AtthaPali Vol.12

2. Sanidanasuttavannana [96] Dutiye sanidananti bhavanapumsakametam, sanidano sappaccayo hutva uppajjatiti attho. Kamadhatum bhikkhave paticcati ettha kamavitakkopi kamadhatu kamavacaradhammapi, visesato sabbakusalampi. Yathaha:- "tattha katama kamadhatu? kamapatisamyutto takko vitakko sankappo appana byappana cetaso abhiniropana micchasankappo, ayam vuccati kamadhatu. Hetthato avicinirayam pariyantam karitva uparito @Footnote: ¹ cha.Ma., i. pattabbati

--------------------------------------------------------------------------------------------- page153.

Paranimmitavasavattideve anto karitva yam etasmim antare etthavacara ettha pariyapanna khandhadhatuayatana rupa vedana sanna sankhara vinnanam, ayam vuccati kamadhatu. Sabbepi akusala dhamma kamadhatu"ti. ^1- Ettha sabbasangahika asambhinnati dve katha honti. Katham ^1- kamadhatuggahanena hi byapadadhatuvihimsadhatuyo gahitava hontiti ayam sabbasangahika. Tasam pana dvinnam dhatunam visum agatatta sesadhamma kamadhatuti ayam asambhinnakatha. Ayamidha gahetabba. Imam kamadhatum arammanavasena va sampayogavasena va paticca kamasanna nama uppajjati. Kamasannam paticcati kamasannam pana sampayogavasena va upanissayavasena va paticca kamasankappo nama uppajjati. Imina nayena sabbapadesu attho veditabbo. Tihi thanehiti tihi karanehi. Miccha patipajjatiti ayathavapatipadam aniyyanikapatipadam patipajjati. Byapadadhatum bhikkhaveti ettha byapadavitakkopi byapadadhatu byapadopi. Yathaha:- "tattha katama byapadadhatu? byapadapatisamyutto takko vitakko .pe. Ayam vuccati byapadadhatu. Dasasu aghatavatthusu cittassa aghato pativirodho kopo pakopo .pe. Anattamanata cittassa, ayam vuccati byapadadhatu"ti. ^1- Imam byapadadhatum sahajatapaccayadivasena paticca byapadasanna nama uppajjati. Sesam purimanayeneva veditabbam. Vihimsadhatum bhikkhaveti ettha vihimsavitakkopi vihimsadhatu vihimsapi. Yathaha:- "tattha katama vihimsadhatu? vihimsapatisamyutto takto vitakko .pe. Ayam vuccati vihimsadhatu. Idhekacco panina va ledduna va @Footnote: ¹ abhi.vi 35/182/100-1

--------------------------------------------------------------------------------------------- page154.

Dandena va satthena va rajjuya va annatarannatarena va satte vihetheti. Ya evarupa hethana vihethana himsana vihimsana rosana parupaghato. Ayam vuccati vihimsadhatu"ti. ^1- Imam vihimsadhatum sahajatapaccayadivasena paticca vihimsasanna nama uppajjati. Sesamidhapi purimanayeneva veditabbam. Tinadayeti tinagahane aranne. Anayabyasananti avuddhim vinasam. Evameva khoti ettha sukkhatinadayo viya arammanam datthabbam, tinukka viya akusalasanna, tinakatthanissita pana viya ime satta. Yatha sukkhatinadaye thapitam tinukkam khippam vayamitva anibbapentassa te pana anayabyasanam papunanti, evameva ye samana va brahmana va uppannam akusalasannam vikkhambhanatadangasamucchedappahanehi nappajahanti, te dukkham viharanti. Visamagatanti ragavisamadihi anugatam akusalasannam. Na khippameva pajahatiti vikkhambhanadivasena sigham na pajahati. Na vinodetiti na niharati. Na byantikarotiti bhangamattampi anavasesanto ^2- na vigatantam karoti. Na anabhavam gametiti na anuabhavam gameti. Evam sabbapadesu nakaro aharitabbo. Patikankhati patikankhitabba icchitabba. Nekkhammadhatum bhikkhaveti ettha nekkhammavitakkopi nekkhammadhatu sabbepi kusala dhamma. Yathaha:- "tattha katama nekkhammadhatu? nekkhammapatisamyutto takko vitakko .pe. Sammasankappo, ayam vuccati nekkhammadhatu"ti. ^1- Idhapi duvidha katha. Nekkhammadhatuggahanena hi itarapi dve dhatuyo gahanam gacchanti kusaladhammapariyapannatta, ayam sabbasangahika. Ta pana dhatuyo @Footnote: ¹ abhi.vi. 35/182/101 ² cha.Ma., i. anavasesento

--------------------------------------------------------------------------------------------- page155.

Visum dipetabbati ta thapetva sesasabbakusala nekkhammadhatuti ayam asambhinna. Imam nekkhammadhatum sahajatadipaccayavasena paticca nekkhammasanna nama uppajjati, sannadini paticca vitakkadayo yathanurupam. Abyapadadhatum bhikkhaveti ettha abyapadavitakkopi abyapadadhatu abyapadopi. Yathaha:- "tattha katama abyapadadhatu? abyapadapatisamyutto takko .pe. Ayam vuccati abyapadadhatu. Ya sattesu metti mettayana mettayitattam mettacetovimutti, ayam vuccati abyapadadhatu"ti. ^1- Imam abyapadadhatum paticca vuttanayeneva abyapadasanna nama uppajjati. Avihimsadhatum bhikkhaveti etthapi avihimsavitakkopi avihimsadhatu karunapi. Yathaha:- "tattha katama avihimsadhatu? avihimsapatisamyutto takko .pe. Ayam vuccati avihimsadhatu. Ya sattesu karuna karunayana karunayitattam karunacetovimutti, ayam vuccati avihimsadhatu"ti. ^1- Imam avihimsadhatum paticca vuttanayeneva avihimsasanna nama uppajjati. Sesam sabbattha vuttanusareneva veditabbam. Dutiyam.

The Pali Atthakatha in Roman Book 12 page 152-155. http://84000.org/tipitaka/atthapali/read_rm.php?B=12&A=3409&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=3409&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=16&i=355 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=3981 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=3653 The Pali Tipitaka in Roman Character :- http://84000.org/tipitaka/read/roman_read.php?B=16&A=3653 Contents of The Tipitaka Volume 16 http://84000.org/tipitaka/read/?index_16