca  attati  va  .  kim
pana   bhante   sassato   loko  idameva  saccam  moghamannanti  .  etampi
kho   potthapada   maya   abyakatam   sassato   loko   idameva  saccam
moghamannanti   .   kim   pana   bhante   asassato  loko  idameva  saccam
Moghamannanti   .   etampi   kho   potthapada  maya  abyakatam  asassato
loko  idameva  saccam  moghamannanti  .  kim  pana  bhante  antava  loko
.pe.  anantava  loko  .  tam  jivam  tam  sariram. Annam jivam annam sariram.
Hoti  tathagato  parammarana  .  na  hoti  tathagato  parammarana . Hoti
ca  na  ca  hoti  tathagato  parammarana . Neva hoti na na hoti tathagato
parammarana  idameva  saccam  moghamannanti  .  etampi  kho  potthapada maya
abyakatam  neva  hoti  na  na  hoti  tathagato  parammarana  idameva saccam
moghamannanti  .  kasma  panetam  bhante  bhagavata  abyakatanti . Na hetam
potthapada    atthasanhitam    na   dhammasanhitam   na   adibrahmacariyakam   na
nibbidaya   na   viragaya  na  nirodhaya  na  upasamaya  na  abhinnaya  na
sambodhaya na nibbanaya samvattati tasmatam maya abyakatanti.
     [293]   Kim   pana  bhante  bhagavata  byakatanti  .  idam  dukkhanti
kho   potthapada   maya   byakatam   ayam  dukkhasamudayoti  kho  potthapada
maya   byakatam   ayam   dukkhanirodhoti   kho   potthapada  maya  byakatam
ayam   dukkhanirodhagamini   patipadati  kho  potthapada  maya  byakatanti .
Kasma   panetam   bhante   bhagavata  byakatanti  .  etam  hi  potthapada
atthasanhitam    etam    dhammasanhitam    etam   adibrahmacariyakam   nibbidaya
viragaya    nirodhaya    upasamaya   abhinnaya   sambodhaya   nibbanaya
samvattati  tasma  hetam  maya  byakatanti  .  evametam  bhagava  evametam
Sugata   yassadani   bhante   bhagava   kalam   mannatiti  .  athakho  bhagava
utthayasana pakkami.
     [294]    Athakho   te   paribbajaka   acirapakkantassa   bhagavato
potthapadam     paribbajakam     samantato     vacaya     sannipatodakena
sanjambharimakamsu   evameva   panayam   bhavam   potthapado  yannadeva  samano
gotamo   bhasati   tantadevassa  abbhanumodati  evametam  bhagava  evametam
sugatati   na   kho   pana   mayam   kinci   samanassa   gotamassa   ekamsikam
dhammam   desitam   ajanama   sassato   lokoti  va  asassato  lokoti
va .pe. Neva hoti na na hoti tathagato parammaranati vati.
     [295]  Evam  vutte  potthapado  paribbajako  te  paribbajake
etadavoca   ahampi   kho   bho   na   kinci  samanassa  gotamassa  ekamsikam
dhammam   desitam   ajanami   sassato  lokoti  va  .pe.  neva  hoti
na   na   hoti   tathagato   parammaranati   va   apica  samano  gotamo
bhutam   taccham   tatham   patipadam   pannapeti   dhammatthitatam   dhammaniyamatam   bhutam
kho   pana   taccham   tatham   patipadam  pannapentassa  dhammatthitatam  dhammaniyamatam
katham   hi   nama   madiso   vinnu   puriso  samanassa  gotamassa  subhasitam
subhasitato na abbhanumodeyyati.
     [296]   Athakho  dvihatihassa  accayena  citto  ca  hatthisariputto
potthapado   ca  paribbajako  yena  bhagava  tenupasankamimsu  upasankamitva
citto   hatthisariputto   bhagavantam   abhivadetva   ekamantam   nisidi .
Potthapado   pana   paribbajako   bhagavata   saddhim   sammodi  sammodaniyam
katham   saraniyam   vitisaretva   ekamantam  nisidi  .  ekamantam  nisinno
kho   potthapado   paribbajako   bhagavantam  etadavoca  tada  mam  bhante
te    paribbajaka    acirapakkantassa    bhagavato    samantato   vacaya
sannipatodakena    sanjambharimakamsu   evameva   panayam   bhavam   potthapado
paribbajako    yannadeva    samano    gotamo    bhasati    tantadevassa
abbhanumodati   evametam   bhagava   evametam  sugatati  na  kho  pana  mayam
kinci   samanassa   gotamassa   ekamsikam  dhammam  desitam  ajanama  sassato
lokoti   va   asassato   lokoti   va   .pe.  neva  hoti  na  na
hoti   tathagato   param   maranati   vati   evam   vuttaham  bhante  te
paribbajake   etadavocam   ahampi  kho  bho  na  kinci  samanassa  gotamassa
ekamsikam   dhammam   desitam   ajanami   sassato   lokoti   va  .pe.
Neva   hoti   na  na  hoti  tathagato  param  maranati  va  apica  samano
gotamo   bhutam   taccham   tatham   patipadam  pannapeti  dhammatthitatam  dhammaniyamatam
bhutam    kho    pana    taccham   tatham   patipadam   pannapentassa   dhammatthitatam
dhammaniyamatam    katham    hi    nama   madiso   vinnu   puriso   samanassa
gotamassa subhasitam subhasitato na anumodeyyati.
     [297]   Sabbeheva  kho  ete  potthapada  paribbajaka  andha
acakkhuka   tvanneva   nesam   eko   cakkhuma  .  ekamsikapi  hi  kho
potthapada   maya   dhamma   desita   pannatta   .   anekamsikapi  hi
Kho potthapada maya dhamma desita pannatta.
     {297.1}  Katame  ca  potthapada  maya  anekamsika dhamma desita
pannatta  .  sassato  lokoti  kho  potthapada  maya  anekamsiko dhammo
desito  pannatto  .  asassato  lokoti  kho potthapada maya anekamsiko
dhammo   desito  pannatto  .  antava  lokoti  kho  potthapada  maya
anekamsiko  dhammo  desito  pannatto . Anantava lokoti kho potthapada
maya  anekamsiko  dhammo  desito  pannatto  .  tam  jivam  tam sariranti kho
potthapada   maya   anekamsiko   dhammo   desito   pannatto  .  annam
jivam   annam  sariranti  kho  potthapada  maya  anekamsiko  dhammo  desito
pannatto   .   hoti   tathagato   param  maranati  kho  potthapada  maya
.pe.  na  hoti  tathagato  param  maranati  kho  potthapada  maya  .pe.
Hoti   ca  na  ca  hoti  tathagato  param  maranati  kho  potthapada  maya
.pe.   neva   hoti   na   na   hoti   tathagato   param  maranati  kho
potthapada maya anekamsiko dhammo desito pannatto.
     {297.2}  Kasma  cete potthapada maya anekamsika dhamma desita
pannatta   .   na  hete  potthapada  atthasanhita  na  dhammasanhita  na
adibrahmacariyaka  na  nibbidaya  na  viragaya  na  nirodhaya  na upasamaya
na  abhinnaya  na  sambodhaya  na  nibbanaya  samvattanti tasma ete maya
anekamsika dhamma desita pannatta.
     [298]   Katame  ca  potthapada  maya  ekamsika  dhamma  desita
Pannatta   .   idam   dukkhanti  kho  potthapada  maya  ekamsiko  dhammo
desito   pannatto   .   ayam   dukkhasamudayoti   kho   potthapada  maya
ekamsiko   dhammo   desito   pannatto   .   ayam   dukkhanirodhoti  kho
potthapada   maya   ekamsiko   dhammo   desito   pannatto   .   ayam
dukkhanirodhagamini   patipadati   kho   potthapada   maya  ekamsiko  dhammo
desito pannatto.
     {298.1}  Kasma  cete  potthapada maya ekamsika dhamma desita
pannatta  .  ete  potthapada  maya  atthasanhita  ete  dhammasanhita
ete  adibrahmacariyaka  ete  nibbidaya  viragaya  nirodhaya upasamaya
abhinnaya  sambodhaya  nibbanaya  samvattanti  tasma  ete maya ekamsika
dhamma desita pannatta.
     [299]  Santi  kho  potthapada  ete  samanabrahmana evamvadino
evamditthino   ekantasukhi   atta   hoti   arogo  parammaranati  tyaham
upasankamitva  evam  vadami  saccam  kira  tumhe  ayasmanto  evamvadino
evamditthino   ekantasukhi   atta   hoti  arogo  parammaranati  .  te
ce   me   evam   puttha   amati   patijananti  tyaham  evam  vadami
apica    pana   tumhe   ayasmanto   ekantasukham   lokam   janam   passam
viharathati  .  iti  puttha  noti  vadanti  tyaham  evam  vadami  apica pana
tumhe   ayasmanto   ekam   va  rattim  ekam  va  divasam  upaddham  va
rattim   upaddham   va   divasam   ekantasukhim   attanam   sampajanathati  .
Iti   puttha   noti   vadanti   tyaham  evam  vadami  apica  pana  tumhe
Ayasmanto   janatha  ayam  maggo  ayam  patipada  ekantasukhassa  lokassa
sacchikiriyayati  .  iti  puttha  noti  vadanti  tyaham  evam  vadami apica
pana  tumhe  ayasmanto  ya  ta  devata  ekantasukham  lokam  upapanna
tasam   bhasamananam   saddam   sunatha  supatipannattha  marisa  ujupatipannattha
marisa  ekantasukhassa  lokassa  sacchikiriyaya mayampi hi marisa evampatipanna
ekantasukham  lokam  upapannati  .  iti  puttha  noti vadanti. Tam kim mannasi
potthapada   nanu   evam   sante   tesam  samanabrahmananam  appatihirikatam
bhasitam  sampajjatiti  .  addha kho bhante evam sante tesam samanabrahmananam
appatihirikatam bhasitam sampajjatiti.
     [300]   Seyyathapi  potthapada  puriso  evam  vadeyya  aham  ya
imasmim   janapade   janapadakalyani   tam   icchami   tam   kamemiti  tamenam
evam   vadeyyum   ambho   purisa  yam  tvam  janapadakalyanim  icchasi  kamesi
janasi   tam   janapadakalyanim   khattiyim   va  brahmanim  va  vessim  va
suddim   vati   .   iti   puttho  noti  vadeyya  tamenam  evam  vadeyyum
ambho   purisa   yam   tvam   janapadakalyanim   icchasi  kamesi  janasi  tam
janapadakalyanim   evamnama   va   evamgotta   va  digha  va  rassa
va   majjhima  va  kanha  va  sama  va  manguracchavi  vati  asukasmim
game  va  nigame  va  nagare  vati  .   iti  puttho  noti  vadeyya
tamenam   evam   vadeyyum  ambho  purisa  yam  tvam  na  janasi  na  passasi
tam  tvam  icchasi  kamesiti  .  iti  puttho  amati  vadeyya  .  tam  kim
Mannasi   potthapada   nanu   evam   sante  tassa  purisassa  appatihirikatam
bhasitam  sampajjatiti  .  addha  kho  bhante  evam  sante  tassa  purisassa
appatihirikatam   bhasitam   sampajjatiti   .  evameva  kho  potthapada  ye
te    samanabrahmana   evamvadino   evamditthino   ekantasukhi   atta
hoti    arogo   parammaranati   tyaham   upasankamitva   evam   vadami
saccam   kira   tumhe   ayasmanto  evamvadino  evamditthino  ekantasukhi
atta  hoti  arogo  parammaranati  .  te  ce me evam puttha amati
patijananti   tyaham   evam   vadami   apica   pana   tumhe  ayasmanto
ekantasukham lokam janam passam viharathati.
     {300.1}  Iti  puttha  noti  vadanti  tyaham evam vadami apica pana
tumhe  ayasmanto  ekam  va  rattim  ekam  va  divasam  upaddham va rattim
upaddham   va   divasam  ekantasukhim  attanam  sampajanathati  .  iti  puttha
noti   vadanti   tyaham   evam   vadami  apica  pana  tumhe  ayasmanto
janatha  ayam  maggo  ayam  patipada ekantasukhassa lokassa sacchikiriyayati.
Iti  puttha  noti  vadanti  tyaham evam vadami apica pana tumhe ayasmanto
ya  ta  devata  ekantasukham  lokam  upapanna  tasam  bhasamananam  saddam
sunatha   supatipannattha   marisa   ujupatipannattha   marisa   ekantasukhassa
lokassa   sacchikiriyaya   mayampi   hi   marisa   evampatipanna  ekantasukham
lokam   upapannati   .   iti   puttha  noti  vadanti  .  tam  kim  mannasi
potthapada   nanu   evam   sante   tesam  samanabrahmananam  appatihirikatam
Bhasitam   sampajjatiti   .   addha   kho   bhante   evam   sante  tesam
samanabrahmananam appatihirikatam bhasitam sampajjatiti.
     [301]   Seyyathapi   potthapada  puriso  catummahapathe  nissenim
kareyya   pasadassa   arohanaya  tamenam  evam  vadeyyum  ambho  purisa
yassa   tvam   pasadassa   arohanaya   nissenim   karosi   janasi  tam
pasadam   puratthimaya   va   disaya   dakkhinaya   va  disaya  pacchimaya
va   disaya   uttaraya   va   disaya  ucco  va  nico  va  majjho
vati  .  iti  puttho  noti  vadeyya  tamenam  evam  vadeyyum ambho purisa
yam   tvam   na   janasi  na  passasi  tassa  tvam  pasadassa  arohanaya
nissenim karositi. Iti puttho amati vadeyya.
     {301.1}   Tam   kim  mannasi  potthapada  nanu  evam  sante  tassa
purisassa   appatihirikatam   bhasitam   sampajjatiti   .   addha  kho  bhante
evam   sante   tassa   purisassa   appatihirikatam   bhasitam  sampajjatiti .
Evameva   kho   potthapada   ye   te   samanabrahmana   evamvadino
evamditthino   ekantasukhi   atta   hoti  arogo  param  maranati  tyaham
upasankamitva  evam  vadami  saccam  kira  tumhe  ayasmanto  evamvadino
evamditthino  ekantasukhi  atta  hoti  arogo  param  maranati . Te ce
me  evam  puttha  amati  patijananti tyaham evam vadami apica pana tumhe
ayasmanto   ekantasukham   lokam  janam  passam  viharathati  .  iti  puttho
noti   vadanti   tyaham   evam   vadami  apica  pana  tumhe  ayasmanto
Ekam   va   rattim   ekam   va  divasam  upaddham  va  rattim  upaddham  va
divasam   ekantasukhim   attanam   sampajanathati   .   iti   puttha   noti
vadanti   tyaham   evam  vadami  apica  pana  tumhe  ayasmanto  janatha
ayam   maggo   ayam   patipada  ekantasukhassa  lokassa  sacchikiriyayati .
Iti   puttha   noti   vadanti   tyaham  evam  vadami  apica  pana  tumhe
ayasmanto   ya   ta   devata   ekantasukham   lokam  upapanna  tasam
bhasamananam    saddam    sunatha    supatipannattha   marisa   ujupatipannattha
marisa  ekantasukhassa  lokassa  sacchikiriyaya mayampi hi marisa evampatipanna
ekantasukham   lokam   upapannati   .   iti   puttha   noti   vadanti .
Tam   kim   mannasi   potthapada  nanu  evam  sante  tesam  samanabrahmananam
appatihirikatam   bhasitam  sampajjatiti  .  addha  kho  bhante  evam  sante
tesam samanabrahmananam appatihirikatam bhasitam sampajjatiti.
     [302]   Tayo   khome   potthapada   attapatilabha   olariko
attapatilabho   manomayo  attapatilabho  arupo  attapatilabho  .  katamo
ca   potthapada   olariko   attapatilabho   .   rupi  catummahabhutiko
kavalikarabhakkho   ayam   olariko   attapatilabho   .  katamo  manomayo
attapatilabho   .   rupi   manomayo   sabbangapaccangi   ahinindriyo  ayam
manomayo   attapatilabho   .   katamo   arupo  attapatilabho  .  arupi
sannamayo ayam arupo attapatilabho.
     [303]   Olarikassapi   kho   aham   potthapada   attapatilabhassa
Pahanaya   dhammam   desemi   yathapatipannanam   vo   samkilesika   dhamma
pahiyissanti     vodaniya     dhamma     abhivaddhissanti    pannaparipurim
vepullattanca   ditthe   va  dhamme  sayam  abhinna  sacchikatva  upasampajja
viharissathati   .  siya  kho  pana  te  potthapada  evamassa  samkilesika
dhamma   pahiyissanti   vodaniya   dhamma   abhivaddhissanti   pannaparipurim
vepullattanca   ditthe   va  dhamme  sayam  abhinna  sacchikatva  upasampajja
viharissati   dukkho   ca  viharoti  .  na  kho  panetam  potthapada  evam
datthabbam   samkilesika   ceva   dhamma  pahiyissanti  vodaniya  ca  dhamma
abhivaddhissanti   pannaparipurim   vepullattanca   ditthe   va   dhamme  sayam
abhinna   sacchikatva   upasampajja   viharissati   pamojjanceva   bhavissati
piti ca passaddhi ca sati ca sampajannanca sukho ca viharo.
     [304]    Manomayassapi   kho   aham   potthapada   attapatilabhassa
pahanaya   dhammam   desemi   yathapatipannanam   vo   samkilesika   dhamma
pahiyissanti     vodaniya     dhamma     abhivaddhissanti    pannaparipurim
vepullattanca   ditthe   va  dhamme  sayam  abhinna  sacchikatva  upasampajja
viharissathati   .  siya  kho  pana  te  potthapada  evamassa  samkilesika
dhamma   pahiyissanti   vodaniya   dhamma   abhivaddhissanti   pannaparipurim
vepullattanca   ditthe   va  dhamme  sayam  abhinna  sacchikatva  upasampajja
viharissati   dukkho   ca  viharoti  .  na  kho  panetam  potthapada  evam
datthabbam   samkilesika   ceva   dhamma  pahiyissanti  vodaniya  ca  dhamma
Abhivaddhissanti    (peyyalo)    pamojjanceva    bhavissati    piti   ca
passaddhi ca sati ca sampajannanca sukho ca viharo.
     [305]  Arupassapi  kho  aham  potthapada  attapatilabhassa  pahanaya
dhammam   desemi   yathapatipannanam   vo   samkilesika   dhamma  pahiyissanti
vodaniya     dhamma    abhivaddhissanti    pannaparipurim    vepullattanca
ditthe  va  dhamme  sayam  abhinna  sacchikatva  upasampajja  viharissathati .
(peyyalo)   pamujjanceva   bhavissati   piti   ca  passaddhi  ca  sati  ca
sampajannanca sukho ca viharo.
     [306]  Pare  ce  potthapada  amhe  evam  puccheyyum katamo pana
so   avuso   1-   olariko  attapatilabho  yassa  tumhe  pahanaya
dhammam   desetha   yathapatipannanam   vo   samkilesika   dhamma  pahiyissanti
vodaniya     dhamma    abhivaddhissanti    pannaparipurim    vepullattanca
ditthe  va  dhamme  sayam  abhinna  sacchikatva  upasampajja  viharissathati .
Tesam  mayam  evam puttha evam byakareyyama ayam va so avuso olariko
attapatilabho   yassa   mayam   pahanaya   dhammam   desema  yathapatipannanam
vo   samkilesika   dhamma   pahiyissanti  vodaniya  dhamma  abhivaddhissanti
pannaparipurim  vepullattanca  ditthe  va  dhamme  sayam  abhinna  sacchikatva
upasampajja viharissathati.
     [307]  Pare  ce  potthapada amhe evam puccheyyum katamo pana so
@Footnote: 1 Si. katama panavuso.
Avuso  manomayo  attapatilabho  .  (soyeva  peyyalo)  katamo  pana
so   arupo   attapatilabho   yassa   tumhe   pahanaya  dhammam  desetha
yathapatipannanam   vo   samkilesika  dhamma  pahiyissanti  vodaniya  dhamma
abhivaddhissanti   .pe.   upasampajja   viharissathati   .   tam   kim  mannasi
potthapada   nanu   evam   sante   sappatihirikatam  bhasitam  sampajjatiti .
Addha kho bhante evam sante sappatihirikatam bhasitam sampajjatiti.
     [308]   Seyyathapi   kho   potthapada  puriso  nissenim  kareyya
pasadassa   arohanaya   tasseva   pasadassa   hettha  tamenam  evam
vadeyyum   ambho   purisa   yassa   tvam  pasadassa  arohanaya  nissenim
karosi   janasi   tam   pasadam  puratthimaya  va  disaya  dakkhinaya  va
disaya   pacchimaya   va   disaya   uttaraya   va  disaya  ucco  va
nico   va   majjho  vati  .  so  ce  evam  vadeyya  ayam  va  so
avuso   pasado   yassaham   arohanaya   nissenim   karomi  tasseva
pasadassa   hetthati   .   tam   kim   mannasi   potthapada   nanu  evam
sante   tassa   purisassa   sappatihirikatam   bhasitam  sampajjatiti  .  addha
kho   bhante   evam   sante   tassa   purisassa   sappatihirikatam   bhasitam
sampajjatiti   .   evameva   kho   potthapada  pare  ce  amhe  evam
puccheyyum   katamo   pana  so  avuso  olariko  attapatilabho  .pe.
Katamo   pana   so   avuso   manomayo  attapatilabho  .  katamo  pana
so   avuso   arupo   attapatilabho   yassa   tumhe  pahanaya  dhammam
Desetha   yathapatipannanam  vo  samkilesika  dhamma  pahiyissanti  vodaniya
dhamma   abhivaddhissanti   pannaparipurim   vepullattanca  ditthe  va  dhamme
sayam   abhinna   sacchikatva   upasampajja   viharissathati   .   tesam  mayam
evam   puttha   evam   byakareyyama   ayam  va  so  avuso  arupo
attapatilabho    yassa    mayam    pahanaya    .pe.   tam   kim   mannasi
potthapada   nanu   evam   sante   sappatihirikatam  bhasitam  sampajjatiti .
Addha kho bhante evam sante sappatihirikatam bhasitam sampajjatiti.
     [309]  Evam  vutte  citto  hatthisariputto  bhagavantam  etadavoca
yasmim   bhante   samaye   olariko  attapatilabho  hoti  moghassa  tasmim
samaye   manomayo   attapatilabho   hoti   mogho  arupo  attapatilabho
hoti    olarikopassa   attapatilabho   tasmim   samaye   sacco   hoti
yasmim   bhante   samaye   manomayo   attapatilabho  hoti  moghassa  tasmim
samaye   olariko   attapatilabho   hoti  mogho  arupo  attapatilabho
hoti   manomayo   attapatilabho   tasmim   samaye   sacco   hoti  yasmim
bhante   samaye   arupo   attapatilabho   hoti   moghassa  tasmim  samaye
olariko   attapatilabho   hoti  mogho  manomayo  attapatilabho  hoti
arupo attapatilabho tasmim samaye sacco hotiti.
     {309.1}    Yasmim    citta   samaye   olariko   attapatilabho
hoti      neva     tasmim     samaye     manomayo     attapatilabhoti
samkhyam    1-    gacchati    na    ca    arupo    attapatilabhoti   samkhyam
@Footnote: 1 Si. sankham.
Gacchati   olariko   attapatilabhotveva  tasmim  samaye  samkhyam  gacchati .
Yasmim   citta   samaye   manomayo   attapatilabho   hoti   neva   tasmim
samaye   olariko   attapatilabhoti   samkhyam   gacchati   na   ca   arupo
attapatilabhoti    samkhyam   gacchati   manomayo   attapatilabhotveva   tasmim
samaye  samkhyam  gacchati  .  yasmim  citta  samaye  arupo  attapatilabho hoti
neva   tasmim   samaye   olariko  attapatilabhoti  samkhyam  gacchati  na  ca
manomayo   attapatilabhoti   samkhyam   gacchati   arupo   attapatilabhotveva
tasmim samaye samkhyam gacchati.
     [310]  Sace  tam  citta  evam  puccheyyum  ahosi  tvam atitamaddhanam
na   tvam  na  ahosi  bhavissasi  tvam  anagatamaddhanam  na  tvam  na  bhavissasi
atthi   tvam   etarahi   na   tvam   natthiti  .  evam  puttho  tvam  citta
kinti   byakareyyasiti   .   sace  mam  bhante  evam  puccheyyum  ahosi
tvam   atitamaddhanam   na   tvam   na  ahosi  bhavissasi  tvam  anagatamaddhanam
na   tvam   na   bhavissasi  atthi  tvam  etarahi  na  tvam  natthiti  .  evam
puttho   aham   bhante   evam  byakareyyam  ahosaham  atitamaddhanam  naham
na   ahosim   bhavissamaham   anagatamaddhanam   naham  na  bhavissami  atthaham
etarahi naham natthiti. Evam puttho aham bhante evam byakareyyanti.
     [311]  Sace  pana  tam  citta  evam puccheyyum yo te ahosi atito
attapatilabho   soyeva   te   attapatilabho   sacco  mogho  anagato
mogho    paccuppanno   yo   te   bhavissati   anagato   attapatilabho
Soyeva   te  attapatilabho  sacco  mogho  atito  mogho  paccuppanno
yo  te  etarahi  paccuppanno  attapatilabho  soyeva  te attapatilabho
sacco  mogho  atito  mogho  anagatoti  .  evam puttho tvam citta kinti
byakareyyasiti.
     {311.1}  Sace  pana  mam  bhante  evam  puccheyyum  yo te ahosi
atito   attapatilabho   soyeva   te   attapatilabho   sacco   mogho
anagato    mogho    paccuppanno    yo    te   bhavissati   anagato
attapatilabho   soyeva   te   attapatilabho   sacco   mogho   atito
mogho   paccuppanno   yo   te   etarahi   paccuppanno  attapatilabho
soyeva  te  attapatilabho  sacco  mogho  atito  mogho  anagatoti.
Evam  puttho  aham  bhante  evam  byakareyyam  yo  ca  me ahosi atito
attapatilabho   soyeva  me  attapatilabho  tasmim  samaye  sacco  ahosi
mogho   anagato  mogho  paccuppanno  yo  ca  me  bhavissati  anagato
attapatilabho  soyeva  me  attapatilabho  tasmim  samaye  sacco  bhavissati
mogho   atito  mogho  paccuppanno  yo  ca  me  etarahi  paccuppanno
attapatilabho  soyeva  me  attapatilabho  sacco  mogho  atito  mogho
anagatoti. Evam puttho aham bhante evam byakareyyanti.
     [312]  Evameva  kho  citta  yasmim samaye olariko attapatilabho
hoti   neva   tasmim  samaye  manomayo  attapatilabhoti  samkhyam  gacchati  na
arupo   attapatilabhoti   samkhyam   gacchati   olariko  attapatilabhotveva
tasmim   samaye   samkhyam   gacchati   .   yasmim   citta   samaye   manomayo
Attapatilabho   hoti   .pe.  yasmim  citta  samaye  arupo  attapatilabho
hoti   neva  tasmim  samaye  olariko  attapatilabhoti  samkhyam  gacchati  na
manomayo   attapatilabhoti   samkhyam   gacchati   arupo   attapatilabhotveva
tasmim samaye samkhyam gacchati.
     {312.1}   Seyyathapi   citta  gava  khiram  khiramha  dadhi  dadhimha
navanitam   navanitamha   sappi   sappimha   sappimando   .   yasmim  samaye
khiram  hoti  neva  tasmim  samaye  dadhiti  samkhyam  gacchati  na ca navanitanti samkhyam
gacchati   na  ca  sappiti  samkhyam  gacchati  na  ca  sappimandoti  samkhyam  gacchati
khiramtveva   tasmim  samaye  samkhyam  gacchati  .  yasmim  samaye  dadhi  hoti .
Navanitam hoti. Sappi hoti.
     {312.2}   Sappimando   hoti  neva  tasmim  samaye  khiranti  samkhyam
gacchati   na  dadhiti  samkhyam  gacchati  na  navanitanti  samkhyam  gacchati  na  sappiti
samkhyam    gacchati   sappimandotveva   tasmim   samaye   samkhyam   gacchati  .
Evameva  kho  citta  yasmim  samaye  olariko  attapatilabho  hoti neva
tasmim   samaye   manomayo   attapatilabhoti   samkhyam   gacchati   na  arupo
attapatilabhoti   samkhyam   gacchati   olariko   attapatilabhotveva   tasmim
samaye   samkhyam   gacchati  .  yasmim  samaye  citta  manomayo  attapatilabho
hoti  .pe.  arupo  attapatilabho  hoti  neva  tasmim  samaye olariko
attapatilabhoti    samkhyam    gacchati   na   ca   manomayo   attapatilabhoti
samkhyam    gacchati    arupo    attapatilabhotveva   tasmim   samaye   samkhyam
gacchati   .   ima  kho  citta  lokasamanna  lokaniruttiyo  lokavohara
Lokapannattiyo yahi tathagato voharati aparamasantoti.
     [313]  Evam  vutte  potthapado  paribbajako  bhagavantametadavoca
abhikkantam   bhante   abhikkantam   bhante   .pe.   upasakam   mam   bhagava
dharetu ajjatagge panupetam saranangatanti.
     {313.1}  Citto  pana  hatthisariputto  bhagavantametadavoca abhikkantam
bhante  abhikkantam  bhante  seyyathapi  bhante  paticchannam  .pe. Cakkhumanto
rupani   dakkhantiti  evameva  bhagavata  anekapariyayena  dhammo  pakasito
esaham  bhante  bhagavantam  saranam  gacchami  dhammanca  bhikkhusamghanca  labheyyaham
bhante  bhagavato  santike  pabbajjam  labheyyam  upasampadanti  .  alattha  kho
citto   hatthisariputto  bhagavato  santike  pabbajjam  alattha  upasampadam .
Acirupasampanno    kho    ayasma   hatthisariputto   eko   vupakattho
appamatto    atapi    pahitatto   viharanto   nacirasseva   yassatthaya
kulaputta    sammadeva    agarasma    anagariyam   pabbajanti   tadanuttaram
brahmacariyapariyosanam   ditthe   va   dhamme   sayam   abhinna   sacchikatva
upasampajja    vihasi   khina   jati   vusitam   brahmacariyam   katam   karaniyam
naparam    itthattayati    abbhannasi   .   annataro   kho   ayasma
hatthisariputto arahatam ahositi.
                 Potthapadasuttam navamam nitthitam.
                    ---------------



             The Pali Tipitaka in Roman Character Volume 9 page 223-249. https://84000.org/tipitaka/read/roman_read.php?B=9&A=4425&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=9&A=4425&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=9&item=275&items=39              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=9&siri=9              Study Atthakatha :- https://84000.org/tipitaka/attha/attha.php?b=9&i=275              The Pali Atthakatha in Thai :- https://84000.org/tipitaka/atthapali/read_th.php?B=4&A=7890              The Pali Atthakatha in Roman :- https://84000.org/tipitaka/atthapali/read_rm.php?B=4&A=7890              Contents of The Tipitaka Volume 9 https://84000.org/tipitaka/read/?index_9 https://84000.org/tipitaka/english/?index_9

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]