AtthaPali Vol.11

5. Ujjhanasannisuttavannana [35] Pancame ujjhanasannikati ujjhanasannidevaloko nama patiyekko natthi, ima pana devata tathagatassa catupaccayaparibhogam nissaya ujjhayamana agata. Tasam kira evam ahosi:- "samano gotamo bhikkhunam pamsukulacivarapindiyaloparukkhamula- senasanaputimuttabhesajjehi santosasseva pariyantakaritam vanneti, sayam cinapatadukulakhomadini ^2- panitacivarani dhareti, rajaraham uttamabhojanam bhunjati, devavimanakappaya gandhakutiya varasayane sayati, sappinavanitadini bhesajjani patisevati, divasam mahajanassa dhammam deseti, vacanamassa annato ^3- gacchati, kiriyam annato"ti ujjhayamana agamimsu. Tena tasam dhammasangahakattherehi "ujjhanasannika"ti namam gahitam. Annatha santanti annenakarena bhutam. Nikaccati nikatiya vancanaya, vancetvati ^4- attho. Kitavassevati kitavo vuccati sakuniko. So hi agumbe vasamano sakhapannadipaticchadanena gumbavannam dassetva upagate moratittiradayo sakune maretva darabharanam karoti. Iti tassa kitavassa imaya vancanaya evam vancetva sakunamamsabhojanam viya kuhakassapi pamsukulena attanam paticchadetva kathachekataya mahajanam vancetva khadamanassa vicarato. Bhuttam theyyena tassa tanti sabbopi tassa catupaccayaparibhogo theyyena paribhutto nama hotiti devata bhagavantam sandhaya vadati. Parijananti panditati ayam karako va akarako vati @Footnote: ^1-1 cha.Ma. sangatiga ² cha.Ma., i. pattundukulakhomadini ³ Ma. amuto @⁴ cha.Ma. vancetva vati.

--------------------------------------------------------------------------------------------- page64.

Pandita jananti. Iti ta devata "tathagatapi mayameva pandita"ti mannamana evamahamsu. Atha bhagava na yidantiadimaha. Tattha yayam patipada dalhati ayam dhammanudhammapatipada hi thiRa. Yaya patipadaya dhira pandita arammanupanijjhanena lakkhanupanijjhanena cati dvihi jhanehi jhayino marabandhana pamuccanti, tam ^1- patipadam bhasitamattena va savanamattena va okkamitum patipajjitum na sakkati attho. Na ve dhira pakubbantiti dhira pandita viditva lokapariyayam sankharalokassa udayabbayam natva catusaccadhammam ca annaya kilesanibbanena nibbuta loke visattikam tinna evam na kubbanti, mayam evarupani na kathemati ^2- attho. Pathaviyam patitthahitvati "ayuttam amhehi katam, akarakameva mayam karakavadena samudacarimha"ti lajjamana mahabrahma ^3- viya bhagavati garavam paccupatthapetva aggikkhandham viya bhagavantam durasadam katva namassamana ^4- akasato otaritva bhumiyam thatvati attho. Accayoti aparadho. No bhante accagamati amhe atikkamma abhibhavitva pavatto. Apasadetabbanti ^5- ghatayitabbam. Ta kira devata bhagavantam kayena vacayati dvihipi ghatayimsu. Tathagatam avanditva akase patitthamana kayena ghatayimsu, kitavo cammam ^6- aharitva nanappakaram asabbhivadam ^7- vadamana vacaya ghatayimsu. Tasma apasadetabbam ^8- amannimhati ahamsu. Patigganhatuti khamatu. Ayatim samvarayati anagate samvaranatthaya, ^9- puna evarupassa aparadhassa dosassa khalitassa ^10- akaranatthaya. Sitam patvakasiti aggadante dassento pahatthakaram dassesi. Kasma? Ta kira devata na sabhavena khamapenti, lokiyamahajananca sadevake loke aggapuggalam tathagatanca ekasadisam karonti. Atha bhagava "parato kathaya uppannaya buddhabalam dipetva paccha gamissami"ti sitam patvakasi. Bhiyyoso mattayati @Footnote: ¹ Ma. tanca ² ka. na kathentiti ³ cha.Ma., i. mahabrahmani ⁴ cha.Ma. passamana @⁵ cha.Ma. asadetabbanti ⁶ cha.Ma. kitavopamam ⁷ Si. asabbhavacam. ⁸ cha.Ma. asadetabbam @⁹ Ma. samvaratthaya ¹⁰ cha.Ma. ayam patho na dissati

--------------------------------------------------------------------------------------------- page65.

Atirekappamanena. Imam gatham abhasiti kuppito esa amhakanti mannamana abhasi. Na patigganhatiti na khamati nadhivaseti. Kopantaroti abbhantare uppannakodho. ^1- Dosagaruti dosam garum katva adaya viharanto. Sa veram patimuccatiti so evarupo gandikam patimuccanto viya tam veram attani patimuccati thapeti, na patinissajjatiti attho. Accayo ce na vijjethati sace accayikakammam na bhaveyya. No cidha apahatam siyati yadi aparadho nama na bhaveyya. Kenidha kusalo siyati yadi verani na sammeyyum, kena karanena kusalo bhaveyya. Kassaccayati gathaya ^2- kassa atikkamo natthi, kassa aparadho natthi, ko sammoham napajjati, ko niccameva pandito namati attho. Imam kira gatham bhanapanattham bhagavato sitapatukammam. Tasma idani devatanam buddhabalam dipetva khamissamiti tathagatassa buddhassatiadimaha. Tattha tathagatassati tatha agatoti tathagatotievamadihi karanehi tathagatassa. Buddhassati catunnam saccanam buddhattadihi karanehi vimokkhantikapannattivasena evam laddhanamassa. Accayam desayantinanti yam vuttam tumehahi "accayam desayantinam .pe. Sa veram patimuccati"ti, tam sadhu vuttam, aham pana tam veram nabhinandami na patthayamiti attho. Patigganhami voccayanti tumhakam aparadham khamamiti. Pancamam.

The Pali Atthakatha in Roman Book 11 page 63-65. http://84000.org/tipitaka/atthapali/read_rm.php?B=11&A=1656&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=1656&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=106 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=687 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=603 The Pali Tipitaka in Roman Character :- http://84000.org/tipitaka/read/roman_read.php?B=15&A=603 Contents of The Tipitaka Volume 15 http://84000.org/tipitaka/read/?index_15