AtthaPali Vol.13

3. Pahānasuttavaṇṇanā [251] Tatiye acchecchi taṇhanti sabbampi taṇhaṃ chindi samucchindi. Vivattayi saññojananti dasavidhampi saṃyojanaṃ parivattayi nimmūlamakāsi. Sammāti hetunā @Footnote: ¹ cha. passanti ² Ma. phusanto, cha. passanto

--------------------------------------------------------------------------------------------- page136.

Kāraṇena. Mānābhisamayāti mānassa dassanābhisamayā pahānābhisamayā ca. Arahattamaggo hi kiccavasena mānaṃ passati, ayamassa dassanābhisamayo. Tena diṭṭho pana so tāvadeva pahīyati diṭṭhavasena diṭṭhi sattānaṃ jīvitaṃ viya, ayamassa pahānābhisamayo. Antamakāsi dukkhassāti evaṃ arahattamaggena mānassa diṭṭhattā ca pahīnattā ca ye ime "kāyabandhanassa anto jīrati ^1- haritantaṃ vā"ti ^2- evaṃ vuttaantimamariyādanto ca, "antamidaṃ bhikkhave jīvitānan"ti ^3- evaṃ vuttalāmakanto ca, "sakkāyo eko anto"ti ^4- evaṃ vuttakoṭṭhāsanto ca, "esevanto dukkhassa sabbapaccayasaṅkhayā"ti ^5- evaṃ vuttakoṭanto ^6- cāti cattāro antā, tesu sabbasseva vaṭṭadukkhassa aduṃ catutthakoṭisaṅkhātaṃ antamakāsi, paricchedaṃ paricchetumakāsi, ^7- antimasamussayamattāvasesaṃ dukkhamakāsīti vuttaṃ hoti. Sampajaññaṃ na riñcatīti sampajaññaṃ na jahati. Saṅkhayaṃ nūpetīti ratto duṭṭho muḷhoti paññattiṃ na upeti, taṃ paññattaṃ pahāya mahākhīṇāsavo nāma hotīti attho. Imasmiṃ sutte sārammaṇānusayo kathito.

The Pali Atthakatha in Roman Book 13 page 135-136. http://84000.org/tipitaka/atthapali/read_rm.php?B=13&A=2979&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=2979&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=18&i=363 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=5516 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=5178 The Pali Tipitaka in Roman Character :- http://84000.org/tipitaka/read/roman_read.php?B=18&A=5178 Contents of The Tipitaka Volume 18 http://84000.org/tipitaka/read/?index_18